美中·鴨子 (將軍澳中心)

營業中

休息中

聽人講呢間嘅北京烤鴨很好吃，但試過之後，大失所望啊！呢一篇食記絕對唔係為咗唱衰邊個，亦係分享真正嘅北京烤鴨唔係佢啲呢個水準。先講烤鴨，唔應該係皮肉分離裝碟哦！應該只有前胸位置的皮係單獨切落嚟，配白砂糖食，可以解油膩。其餘部分皮肉各半，似丁香葉。（講究嘅要切108片or118片）鴨餅亦係不合格。餅同餅之間竟然有張紙，感覺高大上，實際上係因為佢哋做唔到不粘連。荷葉餅需要放係手掌內輕握之後放手，餅可以恢復原狀。中美嘅餅，連由紙上搣落嚟都好困難……其他餸中規中矩，冇乜驚艷之處亦都冇乜大紕漏。先分享咁多，冇刻意貶低嘅意思，只係想北京烤鴨應該係點樣，佢哋嘅差距有幾大剛出來而已。希望有所改進，街坊鋪頭，如果味道好仲想經常去食下嘎。

網上見有推廣片皮鴨外賣8折優惠，即刻訂反隻，拎到反屋企路程約半小時，依然皮脆，肉質鮮嫩！另外，餐廳很貼心，包鴨的皮會用蒸籠紙一張張分開，食個陣就唔會痴住，配料份量亦足夠，唯一缺點就係，鴨皮略嫌太油！

住左將軍澳甘耐都未試過食呢間「美中·鴨子」今日星期六就去試下前菜是少少辣的青瓜豆卜，很開胃令人食慾大增。前菜味道分數：7.5/10點了個片皮鴨及炸蟹鉗，「片皮鴨」十分Juicy,連肉、面粉皮和青瓜咬下去，肉汁和少少鴨油慢慢滲出來，酸酸甜甜的醬汁連埋青瓜的口感十分Matchy片皮鴨味道分數：8/10「炸蟹鉗」即叫即整，啖啖肉，味道還可以。可惜醬汁並不太Match,掩蓋了蟹肉的味道。有待改善炸蟹鉗味道分數：6/10

不錯吃的片皮鴨，兩個人要了半隻鴨，鴨子皮脆肉滑、麵餅是較薄的那一款，伴有甜醬、大蔥與青瓜 三樣東西包裹在一起 放在口中，如煙花綻放一般的味道，亦令鴨肉味道昇華不少。另外點了紅燒牛肉麵，有許多牛肉：）麵我覺得是比較一般，同行友人覺得十分大碗，適合大胃王。另外也吃了生煎包，內有湯汁，但要小心咬開時有燙口的情況，沾上醋汁吃也頗為鮮美。另外也有點了一個菜苗 內有芽菜及蟲草花 ， 是十分清淡的味道。與友人七點了一互查一壺是茉莉花，另一回事普洱，頗為清甜解膩。結帳時片皮鴨有八折優惠，比較劃算；若下次再到將軍澳遊玩，會再訪品嚐片皮鴨及其他菜式。

第一次同愛人去將軍澳，本身想簡附近既日韓餐廳，但眼見呢間大排長龍同比外面既扁皮鴨招牌吸引，於是就㩒飛排隊等。滿心期待，等左半個鐘多d終於有位，因為疫情可以2個人坐一張大枱我地一次過叫哂炸雪糕，無錫灌湯小籠包，桂花糕凍伴鴨件竟然嚟左炸雪糕先，呢個令到我地有d不滿，我地問可唔可以後上，點知女侍應叫我地下次落單要寫明 正常見到甜品唔係都會問一聲或者最後先上咩?Anyway, 唔好影響靚靚既心情的確桂花糕扁皮鴨2種截然不同既配搭起嚟出奇地入味，一冷一熱，再加埋脆脆薯片🥰wow滿分!扁皮鴨薄脆，充滿口感，肉汁鮮嫩，賣相一流!抵讚至於灌湯小籠包，係我地至今試過最好味既小籠包，皆因皮薄而裡面既湯汁無漏出黎，但一開口食入口就令到口腔富有肉味好好食啊雖然叫得唔多，但桂花茶的確有助解膩，味道清新，實屬皆品炸雪糕都融了……總結: 食物的確有水準，如果服務員態度好d，就滿分了

今日同小朋友一進入餐廳坐低，男經理就走過來嚴重叮囑小朋友千祈唔可以飲帶來嘅飲品，我問男經理點先可以飲？佢就叫我哋出去飲完先好返入嚟，我哋就走咗了。我明白有餐廳係唔可以飲食不是餐廳物品，但疫情下叫我地無得揀出去飲完先返入嚟，我情願走，我亦覺得好唔尊重食客。其實如果話要收返服務費或者快啲飲完佢我覺得可以接受，亦願意配合，但係要規定我地出去飲完先可以返入嚟，食餐飯食到坐監咁你食埋我果份，我以為間餐廳係林鄭開嫁，輕鬆吓啦香港人！xxxxxxxx

來到美中鴨子，烤北京填鴨一定走唔甩啦，如果兩至三個人，其實叫半隻烤鴨已經好足夠，又可以叫下其他菜式！同埋我覺得烤鴨要趁熱食，如果凍咗，就好似好油淋淋咁！呢個餸味道好好啊！叫咗紫甘藍雞絲粉皮，紫甘藍味道甘甘地，而雞絲粉皮你味道一般，沒有太大驚喜！另外無錫灌湯小籠包，皮薄餡靚，多肉汁，做得唔錯，大家可以一試啊！至於紅蔥頭拌海蜇頭，入面配有萵筍，感覺清新！但海蜇頭略嫌過硬，比較失色！而酥炸日本生蠔，酥炸粉口感脆脆，生蠔亦算大隻，呢碟菜式唔錯！呢間餐廳長期大排長龍，唔想排隊就要早啲到喇！

我們叫了四人餐，片皮鴨是這裡的招牌菜，皮很香脆，下面的油膏也入口即化，配上青瓜和薄餅，將肥膩和清爽融合在一起，讓人不禁會吃上許多口。糖醋小排很普通，肉質太粗，很難咬開。鴨湯餛吞煲非常好，湯味道很鮮美，卻又不會太鹹，我們能夠把湯全都喝完，感到很滿足！其他的配菜沒有什麼讓人感覺特別驚艷的地方，在這裡還是主要吃鴨子有關的菜餚吧。另外，晚市堂食真的要等很久，我們等了接近一小時，建議遙距取飛，另外可以考慮早些來排隊。

今日係紀念日，同屋企人去咗食片皮鴨，知道好難等位，一到六點就即刻拎飛，都等咗15分鐘先入到去。嗌咗一隻片皮鴨嘅份量，足夠四至六個人食，片皮鴨分開肉同埋皮，啲皮仲黐住咗少少肥肉，啲肉就唔算好肥，整體來講，如果包住麵粉皮嚟食，唔算好油膩，好有鴨味，果皮仲有少少香口，我欣賞佢個麵粉皮每層都有一張紙相隔，唔會黐住好難拎。另外叫咗個嫩雞煨麵，雞一啲都唔鞋，吸晒個湯底，連埋啲麵食好入味，值得一試。生煎包上枱嘅時候仲好香口，個底係脆，裏面仲有好多汁。

就算閒日，未夠六點已經好多人排隊了，快快㩒飛攞檯先！好彩只係等咗三十五分鐘就可以入坐了，但用膳時間只得 90分鐘，所以最好等位時攞個餐牌睇定叫咪食先！環境: 檯與檯之間有一定距離，唔會太迫，亦唔會太噪，環境都算唔差！服務: 店員個個有禮，亦會自動自覺加水！成晚都無自己舉過手要求加水！店員亦會主動收碟！讚！食物 :皮片鴨($168 半隻)因得二人，但又想食皮片鴨，所以叫咗半隻！上枱時以為份量頗細，但係原來食食下都非常飽！皮面脆，但皮底略肥少少，真係要快手食，如果凍咗嗰層肥膏就有D漏！鴨肉雖瘦，但唔 "un" 👍👍麵皮份量多，足夠包哂半隻鴨，皮與皮之間有層牛油紙，非常貼心，而皮亦做到好薄，讚讚讚！糖醋骨($78)這個味道非常好, 甜酸度平均， 是一道非常好的開胃小食！小籠包 ($68)這個就一般, 因為皮比較厚，汁不夠多！ 如果下次再光顧，會選擇試下生煎包！總括嚟講，如果為咗食片皮鴨喺同區嚟講，會係再光顧的！

話說上次想去試下「美中·鴨子」有幾美結果要等好耐就放棄左試哩隻🦆今日系屋企㩒定飛仔要等30幾張檯到咁上下先坐車去,去到剛好仲有一張就到🤣中菜黎計餐具比較細心有埋叉同紙巾,筷子架都系鴨仔不過留意返筷子比較油唔系一對,系匙羹都系😔響米海鮮泡飯海鮮料都好足,落埋響米口感好好仲要加埋啲焦香味胡椒包個皮好酥,面頭有芝麻香但系個餡就唔多夠胡椒味雲吞鴨湯鴨湯好清個菜軟硬啱啱好,唔會浸到淋晒鴨肉都多,舊舊都唔細雲吞大小剛好片皮鴨半隻熱辣辣呀真系多多都唔夠喉呀個皮都好脆,唔會好多肥膏小籠包每個入面都有好多汁小籠包既精粹就系果啖汁皮唔會一夾就好易穿夾到上匙羹依然完整咬開個頭再加啲醋🤤真系冇得彈呀賽螃蟹清淡得黎帶蟹🦀鮮味蛋白唔會過火死實實總括黎講.....除左餐具唔系咁乾淨外其實都好完美又唔系啲食評講到咁差宜家食$100仲送$100券下次食夠$400可以減$100會再食...不過真系要預早㩒定飛仔先

復活節假期去將軍澳行吓順便探朋友, 夜晚食美中鴨子, 等位等咗一個鐘左右, 都算快了!我真係為咗片皮鴨來的, 穩陣 冇令我失望🤪上海粗炒好一般 有其他選擇可以唔食雲吞鴨湯都好好飲 好夠味四個人食咗六百幾蚊 值得下次再來

片皮鴨鴨太油，放入口後，油浸咁，好恐怖😅師傅冇將皮下脂肪切走（？）另外配料太少喇～～～只有黃瓜及京蔥兩樣。而且呢到明顯無半隻烤鴨啦！其他餐廳都會即場切俾你睇⋯作為招牌菜式大 扣 分 ～！🥲🥲🥲糖醋魚太甜喇😖😖😖但魚係新鮮，外邊炸過黎。有加菠蘿🍍蝦仁炒🍤🍤酥皮牛肉餅熱㷫㷫，皮薄餡靚好掂。多餡～🤩零分。伏已中。前菜係麻辣香油浸黃瓜豆卜涼拌，爽口，但價錢唔值囉🥴茶反而OK，個茶杯都靚。最後服務態度好差，趕收工咁未食好就過黎收野😓😓服......

屋企人提議食中菜見到呢度做緊午市半價嘅優惠就去左試下.🌟烤北京填鴨 半隻 （$168）半隻嘅份量都幾多　數過都起碼有十片🦆食落都好薄身同脆　不過就好似凍左少少.🌟無錫灌湯小籠包 6隻 （$68）小籠包做到經典嘅水準每隻都好夠湯　不過夾起上黎就要好小心.🌟四川擔擔麵 （$48）擔擔麵嘅湯底好足料🍜有香濃嘅花生味　亦都比較辣.🌟土鴨蛋脆煎蚵仔 （$138）本身以為煎蚵仔姐係同平日酒樓個ｄ差唔多味🦪但係估唔到味道同造型都完全唔同呢個煎蚵仔味道比較重口味　亦都偏咸食落都幾脆不過就比較多油鴨蛋味比起平時嘅蠔餅較突出🥚.🌟金華火腿鮮菌炒飯 （$88）都係經典嘅酒樓風味所以炒飯夠乾身同有鑊氣.🌟炸雪糕 （$78）本身係因為想最尾食ｄ甜野所以叫左呢個估唔到黎到有驚喜炸雪糕唔係一人份量　適合同人share🍨而且佢炸左外層都保存到中間嘅雪糕唔會溶左伴碟嘅脆片都唔錯 同個菜式好夾

因為最近嘴饞烤鴨了，就點了半份北京填鴨。疫情原因所以選外帶，落單和取菜時間很快。鴨皮，油而不膩，鴨肉，香而不油，甜醬香，小餅薄，搭配青瓜和蔥片。還會再點，推薦。