羅東肉焿番

營業中

休息中

又食台灣野🥰一想中式嘢就想食台灣菜。羅東係元朗區真係好出名架，連唔係住呢邊既朋友仔講起元朗都識呀。午市大大碗飯麵套餐好抵食！！鹽酥大雞扒滷肉飯真係超大塊雞扒～滷肉飯亦好好味，食唔哂。另外嗌咗麻辣牛肉麵，非常惹味。辣度對於我嚟講岩過好，牛肉都幾淋。另外仲試咗好出名嘅芋泥肉鬆吐司🍞呢個就冇乜特別😂套餐仲可以加其他小食，不過好飽就無叫到。台灣風味100分💯再嘆埋鳳梨冰茶，餐廳仲唔收加一。👍🏻

食台灣嘢最鍾意就係食佢哋嘅爆餡台式吐司🍞呢度嘅吐司全部內餡都好多✨上次就食咗個Oreo紫薯吐司 紫薯蓉口感綿密又清甜🍠再加埋脆脆嘅Oreo碎 甜甜地夾埋一齊食味道啱啱好🖤

入元朗國食台灣菜😋通常你入元朗會想食啲咩？飲杯咖啡？食碗沙嗲牛肉麵？我有時候就會去食台灣美食，因為佢哋成個款式真係好多！有齊晒台式便當台灣小食同埋甜品！仲有埋必食嘅芋泥肉鬆吐司😝門口太多人等位，我哋都係買外賣帶走，坐喺公園食好寫意芋泥肉鬆吐司：吐司金黃香脆，夠晒厚度，裏面有埋香滑嘅芋泥肉，甜甜咸咸嘅肉鬆，味道非常正鹽酥雞扒便當：店員非常窩心將鹽酥雞另外包裝，鹽酥雞扒份量非常多，香脆可口！便當裏面仲有流心蛋、肉燥飯，好味又飽肚。跟餐附送茶飲，我鍾意飲佢哋嘅冬瓜茶清新解渴，夏天必飲 #元朗美食 #元朗台灣菜 #羅東肉焿番 #台灣美食

見到ig啲人不斷瘋狂力推喱間嘅芋泥吐司 難得入到元朗又見無人排隊仲唔即刻試下佢 哇 足足等咗佢二十分鐘 滿心歡喜 以為等得嚟係值得啦。我嗌嘅係芋泥流心芝士吐司 一咬 我已經想鬧 芋泥是凍的 或者佢本意係特登雪凍佢 要同舊芝士熱辣辣咁做強烈對比 但事實做唔到囉 舊芝士絕非流心 都係凍嘅一舊芝士 完全無流心無拉絲 完全係將三樣完全唔夾嘅嘢夾硬夾埋一齊 寧願你將三樣嘢各自食 好過不倫不類咁又䶢又甜但又係唔夾嘅嘢一併放進口。。。四個字結論 不倫不類。 打手真係打手 可以將喱樣嘢推到天上有地下無。。。實在不可思疑

之前食過一次元朗的羅東肉焿番，已經覺得不錯，今日經開，順便食埋午餐再出去做野。冇黎一排，餐廳開多左一間，兩間連埋，新鋪以卡位為主，環境都唔算太逼狹，坐得舒適。香腸魯肉飯($49)好香的魯肉香味，魯肉飯魯肉肥肉不算多，肥瘦均勻，肉很入味，香口帶肉汁，香而不油膩，成碗撈飯剛剛好。士林香腸點埋自家製的蒜蓉醬，味道又幾夾炸澎湖花枝丸($34）炸得剛剛好，食落不會有油膩感，花枝丸好Q彈，加上上面灑了椒鹽，味道更惹味仙草凍奶茶（$32）

今日去了元朗的羅東肉焿番食午餐，因為係本港首間肉焿店，口味正宗，而且食物選擇夠多。餐廳主打魯肉飯、肉焿湯、鐵板吐司、多款台灣地道小食、台式甜品、飲品等等，除左單點，仲有2人套餐可以選擇。魯肉飯配半隻流心蛋魯肉飯肥瘦均勻，加上切絲的滷豆皮，非常入味，而且仲有半隻流心蛋，流心蛋夠流心，好入味，蛋香十足，拌飯一流一口鹽酥雞每次都會必點，鹽酥雞新鮮熱辣辣炸起，不會炸到太乾，鹽酥雞非常香脆，肉嫩多汁。抹茶奶綠珍珠

星期六同朋友喺元朗yoho mall睇完戲，行落雞地搵野食。見到呢間台式食堂好多人排隊，好似幾吸引，仲決定試下。等位期間仲見到佢有做學生優惠，平平地食到個魯肉飯，勁有良心。滷肉飯個味道好有台灣味，有肥肉有瘦肉 ，好濃，亦好香肉汁，仲有碎碎豆卜，吸晒啲肉燥汁，送飯真係冇得頂。 芝士粟米蛋餅熱辣辣好正，味道好夾，蛋餅酥皮做得好好有口感。鹽酥雞酥脆可口，一啖一粒咁岩啱啱好，份量估佢唔到咁多添呀。朋友最鍾意台灣牛肉湯麵，牛骨湯味道濃，淆製得有肉香又夠甜；麵條係手工麵，煙韌有彈性，好有掛湯力；牛肉煮得軟滑，夠入味又多汁；配菜仲有紅蘿蔔、爽嫩生菜，整體配搭口感好豐富。椒鹽四季豆，酥炸過後仲保持到青翠爽口，軟硬度適中，點小小辣醬更好吃！我覺得呢杯仙草奶茶亦高分，唔會過甜，仲好重胚芽香。

去元朗做嘢同同事經過羅東，入去食咗個下午茶吹吓水，三個人都係揀下午茶餐，下午茶輕食套餐$39可以揀小滷肉飯/小乾拌麵/牛上湯麵，我揀咗小乾拌麵送半隻溏心蛋，配精選炸物籃或者燙青菜，湯青菜又可以揀（上湯/牛湯/者滷肉汁）湯青菜綠嫩爽脆淋上滷肉汁更可口。小乾拌麵質煙韌，麵上面有肉汁，拌勻嚟食最正溏心蛋又係至愛。茶餐附送熱冬瓜茶，加咗$3轉冷泡無糖高山茶，清涼順喉飲落幾舒服。台灣香腸$15大家都鍾意佢皮脆肉有嚼頭。肉鬆芋泥吐司套餐$45配精選炸物籃/炸香甜地瓜條。烘脆吐司夾住肉鬆及芋泥，香脆麵包連帶滿滿嘅餡料入口，肉鬆味濃混合香滑芋泥，大滿足啊精選炸物籃有：酥炸甜不辣+香芋海鮮蝦餅，香芋海鮮蝦餅有條條芋絲，唔點醬都咁好味。芋圓甜品套餐$43呢個套餐有六款甜品可以揀。我哋揀仙草芋圓3號，有三色芋圓、波霸珍珠、爆珠，仙草加芋圓嘅口感好吸引，連埋煙韌波霸珍珠有咬口，仲有啜爆爆珠嘅酸爽感！同事將餐茶以半價轉特飲：仙草凍奶茶加咗$16小芋圓炭焙奶茶加咗$16食咗個下午茶已經飽飽，晚飯可能唔食嚕

今日去元朗食台灣菜，羅東肉焿番。餐牌有好多選擇，我地點左牛肉麵同乾伴麵做主食。-紅燒牛肉麵配蛋餅👍🏻，牛肉麵湯底香濃，足料，牛肉夠入味夠淋，蛋餅配芝士同肉鬆一齊食好滿足。-乾伴麵👍🏻，特製既醬汁好驚喜，撈手工麵一齊食食到停唔到口，墨魚丸同貢丸都出色。-甜不辣👍🏻，每舊都炸得香口，冇黐埋一舊，煙靭煙靭。-芋圓紅豆仙草👍🏻，唔太甜，非常足料。******************************👍🏻好食 | 👌🏻可以 | 😔 難食評分 : 7/10簡評 : 麵食小食都非常出色，正宗台灣味道

由於座位不多 等左一個多小時無得去旅行 所以扮去左一轉台灣價錢貼地親民 忍唔任叫左好多野食😝乾伴麵 好少台式餐廳會有得食 麵質彈牙似烏冬，而且有少少肉汁撈埋唔會好乾👍魯肉飯 特別之處係呢個肉燥有腐皮 豬肉肉質半肥半瘦 味道香而不漏 絕不油膩炸雞卷 外脆內juicy 啖啖肉😝鹽酥雞 炸粉唔會太厚，而且炸起即上碟🥰芋泥肉鬆吐司 無須花巧的調味，因為本身芋泥都帶清甜，加埋滿滿肉鬆 一啖咬落去好滿足，但真係叫左太多野食....要打包一半走😝😝總括而言，排一小時未必再食半小時內都可以回頭😝😝😝👍👍👍

羅東肉焿番台式餐廳在元朗很有名的，餐廳有兩個店鋪，兩鋪位是連起來的，佈置簡潔，新店更有地道風味，設有不少卡位，它是間正宗台灣肉焿店，在台灣宜蘭有總店，餐牌上主打肉焿湯及台灣麵食和台式便當外，還有不同款式湯品，小食，飲品及甜品，選擇十分豐富！招牌蛋餅．原味，這道菜是台灣小食必食，經典的古早味味道，餅皮口感煙韌，裡面材料十足，蛋香味濃！滷肉飯（小）配糖心蛋半隻，吃台灣菜怎可以沒有滷肉飯，用了珍珠米，米香口感佳，鋪滿了滷肉，十分足料，豬肉肥瘦適中，加上糖心蛋半隻，份量足夠！手工韭菜腐皮卷，有一條及兩條份量選擇，香脆夠熱，滿滿的韮菜豬肉很鮮嫩，很香韮菜味，腐皮薄脆，吃下去飽滿多汁！夜市鹽酥拼盤，小食也絕不馬虎，拼盤魚餅魚肉彈牙，富有濃郁鯪魚味，每一口都是魚肉，不會散開；鹽酥雞炸得香脆可口，炸得外脆內軟，不會覺得油膩；甜不辣很酥脆，口感像年糕，沾上辣醬十分滋味！椒鹽四季豆，炸過後保持到青翠爽口，軟硬度適中，沾上微微辣醬更好吃！仙草芋圓2號，賣相吸引，滿滿的一大碗，有 三色芋圓、小芋圓及海藻水晶，芋圓彈牙，芋頭圓咬得到有芋粒，海藻水晶口感特別爽脆，仙草幼滑又不會過甜，十分滿意！總括來說，小店食物水

近日 台灣菜越開越多 但係好多都係沽名釣譽掛羊頭賣狗肉 但係我食開嘅羅東就唔會啦最近新出左二人套餐 都幾抵食 諗唔到食咩嘅朋友可以考慮吓🤪不過因為我同男朋友都唔係太肚餓所以我哋就揀咗自己想食嘅嘢首先就係一人一碗牛肉麵 佢叫咗原味 我叫左川辣味 湯底方面 有淡淡嘅藥材味 好似以前喺台灣食到嘅咁樣牛肉方面 牛肋條炆得勁林 而且勁入味配菜方面 都係會有糖心蛋 酸菜同紅蘿蔔 簡直就係台灣咁樣！我個碗加咗辣汁 更加香口惹味！最令我驚喜嘅係呢度居然有古早炸雞卷 我以為剩係得台灣夜市先有得食！好好味呀！好懷念台灣嘅時光🥲另一個喺台灣非常之受歡迎嘅小食就係蛋餅酥皮裏面包住雞蛋同埋肉鬆 真係好似喺台灣食咁呀！既然係台灣菜 當然唔少得台灣嘅茶飲啦！總括嚟講 羅東所有嘢食都非常之台灣應該係香港第一台灣菜！

烈日當空午市時間去食，套餐選擇略為少，最尾點貢丸湯乾伴麵及貢丸湯滷肉飯，六十多元價錢位只有三粒丸，餸較為少一個餐加三粒丸加一杯嘢飲。乾拌麵質普通，本身以為乾拌麵個醬係滷肉醬之類，上碟係橙紅咸咸地味咁加少量肉碎，汁不像平常的滷肉汁味，帶點辣味，普通但對唔住呢個價位。滷肉飯就差唔多味但少咗麵嘅醬，同埋多半隻鹵肉蛋。勝在野飲味道ok啦，比較值得欣賞的是飲品 奶綠有濃郁綠茶味，小芋圓夠煙韌有咬口，不會過於粉。另外一杯奶茶味就合格普通台式奶茶。叫套餐男仔食就可能唔夠飽。🤔但同類價位太多選擇。

我很愛吃芋泥，更愛吃肉鬆😍知道這裡有芋泥肉鬆吐司，很久前已很想到此一嚐😋趁著星期日到錦田買麵包，順便到元朗吃個早飯。哈哈！我當芋泥肉鬆吐司是晚餐😂另一半，不愛吃芋泥，一口也不吃，實在太可惜！原來這配搭真的很特別😍滿足！另一半愛吃喊食，他點了羅東肉焿湯餐。羅東肉焿湯及滷肉飯我也試了！羅東肉焿的味道，讓我想起台灣。如愛吃羹的人會愛，如不愛太濃稠口感的人，建議選別的。而我個人覺得不錯的😉不過！再來的話，我想試芋泥肉鬆蛋餅及仙草芋圓甜品。

舖面唔大，人少會好坐d,食物無想像中咁好食，叫左牛肉麵，牛肉係粒狀，唔係平時食果d牛展，比較硬要有d牙力先咬到，面都普通無咩特別，跟餐食牛肉麵要加錢，小食就唔錯，叫左雞粒同台式腸，埋單84元，唔係平