綠林甜品

營業中

休息中

喺深水埗住咗幾年，一路都知道綠林甜品呢一間舖。今日有啲涼就嚟咗食碗糖水。唔食猶自可，一食把鬼火！叫咗合桃糊，都正正常常靚靚囝囝，一食大鑊！無味嘅顏色漿！色水就啱啦，但係真係一啲合桃味都冇！而且仲係好甜，好甜，好似就咁飲糖水咁，仲要係砂糖水，好似出面啲茶記跟糖水俾你飲凍檸茶啲糖水咁！都唔知自己食緊乜！食食吓仲有啲好似一粒粒咁嘅渣，一啲都唔滑好鞋口！大佬咁嘅嘢收$28？無嘢下話，自己整都好過佢啦，係深水埗食到碟飯啦，返到屋企真係忍唔住開個户口打第一篇食評，人生第一次咁嬲！強烈要求openrice 俾負星！

天氣入秋，今年的秋天總算有點意思，將到十一月，有點涼意，想來一點甜，到了深水埗附近，不少糖水店，千選萬選，來到綠林。滿心歡喜點了芝麻糊。很快來到了，外表正常，但奇在有一種薯味。一試，出乎意料的甜。這種甜是死甜，砂糖的甜，然而奇怪的薯味接著，最後是淡淡的芝麻味。相當膩口的甜，甜得舌頭發酸的甜，價值24元，不便宜，相信當中三成是砂糖，請問這樣做生意會否賺太多？芝麻味薄。也食到不少芝麻皮，太鞋口，最後食了半碗放棄了。稍涼以後，糊化成水，我明白了，讓我解釋一下。芝麻也可能是店家自制，但沒有炒過，香味不足，也許不靚。然後用的不是磨機，而是攪拌機強行打碎，所以精華沒有跑出來，也就是沒味道。一般想滑會兌白米，或者便宜用點用粘米粉，但份量不足，水旺旺，所以下了薯粉勾芡，但量太多所以有薯味，然後煮不夠透，稍涼就出事，行內叫反咗，也即是化水。整體而言，不過是一碗有點芝麻味的糖水。離開時見到不少食物也食剩一半，也不會有店員了解，也許自己知自己事，門外依然有人排隊，懇請各位食家留意，避免中伏。

由以前開始一直已經食呢一間糖水店綠林糖水係深水埗嘅老字號中式糖水款式好多其中紅豆沙綠豆沙咋喳缺一不可今次嚟到唔想食呢啲所以就試吓鮮奶燉蛋白+西米露芒果布甸首先講西米露芒果布甸西米露幾好 煮得唔會太稀可惜芒果布甸只係一般茶樓水準內裏芒果肉不多 得少許細細芒果肉但收費的價錢都頗貴 性價比不高相反燉蛋非常之好食夠滑夠香奶味又濃內裡無空氣泡泡 所以口感特別好食完甜甜地 甜而不膩價錢方面都相對較便宜總括而言如果去綠林食食中式糖水比食西式糖水更好價錢合理 水準都高

每次出開深水埗都一定會食既甜品店就係綠林甜品啦～價錢大眾化，款式繁多，配搭百變。冷熱/新式及傳统糖水一應俱全！由於我趕住番OFFICE做野, 所以我今次就用THE GULU APP落定單，賣左個外賣番公司食！今次我買既係楊枝甘露＋芒果布甸～味道唔太甜 濃芒果味，真心推薦大家去試～另外店舖參加咗THE GULU App既宣傳活動，響App 入面用DBS優惠碼 DBS465883 落單外賣自取，每次可以慳到$20！

夏天成日想食甜品, 就嚟綠林食宵夜啦😋男朋友之前見到有電視訪問話佢哋嘅涼粉係自家製嘅已經成日話想嚟食😂今次我哋就食左雜果涼粉加榴槤雪糕, 同埋紅豆豆腐布甸加綠茶雪糕😋雜果有幾款唔同生果, 全部都好新鮮, 涼粉食到苦苦哋, 真材實料嘅自家製😋 榴槤雪糕好香滑, 濃濃嘅榴蓮味, 好好食, 後悔自己冇揀榴蓮味🤤紅豆偏硬身, 係紅豆冰嗰種紅豆, 豆腐布甸好滑, 淡淡嘅豆腐味, 綠茶雪糕偏甜, 綠茶味不太濃, 滿足唔到我呢個抹茶控😂

每次喺深水埗食完飯，都必然嚟綠林食個甜品，有幾次嚟食甜品仲撞到朋友，可想而知綠林係幾多人去呢其實好多時去到綠林，門口都一大堆人，不過唔洗驚要等好耐，因為其實有啲人係等外賣嘅，而且都好快，通常等一陣就有枱架啦其實我不嬲唔食蓮子架，但呢度嘅蓮子就好好食朋友鐘意桑寄生茶，呢個仲有烏豆呀除咗傳統中式甜品，仲有西式甜品其實我想揀桃膠架👉👈其實除咗睇佢餐牌外，牆上都有推介，例如冬天就有季節限定嘅栗子露，不過今次就過咗冬天，食唔到lu!

食完飯行左陣街👍😜😜同學話想食甜品，咁岩有個同學係地膽👩，所以就帶左我地去左綠林食糖水，入到去，可能香港人生活節奏急速🤨，就連個服務員都比較惡同急（個人觀感）,咁我地就叫左一個楊技甘露小丸子，兩個紅豆涼粉配雪糕🧁🧁。咁可能錯覺啦，野食黎到，個服務員好似扔d 野落黎咁，可能係呢度個文化😛😛😛講番野食，其實食落好普通，但價錢上就有d貴，可能同款產品去番許x山食會平同好味🙄🙄，但我未試過熱食，因為我見周圍都係吖熱食，我諗佢地主打都係熱食多😄😄

宜家糖水店開到通街都係，但要有質素同保持到一貫水準，簡直寥寥可數。綠林甜品可算買少見少，價錢大眾化，款式繁多，配搭百變。冷熱/新式及傳统糖水一應俱全，今次我揀咗涼粉配鲜芒果汁底及红豆粒+蛋白燉鮮奶。前者的做法係我最欣賞，因為用新鮮芒果打汁做底，雖然成本較高，但總比用花奶/椰奶加糖水好得多。可惜宜家大部份小店都係用花奶糖水，綠林仍保持獨有嘅風格，的確令人驚喜萬分。後者嘅红豆好大粒，份量很足，煮得軟稔。蛋白及鲜奶燉得香滑，食到底沒有出水嘅狀況，可見其真材實料。總括而言，此店保持一貫的水準，價錢合理，種類及款式多，不妨一試！

1.紅豆粒涼粉雪糕小丸子($46)❄️凍椰奶 西米 同涼粉做底 咁熱嘅天氣食🥵極度爽🤤因為真係夠凍 椰奶濃 唔會食冰水咁面仲有 超 級 多 小丸子😍 好𡁻 好多 唔粉 好味👌🏻加埋都好足料又煮腍晒嘅紅豆😍岩晒啲煙韌控唔係講笑 加埋涼粉多到當飯食都得🤣🤣🍵雪糕嘅抹茶味雖然無日式糖水舖個啲咁濃但佢係中式黎講 無用假綠茶扮抹茶已經好有心味道唔太甜 濃味 唔快溶一個人食一碗 得🤭❗️2.雙色雪糕(雲呢拿&芋頭)($20)😂朋友唔餓所以叫兩球雪糕🍦Well, 無假膠味嘅雪糕 正正常常🙈

以前中學既時候，每個星期都會去綠林食糖水，特別係温完書。今晚經過見人唔太多（其實都有人等緊）就懷舊下。楊枝甘露芒果好甜，諗唔到食咩，點楊枝甘露實無死😆綠豆沙好消暑，熟悉既味道

今日同媽咪嚟深水埗食綠林甜品~我揀左什果涼粉 媽咪揀蛋白杏仁茶+小丸子 另外再要多個糖不甩什果涼粉有木瓜、芒果、蜜瓜、哈蜜瓜、西瓜 水果都算多款式 但涼粉份量唔多 感覺到喉唔到肺糖不甩普普通通 無咩特別值得一提嘅係嗰度冷氣開到好大 11號檯近走廊位係風口位😥 所以食完無耐就埋單走人😓

今次係因為比廣告吸引到而專登過嚟買既聽講蛋白杏仁茶係即叫即做嫁好多人！當時好多排緊隊既人都唔耐煩啦⋯⋯叫左3個甜品，足足等左9個字先有蛋香杏仁茶外賣返去，隔左大約半個鐘先食，依然好熱！好有杏仁味，好好食烏豆桑寄生茶都好正！豆味香，好濃好濃既桑寄生茶香番薯糖水既番薯🍠薑味勁重，飲得出煲左好耐麻蓉丸子都好好食怕薑味既人就唔岩食了-$106買3碗糖水唔算平，但係以呢個質素黎講係超值👍🏻佢既糖水果然好得，唔怪得甘多人排隊啦

一向勁鐘意食中式傳統糖水既我，上星期日見到大台有個節目介紹綠林甜品，標榜涼粉係人手整，好似好吸引咁，就去試下。當晚十點去到已經人頭湧湧，門口有位女士買外賣聲稱等左一個鐘都未有，似乎大台既威力好強勁。好在我係The Gulu見到佢有得拎定飛先唔洗等咁耐。總共叫左三樣甜品，分別係芒果涼粉、川貝燉雪梨同糖不甩。首先講下個涼粉，大台介紹話佢個涼粉係人手做，每日要用7-8個鐘整，係少啲心機都唔得。啲涼粉食落口都知係堅人手做，淡淡既涼粉味，無平時街買一磚磚既涼粉或者其他連鎖鋪頭咁甜，吞左之後仲有陣陣既甘味係口徘徊。誠意十足！但係個燉雪梨同糖不甩就無咩特別。如果係涼粉愛好者可以不妨一試，但如果要排半個鐘至九個字先食到既話我就覺得唔太值得了。

曾幾何時，綠林是深水埗甜品表表者。松記彈起之後就冇黎食過---款式少過人、冇人咁忙但制作耐過人，最重要是唔好食。芝麻糊一舊舊，似係用粉開但又未攪勻咁款。如果係咁，駛乜幫襯佢，自己去超市買盒開水都得啦！ 失望!

下午三點幾其他甜品鋪都未開門綠林係唯一的選擇但真係極之失望連最傳統的糖水都做不好 價錢又唔平合桃糊 很杰身 但合桃味極淡 近乎沒有餐牌稱是自磨但食落似開粉 味道亦偏甜 可說是難食相反蛋白杏仁茶很稀很水並不香滑蛋白又碎碎的一夠夠杏仁味係有但唔香本應是招牌糖水都做得唔好其他糖水都可以唔使試了糖不甩的丸子煙韌度不錯但奈何沒有椰絲只有粗粒花生同砂糖欠缺了一份椰香 只有死甜而且底部唔知點解有水浸濕了花生同糖😖整體好失望！