羅東肉焿番

營業中

休息中

山長水遠黎到元朗，梗係要試下朋友推薦嘅呢間台式小店！呢間係香港第一間正宗台灣肉焿店， 佢係台灣宜蘭嘅過江龍，當然要會一會佢！有兩間舖頭並排，座位都足夠多，唔洗等好耐！Menu甜品同主食都有齊，而且價錢抵食又大份，全部都好吸引，唔怪得成日都排曬長龍！------------------------------🍜◖4號 牛肉湯麵餐◗  $85講起台灣嘢，一定會諗起牛肉麵！呢個牛肉麵餐本身係紅燒湯底？，可以加$3轉成番茄/麻辣湯底，仲跟一個蛋餅，同一杯嘢飲，好大份好飽！牛肉煮得軟腍冧遠林入味，麵質變質彈牙有咬口，索曬啲紅燒汁！🌯◖肉鬆蛋餅◗  跟餐跟餐嘅蛋餅蛋餅有得揀肉鬆、玉米、芝士、芋泥，今次揀咗肉鬆，蛋餅外皮係蔥油餅，外層烘得酥脆，喺中間夾住啲雞蛋同海量肉鬆，面頭再淋上醬汁，鹹鹹甜甜咁好好食！🍵◖無糖冷泡高山茶◗  跟餐🥪◖肉鬆芋泥吐司◗  $42呢度嘅芋泥吐司係招牌，用鐵板烘香多士，烘得外面香脆，夾住滿滿嘅芋泥同肉鬆，超級厚超級爆餡料！芋泥軟綿微甜，加上鹹香嘅肉鬆，夠曬爆餡大大啖食好滿足！建議同朋友一齊分，都幾大份，食完都夠飽！🍡◖綜合巨無霸芋圓仙草奶凍（加芋泥球）◗  $66食完嘢梗

今次同大家嚟到元朗試吓呢一間價錢親民嘅台灣餐廳💕呢度嘅滷肉飯好出名，所以我哋都嗌黎試下，味道實在有驚喜🤩午市套餐 $46（特飲+$7）小魯飯+炸台灣香腸+炸香芋海鮮餅+冬瓜茶滷肉飯幾好味，做到一種油而不膩嘅效果🫣炸台灣香腸同埋炸香芋海鮮餅想來嘅時候都熱辣辣，而且炸粉唔多，味道比想像中有驚喜。冬瓜茶甜度適中👍🏻紅燒牛湯湯麵+香酥花枝丸+炸香菇貢丸+抹香奶茶湯麵同埋丸都正正常常不過不失。原本以為紅燒牛肉湯會我有幾個牛肉，但係後尾發覺紅燒牛肉只係湯底🥲抹香奶茶幾好飲，冇咩茶粉，飲落去亦唔會過甜👍🏻

今晚同朋友兩個人去左元朗既羅東肉焿番到試下佢既出品，呢間店一直口碑盛傳有好正宗既台灣名產：肉焿可以試下，所以吸引左我地呢兩個鐘情於台灣美食既食客黎試一黎😜我地分別叫左兩個唔同既套餐，分別係肉焿+肉燥飯套餐，同埋台灣牛肉麵套餐。羅東肉焿湯套餐（配上一碗肉焿+一客肉燥飯）肉焿湯味道濃郁，感覺用左好多材料去做出鮮味，係一般餐廳比較少見既。上台前服務員有提醒肉焿內會加上辣醬以及黑醋。加上後辣度都唔算好辣，但就令到肉焿味道更多有層次。而且肉焿裡面既豬肉相當好味，係一種好爽脆既感覺，比較難形容，總之就相當好味有驚喜。而肉燥飯都有水準以上，感覺豬肉肉碎都係新鮮豬肉，所以做成肉燥一點都唔會遜色。羅東牛肉麵套餐（配上牛肋，自家酸菜，手功麵條）湯麵份量十足 ，麵條QQ彈牙而牛肉用上牛肋條，亦都啖啖肉，同埋相當之淋身好好味。加上自家酸菜同埋湯底，雖然唔係店家主打既招牌菜，但係水準都有返咁上下。最後我地叫多左小食 ：台灣鮮蝦捲同埋綜合丸湯。鮮蝦捲外層炸得香脆，而蝦肉新鮮彈牙。綜合丸湯我地就覺得略咸少少，可能台灣羅東對於湯品既製法係有所不同，湯頭唔太岩直接飲用。套餐分量極足，我地食到最後飲埋杯檸檬蘋果梳打就完成

見到芋泥肉鬆吐司相片好吸引才幫襯，實物試過味道還可以，芋泥量不算多，價格略貴！酥雞D炸粉甩晒，睇相都覺得油膩，醃味鹹且有小小酸味好奇怪，完全不合格。滷肉飯好鹹，死鹹果種，沒有五香粉味。滷肉撈米粉，賣相簡單，味道單一，份量正常偏少。特飲抹茶紅豆奶，沒有抹茶味，就似好廉價嘅抹茶粉味。應該無下次！

先前路過，次次都好多人排隊，今次唔使等位，就坐低試下（可能係多咗個鋪位，所以容易有位）。1️⃣🍡『綜合巨無霸芋圓仙草奶凍』$51 （如果加配芋泥球$66）入面有大芋圓、大地瓜圓、大草莓圓、大蜜瓜圓、大巧克力園、大芝麻圓，仲有仙草奶凍喺底；一粒圓，有成隻「湯匙」咁大，要兩、三啖先食得到；大大粒，又彈牙，真係唔錯，無失望；個糖水底就普通啲【呢個要等30分鐘，我哋大概1420入坐，真係等到1456先有得食】⋯⋯2️⃣🥪『鐵板芋泥吐司系列——肉鬆芋泥吐司』$42煎到香香嘅吐司，配自然嘅芋泥，再加塞到實嘅肉鬆，係預期中嘅味道；有張紙包住，唔使啲餡跌到周圍都係，幾好；可能要慢慢煎，哩個都要等大概25分鐘⋯⋯3️⃣🟣『1仙草芋圓 1號』$34 試過芋圓口感唔錯，買多碗外賣返去俾屋企人試下；入面有三色芋圓、蜜紅豆、海藻水晶同仙草凍；仙草算係滑嘟嘟，屋企人都幾鍾意。🫣肯放要等30分鐘嘅甜品喺個餐牌，真係好了不起，因為每枱坐嘅時間會好長，感覺好似做少啲生意咁；下次可以試吓鹹點。📍 羅東肉焿番 (元朗)元朗鳳翔路69號建輝大廈地下5號舖。好味指數：🌕🌕🌕🌕🌑回味指數：🌕🌕🌕🌗🌑

來到元朗國，就係專程來呢間台灣食店試呢度著名的鐵板芋泥吐司和見試吓個巨無霸芋圓🤤 週六嘅下午4點幾，人流不太多，得我哋幾個和另外一枱，我哋可以坐得鬆動啲。 肉鬆芋泥吐司 (HK$42)．厚厚暖暖的芋泥，味道真實，芋頭味香濃，配碎粒的肉鬆真係好夾．鐵板烘熱的白麵包，脆香酥軟芋泥x炒蛋x芝士吐司 (HK$45)．呢份吐司，等咗好耐，有40分鐘，因為店員睇漏單😥，當知道就即刻快速整好．熱辣辣的，炒蛋剛熟帶少少流心，軟腍的厚厚一層芝士，配厚厚的暖芋泥，好好味😋綜合巨無霸芋圓仙草奶凍 (HK$51)．見到真係嚇我一跳，芋圓真係好巨型😲．每一粒芋圓都不同味道：巧克力、草莓、蜜瓜、芝麻、地瓜、芋圓 (排名由濃至淡味)．芋圓口感煙韌，不過整味道偏淡，不要期望過高！．反而個仙草，味道幾好

全港最大粒芋圓❓❗️每日下午2:30後供應，有巨無霸芋圓同包心芋圓兩款，size唔係講笑，比平時食開既大2-3倍🤣覺得唔夠喉仲可以加配芋泥球，包心芋圓幾煙韌，咬開中間餡料好多，底下仲有滑捋捋既仙草奶凍🤤綜合巨無霸芋圓仙草奶凍｜$51（加芋泥球$66）大芋圓、大地瓜圓、大草莓圓、大蜜瓜圓、大巧克力圓、大芝麻圓、仙草奶凍綜合包心芋圓仙草奶凍｜$45包心芋圓芋泥、包心蜜瓜圓紫薯泥、包心草莓圓紅豆泥、小芋圓、蜜紅豆、仙草奶凍

▫️肉鬆芋泥吐司 ($40)👉🏻賣相超吸引！厚厚嘅芋泥口感綿密柔滑，芋頭味都幾濃，甜度適中👉🏻甜甜嘅芋泥，配上咸嘅鬆脆肉鬆，口感豐富亦都好夾，互相中和減少咗漏嘅感覺👉🏻不過始終麵包都係乾身嘅食物，又咁足料大份，所以身為 #芋頭控 嘅我一個人食哂成份都會覺得好際，所以最好都同朋友開心 Share 🤗

元朗的台式餐廳晚市叫左個2人餐2個主菜，2個湯，3款小食，2杯飲品好豐富這裡的魯肉十分好味，配飯/麵都好夾炸物也好出色，唔會太油， 推介炸雞排另外甜品芋圓都好味，芋圓好煙韌推介

元朗好出名嘅一間台灣餐廳，一去到要等位，大約等咗15分鐘左右。店舖入邊好忙，職員態度唔太友善😔芋泥肉鬆吐司⭐️⭐️⭐️⭐️上到嚟，一望到啲肉鬆勁多勁邪惡🙈個包望落去仲係暖既，有少少脆脆地。不過個芋泥係凍嘅😳，食落去又凍又熱，好似有少少怪怪地😅不過芋泥同肉鬆呢個配搭真係世一🥰整體食落都唔錯，值得一試，細食嘅朋友，如果唔太肚餓可以直接當呢個做lunch，因為其實佢都幾膩，食完會有少少飽肚。評分：7/10

今次黎到元朗吐司好出名既台式餐廳-羅東肉焿番，門口招牌好有去咗台灣既感覺。餐廳主打肉焿湯、台灣飯麵、吐司同蛋餅等等，亦有午市套餐同下午茶套餐提供。❤️Oreo紫薯吐司烘過既白麵包夾住滿滿既Oreo同紫薯，紫薯泥綿滑，Oreo為紫薯增加甜度👍🏻❤️炸香甜地瓜條炸到金黃色脆身，食到啖啖既地瓜本身既香甜味，唔錯。推介食物：Oreo紫薯吐司食物質素：🧸🧸🧸🧸環境：🧸🧸🧸🧸性價比：🧸🧸🧸🧸

難得星期日放假，所以千里迢迢來到元朗試吓依間好評甚多的台灣小店，來到的時候已是下午兩點多，是放假遲起床的第一餐，來到無人等位，馬上沖入去坐低點餐。由於真是太肚餓，見店家上菜速度滿快的，心想「不錯哦😌」，誰不知……鹽酥雞，是涼的，沒有熱力可言，豪大X更好。麻辣牛肉麵，麵 屬於不彈牙類，死氣沈沈。芋泥肉鬆吐司，個包是暖，不脆。但入面的芋泥和肉鬆是凍的，咬落去感覺10分奇怪。很肚餓也不想繼續吃下去，完！

🟠小魯肉飯配燙青菜 （$39）雖然下午茶既魯肉飯份量比一般細，但女仔食既話其實一碗都幾飽。飯上面都鋪左好多滷肉，都幾足料，仲附有半隻糖心蛋。滷肉食落唔會太肥好膩，亦唔會話好硬，口感不錯👍🏻而套餐配既青菜可以揀上湯/牛湯/魯肉汁，我地就揀左牛湯。牛湯味道濃郁，菜沾左牛湯既味道，非常好食😋🟡肉鬆芝士蛋餅配炸香甜地瓜薯條（$45 雙拼加$2）蛋餅皮口感煙韌，材料豐富，每一啖都會食到芝士同肉鬆😍地瓜條香脆，上面灑左甘梅粉，想食完一條又一條🤤🟢溫桂圓紅棗芋圓 （$36）份量真係比較少，食落無乜驚喜，味道相對較甜。🔵熱冬瓜茶下午茶套餐附送既冬瓜茶，甜甜地飲落幾舒服😌

羅東肉焿番係元朗都算出名 元朗+台灣野就一定係羅東～最近睇到佢好似搵人頂手🥺 點都要去支持下羅東下午茶餐真係好抵食 有幾個set揀 全部都係台灣輕食 例如有蛋餅呀芋泥吐司等 都係幾十蚊 仲份量十足添 我揀左輕食飯麵套餐 魯肉飯 + 精選炸物籃 熱冬瓜茶🍚 食台灣野點少得魯肉飯 珍珠米配上肥瘦適中既魯肉 仲配埋豆卜 撈勻成碗飯剛好 再加埋半隻鹵得入味既溏心蛋 冇得輸呀～ 精選炸物籃就有酥炸甜不辣同埋香芋海鮮蝦餅 食落冇油膩感 甜不辣煙煙韌韌 香芋海鮮餅有質感又足料 過足哂口癮 唯一係個醬 應該係豆瓣醬 唔太夾🤔 但基本上唔需要點醬都夠哂味冬瓜茶清新解渴 但就偏細杯🥤 因為台灣野都偏鹹 所以冬瓜茶都唔太夠飲🫠已經食過幾次 基本上好多食物都好正宗 咁高質既小店要多多幫襯🫣羅東肉焿番📍元朗鳳翔路69號建輝大廈地下5號舖

店員態度惡劣 唔掂！比幾多錢賣廣告都唔掂有個吖姐西口西面 見到都唔開胃 問佢有冇牙籤完全唔應人食物得個樣，吐司我覺得自己用兩塊麵包夾完整芋頭落去仲好食会可以唔洗去！！