維記咖啡粉麵

營業中

休息中

今日突然間好想食豬潤補下血，喺Openrice 查深水埗＂豬潤＂就出現＂維記咖啡粉麵＂，好評多，以前都想來試沒空，今日來到排隊大約5分鐘多就入去點餐。我覺得豬潤煮得老了，不爽滑，好似住家菜，就比較普通，不過愛健康的人會接受到清淡，如果有味精和清淡健康比，就會選擇這個吧⋯⋯我未試過自己煮豬潤，不知有些餐廳的豬潤爽滑是加了添加品還是廚師叻的問題呢⋯⋯所以只能給予 這餐廳普通的評價吧⋯⋯作為快餐是好方便好快有得食，但如果要排長龍去試就沒興趣了。另外叫了蛋牛治，吃了一口以為比錯午餐肉⋯⋯別人說罐頭就是這樣的⋯⋯哈，我少吃這款三文治，我期望是有牛肉味的牛肉碎⋯⋯雖然似午餐肉也好吃，但會有點落差。雖然豬潤的味道沒我想像中好，但份量多，都抵食啊！

太耐沒有踏足深水埗這條食街了, 開多了不少新食肆, 當然這兩年最旺場的一定係開到第三間舖位的文記車仔麵👍尤其是大量自由行擁到去排隊...以小弟最唔鐘意同人迫的搵食攻略下, 當然就是要再到當年亦係排隊排餐死嘅維記食返個自由坐自由叫嘅自由豬潤麵🤣👍咁耐無來水準依然不會失望, 豬潤湯仍然係鮮製豬潤同鮮牛肉的份量無變過, 飽飽足足地再加個西多士, 友人大讚佢嘅至愛西多士這裡與別不同😅口感特別好, 或者始終唔係我至愛瓜😂

話說今日突然想食餐平平地既午餐，有朋友介紹深水埗呢間維記，佢最出名既係豬潤麵。見天氣幾好，就出發去試下先！黎到坐低發現個場都真係幾旺下，好佩服入面個師傅.. 呢度5流行寫單，你落完啲姐姐直接大喊，但完全5會漏單.. 啲記性真係好好講返正題，黎到就係想試佢個豬潤麵，見隔離左右麵加埋隻蛋，我又跟住加。聽講佢湯底都係豬潤湯黎，所以最後決定要通粉。先講下佢個湯底，隻色一睇就知煮左好多豬潤先煮到甘濃郁。通粉正常通粉... 蛋佢係煎熟蛋黎，就普通煎熟蛋。有啲後悔無叫太陽蛋，因為個人覺得湯底加左蛋汁會昇華。豬潤，佢既豬潤就真係出色，應該係生滾既，5會乾5會硬，咬落仲係嫩架～配合返佢啖豬潤湯，更加濃郁既豬潤味～整體食落真係5錯！而且5算太貴。先三十幾蚊！唯一既缺點係太多薑.. 但豬潤要黎辟味都明既..除左豬潤麵，不得不提佢既咖央西多！一份19$ 有四件，外面煎得香之餘，蛋香亦都好足，夾心既咖央係香港比較少食既醬，都幾甜，個人覺得即使5落糖醬，都非常好食！黎到維記真係必食之選呀今次係甘多，下次食好野再分享啦！

今日約咗個好耐冇見嘅朋友去深水埗行下啲文青文具小店同埋其他嘅小店行街買嘢shopping、玩到攰左就梗係搵嘢食啦！咁就梗係去維記食豬潤麵啦！本身都猶豫左好耐食豬潤麵好定係食潤牛麵好、不過查實好耐都冇黎深水埗啦、我都係覺得簡單啲、食豬膶麵睇吓佢嘅水準有冇改變先！一如以往湯底係正嘅豬潤係好食嘅、麵條沒有煮到過淋。好滿意☺️我哋都有叫㗎咉多士呀！雖然個樣望落去麻麻哋好睇但係食落去都係好食嘅。不過都唔緊要嘅好食就得啦！希望保持水準啦☺️

星期六傍晚都唔算多人，都即刻有位。第一次試試豬潤麵，其實我怕食豬潤，但它的豬潤湯底好濃郁，好特別，食完唔會覺得好漏，而且可以拼其他餸，例如：牛肉、餐肉、蛋、腸仔....另一碗就叫了餐蛋麵，也是配豬潤湯底，都幾推介，值得一試，唔想食公仔麵，可以配米粉、意粉...還有，我們叫了西多士，最特別的是它的西多士好重蛋味，平時茶餐廳的西多士好燶，好油炸，呢間既口感比較軟身，蛋味較濃，我們叫了原味，仲可以配咖咉。

一個人的午餐一條友去咗深水埗，梗係要去搵食。今日都幾好彩，見到維記唔洗排隊，第二次食，水準都保持得好好。是日消費豬潤牛肉麵$35總消費$35豬潤牛肉麵，兩個食材都非常新鮮，豬潤鮮甜，加分！出餐時間等左8分鐘左右，非常快！但辣椒油稍微有一點唔夠辣。總括來講，一定會返去再食佢哋嘅豬潤！正！

大概7-8年前，慕名嚟食深水埗食過一次維記，然後就沒有然後。今年1月果陣路過，咁就再食一次「維記咖啡粉麵」。咖央多士（$13）多士有焙底，所以食落會比較香口。但係明明有焙底，唔知點解塊多士係一d暖嘅感覺都無🤔🤔🤔因爲其他客人要求凍食？老實講個咖央醬有d失望，個醬好似係塊多士試面了2下就算，都未塗均咁，中間位置係有一大pat醬，但外圍就無醬咁款。食落口當然一啖有味一啖無味啦，食到中間位直頭濃味到要即刻飲水先得😂係咪學星爺食神咁樣，d野有咁咸得咁咸，等d客叫多2杯野飲呀。因為個咖央多士食落感覺麻麻，所以都無再叫其他野食，直接科水走人算。呢道嘅服務認真有性格！我知道幾十蚊，就唔好要求有咩服舒，但係話晒都打開門做生意，d客嚟食野係俾錢你用，收錢果位下下都十問九唔應，唔想答唔想應都唔緊要，都唔好臭面啦😅好似欠你咁老奉要送錢俾你洗。

深水埗，不用多講已知四處也有地道美食。但在眾多食肆中，唔知點解總又行了入去維記。 一看，就知呢間是老字號，同一條街，也有3,4間舖。 今天雖是平日，但每間也坐無虛席。 好不容易，等到有位。入到去，見每枱客也一定有碗豬潤麵😬😬。 我就點了豬潤通，$32超級大碗，豬潤勁多又好味，CP值超高👍🏻。再點多件咖央多士，也只是$13。今日個快速午餐，非常滿足。 除了豬潤麵，它的牛肉豬潤麵也抵食又大件㗎！行開深水埗，一定又被維記吸引入去😁😁。

黎開呢頭買高科技電子產品，食完呢間先出發！當然要叫番碗馳名豬潤通，滾熱辣即叫即煮，湯底有豬潤香味，味濃！加埋薑粒嘅辛辣味，飲幾啖成身暖晒！豬潤幾脆身，無異味，通粉若再硬身d仲岩胃囗！一碗份量好夠飽，加埋胡椒粉食仲香又帶少少辣！

深水埗區既美食遍佈街頭 係人都知曉 入圍美食店都好多 😏今次來呢度試下泥間專賣豬潤麵嘅鋪頭🧐行過呢邊 發覺人流唔多於是就入去試吓呢間🤪入到去發覺 裝修都幾靚 好有舊式嘅茶記既感覺🤩我叫咗呢D😎1分鐘就有嘅豬潤麵 😘睇得出無論係速度或者質素係真材實料😄豬潤勁新鮮 尤其係個湯底好有Feel 🤣一啲都唔似係味精湯😋仲有呢個西多士 佢唔係普通嘅西多士 🤥佢入邊嘅醬 真係同西多士好夾 勁好食😛🤤好脆 咬落又脆又Juicy 食過返尋味🤫依家無論服務質素定食物價錢都好滿意 希望下次可以再嚟試吓其他嘢🤤🤤🤤

從不吃豬潤的我，在n 年前第一次吃維記的豬潤麵便一吃愛上了。今天又心思思來了深水埗，主要目標是一碗豬潤麵。下單不到三分鐘，熱騰騰的豬潤麵便來了。先來呷一口湯，味道充滿豬潤的鮮味，當中又帶少少薑味。豬潤有時候發覺未熟尚有少少血水，我會放進麵底中，當吃完麵底，再看看豬潤，它就熟得剛好了。幸福的假日下午，便是來維記吃一碗豬潤麵這樣簡單了～

A really popular place where you’ll have to queue for a couple of minutes even off peak hours. The liver and beef noodles is served in a clear soup that is full of flavor from the liver.The Kaya Egg Toast is a good finish to a great meal! The egg toast sandwiches the sweet Kaya paste and topped with Maple Syrup.

來到深水埗我每一次都會想起豬潤麵，因為我以光顧了很多年，很有感情的這間店在一條街裏有三間舖位，雖然每一次第一間舖都會有一條長龍，但因為店內有流轉快，所以等候時間並不會很長。當天是星期六，大概有六個人排隊，但不用5分鐘便可以有位店內沒有很多選擇，都是豬膶，牛肉，餐肉火腿腸雞蛋的配搭。老公點了豬潤麵，而我便點了豬膶餐肉米粉，點完餐不用5分鐘便會有得食！豬潤麵是招牌， 豬潤多到食極都好像吃不完，很抵食！最要讚的是湯底，濃濃的豬潤味，麵亦吸了豬潤湯的精華豬潤亦很爽口，沒有惺味我的豬潤餐肉米粉，點米粉是因為想比較健康，其實麵是比較好吃😋而餐肉純粹個人喜好，沒有什麼特別這間餐廳真是快靚正！久不久也會想吃阿

今日過到黎深水埗探朋友梗係要探埋豬潤麵啦好似真係好耐都無食過，以前每嗰星期都會食一次，如今好似半年都食唔到一次哩度既豬潤真係煮得岩岩好，超級之爽口食豬潤之外梗係要食埋佢地招牌咖央西多士Prefect match 雖然只係普通既多士，但係卻帶給我無限既回憶

做完嘢，嚟食個遲來的午餐。店內有各地遊客，我見多數人嚟食麵，我就想試意粉。點了豬膶牛肉意粉，味道又夾到。豬膶冇腥味，厚薄適中，又唔會煮得過久(沒有太硬)，牛肉夠"林",意粉不是意式彈牙那種，而係放湯偏軟，咁至係港式食法嘛，湯我冇飲，因為有支經典可樂，係玻璃樽嗰種呀，一流!店內沒有華麗裝修，枱係大圓枱，櫈係圓櫈，舊港式的咖啡室風味，可以搭枱。招待，出餐都係港式-快。好在喺非繁忙時間，沒有太大壓迫力，可以慢慢品嘗。