緣聚西日餐廳 (仁愛堂圍) (已結業)

有朋友生日,而且仲係一大班人就當然要去食放題啦,咁大家就揀左係屯門比較出名既緣聚啦,緣聚係地舖,好大間,所以唔使驚坐得迫,都坐得幾舒服，一黎就當然要叫刺身先啦,呢度既刺身可以揀既款都幾多,有三文魚腩,拖羅,有頭甜蝦,八爪魚,玉子,帶子,希靈魚,油甘魚,象拔蚌,一黎到一大盆真係好吸睛呀,當然食落都好食啦,三文魚腩真係好肥美,油甘魚都好鮮甜,總括黎講刺身都新鮮既,最緊要佢一次過都俾好多架,除左刺身,壽司都好食,細細件唔使驚好快食飽,和牛壽司同埋火燄蟹膏帶子壽司都好特別,唔係度度都有,熟食都有好多選擇,羊架燒得唔會太乾,好食,一口牛肉粒都好食,好香口,天婦羅一籃咁上,就唔會底既淋晒,好細心。放題黎講質素都幾高,下次黎屯門會再食既。