綠林甜品

營業中

休息中

很愛吃紅豆沙,但很難找到好吃的,綠林的紅豆沙就是我至愛紅豆沙煮至起沙,紅豆唔硬,又不至溶,有口感,食落有紅豆果陣香味,確是做得出色,是我每次到深水埗的必食之選

星期一晚吃完隔離的山東餃子館，過呢邊綠林吃甜品，之前看食評有芒果布甸，只是 $12，特別來試一試。芒果布甸（$12）：綠林一點也不吝嗇！超多花奶！布甸質感很軟滑，不會像坊間勁落魚膠粉般死實實的，很滑很好味。布甸芒果味不算很濃，但吃起來很香奶味，而且充滿一粒粒芒果肉，很正！

本人平日不太好甜品，但今日突然心血來潮好想食甜品，所以同Honey決定去綠林。 豆腐布甸 --- 呢個係我的最愛，好香，好滑。<--- 必食推介 腐竹蛋糖水（熱）--- 呢個係Honey食嘅，亦都係他的最愛雖然得兩個人，但我食完個豆腐布甸依然覺得未夠喉，所以我地叫多一個芒果布甸嚟試。好驚喜地，個芒果布甸入面有芒果肉，出面好多舖頭都冇咖！GooD... 最衰已經好飽好飽，如果唔係我都好想試埋個南瓜馬蹄露咖...

其實我是一個很喜歡榴蓮pancake的人。我去過不同的甜品店吃。不過最好還是綠林！！因爲榴蓮餡又多，cream&榴蓮餡的比例非常不錯·！！！！其實它其他的甜品也很不錯。例如紅豆沙，紫米露，蛋白燉鮮奶。其實綠林是香港一所數一數二的甜品店。所以不妨一試。

上星期日的下午, 當告別了新華令人失望的下午茶之後, 我和老婆徒步由長沙灣行至深水埗, 為的是一碗芝麻糊及一客豆腐布甸. 目的地就是在深水埗很出名的糖水舖 : 綠林甜品.現在坊間很多的甜品舖都有傳統中式糖水供應, 但是, 絕大部份都不好吃. 難得從Openrice中知道這裏的中式糖水深受好評, 尤其是我最喜愛的芝麻糊更加是招牌推介, 所以一定要來一試.原來, 這間綠林甜品的所在地, 竟然就是我中學生時代最常到的福利模型店對面! 可惜以前的我, 對食物質素的要求不高, 更很少吃甜品糖水, 否則我可能會留意它的存在, 甚至會幫趁它呢!踏入店內, 由於大慨是5點左右, 所以客人並不多, 大約只有十多人, 我們很容易便找到一張頗寬闊的桌子. 從這裏的裝修佈置, 一眼就看得出, 應該是一間在這位置經營上好一段日子的老店了. 簡潔的環境, 白色的光管, 普通的裝修, 沒有現在很多新派糖水舖的花巧裝飾, 很明顯, 這兒的老闆沒有打算用優雅的環境吸引客人進來, 而是利用自家糖水的質素為賣點. 也許, 絕大部份在深水埗的店舖都是如此, 做的只是街坊生意, 不會像旺角, 尖沙咀或者是cwb的食肆般重視門面

每次去開深水埗都不忘食碗糖水先走..因為抵食又好味~試過lunch黎就食閉門羹..今晚三個人~要一人一碗糖水再share一客豆腐布甸..我既熱芝麻糊…點知黎左暖既糖水~平心而論~糊既味道係唔錯~不過暖既糖水又真係好難接受~下次寧願要凍都冇咁嬲..朋友既芝麻糊溝紅豆沙都係唔太好~因為紅豆沙同芝麻糊份量唔平均~只有好少紅豆~而且都都係唔夠熱..而媽媽既南瓜馬蹄露就keep到水準喎~又多南瓜絲又唔太甜~奇怪在佢o個碗係熱到出煙…而豆腐布甸都依舊既好食~搖下隻碟..件布甸郁郁下~好好玩~食落清清既豆味…再少d甜就更好呢~不過口感好滑係唔錯!下次我要試好多人都order既喳咋~~再唔係就要返凍既芝麻糊好喇…

心血來潮想吃甜,即致電身處深水步晚飯中的老公外賣速遞.甜品有熱合桃糊,芝麻糊各一,合桃糊頗有合桃味,質感幼滑但好杰,而且太甜!!芝麻糊亦一樣,食後要狂飲水,個人認為滿記的熱食甜品做得比綠林出色

每次來到深水埗總會來這家甜品店吃甜品, 皆因價錢便宜, 味道上乘.是日到瑩記買偏光鏡, 吃完晚飯便去這家店吃紅豆沙和湯圓.紅豆沙真的不錯, 夠杰和紅豆不太爛, 吃下去冰涼的感覺令人忘記夏天的存在, 後面再追加湯圓, 餡料豐富, 但美中不足是它的皮厚度不一, 且偏厚, 變成吃下去太黏, 但還是做得不錯, 其湯水比較清淡, 沒甚麼冰糖味, 但反而更突出湯圓的味道, 讚.

食完晚飯行了一陣，同行說想食甜品，立即想到這一間深水埗分數最高的甜品店試一試。八時來到，人數不是太多，找到位叫了楊枝甘露和紅豆沙。紅豆沙($10)初初時想這樣平會唔會唔好食呢，但一試就知道錯了，這裡的紅豆沙煲都非常沙，軟綿綿的，又有好香的果皮味，火喉煲得非常好，水準非常之高，所以有時價錢平都有好野的。楊枝甘露($20) 味道都好，西米、芒果和柚子的比例相當之好，夏天的非常好的選擇。怪不得是深水埗分數最高的甜品店，絕對要再來的甜品店。

七月十八日 (星期日)同老公仔行了陣高登,都是等三時來到,可以去吃綠林甜品!都有一段日子沒有吃過豆腐布甸了,我們都覺得他是全港最好吃的豆腐布甸!夏日炎炎,行幾步已經成身汗了,見到他非常高興,而且冷氣又足!點了兩樣:鮮雜果珍珠西米露有西瓜,蜜瓜和芒果等,生果都甜!底是忌廉奶,很香滑,又有我非常喜歡吃的大西米!豆腐布甸不用多說了,是鎮店之寶呢!非試不可入口很香滑!!

岩岩去完食腸粉; 行左陣就黎綠林食甜品拉之前試左豆腐布甸,所以今次就叫左碗凍芝麻糊;朋友叫鮮西瓜西米露;佢話幾好味wo~芝麻糊好滑啊~ 錦炎熱既天氣凍食更加一流凍氣都幾夠,食完坐左陣先走~

很少地方會有花生糊架, 以前呢度係有架...but...好失望... 既男友 叫咗糖不甩,但口感就一般,實實地,花生粒又太大我叫咗桑寄生茶, 但味道就一般喇,還有黑豆係裏面添. (好奇怪地有黑豆既存在)有點澀,但都入到口既~下次要同男友去番我屋企附近果闁先~

吃過綠林糖不甩，一直覺得又抵又大粒： 糖不甩 ( $10 )：糖和花生的配料特多，而湯圓的體積也特大！非常欣賞！ 不過店舖環境一如既往，很迫很狹窄，夜間多數要和人搭枱才有位...

見到咁多食家師兄師姐都覺得綠林正，始終都要試一試兩個人三點零五行到間鋪外，一入去，已經成十幾廿人，真係咁好食？？開鋪五分鐘都咁多人！記得這度D食家話豆腐布甸正，於是座底即叫豆腐布甸再加個芒果涼粉。豆腐布甸一試哈哈！真係有豆腐味，都ok！至於芒果涼粉都覺得ok可能剛剛開鋪，D唔係點解凍！下次都可以再試一試！

本人最喜歡芝麻糊, 每到每一家甜品店必先試它是否合格綠林的芝麻糊可以一試, 芝麻味很重很香, 在炎炎夏日吃一個冰凍的芝麻糊果然是一件賞心樂事.另外它著名的豆腐布甸也不俗, 豆味濃且布甸很結實, 有口感, 切下去也不見得會粉身碎骨 鑽