影片
更多
2019-10-06
350 瀏覽
近排食放題上癮，好鐘意可以任叫唔嬲，食勻哂成個menu，儘管我唔係啲咩大胃王😅。一直都唔知原來市中心附近有間放題，位置唔辟但我就好少行過個邊。食品種類唔少，野食size 唔大(不過刺身同大蝦都真係大大件），可以俾自己試多啲野。首先梗係要嗌啲刺身啦， 擺位裝飾好有心思，三文魚、油甘魚同帶子都係唔錯可以推介。花之戀一口size 但絕不馬虎。十分推介既係鹹蛋黃雞軟骨，蛋黃包裹著成個雞軟骨，個種鹹蛋黃獨有既鹹香惹味，搞到我不斷啪完一粒又一粒。芝士焗蠔既芝士接近可以拉絲既程度，滿滿既芝士唔會蓋過蠔肉既味道。海膽手卷上既海膽入口即溶，冇腥臭味。炸物食得出係新鮮炸，十分燙口。粉漿唔算好厚，蝦肉爽脆，酥炸蠔入面既蠔肉唔細，好滿足。燒大蝦都係另一道好值得recommend 既小食。調味恰到好處唔過火，蝦肉唔霉夠彈牙，encore 左兩次。最後一定要有甜品作結，佢有得任攞雪糕雪條、乳酪、蛋糕等。最正既係連dreyers 都可以任食。可惜既係本來有好多朱古力味既dreyers 眨下眼就冇哂😅😂
食品種類唔少，野食size 唔大(不過刺身同大蝦都真係大大件），可以俾自己試多啲野。
首先梗係要嗌啲刺身啦， 擺位裝飾好有心思，三文魚、油甘魚同帶子都係唔錯可以推介。花之戀一口size 但絕不馬虎。
十分推介既係鹹蛋黃雞軟骨，蛋黃包裹著成個雞軟骨，個種鹹蛋黃獨有既鹹香惹味，搞到我不斷啪完一粒又一粒。
芝士焗蠔既芝士接近可以拉絲既程度，滿滿既芝士唔會蓋過蠔肉既味道。
海膽手卷上既海膽入口即溶，冇腥臭味。
炸物食得出係新鮮炸，十分燙口。粉漿唔算好厚，蝦肉爽脆，酥炸蠔入面既蠔肉唔細，好滿足。
燒大蝦都係另一道好值得recommend 既小食。調味恰到好處唔過火，蝦肉唔霉夠彈牙，encore 左兩次。
最後一定要有甜品作結，佢有得任攞雪糕雪條、乳酪、蛋糕等。最正既係連dreyers 都可以任食。可惜既係本來有好多朱古力味既dreyers 眨下眼就冇哂😅😂
張貼
