綠林甜品

營業中

休息中

飯後時間去綠林要等等了10分鐘座位都不是太狹窄有一尺x一尺闊冷氣夠凍有21度風口面出風包保個個食客都有涼快感覺服務態度都幾好會講多謝放食物的手勢好溫柔地軟軟放下不會使手指插落糖水中首先叫了芝麻豆腐花係黑色味道普通貨色芝麻味唔夠仲衰過supermarket買果d豆腐花都ok係白色夠甜, 有初戀感覺有豆味, 應該係用頂級黃豆整夠凍應該得4度芒果明珠淡口感受唔到佢係芒果芒果味唔夠濃芒果肉多而無味明珠好濟份量太多整體太甜了差過松記唔少~

久聞「綠林」之名，這天經過深水埗，終於可以一試其甜品了。晚上約十一時到達，全場滿座，幸好剛有食客離開，不用等位。不過一坐下，侍應就問我們吃什麼，想不到這裡的「效率」比澳洲牛奶公司更高! 左想想，右想想，結果點了大家都讚不絕口的豆腐布甸和芝麻糊…豆腐布甸 ($16)：軟軟的布甸充滿豆香，口感幼滑，拌著花奶吃更美味!（可是它的味道亦令我想起維他奶…）吃了一半，布甸依然很挺身，但把它搖一搖便左晃右擺，相信店子將魚膠粉的份量控制得很好。芝麻糊 ($13)：這裡主打傳統的中式糖水，當然要試試芝麻糊! 果然入口香滑，芝麻味濃郁，不過略嫌甜了一點。綠林的豆腐布甸可稱得上價廉物美，再來的話一定會encore，但店子較狹窄，又要吃得匆匆忙忙，或許外賣是一個好選擇。

2:50係店鋪門口,仲未開,真係3:00先開鋪,一路等一路聽住收音機,3:00報時,閘門準時升起,真係好準時啊!我同我老公係第一個客人,坐低就叫左個芝麻糊+豆腐花($14),木瓜雪耳($18),我的芝麻糊+豆腐花先上,個芝麻糊好香,好滑,豆腐花又有豆味,雙拼都係$14,芝麻糊都$13,真係好抵!木瓜雪耳熱騰騰上,唔太甜,都好好味!唔夠15分鐘,店鋪已經坐左一半人有多,真係好多人專登來食,不枉係門口等左咁耐,下次再來食過!

到深水埗打邊爐後意猶未盡，一行七人去吃甜品。我們吃了～芒果布甸+楊枝金露($28)：單看表面完全看不到芒果布甸，其實寶物沈歸底，布甸就在楊枝金露內。每一口布甸都有濃濃的芒果味，軟硬適中，加上份量十足的楊枝金露，有西米、不酸的西柚和芒果，正！豆腐布甸($16)：豆腐味很濃，布甸很滑，是每次到綠林的必食之選。上次吃走了花奶，今次加了感覺更佳！芝麻糊($13)：不會稀，芝麻味重，很飽肚。鮮什果豆腐花：賣相一般，豆腐花本身已很淡味，加上不夠甜的什果，所以只屬一般。芝麻糊+豆腐花($14)：芝麻糊令豆腐花很有味。芝麻糊+杏仁露($16)：我不吃杏仁露，所以沒有試，但朋友吃得一乾二淨，相信不錯。九時多已全場滿座，當我們到達時根本沒有吉桌子，幸好店員拜託某些二人食客移到較小的桌子，令我們無需久候，服務尚可。個人認為綠林是區內甜品店首選！

係附近食完晚飯口痕痕，去綠林再食過 叫左三樣野︰糖不甩 - 好食，d花生好香呀呀呀呀呀 楊枝金露 - 好食，好多芒果 芒果豆腐花 - er.... 好古怪，我諗走芒果會好食d好抵呀，經過的話會再去!

剛剛在長發食到身水身汗，未食飽都來個落荒而逃的結局，男人老狗食一碗粉麵怎會足夠的，立時想到轉彎行去綠林食個糖品去打打底先。望望綠林反而價錢不是加得太多，老闆這個價錢真是益街坊，想了一想就叫了一個蕃薯糖水和一個擂沙湯圓。蕃薯糖水($12)仍然都是叫了這個老式的糖水來食，碗內有很多的蕃薯配在微黃的薑糖水中，食落蕃薯都煲得十分之稔和帶上了微微的甜香，糖水雖然是用薑煲但完全沒有辛辣的薑味，反而令人家更加易接受，想用來醫肚可以選擇這一味的糖水，因為食了幾件的蕃薯之後都會有飽肚的感覺。擂沙湯圓($13)肚餓的關係再叫多一個飽肚之選，碟上有五粒湯丸上充滿了花生粒和芝麻粒。放在上面炒香了的花生粒和芝麻粒非常香，為了唔想浪費上的材料要用些時間將湯丸們翻來翻去令粒湯丸的外皮粘滿了花生粒和芝麻粒再去食，食落真是十分香口和彈牙，而入面的麻蓉餡十分之香口，不過如果有叫其他的甜品同時食時必到會被它的味道搶去，因為實在太好味了。食完這個先開始有少少的飽意，好味的甜水令人想再叫的感覺，不過為了健康….下次先再食過。

果日同家人都完荃灣食元祿返屋企前話想食甜品,不試過呢間所以就入去試啦! 入到去張張台都有人坐,要D阿姐左移右移先至有個3人位,坐下來就見到餐牌中有我最想吃的榴槤班戟!!,就立即叫啦,而我家人就因為好飽只叫了一個芒果涼粉兩份吃,過左半分鐘,我個班戟就到了!有2大舊,我當然唔客氣啦,一啖半舊,正!!好大舊榴槤肉,好香甜,忌廉唔太甜,皮又好薄,家人都話正,等我食完個班戟,個芒果涼粉都到了,我又試下先,D芒果有酸有甜,再食涼粉就覺得涼粉好淡又唔夠凍,我D家人話唔好食呢,食左少少就唔食了,咁為有我包底啦,咁我都覺得間間糖水鋪有D野係會弱D,可能就係個涼粉配芒果唔好啦,但我個班戟就十分正,雖然佢26蚊,但值得! 另外台同餐牌都(痴)手,沒有抹好呢...........

今日睇左or呢間高評..而最多叫係南瓜馬啼露...入去今次有位..上次經過因為多人所以走左..可惜呀..原來咁好食...事關廢是攪肚..所以每次試一樣就夠..有祈望...結果亦無失望...good...落左單..不一會就畢左黎la..試一啖..好清甜..d 馬啼容真係整得好...味道兩種好均衡..而濃稀度又恰到好處..最重要13$食落去再回想起..真係抵...第1次有種想法:唔係呱..15$都抵wo呢種質素..(當然唔好咁做la)服務再好d就更加賓至如歸la..事關落單到埋單..樓面同收銀都不發一言..只係講左句:十三..

係深水步區食完飯之後，想去食個甜品，見openrice有介紹呢間綠林，仲話南瓜馬蹄露好正。我係個糖水怪，梗係去試試啦。入到去發現唔算多人，店員手快又有禮貌，叫左個凍既南瓜馬蹄露。試左一啖，好正阿，以前去親深水步都係食松記，今日終於發現到另一個深水步烏托邦。d馬蹄好"林"，完全唔似我平時食果d咁硬，南瓜又超甜。仲要係$13，我一定會再黎。本黎成身好熱咁入黎，食兩啖真係幫我降哂火。GOOD!!!

一行多人食完晚飯去綠林食甜品+吹下水我與C朋友叫左個"芒果布甸+楊枝金露"芒果味不多,但勝在有芒果肉,正正正!!!但朋友C覺得甜o左D。總結:街坊甜水,可以一試

雖然天氣好熱但我仍然叫左碗熱既南瓜馬蹄露從來對南瓜無興趣既我竟然會order南瓜馬蹄露無他 !就係因為係openrice見到網友都推介話好食嘛　雖則話係熱 但其實只係暖都好 如果唔係一定食到我流哂汗南瓜煮成茸再加上爽甜馬蹄馬蹄被切成碎粒一淋一爽 配合得天衣無縫食落唔太甜(有時太甜既甜品會愈食愈口乾)濃郁南瓜香味 充斥在口中好味道另加友人的渣咋花奶好似過多令渣咋都變左奶白色喇望落都幾足料 味道如何就唔知喇

去完鴨寮街買機頂盒,好似成身汗.但唔想淨係買野飲咁單調.行行吓,入去同個FD整碗糖水先. MENU 朋友叫左楊枝甘露4分:西柚同芒果都幾多,不過D芒果少D.我叫左凍既蛋花馬蹄露 4分:馬蹄爽唔會起渣,凍食幾消暑.非常之好,臨走仲要打包個榴槤布甸返屋企添!

早排突然o係腦海浮現綠林, 好想去食一碗腐竹薏米糖水隔左幾日, 終於忍唔住要去幫襯下鍾意呢度, 係因為中學時代, 已經開始伴我成長, 同埋呢度夠傳統, 唔會有太多花臣野是日為星期四, 間中有少少雨粉, 但係竟然全場爆滿幸好有一檯人剛剛食完起身, 唔洗等位個pat 未掂到張櫈, 店員就問我食乜, 雖然我心目中已經有答案, 但係都唔洗快過澳洲牛奶公司架, 俾個機會自己考慮清楚都得掛年紀漸大, 最喜歡o既糖水款式亦有所改變, 湯丸 -> 紫米露 -> 芝麻糊 -> 腐竹薏米糖水無蛋, 無白果, 有薏米, 腐竹未煲爛哂o既腐竹糖水, 記憶中, 只有綠林, 仲要係$11, 真係別無他選, 不過略嫌薏米少左D, 通菜街老友記做得好過佢另外再叫多個糖不甩, 好熱, 好煙韌, 配料夠多, 又係$11由於我輕裝夜訪, 冇帶相機影相, 不過我相信, 一定有機會再黎走o既時候, 見到有人食豆腐布甸, 個樣幾滑, 下次一定要試下

和朋友們吃這裏外賣糖水,我選了最多好評的"南瓜馬蹄露",果然很好吃,朋友分別叫了紅豆沙、芝麻糊豆腐花、紫米露,全都是水準之作。最欣賞是這裏的糖水都不會太甜,值得一讚,希望店主繼續保持下去。

近來因為忙很少寫食評了，所以積儲了很多的未寫，希望可以多一些空閒的時間來分享我的經驗。現代人生活崇尚健康和新穎，由於都市病的關係，小甜小咸的生活已經成為了一種的潮流，就算是食甜品也都要和健康扯上關係，要什麼低脂低糖的甜品，因而西方或是日式的甜品小食大行其道，反而傳統的糖水店因為煮法和味道的局限而不能在這方面作出太大的改變，令這一類中式的甜品店有越來越少的現象出現，雖然是這樣但仍然有一班像我一樣對傳統的中式糖水有不離不棄的人，而綠林也能令我對這種感情得以維持。每一次會去深水渉食晚飯都一定會去這裡食糖水，酒樓餐廳有的甜品都不要而來到這裡試試心想可能都有少少的心癮了，不過每一次都不會令我失望的，光亮的綠色招牌在元州街上很易的看見，每一次大約七時多來到時都不會有太多的人客，通常都唔洗答枱可以自己坐一張枱的，令人可以更加輕鬆的心情品嚐這裡的甜品。這裡的糖水種類非常多，但本人都是比較喜歡舊式的糖水類的例如紅豆沙和芝麻糊等等，所以今次介紹的有紅豆沙、擂沙湯丸、芝麻糊、豆腐布甸、南瓜馬蹄露、蕃薯糖水和喳咋。紅豆沙($12)這是一味傳統的中式糖水，想必做糖水店必要的糖水，但煮得好的地方真係唔多，不是材料