綠林甜品

營業中

休息中

深水埗絕對係一個臥虎藏龍嘅地方，一大堆好野食係啲完全唔起眼嘅地方。去得深水埗食飯，都一定會黎綠林食個糖水作結。今次黎到好好彩唔洗等位可以直入，平時食飯時間黎到多數都要排隊等位🥺雖然唔洗等位，但入面其他人頭湧湧，一大班街坊食完飯都會黎綠林食返碗糖水😋餐牌上面勁多選擇，而且亦都有近期好Hit嘅芋圓同埋榴槤甜品。老牌糖水舖都要與時並進，唔係點能夠係深水埗屹立30年😂😂🟡 蛋白杏仁茶加湯圓杏仁茶係即煮，所以要等耐少少，一上枱勁香，絕對值得等待，蛋白亦都好滑，係略嫌唔係太夠甜。湯丸應該係自家出品，好大粒，但皮比較厚，不過整體黎講都係出色。🟡 薏米腐竹糖水加芋圓腐竹煲到溶晒就知好夠火候，芋圓亦都好香芋頭味，夏天食碗腐竹糖水真係透心涼😋埋單嘅時候老細派左張5蚊coupon比我地下次用，而我見到好多人埋單嘅時候都有幾張呢啲coupon就知呢到真係好多熟客仔

.📍綠林甜品📍 #饅頭去深水埗 #饅頭的港味道 #饅頭食甜品------------------------------Oreo豆腐布甸 加香芋雪糕 ($32＋$12)小編食完感覺有少少中伏，布甸豆腐味非常之淡，味覺感受基本上都嚟自花奶同Oreo碎，香芋雪糕就正常唔難食，係香精味嘅感覺😂，唯一可圈可點嘅係佢哋布甸質感係幾唔錯，表面光滑，Q彈唔會過實，係可以凍LL咁左右搖擺，Oreo餅碎亦唔會潮曬冇口感，整體又唔係真係話難食，就係冇回頭意欲👋🏻。溫馨提示：小編好耐好耐之前亦試過佢哋嘅小丸子，煮得太淋兼冇味，唔需要曬錢加。------------------------------整體評分：6.1/10小編回頭率：5/10

分咗兩日堂食，趁人唔多即場打comment😜上次食送咗張5蚊coupon, 今日就獨自開心。#烏豆桑寄生茶本身唔鐘意食蛋嘅朋友可以淨叫，有適量烏豆，功效活血驅濕，睇個名已經好養生，啱晒我呢種老青年🤣btw真心好飲嘅，甜度完美，飲完乾淨俐落，個口唔會留低一種唔知想點嘅糖精味。#豆腐布甸（淡奶）口感特別👍🏻冇布甸咁腍啤啤，似豆腐比較挺身，唔易碎，奶味唔算重，我鐘意食佢個texture過於味道，揀Oreo布甸會更好。#椰汁香芋西米露芋頭夠腍，整體合符期望。#合桃露第一口覺得麻麻哋，但之後飲落合桃味就慢慢出嚟，質地ki噠噠，覺得合桃比例應該多過粉漿。秋天飲時令嘅栗子露就最好，下次再嚟。

應該有年幾冇去，今次去開深水埗見唔使等好耐又試吓：幾個人嗌好幾様試吓：order 咗芝麻湯圓唔使30秒就到應該淥定，真唔好食👎👎👎，湯圓冇乜彈性，冇煙韌感覺，個湯圓湯底都唔得，呢個大家有期望反而好失望。腐竹糖水都唔得👎👎👎，唔熱同唔好食。呢個一定冇下次。楊枝甘露芒果布甸，芒果香，朋友是楊枝甘露捧場客，佢話呢個OK。涼粉好食👍🏻👍🏻👍🏻有彈性。呢個最好食。總括嚟講價錢偏貴。 唔會特登再來

要去深水埗買game，買完未到晚飯時間但又有啲餓，天氣咁熱所以就去涼一涼食碗冰涷甜品A1 芋圓，地瓜圓，仙草，小丸子，紅豆粒，西米呢碗岩哂我呢啲有選擇困難症既人士仲要有齊哂我想食既材料所以每次都會必叫呢款份量十足，真係好大一碗紅豆煮得好腍但仲有啲口感咬下芋圓同地瓜圓好煙韌應該係自家人手制所以每粒都吾一樣大小鮮什果涼粉配雪糕球生果清新，配上涼粉真係消暑一流再加多個雪糕完全透心涼份量係超多埋單後仲會送一張優惠券下次使用真係

綠林甜品讓我有著一段美好的回憶, 因為結婚初期住在附近地區, 所以常常都會去這裡食甜品, 老公特別喜愛食他們的湯圓。今天因為在附近食晚飯, 之後突然想起綠林, 就去看看多年後的改變。雖然同區都有很多甜品店舖, 但這是一個回憶吧~圓子很煙韌、仙草很滑、紅豆好大粒好好味, 全部加在一起, 口感十分好。豆腐布甸本身都好嫩滑, 好似皮膚的白滑, 桃膠好爽滑, 滋潤又養顏。以前我常常叫薏米腐竹糖水、烏豆桑寄生茶加雞蛋及老薑蕃薯糖水, 真係好適合我口味。

之前就聽過好多深水埗友推介呢間糖水舖，今日喺附近食完晚餐就特登過嚟朝聖🙏🏻，九點幾去到門口已經有十幾人係度等緊，等咗差唔多半個鐘先入到去，就叫咗個A3(芋圓、地瓜圓🍠、仙草、小丸子、紅豆粒、蓮子配糖水花奶🥛），都要等咗10分鐘先到。芋圓地瓜圓顏色比平時見既淡色，好煙韌但冇咩味道，蓮子冇去芯食落有啲苦，而紅豆都係淡口，唯一令人覺得好食😋係鎮店之寶仙草，食落好滑又唔太硬，同坊間食既好唔同，不過縱使有仙草加分，整體都係一碗好普通嘅糖水，令人有少少失望😞

已經係唔知第幾次食綠林了，今次想寫review 係因為朋友叫左佢的芒果系列，有驚喜！1. 蛋白杏仁茶姐是個蛋白杏仁控只要個間糖水店有做呢款中式糖水我都必叫！overall texture 係較稀但並唔係over 稀，每次食都keep 到水準，食到啖啖的蛋白。2. 楊枝甘露加芒果布甸呢個係估佢唔到咁好味！個楊枝甘露絕對冇戲場，係feel 到真係好多好多芒果打爛成汁，好濃好濃好濃的芒果味！個布甸入面亦係啖啖肉！下次應該會encore !

秋冬後最好食粟子，今日特登嚟試左專食傳統糖水的綠林。叫咗生磨粟子粒露$35, 自製杏仁露$26。超欣賞個粟米粒露🥰，粟子味好濃好夠，有奶味，又有細粒粟子增加咬口。凍凍地時份食非常合氣節食。呢間糖水鋪專食中式甜品比較有名，見平日幫襯的人都好多。

最近越來越多花哨甜品但本人始終熱愛傳統中式甜品杏仁蛋白茶熱辣辣新鮮製作杏仁味十足每一口先是糖的甜然後是蛋白的滑嫩之後是杏仁的一點苦澀最後是但但的甜的尾韻算是全香港最足料同好味嘅杏仁蛋白茶吧

嚟到舊式糖水舖梗係叫舊式糖水啦由於6點后唔可以堂食！所以入座時職員都特別提我哋！蕃薯🍠糖水～都幾夠薑不過都係覺得佳佳好食啲！下次試吓尼渡嘅栗子🌰糖水南北杏燉木瓜雪耳糖水～唔太甜！都OK

好耐之前朋友向我推介呢間位於深水埗嘅中式甜品，話呢款栗子粒露好正。今日咁啱路過深水埗就經openrice訂左一碗生磨栗子粒露再額外加錢要左芋圓+地瓜圓，埋單$43。滿心歡喜諗主試下， 結果好失望未曾試過咁難食嘅栗子露！首先個栗子露係完全無栗子味，就好似攞D粉+白糖黎開個糊仔咁，仲有D粉狀嘅粒粒，味道只有小許甜味，毫無栗子味，想食得出栗子味就一定要依靠個D大細不勻嘅栗子粒先有栗子味。其次係芋圓嘅問題，雖然呢間芋圓並唔平， 要加$7，由於小妹係一個芋圓控，所以食甜品芋圓係必加之物。雖然加左錢，但呢間鋪頭居然係呃錢，漏單，完全無比到芋圓，白白食左我$7. 差評！最後2人夾埋都食唔到半碗😅 難食到喊整體黎講，呢款甜品一個字： 差！ 二個字：難食！ 三個字：無下次！

深水埗嘅糖水舖係超多呀，如果你計埋珍珠奶茶飲品舖仲多，咁綠林喺度䇄立咁多年呢有一定有原因，傳統糖水呢講做得唔錯。不過我今日就食潮流興小小嘅芋圓喇，咁佢芋圓呢，我覺得整體嚟講呢就做得太甜，而且係唔係黑糖嗰種屬於普通湯水，咁就會失色咗少少啦。不過都算抵食一兜糖水有齊芋圓啦、珍珠、小丸子、紅豆喇、西米啦涼粉，每樣都係獨當一面，你今次掟曬落一兜到呢，真係唔打得都睇得，食落呢點都會有樣係自己鍾意食嘅嘢。講返啦最有派頭嘅芋圓呢，我覺得就未算特別好食 ，口感一般，食材味道就不太突出，但都係嗰句 深水埗價錢合理夫復何求🤣🤣🤣

平時好鍾意來綠林食d糖水，覺得佢d糖水都好傳統好啱口味。.但今次過來，見到有新出嘅芋圓，當然要試下啦。.🌼芋圓地瓜仙草 $35呢個係芋圓，地瓜，仙草， 紅豆粒，西米or黑珍珠配糖水及花奶。.首先 一端上來見到賣相已經覺得 有d貨不對版，冇相咁吸引。.食落發現，真係一般般。d紅豆粒如果再霖d會好正，芋圓同地瓜圓嘅煙韌性唔夠，覺得太軟。仙草還可以。黑珍珠一般般～.總體來講 呢個糖水麻麻地，不如其他傳統糖水好味。

當日夜晚大約7:45PM黎到, 唔洗等位只叫了一個楊枝甘露配小丸子等左一陣就上台一食, 覺得好似漿糊咁既口感味道亦有D淡芒果係正常既不過D小丸子都係一PAT PAT好粉既成件事一D都唔好食好失望唔會再有下次了