美味故事 (已結業)

襯超強颶風山竹未黎到香港之前，我就同朋友去左旺角行街食飯最後黎到呢間餐廳 美味故事！我就揀左一個ＤＩＮＮＥＲ　ＳＥＴ，有好多選擇的，而且價錢都算ＯＫ！首先到達既係一杯餐前飲品，雜果沙冰，當日天熱好熱，用黎降一降溫就真係一流，而且細細杯，份量好，足夠開胃餐湯：我就揀了磨菇濃湯，顏色睇落就淡淡地，不過飲落就唔淡的，稱得上算濃，佢係一個開胃的餐湯，然後我的胃口直線上升接住黎既係：蒜蓉法包、日式麻醬蟹柳沙律、同埋照燒汁紫菜雞卷份沙律都幾多下，感覺幾清新，而我就幾鐘意紫菜雞卷，佢外表有Ｄ似茄子（本身真係以為是茄子），而紫菜同雞既味道又出奇地夾，又唔會好濟！吃完呢D前菜，未進入主菜部分，我已經有３５％飽了然後就來了一杯水果茶，味道不濃不算甜，正合我吃味然後主菜就來了，係慢煮羊膝配薯菜！！先講羊膝，會唔會太大舊呢＠＠非常大塊呀，而且Ｄ肉質好嫩滑，好易切開，而配菜都好好的，有我最喜歡的秋葵，同埋翠肉瓜，感覺廚師應該係一個幾著重健康的呢個ＳＥＴ的份量非常之多！最後我揀左士多啤梨慕絲蛋糕，加２５＄，睇落幾靚，整得唔算好甜，不錯！！

2018.9.9（星期日）休閑的一天，約左朋友上黎呢間樓上餐廳閑聊飯聚！環境好舒適休閑～而且擺設好精緻，光線明亮，感覺好清爽精神！餐廳採取QR code自助落單，十分方便同個人化我們每人都點了個Dinner Set, 成個set包左好多野好豐富～未開餐前先上了個芒果沙冰，好夠冰涼爽快我選左南瓜濃湯，用湯匙碗盛載，好小巧別緻，但份量對女孩子來說好合適，湯好香甜南瓜味好好味！我朋友就選了磨菇濃湯，也都好好飲～好香磨菇味亦食到粒粒磨菇肉，超有口感～這個多士好香脆但未見跟餐餐牌有，吳知係咪送的不錯👍🏼然後再來就是頭盆：蒜蓉法包，紫菜雞卷，溫泉蛋蟹籽沙律！一齊合併上碟，擺盆好靚好靚緻個雞卷配埋個醬汁好味，好和風日式～而蒜蓉法包超香蒜味，法包又夠脆，長條形狀更加方便我呢d lady食得更優雅！個溫泉蛋沙律夠fresh夠新鮮～登登登.....到主菜上碟：慢煮安格斯牛柳配酸忌廉煙肉焗薯！個慢煮牛柳真係整得超淋超好味，看似生不夠成熟，但卻煮熟了而且經慢煮後，肉汁鎖住亦好夠juicy同好濃牛肉味！配埋source真係超正而個焗薯亦焗得好軟好好味，配酸忌廉好夾！至於甜品方面，我選左香芋慕絲蛋糕。好香香芋味亦

一個人毒行旺角，打風前夕都係食番餐好既先~唔係聽日十號波真係全日係屋企食麵包食即食麵XDD朋友推介美味故事，話野食性價比高~Service又好~坐得又舒服~所以我決定黎個early dinner~叫咗慢煮羊後膝~呢間餐廳好好呀畀你可以加108蚊就多一份~可以兩個人食~咁大個女都未食過慢煮~第一次試好興奮~啲肉汁鎖住曬喺個羊後膝入面~可以見到紅紅哋嘅肉~啲汁係咁流出嚟~入口好嫩滑~好有羊味~叫左紫菜雞卷~日式麻醬蟹柳沙律~送咗鮮果沙冰~~有一條蒜蓉法包~蘑菇濃湯~個蘑菇濃湯好足料好濃味!! 個紫菜雞肉捲好好食雞肉非常之嫩滑沙律嘅份量都唔少~甜品本來有北海道奶凍不過我想食榴槤慕絲~所以加錢轉咗個榴槤慕絲~都食得出榴槤味 慕絲入面仲見到有榴槤餡~都幾喜出望外xdd呢間餐廳係採取自助嘅服務~可以用QR code或者微信落單~店員好細心咁教我點用~晚餐主菜有八樣俾你揀~選擇都唔算少~全部睇落都幾吸引~環境好舒服好適合兩個人過嚟談心~非常之寧靜~舒適座位又夠寬敞~店員服務有禮~雖然話係自助嘅服務~但店員都好積極幫忙客人~服務值得讚賞~餐廳個位置雖然唔係街鋪但只需要行上一層就到都係易搵嘅~誠意推介～

呢間餐廳係朋友介紹 位置好近旺角東位置喺創興附近 係經教會嘅朋友介紹先至嚟試 話係一間誠意之作 果然冇令我失望首先睇吓餐廳嘅格局 好舒適同埋環境好適合朋友聚會 見到角落頭有個live band setting 唔知道會唔會Friday night 有表演呢佢哋點餐係做一個wechat嘅系統 第一次接觸會以為複雜 waiter解釋咗之後就好快上手 點餐過程都幾快首先佢會請兩杯沙冰 酸酸甜甜超開胃 我有諗過真係叫一大杯黎飲 但係見到本身個set包埋一杯水果茶 就打消咗個念頭好開心入嚟不單止有一杯免費沙冰仲要有一個免費頭盤 話係黎緊會上既新菜式 -》 三文魚tata 左面青瓜包住嘅一粒紫紅色物體 咁好係清甜一開始完全唔知係乜嘢 聽到答案之後覺得幾有心思 至於係咩囉 大家去試吓咪知囉蘑菇湯係高水準嘅蘑菇湯 蘑菇粒好夠 好飲冇馬虎溫泉蛋蟹子沙律+韓風豆腐餅 我食溫泉蛋最鍾意整爆佢 將啲沙律同埋蛋黃一齊食特別滋味 至於個豆腐餅 就唔係太有印象 朋友食嘅雞肉卷 因為外型似瓜 所以印象較深刻慢煮安格斯牛柳雖然睇落似幾熟 但肉質好淋 但我最鍾意嘅都係佢嘅調味 不能夠不提嘅就係佢嘅配菜 配菜有三種選擇我

誤打誤撞試咗呢間新開餐廳，餐廳所在大廈入口好細，好易miss。餐廳用QR code 自助點餐，不一定要用WeChat，過程簡單清楚。餐牌選擇唔多。跟餐磨菇湯好足料，味道同質感俱佳。意粉好夠份量，排盤靚。煙三文魚好standard 味道，個意粉汁如果light 啲更好，而家食完感覺有點膩。是日水果茶係荔枝茶，偏甜。餐廳環境好舒服，可能客人未係好多都係其中因素。裝潢有舒適感覺。近窗三張「卡位」有咕𠱸，傾計飲野幾好。

今晚朋友話帶我去食好野就跟左佢去旺角啦！一入到餐廳感覺好舒服，燈光座位都好柔和，好適合三五知己上黎食下野傾下計靠窗既座位更加有氣氛餐廳點餐重可以用app去落單餐前飲品有杯鮮果沙冰真係好解暑啊湯我揀左南瓜濃湯，南瓜味好香濃，好真材實料沙律我揀左溫泉蛋蟹籽沙律，溫泉蛋煮得真係岩岩好！另外重有好多蔬菜餐前小食我揀左 紫菜雞卷配照燒汁紫菜雞卷真係好有驚喜！入口一咬好嫩！唔會係好乾既口感真係未試過呢個口感主菜我揀左 慢煮羊後膝芝士蜆肉意粉未食之前已經聞到好香既羊肉味，而且好易就切開，無煮到全熟口感好軟熟，而且味道好香既羊肉味意粉同時都要食，唔係就會灘凍左，意粉個芯都煮得好好，唔會太生太硬，而汁醬味道都好濃郁我叫左杯 荔枝藍蝶花特飲唔太甜，好解渴甜品到喇！我揀左個榴槤慕斯！不得了！好濃既榴槤味！而且入面重有榴槤肉！重意榴槤既朋友真係唔好放過佢

今日食左間覺每樣野都睇得出好有心思既餐廳。好滿足。餐廳環境舒服，有家舒服既感覺。播住優雅既音樂，環境幽靜，好適合約會拍拖。最緊要係提供到一個可以細心欣賞食物既環境。叫左個慢煮安格斯牛柳套餐。首先黎左個芒果冰沙餐前飲品。好少餐廳會有餐前飲品，係會令人眼前一亮。冰沙好fresh，濃郁既芒果味，飲得出係用鮮芒果黎整。好好飲，細細杯，啱啱好。之後黎左個蘑菇濃湯。飲到有細細粒既蘑菇粒，口感非常好。蘑菇陣味好香。加埋蒜蓉包食，口感豐富又好味。之後頭盤係溫泉蛋蟹籽沙律。看似普通，但所有既味道配搭超好。溫泉蛋撈沙律，蛋令沙律好甜。蟹籽陣鮮味令到沙律提升左個陣鮮味。醋既濃味又襯托得好好。看似普通但真係好好食既沙律。仲有紫菜雞卷。雞肉整得滑，中間有蟹柳。成個口感就係滑，紫菜味道又唔會太搶味，一流。終於黎左個慢煮安格斯牛柳。切開佢，水份仲有，外層乾身味道香，入邊水份好多，口感超好。慢煮加埋靚牛柳，無得輸！食完鮮味，配汁食又係另一個層次。一舊煮得好食既牛，配咩汁都好似畫龍點睛。好好味！食埋個D24榴槤慕斯。口感滑，一啖已經食到濃郁既榴槤味，食到中間又有新鮮榴槤餡，好濃太好食。好少食到咩都好好味又有心思既餐廳。

餐廳環境好好 好適合朋友聚會傾計（超超超好飲 送既沙冰）自己孤陋寡聞 知道原來WeChat有幫餐廳做點餐服務 一坐低佢就有一張QR code 再加埋一張教你點樣用嚟點餐嘅牌 其實做法都好簡單 要用wechat scan完 就會直接跳咗入menu 好快就可以完成到點單 三文魚他他 （9 月份新上菜式）成晚都驚喜不斷又送沙冰又送頭盤😽呢一點就係佢哋九月份會上嘅新頭盤請大家估下嗰塊青瓜包住入面嗰一粒紅紅地嘅球體係乜嘢嚟呢..................答案係一粒冬瓜😂 因為食完之後完全估唔到係乜嘢所以專登問 原來係用紅菜頭染色嘅冬瓜粒 好有驚喜呀同埋三文魚他他雖然外表冇咩特別但係佢哋嘅調配都做得好好 欣賞好食沙津+ 雞肉卷雞肉卷好似一舊茄子咁 搞到一開始我都以為自己叫咗釀茄子 🍆 食落去嘅時候先記起 「啊係喎 我叫咗雞肉卷」🤦‍♀️😂我諗我下次再食都會再簡單雞肉卷終於嚟到主角慢煮安格斯牛啦我諗係因為慢煮嘅原因所以一開始唔需要問你幾多成熟 我鍾意我不嬲食開四成熟所以略嫌有少少熟得滯 不過我覺得調味做得好好平時大家食西餐鋸扒簡薯菜意粉飯都冇乜特別 但從佢哋嘅意粉睇得出有用心 係真係平時六十幾蚊

我很愛吃羊，大多餐廳的羊扒要數百元只得幾片，而且很多時會煮得肉質偏乾...近日看了某雜誌廣告知道這兒有慢煮系列，於是帶老公來試慢煮肉類是否較能鎖住肉汁。我們點了兩個晚餐：慢煮羊膝和慢煮牛，估不到set dinner 很豐富，有種食聖誕大餐的感覺！由沙冰、沙律和慢煮鷄卷作頭盤，餐包餐湯到主菜，甜品到餐飲，都感受到chef的用心製作～我特別想讚的是慢煮羊膝，texture 真的很滑和有肉汁，而且chef沒有用很重的醃料，我只輕沾燒汁已覺很好味。，跟餐的甜品奶凍也不馬虎，甜度適中很滑。餐飲我點了香橙水果茶，也是surprisingly 濃香～整體上，我覺得這家的菜式性價比是高的而慢煮牛有幾款選擇，老公是超級牛迷，相信他會繼續試！因食得太full, 原先想試的D24榴連蛋糕要留待下次！

今日同朋友到左旺角既樓上餐廳食飯一入到去見到窗邊有類似塌塌咪既座位好似好舒服，三五知己圍埋就最適合不過啦，可惜己經爆滿了我order左個dinner set好豐富！由餐前飲品到最尾既飲品總共有八道！先黎一小杯既芒果沙冰-冰爽開胃！正！再黎蘑菇湯-香滑濃郁！之後上左一碟有齊晒蒜蓉法包，寒天海藻沙津，紫菜雞卷既三道菜蒜蓉包-蒜香包脆！寒天海藻沙津-田園清新！紫菜雞卷-有驚喜，雞卷係slow cook既，效果嫩滑！到主菜 慢煮羊後膝-因為慢煮肉質好柔嫩，但係後膝又充滿油筋，口感豐富！再配上肉醬意粉！正！食到呢到，貪食既我都已經都好滿足啦！但係甜品同飲品都唔會比佢停香芋慕絲蛋糕，泡沫illy咖啡個胃細d都食唔晒！呢一餐真係好滿足！低價錢，高享受，正！

一入到黎有眼前一亮嘅感覺，環境裝潢好清新舒服，窗邊位感覺好寫意，可惜滿座。望望menu，一個dinner set有好多配搭可供選擇。好有趣嘅係可以掃barcode online 點菜。選擇困難症嘅我，終於都點好菜喇。介紹下先！餐前飲品-鮮果沙冰完全無諗過有餐前飲品呢個item！應該係芒果沙冰，好fresh好正。南瓜濃湯配蒜蓉法包個湯超級香濃，甜甜的南瓜🎃very good 日式麻醬蟹柳沙律🥗清新美味，沙律菜好新鮮👍🏻慢煮安格斯牛柳配酸忌廉煙肉焗薯好重肉味，口感柔嫩，如果再煎香少少就更正喇。美國焗薯，好classic 嘅配搭。特濃朱古力朱古力好香濃，重奶味。士多啤梨慕絲蛋糕外表好靚，但味道酸咗少少。好愉快嘅一頓晚餐。無諗過一間樓上小店會做岀咁有質素嘅食物，選擇多，份量足，而且店員服務態度好好，非常推薦

開業約一個月，今次係第二次食，又有新野，小食/前菜拼盤，酸酸甜甜好開胃！佢地唔吹唔趕，遂樣上菜，啱晒傾計仔初次見三文魚大大件，賣相又唔錯，好吸引，所以今次試一試。口感不太理想，好似煮過咗龍，同負責人傾開，佢地研究到點樣再煮好啲！係點煮 .... 佢有講過，係我唔記得，我只想食😆😆聽員工講，而家有個開心share點餐方法女士們去到食，唔洗擔心叫一個餐唔夠share，叫兩個餐又多得制啦！！仲有佢個甜品真係好正我講緊嘅係榴槤慕士，整一小口出黎，未放到口都feel到啲啲榴槤飄香！賣相，都好靚！

之前同家姐去過食lunch試咗甜品真係好足料 見到晚餐好吸引俾我見到有D24榴槤慕絲即刻推介姊妹們Happy Friday食好西吹吹水 第二次來呢間咖啡店一樣坐得好舒服同朋友來吹水一流 d侍應姐姐服務態度真係滿分 我哋四個都喺八八卦卦 見到侍應姐姐攞住杯好靚嘅飲品走過 好奇問吓佢咩來 佢地都有問必答 仲好親切成日都笑笑口 食飯最緊要開心 呢間環境服務食物都好好 食材足料連配菜都好用心 賣單先知原來新開張仲有85折 每人差不多都係200蚊左右 性價比高

同老婆撐枱腳泥左呢間，無諗過一間社企做得咁好食，環境都幾舒服，最緊要新淨！特別係慢煮安格斯，牛味特出，肉質嫩滑，羊膝也十分驚喜，羊味濃但唔覺得好蘇。特別要提到榴連慕絲，真係好夠榴連味！個南瓜湯夠濃味，啖啖南瓜，真心好味！仲有杯welcome drink，一般餐廳都好少有，另人有驚喜！不過餐廳係No-service，即係self-service，水也是自己斟，但也有個自助茶水位，調味料都算齊全加返少少分

朋友話新開張有85折，而且坐得又CC服服，所以跟佢來試下佢強烈推薦的慢煮菜式。晚餐係旺角區來說，咁多野食，價錢都ok。點餐後就來杯鮮果沙冰，好芒果味我好鍾意南瓜，梗係點左南瓜湯。口感好rich，加左少少煙肉。我唔係素食者就覺得好ok，但素食者就唔啱食喇。蒜蓉包夠蒜同脆個沙律都好有睇頭。友人點左個慢煮澳洲M5和牛，煎得夠香，裡而看似係好生，但其實係熟的，而且非常之嫩，真係超好食呀 忍唔住叉左幾嚿而我點了慢煮安格斯，切開一d都唔鞋（因食過附近有間慢煮，好鞋，超難食），好有肉味，好快就食哂成嚿扒喇 黑椒汁都好黑椒，正本身個餐有3.6奶凍，又係巧巧食好creamy朋友就加錢點D24榴槤蛋糕，中間再有埋榴槤肉，巧過份呀再叫多件蛋糕，呢件係特濃檸檬味。好大件，又唔濟，食加左d果皮。正。整體上非常好既慢煮體驗，回味