綠茶餐廳 (圍方)

營業中

休息中

呢間內地人氣「綠茶餐廳」餐廳佈局以 #西湖盛宴為主題，西湖山水以水墨畫呈現，加上翠竹、假山石等擺設仿如置身於江南，另外店員亦著上唐裝衫，好有氣氛，Menu選擇好豐富，餐廳特別邀請來自杭州米芝蓮黑珍珠大廚俞斌監督菜式一坐底可以先飲龍井綠茶， 清而帶啖啖茶香，好暖胃龍井烤雞 $138必食之選! 原隻上用左三黃雞，外皮焦脆，內裹啖啖肉，肉質都好嫩，滲透淡淡龍井茶香味 好惹味雪菜酸湯魚片 $128酸湯濃郁香口，加入雪菜天更惹味，魚片份量多入口嫩溝滑，無咩細骨，十分下飯老紹興喉口豬肉包 $38喉口包係浙江地區特色傳統名點，豬肉包餡料豐富，外皮較煙韌，上枱熱辣辣，最岩同朋友開心share西湖雷蜂塔 本身想試佢地個麵包誘惑不過飽飽地，呢個甜品賣相真係整到好似西湖雷蜂塔，以鮮山藥、牛奶製成，奶味香濃入口順滑，值得一試另外佢地第4分店今個月開左於奧海城，下次去試下先

今日去朋友大圍屋企附近敘舊，傾吓媽媽心得！嚟到大圍一定要試吓綠茶🩵嚟緊會開第四間分店喺奧海城🤤奧海城嘅朋友有口福啦！一入到去環境優美，裝修復古風！好似穿越咗古代咁😆每個位都係打卡位！店員有禮貌帶位，枱面有QR code落單非常方便！美食⭐️⭐️⭐️⭐️⭐️🩵九曲紅梅九曲紅梅是一種紅茶，產自中國福建省武夷山地區。香氣具有濃鬱的花果香，常見的有桂花、蜜桃、梅子等香氣，濃鬱豐富。🩵龍井烤雞龍井烤雞是一道融合了杭州龍井茶香與烤雞風味的美食，茶香以龍井茶的清香滲透到雞肉中，帶來獨特的茶香，清新而不膩。雞肉外皮酥脆，內裡鮮嫩多汁，茶香與肉香完美融合。吃完後口中留有淡淡的茶香，清爽解膩。🩵鮑魚小炒肉鮑魚小炒肉是將鮑魚的鮮美與豬肉的香味結合的美食，味道豐富且層次豐富，青椒微辣，鮑魚的鮮味口感Q彈，帶有濃鬱的海鮮鮮味，為菜餚增添了高級感。豬肉炒後肉質鮮嫩，帶有油脂的香氣🤤🩵麵包誘惑（加雪糕$20.0)🩵茶香奶凍

今年新年同朋友黎到呢間位於大圍圍方新開過江龍，新浙菜「綠茶餐廳」朝聖一番。新店環境優美，是以「西湖盛宴」做主題，仿照西湖景色，猶如置身杭州風情之中，十分古色古香。而且餐廳都是由米芝蓮名廚主理，真係不得不試。新年期間，餐廳提供一個特別嘅新春Menu，都係新年限定。另外，更有一些新菜式都只係限圍方新店先有，真係要試吓😋🔸九曲紅梅 $12/位一坐低，侍應就上茶，九曲紅梅之前未試過，黎到一飲就愛上😍味道香醇，回甘味長，真係飲不停🔸鮮果鵝肝塔殼 $148呢個菜式係香港限定，上網見好多人推薦，咁真係要試一試。夾雜了中西fusion 特色，芒果粒酸酸甜甜、鵝肝濃郁可口、塔殼鬆香酥脆，一齊食口感豐富，亦平衡左油膩感，感覺既新穎又特別。🔸黑松露牛肉炒飯 $108一上到黎已被濃濃的黑松露香味吸引🤩炒飯粒粒分明，油份佈滿每一粒飯，食落香口，味道濃郁，非常推薦👍🔸砂鍋西施豆腐 $98裡面有豆腐粒、芋頭粒、蝦仁、豬肉碎味道好夾好好味，岩哂拎黎送飯。🔸高湯蝦乾小青菜🥬 $68白菜仔新鮮爽口，非常入味，每一啖都有濃湯既味道，仲有蝦乾嘅鹹香味帶出，既清新又鮮甜。🔸江南綠茶餅 $38呢個甜點一直都想試，外皮滿滿芝麻，非

蛤蜊絲瓜絲瓜清爽……蛤蜊蝦米足夠份量龍井烤雞招牌菜一定要食上次嚟都試過……今次都要食味道保持得幾好……皮脆肉嫩葱油烤鴨等一次食脆皮肉汁足夠……感覺好好酸湯魚片酸味適中……魚片嫩滑內裡有粉絲……（感覺有點意外）大多數都係比薯粉……可以唔洗叫白飯本來想叫……“”麵包誘惑“”……但係太飽了……食唔倒有啲唔開心整體嚟講食物保持水準服務員都好好……親切同細喺open rice 見到啲食評講到好差；我本人感覺唔係囉…我下次嚟一定要食麵包誘惑先真係要

🐥綠茶餐廳餐餐📍大圍前晚同朋友去咗大圍圍方嘅綠茶餐廳食晚餐，感覺真係幾唔錯，食物質素同味道都令人滿意。餐廳環境舒適，服務態度亦都幾親切，適合一家大細或者朋友聚會首先試咗佢哋嘅招牌菜龍井烤雞，雞肉烤得皮脆肉嫩，帶有淡淡嘅龍井茶香，唔會太油膩，配上少少醬汁入口更加惹味，真係一啲都唔失望仲叫左麵餅醬香五花肉，呢道菜真係驚喜，五花肉炸到脆卜卜肥瘦適中，醬香濃郁，軟糯嘅麵餅包住五花肉同青瓜，食落口感豐富，好似有片皮鴨嘅感覺鮑魚小炒肉，鮑魚爽口彈牙，配上瘦肉同青椒炒得香噴噴，味道濃淡適中，唔會搶咗鮑魚嘅鮮味，仲要係辣嘅，真係送飯嘅好選擇我哋都叫咗碗陳皮菜蒲頭老鴨湯，湯底濃而不膩，陳皮嘅香氣同鴨肉嘅鮮味好夾，菜蒲頭仲帶點清甜，飲完覺得暖胃又舒服，真係足料甜品方面，點咗西湖雷峰塔，幾特別，用咗鮮山藥加埋牛奶，以為係布甸口感又有啲唔同喎，都幾特別

綠茶餐廳由內地攻港已一段時間，今晚屋企無飯食，唯有落樓下圍方分店試試佢，閒日晚市都幾多人，Keep住有幾檯等緊，但等位時間唔長。由先，呢間唔係茶餐廳，佢係一間價錢較相宜，但裝潢比較靚同新派嘅一家浙江菜館。熱懷舊米漿 ($18): 米味濃郁，微甜，口感非常幼滑細膩，平平地好抵飲。鮮果鵝肝塔殻 ($128): 鮮果也者即芒果粒，底下鋪墊鵝肝粒，芒果味濃，幾甜，但就蓋過左鵝肝嘅香味，我自己就選擇食曬啲芒果再食鵝肝。龍井烤雞 ($138): 脆皮多汁嘅烤雞散發微微茶香，龍井味唔算突出，但雞肉嫩滑香口，調料都幾香。原隻上店員會協助處理分切，價錢$138可謂相當划算。狀元芋頭煲 ($88): 每塊芋頭都切到好薄，裡面仲有豬腩肉片，兩者均至非常軟腍入味，芋頭質感綿密，但呢道菜適合拌飯食。分量蠻多，足夠三人分享。蕭山蘿蔔乾炒飯 ($58): 由於已點左唔少肉類，所以炒飯揀返個清少少，飯粒夠乾身，粒粒分明，幾有鑊氣，調味適中唔會太咸，素得黎都幾好食!最後提一提，茶水收費$12/位

同老公去咗沙田圍方綠茶餐廳食晚，新店以西湖盛宴為主題，裝潢以仿照西湖勝景設計，食客像在船上就餐的感覺，逢星期五六日更設有古箏表演，讓食客可以感受到杭州風情中。主打新派浙菜。入座後送上香茶一壺。葱香脆皮烤鴨：烤鴨皮脆肉嫩，帶油脂香，加埋香蔥食，提升香味。龍井烤雞：原隻脆皮烤嫩雞即叫即燒，上枱色澤金黃，拍照打咭後由店員拎回剪件，烤雞皮脆肉嫩，用龍井茶葉煙燻過，食落散發着淡淡的茶香。粉絲裏蝦：用煲仔盛載上枱，用明火即時煮，只需數分鐘由生煮到熟，之後由店員攪拌均勻就食得。粉絲和蝦仁爽口彈牙，粉絲吸收蝦的精華，非常惹味。蕭山蘿蔔乾炒飯：飯炒得粒粒分明不油膩，加入蕭山蘿蔔乾和三色豆炒，增加鮮甜味。

［綠茶餐廳在內地餐廳數量已超370間，以好吃及古典裝修獲得一致好評，香港的分店更有古裝打扮的少女彈古箏，令食客猶如置身於古代吃飯一樣]上網睇到講到咁勁，加上第二張相綠色嗰座塔令我覺得好似幾有heart，引到我排左30分鐘隊都要來食，不過當排到我嘅時候古箏少女已經執緊琴離開。可惜都幾失望，實物冇相片咁精緻，所以用手機影都影唔到佢好精緻😂由綠色嗰堆醬到白色既生藥，味道都唔係話好天然，同佢想塑造嘅餐廳環境都幾格格不入。反而第一張相隻雞係唔錯，個皮好脆+仲有木香。但應該唔會再嚟食，因為最後肚瀉收場，整體意見係內地嚟嘅餐廳香港人真係未必咁啱食，除非平時食開預製菜養成咗金剛不壞之身。#綠茶餐廳 #食評

個龍井燒雞真係冇得頂好大陣煙熏味，價錢亦都唔係貴，絕對抵食綠茶餅要即食，唔可以放得耐蒜蓉白菜，味道好夠粉絲蝦非常推介！不過好易燶，燶咗就會黐底🥹蔥配芋頭驚喜地好食！不過勁易就飽東坡肉飯都唔錯，啲肉可以再腍啲最後點咗三個甜品杏仁燉蛋加咗柚子，甜甜地酸酸地咁幾得意海苔煎堆同普通煎堆裏面個餡完全唔一樣，亦都係一個驚喜嘅甜品，冇諗過會配搭得咁好最後嗰個桂花味嘅糊仔，麻麻哋😝雖然甜甜地⋯⋯平民價錢，絕對食得飽！

d野食全部都調錯味宋嫂魚羹係冇魚嘅，你不如話佢係生粉水好過白飯話賣晒但係竟然有炒飯賣蒸左條魚食，鹹過你喺街市買返嚟嘅鹹魚，本身夠味但又落重豉油個松子仁炒菜，又係偏鹹…..，但係又唔凍唔熱咁個東坡肉唔知做乜有飯喺個底度，但又唔夠餸舊東坡肉最吊詭係唔知做咩好多人喺度食飯，圍方係咪冇嘢食到咁強烈建議改善食物質素All the dishes were seasoned incorrectly.The Song Sao Fish Soup doesn’t even have fish—you might as well just call it thickened starch water.They claimed they were out of plain rice, yet somehow they still had fried rice for sale.We ordered a steamed fish, but it was saltier than the dried salted fish you’d buy at the market. The fish itself had

好多內地嘅過江龍餐廳都選擇係香港插旗，今次介紹嘅綠茶餐廳就已經開咗好多分店，而其中一間就係位於圍方。餐廳裝潢典雅，又古色古香嘅味道。蔥香脆皮烤鴨 $128 烤到香脆嘅鴨肉，伴隨着大量香蔥。鴨肉皮脆肉嫩，每一啖都勁多汁。老紹興蔥油腰花 $128遠遠地已經聞到紹興酒嘅味道，腰花口感爽脆又有香蔥嘅味道。江南茄子煲 $78茄子有光澤，口感夠軟身又入味。狀元芋頭煲 $88芋頭口感夠綿密，用嚟餸飯就一流。砂鍋西施豆腐 $88豆腐保持到小粒嘅形狀，完全唔會鬆散，配搭香濃嘅肉汁都好惹味。綠茶餐廳 (圍方) (大圍)大圍車公廟路18號圍方3樓321A號舖

🔶🔷🔶綠茶魅力沒法擋 分店越開越多🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力喔。綠茶餐廳開分店嘅速度真係好快，全部都開係商場入面，今次呢間就開左係圍方。門口有曬竹子流水，入到去裝修同樣古式古香，屬中高餐廳格調，但食物價錢就比較相宜，所以性價比好高。南乳醉鮑魚（$98）先食個冷盤，鮑魚切薄片，個南乳汁唔會太鹹。蘿蔔燉牛筋腩（$138）冬天食蘿蔔燉牛腩就特別正，襯白飯食無得輸。蔥香脆皮烤鴨（$128）呢款菜係香港限定菜色，蔥怪必叫！大量蔥花圍住隻鴨，烤鴨唔乾，加埋用滾油贊過嘅蔥花，又係送到好多飯食。📍綠茶餐廳 (圍方) (大圍)大圍車公廟路18號圍方3樓321A號舖。@greentea_officialhk

最近中午行大圍圍方突然聽到有人彈古箏🎶原來係人氣爆燈、主打新派浙菜嘅 #綠茶餐廳 表演表演者、店員眾人都著上唐裝衫餐廳佈局以 #西湖盛宴 為主題將西湖山水以水墨畫呈現結合餐廳轉角嘅翠竹、假山石等擺設甚具古色古香風味😍令人置身於江南餐廳邀請來自杭州米芝蓮黑珍珠大廚俞斌監督菜式品質相當不錯👍🏻今次我哋order咗🍽️蔥香脆皮烤鴨必點! 烤鴨皮烤得好香脆 肉質鮮嫩配以特製醬汁和蒽花味道十分豐富🍽️五花肉炒鹿茸菌鹿茸菌鮮甜無比 五花腩肥瘦相宜 咸香醬汁好惹味 這個配搭很不錯喲～🍽️南乳醉鮑魚圍方店限定! 鮑魚片薄切 鮮嫩無比 帶點酒香味再沾些南乳醬汁很滋味🍽️黑松露牛肉炒飯炒飯粒粒分明 牛肉粒不會炒到太乾身 每啖飯都充滿黑松露味🍽️熗伴冰草冰凍嘅冰草勁爽脆又清甜綠茶餐廳 ( #大圍 )📍大圍車公廟路18號圍方3樓321A號舖#圍方 #綠茶餐廳 #淅江菜 #沙田美食 #沙田 #香港必食 #香港美食 #香港好去處 #探店 #香港探店 #圍方 #大圍美食 #大圍

之前睇過D評論，好多人寫咗好多劣評，唔信邪，所以去試一試，真係全部講中晒。某些服務員態度極差(唔知，仲以為客人係佢哋仇人)，服務又唔專業，食物又偏鹹(叫咗十多個餸/麵/飯，最好味係個白飯)，款式種類極少，份量又細(一行8人，每人只可分到少少，食咗好似無食)，諗住想試埋甜品，最後都係無試，免得再次中伏，真係無下次。如可以選擇，只得1分(環境)，最貼切。建議大家，想試就要快D去試，否則好快摺埋，到時想試都試唔到。

一家12人去食飯，預早訂了枱，點知張枱細到離譜。好彩有4位小朋友，再換兩張圓凳，才可以所有人安座。食物有味，但你唔會叫好食，例如有d辣過頭，或者過鹹，份量細得可憐，例如，點條黃花魚，細過你去惠康買冰鮮黃花魚。最多每碟菜都唔算叫超貴。招呼差，點叫都無人加水，無人收碟。食到最後，係最嬲。佢本身講明，得90分鐘用餐，去到最後10分鐘，想叫甜品，佢話截咗單，唔比我叫。好嘢，有生意唔做之餘，仲直接趕客。若果想去感受吓，佢地九流服務，不妨一試。