美味故事 (已結業)

放工心情大好，就相約去旺角的Cafe Hea下，吹下水，享受下。訂檯佢話事，所以唔知有無訂位，不過去到人不多，應該平日不用訂位。入內，很大，有塌塌米近窗位，不錯，很有屋企的感覺，舒服。㸃菜原來用QR code，都係第一次，好大鄉里，要店員教學，都好學下新方式㸃菜。我地大家都是唔羶唔食，㸃了慢煮羊後膝，那多108蚊多一份，抵食D。羊膝以慢煮方式烹調，令羊膝肉質更嫩滑，羊膝很新鮮，吃時有香料的味道，再加了些孜然粉，肉味更有層次，配上燒汁，完全配合羊羶味，好好吃。酸忌廉煙肉焗薯，焗薯很幼滑，薯仔味濃同開胃的酸忌廉和咸香煙肉味好配合。飲品是橙汁水果茶，令人開胃又怡神。溫泉蛋沙律，很fresh，沙律醋汁很美味。煙三文魚他他多士吃，甜甜地有咬口又幾惹味，不錯。無臭不歡?! 大家寧加$也吃了D24榴槤慕絲，慕絲口感綿滑，入面D24榴槤好似奶油咁，好重榴槤香，底部有D啫哩，食落榴槤味由淡轉濃，好享受呢個甜品。基評分: *味道(基基基基基)**外貌*(基基基基基)*抵食(基基基基基)**服務(基基基基基)*最後基言:呢間cafe幾好，無人趕你走，慢慢食，慢慢吹水，好Relax。

彌敦道始創至旺角道中間呢個位置，有幢726 大廈，有好多唔同食肆我已經食過好幾次，今次反而試o左呢間o係佢前一兩個大廈位o既唐樓o既新開樓上鋪，因為見佢promote 緊新開張9 折！間餐廳接近café o既設計，其中近窗o個邊o既座椅有住新式tatami，可以俾人跪坐都得，同埋有set drum set 同電子琴擺o左一角，可能某d 日子有live band 都唔定。而家電子點餐已經慢慢普及，去麥x 勞或者kfx 都可以用app 點餐。而呢間餐廳原來都得，而且仲唔使另裝特定app，只需有wechat，scan 一scan 餐廳個QR code，就會出現點餐介面，好似平時咁督督督就得。如果選擇使用呢個system，就會再額外95 折！去食西餐，main dish 以外通常就係湯、麵包、餐茶咁，而呢間餐廳仲有可以自己選擇唔同款式o既salad、小食、甜品even welcome drink，真正做到multi-courses，十分認真。Welcome drink 係一款鮮果沙冰，冰凍而細細o既一杯，有住好fresh o既芒果味。餐湯揀o左南瓜濃湯，加上o左忌廉，味道香濃。沙律有3 款，點

穿過人煙稠密嘅旺角，踏入呢間樓上cafe，有如進入了世外桃源，莫名其妙的有一種很治癒嘅感覺。看看餐牌，選擇不多，但在自由的選擇及配搭之下，很能滿足食客不同的口味需要。無潻加芒果沙冰味道清新，蘑菇湯正常水準。賞心悅目的寒天海藻沙律，加上柚子黑醋汁，是經歷一天辛勞工作之後的最佳賞賜，能讓精神好好休息。預期是清淡的豆腐餅，卻口味有點重。對肉食冇咩偏好嘅我選擇咗黑松露芝士焗大啡菇，用料十足，大啡菇、薯蓉、香濃芝士、黑松露，味道各不相爭，每一層食材嘅味道都細緻突出，就是美味。配菜，煙三文魚焗薯配上蛋沙律醬汁，焗薯經水煮再烤焗，少了烤焗的味道有點失色。水果茶消滯。香滑北海道牛奶布丁，完美的終結。店子空間寬敞，寧靜悠和嘅音樂，用心制作嘅食物，是三五知己相聚嘅好地方。加上店員親切，又適時地呈上每一道菜，確實能令五感大解放，一天的工作壓力全然盡消。

環境舒服，與隔離枱相隔一段距離，所以適合情侶/大班人食飯。見到有放夾band既樂器。每道菜式都包含廚師既心思，睇and食都感受到餐廳追求美味同享受。叫左慢煮羊後膝($228)dinner set，自己配搭前菜，餐湯，甜品，餐飲。揀左紫菜雞卷，蒜蓉法包，寒天海藻沙律，士多啤梨慕絲蛋糕(跟餐轉加$25)。先有1小杯芒果沙冰，睇落細細杯，但非常濃郁，啖啖都係芒果蓉。而且佢既冰夠碎，所以好似飲緊稠密芒果汁。冇試過會有餐廳提供餐前小飲品，讚。南瓜濃湯or蘑菇濃湯2選1，南瓜濃湯用南瓜打蓉，食到南瓜肉，見到絲絲南瓜，而且稠身，真心濃。前菜有多款配搭，揀左紫菜雞卷，寒天海藻沙律，已配有蒜蓉法包。紫菜雞卷結實，雞肉煮完非常嫩滑，紫菜包住更香。好少會見到有得食寒天海藻，正常寒天冇味，廚師加左柚子醬，令到沙律好fresh好開胃。羊後膝經過慢煮之後，肉質嫩。最值得讚既係，有d餐廳驚有羊羶味，會用好多孜然粉醃肉，食完會口渴。但尼到既羊肉只係食到微量孜然味，而且冇羶味，佩服廚師既烹調技巧。難得餐廳有羊食，而且煮得出色，價錢亦合理。焗薯亦有2款口味可以揀，尼款煙三文魚焗薯係新款，另一款係酸忌廉味。煙三文魚同薯仔中

位於旺角一幢細細地嘅大廈，如果唔係有易位架同埋傳單宣傳，可能真係會錯過一間咁正嘅樓上餐廳！環境舒適，佈置精美，可以坐到10幾枱客人。一個dinner set包括餐前飲品、餐湯配蒜蓉法包、餐前小食、沙律、主菜、甜品、飲品，每樣野份量唔算多，但係勝在夠豐富，一個set已經試足哂咁多款美食。餐前飲品係鮮果沙冰，芒果味比較重，酸酸甜甜。 餐湯我揀咗蘑菇濃湯，香滑之餘仲有細細粒嘅蘑菇，增加口感。而蒜蓉法包焗得脆口，蒜蓉味適中，點上蘑菇湯一流~餐前小食新出咗幾款，我點咗芝士神秘波波卷，本來以為係炸芝士球，點知原來外面係青瓜片，入面係紫身爽口嘅瓜，上面放咗一粒芝士，整體黎講好清新，夠哂神秘。沙律揀咗溫泉蛋蟹籽沙律，溫泉蛋流心，落咗黑醋，好開胃。終於輪到主菜慢煮安格斯牛柳，好似一個拳頭咁大，切開見到外圈係熟透，而入面係仲有少少血色嘅牛肉，穩穩咁鎖住肉汁，非常鮮甜。牛柳紋理分明，好”淋”，食得出係用心咁慢煮出黎。再配上墨魚汁冷麵，上面灑咗蟹籽、黃瓜絲同埋木魚碎，撈咗麻醬。估唔到墨魚汁都可以配冷麵，又幾夾。冷麵非常長，唔知係咪手打嘅呢？甜品加錢叫咗香芋慕絲蛋糕，賣相精緻，上下層係類似啫哩，中間嘅慕絲有香芋

朋友過幾日生日，今日就相約朋友提早幫佢慶祝，朋友想食西餐，係旺角行完街就去左開左冇耐既美味故事，之前其他朋友食過介紹既，book 左位，入到去都唔算多人menu 有唔同dinner set, 用QR code 落單，好先進，餐廳店員介紹我地最近推廣慢煮安格斯牛柳，就試下啦先有餐前飲品，芒果沙冰，濃濃芒果味開晒胃餐湯叫左蘑菇濃湯，有蘑菇粒粒，好濃味，唔同出面溝稀晒配蒜蓉法包，擺設有心思，好精緻再黎日式麻醬蟹柳沙津& 小食韓風豆腐餅，沙津幾新鮮，豆腐餅幾特別終於到主菜，安格斯牛柳配意粉，睇落份量好似好少，其實好厚身，特色在於慢煮，鎖住肉汁，不太熟又不太生，咬落去軟身唔韌，好有口感，牛味十足，好正芝士蜆肉意粉都唔錯，不過實在太飽餐飲叫左熱情果茶，好飲最後加埋個甜品，店員推介榴連慕絲，裏面仲有榴連肉，好濃烈既榴連味，好正

前陣子跟胖蕉的親友在旺角晚餐，在旺角的街道收到這間餐廳的傳單才知道有間cafe。剛好見媽媽去了旅行的星期，就計劃一下瘋狂外出行街睇戲晚餐。放工打算和胖蕉去旺角買遊戲帶，順道來了這間cafe，可能是平日晚上人不算多，一到步就有侍應姐姐問幾位坐邊，我們見到有榻榻米的座位幾得意，之前屋企裝修都有諗過這樣的設計，就試吓舒唔舒服。見到我們旁邊有樂器，我諗假日、特別日子會有音樂聚會。選好左座位之後，剛剛的侍應姐姐就介紹如何用QR code掃完點餐，現在的科技相當方便，有手機就萬里通，可以自己點自己的份。餐廳預設每set都有杯welcome drink是菠蘿沙冰，甜甜酸酸的，剛剛坐下身體還很熱飲下很透心涼。我自己就選了前菜是日式麻醬蟹柳沙律和芝士神秘波波，還有蘑菇濃湯。因為好奇心的驅使下，好想試試芝士神秘波波是神馬傢伙？！用青瓜包住一顆白色的和一顆粉紅色的，白色的是芝士沒錯，粉紅色的"波波"口感有點似蒟蒻，清清淡淡的，吃藥有丁點酸的口感，好神秘，好神奇。侍應姐姐叫我們估是什麼來，千想萬猜，原來是經過醃製嘅冬瓜！(PS: 蒜蓉包好脆，好食)蘑菇濃湯好多粒粒的菇在入面，味道真的很濃郁，是法國餐廳的水準，

旺角不乏好既餐廳，但要識得捐窿捐嚹，發掘好地方。今次搵到呢間係寬成樓上面既樓上餐廳: 美味故事，又多一個食飯好去處。上到黎發現入面原來都幾大。仲有音樂表演場地，下次有活動其實可以book呢到，有埋器材添。餐廳有趣既地方係用微信落單，有埋教學添。從前菜到甜品，每一步都有得自由搭配，然後自己係微信上面點返自己既心水選擇。有選擇困難症既我揀左好耐先落到單，不過都好，由前菜、餐前小食、主菜、湯、甜品、飲品，全部都係自己鍾意食既。一落完order即刻有杯鮮果沙冰做餐前小食，冰涼清爽，食得出幾香既芒果味，口感好順滑，非常開胃。餐湯我揀左蘑菇湯，質感好綿滑，食到d蘑菇粒，幾足料。前菜係有三樣野，放埋一齊好精緻。三樣野分別係韓風豆腐餅、日式麻醬蟹柳沙律，同埋蒜蓉包。三款既口感、味道都分別好大，豆腐餅比較軟綿綿，蒜蓉包就香脆，沙律就清新爽脆。一次過滿足三個願望，味道變化好豐富。之後到主菜，我揀左黑松露芝士薯蓉焗大啡菇配芝士蜆肉意粉。其實淨係個大啡菇我已經覺得有d飽，加埋個意粉真係不得了。大啡菇既黑松露味好香，配埋同樣香濃既芝士，令本身冇味既大啡菇既味道變得好豐富。大啡菇肉好厚，啖啖肉，但比食肉健康，食完

一間個名好特別嘅餐廳，聽到個名真係以為入邊有啲咩特別嘅故事，但係原來嗰個美味故事就係食物上，睇餐牌啲價錢都唔會話好貴，而且全部都好高質素，二百幾蚊食到一個套餐，仲要係慢煮安格斯牛，有湯有嘢飲有甜品有沙冰有前菜有小食，環境舒服，呢個價錢我真心覺得抵！我覺得依度好方便，因為佢落單係用手機掃qr code，唔會話有店員喺度落單嘅時候有尷尬嘅情況出現，而且用手機落單可以避免左錯單嘅情況！呢度嘅上菜速度都好快，坐低佢哋會先比一杯沙冰你，呢個咁熱嘅夏天啱晒！⁄(⁄ ⁄ ⁄ω⁄ ⁄ ⁄)⁄，點完餐之後，就會先上湯加蒜蓉包，我就揀咗南瓜湯，佢嘅南瓜湯好濃，好rich！我幾欣賞佢嘅南瓜湯，而且份量啱啱好！之後就會係前菜，我見到有溫泉蛋沙律我對眼真係發晒光(´▽｀)，因為我真係超鍾意食溫泉蛋！！佢嘅溫泉蛋做得好好，真心好推薦，溫泉蛋要做到唔易爛而且入邊係留心嘅感覺真係好難，佢仲有個小食可以選擇，我就揀咗要個芝士神秘波波卷，有幾神秘呢(｡･ω･｡)ﾉ佢就係特別在於用兩種聽落唔夾嘅食材，夾埋一齊(´▽｀)呢個咁神秘嘅嘢就留俾大家慢慢諗啦！不過真係幾清新幾好味而且令人眼前一亮！之後就係我最期待嘅主菜啦！就係慢煮

星期五, 星期五, 星期五啦終於, 等得好辛苦, 點都要優待下自己今日一於約埋女友一齊出黎食餐好既旺角係不二之選我岩岩又搵到間上樓餐廳, 評價都唔錯上到去環境真係幾唔錯, 好舒服地方唔係話好大, 大約有十枱客左右店員話自己睇岩咩就可以起微信落單所以場內只有2-3位店員大家自己識做我地叫左個晚餐SET餐湯蘑菇濃場個湯真係好濃蘑菇味, 好好飲, 有少少"杰"身, 都幾重口味, 有蘑菇碎增加口感, 咸味亦剛剛好溫泉蛋蟹籽沙律黑醋有少少酸酸地, 食完都幾開胃菜好新鮮, 冇咩菜青味, 蒜蓉包好好食啊一條過, 但係做到內軟外脆口感, 蒜味剛剛好有個類似豆腐既餅, 食落幾香甜溫泉蛋半生熟, 大家可以同沙律落拌食亦可以單獨食, 加上少少蟹米更增加口感慢煮安格斯牛柳配焗薯慢煮牛估唔到甘好食, 係另一種口感黎, 第一次食牛味更重, 好嫩口, 配上海鹽係一種享受, 黑椒汁唔錯, 但推介海鹽食牛煙肉焗薯, 薯食好"念" , 白色CREAM口感豐富, 煙肉味道剛剛好唔會咸即磨凍咖啡自己加奶加糖, 可以自己選真好最後食埋個榴槤mose真係正榴槤味唔會話好重, 但味道剛好

最近總喜歡與朋友相約在旺角。旺角，熱鬧之餘。美食也多不勝數。朋友極力推介這間位於旺角 彌敦道寬成樓1樓的(美味故事)。今晚就專程過來飽口福餐廳的裝修給人舒適的感覺，玻璃的外牆可以飽覽街景。餐廳也放上柔和的輕音樂，讚。聽說這裡的慢煮羊後膝晚餐很高質素253元上餐前，服務員奉上芒果沙冰。濃郁的芒果汁給人清新感覺。南瓜濃湯，香滑味美。寒天海藻沙拉配蒜蓉法包蒜蓉法包香脆可口，透明的寒天粉煙韌口感。再配上新鮮的沙拉菜，沙拉醋，柚子醬。令人胃口大開主菜，慢煮羊後膝。配肉醬意粉。只看賣相已令人食指大動。慢煮的羊後膝嫩滑多肉汁。蘸上餐廳自製的黑椒汁。更是令人欲罷不能。推介是日的荔枝水果茶，加入青檸和橙子帶來清新豐富口感甜品我要了榴槤慕絲，餐廳提供幾款甜品。顧及不同口味的食客。這款 D24榴槤慕絲，味香濃郁。滿足喜歡吃榴槤食客的口味。

打完世紀颱風之後嚟左呢間餐廳吃晚餐，因為呢度喺旺角市區，地鐵可以直達，始終在交通未完全恢復正常運作嘅時候，市區地鐵可以去到的地方會方便啲。彌敦道732號行樓梯上去搭電梯嘅M層之後㯲1字樓就到呢間餐廳。用電子落單形式叫左晚餐，楝左芒果沙冰丶蒜蓉法包丶南瓜濃湯丶寒天海藻沙律丶韓風豆腐餅2份丶慢煮安格斯牛柳丶墨魚汁冷麵丶草莓芝士蛋糕丶最後係抹茶加cream做飲品。前菜之前先飲左一小杯芒果沙冰醒醒胃跟著starter嘅蒜蓉法包丶南瓜濃湯丶沙律同埋豆腐一齊上枱，剩係見到咁豐富嘅starter都已經非常開心喇。接著main course 嘅慢煮牛柳同埋冷麵一齊上枱，因為慢煮關係，啲牛柳又真的幾滑。最後以草莓芝士蛋糕甜品做Happy ending。

之前同事帶我黎食過一次，覺得幾好味又坐得舒服，今次因為距離同見客既時間尚距離有兩個鐘，諗住近個客既公司，可以坐住食又嘆冷氣hea住等，於是就再一次來吃一個人的精彩。店鋪裝潢幾寫意帶有悠閒感既café，餐廳長方形型格局，一望望開去有一排長窗，望到旺角街景，我地揀左個塌塌咪位坐，可以唔使除鞋都得的說。點左個晚餐組合，前菜有個鮮果沙冰。餐湯揀左左磨姑濃湯，真係有好多磨姑，湯口感好濃稠，料好實在。沙律有好幾款揀，我揀左個寒天海藻沙律主菜揀左個安格斯牛柳配黑椒汁賣相精緻，份量大大件，我要既係七成熟，入面煎到仲係嫩紅色，煎得好香，肉汁豐富，口感有種咬落去有油花浪浪下既口感，質素同扒房幾百蚊一塊嗰啲絕對有得比拼，但呢度成個餐有咁多野食連埋飲品甜品，已超越性價 呢扒配埋個醬，其實可唔點個醬，塊扒就咁食都好正 ，夠晒juicy主食可以揀一味配菜，我揀左配芝士蜆肉意粉個意粉沾滿卡邦尼好creamy，每條意粉都徹底滲入味卡邦尼醬既奶滑味，口感幾滑，鐘情重口味人士會鐘意吃起來唔會覺得有油膩感呢杯是日冰果茶幾清爽逍透，唔太酸又唔太甜，味道拿捏得幾好，仲有好食完正餐，梗係唔少得甜品，跟餐有甜品送，揀左個香芋味蛋糕

打完風周圍都亂糟糟，近近地去旺角太子行下，記得朋友介紹美味故事，所以上去試下，一張餐牌有八款晚餐選擇，配搭好多，價錢由$138-$288 ，落單必須用WeChat 或barcode apps ，掃上 QR code就可開始，對在下生手嚟講，好似做左張考試卷咁，死左好多細胞⋯⋯先嚟一小杯芒果沙冰，細細杯已足夠開一開個胃去迎接豐富菜色；磨菇濃湯，磨菇打碎至一粒粒，疑似麥皮口感，香磨菇味；前菜蒜蓉法包、溫泉蛋蟹籽沙律、紫菜雞卷，溫泉蛋樣靚，一食係凍㗎，配合返個沙律，唔會又熱又凍，有心思，另外件紫菜雞卷中間包住蟹柳，更有東瀛味道🇯🇵慢煮羊後膝 $218 配酸忌廉煙肉焗薯，上碟已聞到濃濃羊香味，不費吹灰之力就切得開，推介之作，而焗薯個人覺得可再煮軟身D，欣賞夠多酸忌廉；榴槤慕絲 ＋$25是日餐飲水果茶

同男友豪華戲院睇完戲，行番出旺角大街呢頭，佢心思思想鋸扒，行經彌敦道有間樓上扒房派傳單，見到價錢唔算貴，就上左去食。呢間樓上扒房裝修得唔錯，我地坐左近窗位置，望到街景。要用手機掃QR CODE落餐，有張MEMO指示，店員見我地雞手鴨腳都好細心為我地解說我地各自點左兩個扒餐，跟餐有餐前小吃、前菜、主餐、甜品及飲品。先來既係芒果冰沙，好鮮甜唔酸，夠凍男友揀左南瓜湯，南瓜味濃郁，料好足，湯好濃稠，我揀左磨菇湯，用料都係好足，唔同款可以交換飲頭盤男友揀左溫泉玉子沙律拼雞肉卷及蒜蓉包，蒜蓉包雖然細細舊，但蒜味十足，沙律菜淋上黑醋，帶出沙律菜味既鮮而我就揀寒天海藻沙律配豆腐，寒天海藻沙律配柚子醬，酸酸甜甜，幾清新開胃，豆腐好滑另外點左個小食併盤，賣相好精緻，每件都好有心思心思之作，好味主菜男友點咗安格斯牛柳拼乳酪煙肉焗薯牛柳煮到medium超juicy唔韌，賣相精緻，份量好多，塊扒好碟切，側邊望埋去差不多成3cm咁既厚度，煎得好香，咬落去會咇肉汁出黎，口感好有嚼勁食埋焗薯都唔覺漏扒配埋個黑椒汁，真係不吃不可我就揀左安格斯牛柳拼芝士蜆肉意粉塊安格斯牛柳都好厚切，肉汁豐富，肉好易咬開唔韌，口感係果種入