緣聚西日餐廳 (仁愛堂圍) (已結業)

這店的放題，食物種類繁多，中式、日式、西式等一應俱全。我先點了一大盤魚生併盤，甜蝦很大隻，新鮮彈牙，油甘魚也很肥美、鮮嫩，而三文魚腩是我的至愛，魚肉橙白分明，新鮮彈牙，相當爽脆。吃完後再多點一盤。他們的炸物亦很吸引，芝麻雞翼十分惹味，外皮鋪上些芝麻，香脆可口，內裏能鎖住肉汁，嫩滑美味，一口氣就吃了三隻。而吉列炸蠔亦有驚喜，外皮香脆，一口咬下，蠔汁馬上流出，充盈於口腔，相當好吃。而一口鐵板牛肉粒，端上時仍是啫啫聲的，一口一件，還有些燙口，肉質果然嫩滑，一點渣也没有，配上洋葱更惹味。莓酒也相當好飲，甜中帶酸，酒精度數不高，冰凍易入喉，不愛喝酒的女士也很適合。他們的甜品也有特色，尤其是海塩雪糕，顏色已相當吸引，是天藍色的，給人一種清新的感覺，甜中帶鹹，但又不會太鹹，很難形容，就是好吃。而綿綿亦好味，冷凍軟綿，入口即溶，不太甜，一大碗一下子就吃光。還有其他的雪糕、雪條任你選擇。而且還有雪燕系列的食品，皮頗新鮮感，很配合夏天的感覺。

喜歡缘聚餐廳的日式放題，他們種類繁多，大致美味可口，食物品質控制得很好，食材新鮮，燒物亦恰到好處，其飲料，甜點亦相當多種類及豐富。環境及服務水準也不錯。不會漏單價錢也相宜。

星期5晚上來到屯門緣聚食送題$248一位這裡選擇非常多一入到去，已被大大個飲品櫃吸引著都有可樂、果汁即叫即沖的茶清酒都有炸物、魚生、壽司、手卷、火鍋咩都有太興奮的關係，忘記了幫刺身來個大特寫刺身非常新鮮甜蝦非常出色，帶子大大粒而且在平板電腦落單後，很快便會送上，沒有出現漏單情況，非常抵讚甜品都好多款，唔知點揀有Dreyer’s 、韓國雪條、不同味道的蛋糕、泡芙仲有燕窩類甜品非常多元化，一定會再encore

今年爸爸生日想吃得特別一點😆😆所以就刻意不吃中餐，近近地係屋企附近食放題😋😋緣聚都算是本區比較有質素的放題餐廳爸爸只吃部份刺身！這裏熟食很出色，爸爸都很滿意呢！有啤酒任飲，啱晒佢😬😬刺身拖羅都係任食，甜蝦很黏口😋😋新鮮！冰糖燉喎😍😍都幾足料👍唔太甜，紅棗清燉味道不錯仲有可以自己揀沙律或日式前菜都幾惹味鰻魚壽司好好食，啲飯暖暖，鰻魚汁啱啱好👍食咗有10幾件🤣🤣呢件咋芝麻雞翼非常嫩滑，外脆內軟，加咗芝麻好香口👍炸物很香口，熱辣辣種類都幾多，番薯又甜又軟，唔錯仲有高質啤酒雪糕，係仼食的，不是一人一杯，我哋每人吃了兩杯😎😎大滿足

住在屯門一段時間，仍未去過這間緣聚開餐，於是今天放工就連同兩個同事一起到那裡覓食。我們約六點到達，門面好像日式餐廳，招牌大大個，都容易找到。由於時間還早，所以食客還不算多。那裡的環境暗中帶光，不會太昏暗，可以看清上來的食物。我們需要用平板電腦點餐，刺身、手卷、壽司、天婦羅、火鍋、拉麵、一品料理、焗蠔、扒類等等種類都頗多，平板上圖文並茂，一目瞭然。我最欣賞的是刺身，很新鮮，擺放也精美，三文魚切得都厚，很有咬口，象拔蚌及榮螺刺生都鮮味，不錯！另外，這裡的炸雞翅膀及牛排，羊排醃製得很入味，肉質鮮嫩，特別是雞翅膀，炸的非常香口。你也可以加百多元升級吃長腳蟹，即開生蠔等，我今次無加，待下次來才試一試！飲品都多種，可樂，無糖可樂，啤酒，生啤等等，可以讓客人到自助吧自選；外面自選吧也有多種甜品供應，dreyers雪糕，各款雪條，海鹽雪糕，布丁，小甜品都有，任君選擇。服務方面，服務員手腳很快，由帶位，招呼，有問題請他們幫忙及埋單都能即時為顧客服務，且個個都後生有活力，不錯！

上個禮拜喺元朗食完緣聚，今日班朋友又話想食放題，可惜元朗full booking，所以唯有去屯門分店試試，好彩有位🤣環境方面，一入到去，就有張4人卡位，坐滿4個人，一啲都唔迫，環境亦好乾淨，坐得仲舒服過上星期元朗嗰間！食物方面，其實都係一樣，刺身夠新鮮，特別係帶子刺身，好好味，仲有西冷、羊架、漢堡同雞翼都好正，encore左幾次。如果大家鍾意飲啤酒，嗰度有罐裝hoegaarden白啤，超市都要買10蚊罐、仲有黑生啤，去飲酒都抵。仲有好多甜品雪糕，身為甜品愛好者嘅我當然食到停唔到口。侍應態度都唔錯，有禮貌又會照顧客人嘅需要，值得一提嘅係佢哋用電腦點單，絕無漏單，呢個就已經好難得。屯門無乜地方食放題，緣聚性價比真係要俾個👍🏻佢！

款式很多，刺身很新鲜，而我最愛的肯定是三文魚腩，肉質鲜美，而且源源不绝地供應，不會叫一、兩次就没有。落單後，送餐也非常快，不會拖太久才送來。另外芝麻雞翼也非常美味，香脆的外皮，内裏美味的肉汁，再加上點點兒的辣味，是完美的配搭。

壽司和刺身基本上都是平時放題的常見種類，不過我覺得他們的刺身都比較新鮮沒有雪味，另外軍艦壽司的種類都頗多，尤其覺得黃金魷魚不錯，因為魷魚很爽口。濃湯煮蜆10分推介，因為蜆肉很大粒而且很有鮮味，配上海帶湯。炸雞軟骨是不錯的小吃，因為炸物都是即叫即整，所以上菜的時候新鮮熱辣辣，令我吃過不停。芝士焗蠔encore了兩次，因為蠔很新鮮，配上芝士很夾。放題很少有的印度薄餅，有煉奶味及朱古力味。吃的時候還很脆口，應該是即叫即整，不錯！天婦羅蝦和吉列蠔都皮薄而且肉質鮮嫩。這裡是一份鐵板牛柳粒，份量很多，醬汁美味、牛肉很有咬口，很多肉汁。最後點了一個牛奶綿綿冰，牛奶味很香！雖然配料沒得選擇，但我之前有問店員再追加一份，因為綿綿冰配上巧克力脆脆會特別好吃～

近近地喺本區食放題，馬會隔離嘅緣聚，應該都係首選啦！😉地方夠大座位，都比較寬敞內裏裝修很趣怪很多得意嘅圖案公仔😆😆我一入嚟就見到有黑啤自助機😍😍甜品自助，當然汽水啤酒都任飲啦！仲有Hoegaarden 添嘢食方面刺身係新鮮嘅！！而且上菜很快一啲都冇漏單👍👍👍仲有拖羅都係任叫入口即溶大大塊夠厚身不錯😋😋油金魚刺身好肥美呀！呢個好三文魚腩刺身高質👍非常之肥美有成一厘米厚😂😂，一啲都不吝嗇🥣而且係食得出很新鮮，如果轉埋睫毛Wasabi就最好啦熟食方面同樣出色，和牛炒飯粒粒分明鐵板牛柳粒上台咋渣聲，配上洋蔥好惹味😎清酒煮碗食咗三四碗，食足兩個鐘好飽啊！食埋Dreyer’s回本回本😬😬

因為屯門友， 當然要發掘下屯門嘅美食啦今日同友人約咗一間叫做（緣聚）嘅餐廳食飯～間餐廳唔難搵，一去到門口就見一到一個好大嘅招牌寫住緣聚！呢度係食放題嘅， 我哋先嗌咗個廁所身拼盤啲刺身好新鮮，入口好鮮味， 而且刺身日本比較多比如有甜蝦.帶子等等！之後再嗌 之後再嗌咗兩款一款係芝士焗蠔一款係蒜蓉蠔 一睇個樣就知好食啦芝士同埋蒜蓉岩岩好，也不會蓋過蠔鮮味！而我今次想推介嘅係食石鍋花膠湯， 個湯味道唔錯，仲有滿滿嘅花膠好足料， 這個是女士們必試的！最後說說環境 ，坐位挺寬敞和不太噪吵，而且可用手機下單，非常方便！

平時同朋友食放題，都要出到去旺角或者尖沙咀先食到啲有水準既放題，但係原來屯門都有，唔洗出到咁遠。食放題最討厭就係落咗單，又唔知個侍應有冇入到單，或者啲侍應太忙，舉咗好耐手，都無人黎收單。但係緣聚就無依個問題，原來佢依度都幾先進，可以用部平板電腦落單，方便又環保，可以check返落咗啲咩，依度上菜都好快吓，落咗啲刺身，兩分鐘後就送過黎幾新鮮嘅刺身好香口嘅炸物蒜香焗蠔黃金焗蠔鐵板牛柳粒厚燒牛舌雞軟骨串好大隻蝦

有朋友生日,而且仲係一大班人就當然要去食放題啦,咁大家就揀左係屯門比較出名既緣聚啦,緣聚係地舖,好大間,所以唔使驚坐得迫,都坐得幾舒服，一黎就當然要叫刺身先啦,呢度既刺身可以揀既款都幾多,有三文魚腩,拖羅,有頭甜蝦,八爪魚,玉子,帶子,希靈魚,油甘魚,象拔蚌,一黎到一大盆真係好吸睛呀,當然食落都好食啦,三文魚腩真係好肥美,油甘魚都好鮮甜,總括黎講刺身都新鮮既,最緊要佢一次過都俾好多架,除左刺身,壽司都好食,細細件唔使驚好快食飽,和牛壽司同埋火燄蟹膏帶子壽司都好特別,唔係度度都有,熟食都有好多選擇,羊架燒得唔會太乾,好食,一口牛肉粒都好食,好香口,天婦羅一籃咁上,就唔會底既淋晒,好細心。放題黎講質素都幾高,下次黎屯門會再食既。

往屯門購物，偶然發覺有間日式放題，一於入去試吓。食肆位置較偏僻，但勝在環境較寧静，座位亦夠寬敞。放題食品多元化，有刺身，壽司，天婦羅，手卷，雪糕，雪條，汽水和甜品。用平板電腦落單，食物新鲜送上，快㨗省時，食客能夠完全舒服投入愉快嘅飲食旅程。刺身用料新鮮，盛載在碎冰上，擺設亦具心思,特別推介中拖羅刺身，十分肥美，入口融化，叫人欣賞。手卷有水準，尤其喜愛三文魚籽手卷，一口份量，三文魚籽魚香充滿整份手卷。鐵板和牛粒及厚切牛舌亦令人叫好，和牛肥美，牛味濃郁，在鐵板上保持温度，洋葱清香伴爽滑牛舌，堪稱錦上添花。

幾個朋友食飯唔知食乜好，就求其book呢間試下。刺身：普通，油甘魚同呑拿魚都偏多根唔肥美；三文魚腩正常；甜蝦正常八爪魚都唔太OK；帶子還可以燒粟米：烚完燒兩下，掃少少牛油就上枱，無乜味。。。。壽司：質素同其他出名嘅放題差唔多炸物：都係交貨再炸，所以都無特別，炸雞軟骨偏多漿鐵板牛柳粒：朋友說有驚喜😂😂😂😂沙律吧同冰櫃都有好多選擇，都唔錯。總括然而，都係一般質素嘅放題，以屯門區來講都係一個選擇。

聽講屯門開左間日式放題餐廳,就約朋友去食餐勁。 19:00去到唔駛等候就可以入去,店內地方好大,座位寬敞,裝修好特別,牆面係以紅磚牆為主。店員安排座位後就俾一部平板電腦你落單,好有環保概念。先講自助餐檯,有沙律吧、飲品櫃、雪條櫃和甜品櫃,各個吧櫃的款式好多,最值得欣賞係有Dreyers雪糕任食，仲有韓國melona雪糕。食物既款式有好多,刺身、手握壽司、火炙壽司、天婦羅、卷物、軍艦、燒物、西式把類、焗蠔......我同朋友都好大食,所以差唔多試曬咁多款食物。刺身同壽司既款式多,品質新鮮。天婦羅,炸到熱辣辣,好有水準。蒜香焗蠔,芝士焗蠔,體積雖小但新鮮有蠔味。食物款式選擇多環境好,不錯不錯。