綠林甜品

營業中

休息中

食完狗仔粉仲有d餓😜😜 search到呢間多好評又只係係隔離街⋯就黎食個糖水😁😁嗌左凍黑糯米小丸子 ($24)頗大一碗～ 豪不吝嗇地落左勁多花奶😂😂 小丸子好煙靭 😍😍 平時好怕小丸子凍左會變硬～ 呢度完全冇呢個問題～ 食到尾都仲好有嚼勁！ 仲有唔少粒😁😁😁👍🏻👍🏻👍🏻👍🏻 黑糯米煮到剛剛好～ 稔身之餘但仍然軟糯～ 加左d類似薏米咁既野～ 一啖入面又煙靭又軟Q 👍🏻👍🏻👍🏻 味道稍甜～ 好彩我嗜甜 😜😜朋友食芋頭西米小丸子 ($24)～ 芋頭唔夠粉～ 相對下較為失色～

天氣咁熱，真係要食返個甜品涼番下。今日就慕名而到此店食個甜品。Oreo 椰西雪糕紅豆冰：雪糕選了我的至愛-榴槤雪糕，榴槤雪糕真係有驚喜，除了雪糕上有Oreo餅碎外，最重要係有好香嘅榴槤味，而且味道濃郁，仲好幼滑添中層有椰汁西米露，下層就有紅豆冰；一杯甜品就可以滿足我幾個願望朋友就選了蛋白燉鮮奶加蓮子；蓮子出奇地多，而且燉鮮奶好滑；不過我哋都覺得太甜

今日回到舊公司同同事聚舊，相約在舊公司附近一間的舊式甜品店，在Openrice的評價都頗高的。點了紅豆粒熱豆腐花雪糕小丸子 $38，名字又凍又熱，十分好奇會是怎樣的一個甜品。有紅豆粒，暖暖的豆腐花，冰凍的雪糕，軟綿綿的小丸子及花生碎。小丸子及花生碎還配上一些幼砂糖，口感像糖不甩。豆腐花很軟滑。整個甜品都很有驚喜。

去開呢頭試食，唔差在試埋呢間.....縱使應該食中式糖水的，但見隔離枱的芝麻糊的質地及其掛碗的質素，我相信不用試了....抹茶控的我, 一定要試吓況似是呢度嘅招牌甜品之一，<紅豆粒+豆腐布甸+抹茶雪糕>須已經有心理準備這裡的抹茶雪糕不會好食得像宇治的....但~~~都不能夠做到這樣吧??!!!一般(不是宇治的)抹茶雪糕, (即使是老麥的) 食第一啖都總會有d抹茶味，之後味蕾習慣了就食唔出好濃的抹茶味但呢個真係, 連在第一啖都沒有抹茶味，感覺只是食緊冇vanilla香味嘅vanilla ice cream....🍦豆腐布甸---冇豆腐味, 唔甜，冇味~紅豆粒---最好食，好大粒，甜度適中👍🏻成個配搭，看似好夾，但食落怪怪因為雪糕是凍的，布甸是室溫的，而紅豆是微暖的~~~ 😓😓😓

星期6個日考完試, 諗住去綠林食返碗糖水安慰下自己既失誤,,, 結果我考完3點都未到............... 原來未開門囉(°ཀ°)(°ཀ°)(°ཀ°) 結果行多左陣我先約埋朋友一齊去甜品去安慰心靈XDDDD 店內貼滿餐牌, 要睇都好方便 餐牌有唔同種類糖水選擇 雖然係「老字號」糖水店 但係Menu 都非常Update~ 好色彩繽紛~~ 令人好想樣樣都好想食~~（¯﹃¯） 想當年都係同男朋友黎食..... 嗯..... N年前啦xDD 小鋪執下一間又一間, 希望佢唔好執啦! 不過我最推薦呢度既芝麻糊!!ヽ(∀ﾟ )人(ﾟ∀ﾟ)人( ﾟ∀)人(∀ﾟ )人(ﾟ∀ﾟ)人( ﾟ∀)ﾉ 我次次都黎食架! Hee Hee~~ ↑↑↑↑↑↑↑↑超愛超好味 中途去一去洗手間, 原來要經過廚房 見到新鮮黑芝麻 (未磨) 真係正呀 因為之前食過好多間都係沖出黎 芝麻磨得唔夠滑, 真係好難食架 而綠林真係自己磨黑芝麻出黎!! 食落口真係好滑, 好好食!!(*´∀`)~♥ 朋友叫左杯海鹽奇異果飲品 杯飲品沒什麼特別 只係.......附送鹽一包 ┐(´д`)┌ 不過都係有d創新既甜品 俾個

放假日與朋友來到深水埗區搵食，打算去西九龍途中發現了綠林糖水，門口個餐牌show出不同的糖水款式，好奇心下一於嘗鮮如果在星期一至星期五下午3pm-7pm 時段，堂食或者外買，更享有九折優惠，可以講更抵食啦

食完午飯，由長沙灣步行到深水埗逛逛。過了一段時間甜品癮起，於是朋友帶我到街坊式經營的綠林甜品～平日下午時份，人流算旺，地方整潔光猛～芝麻糊質感杰身，散發出很香濃的芝麻味～食完身體都沒有咁冰凍～只不過咀巴十分烏黑而已..........喳咋 - 材料滿滿，有紅腰豆、紅豆、三角豆等，食落粉嫩軟熟～椰漿淡奶份量落得不多，所以甜度較低，極之適合我～有空再經過的話，都會食番碗潤一潤～

深水埗食完晚飯想食糖水,我地首選綠林,勝在多選擇,上至芒果類甜品,布甸,沙冰,中式甜品,梗有一款俾你選擇到喳喳,阿媽話係佢年代嘅產物,裡面又紅腰豆,西米,芋頭,好多唔同種類嘅豆加埋花奶,好豐富芝麻糊+合桃露,好自家磨feel,好香好濃,唔係坊間沖粉開水果d麥米粥,又係好多材料,麥米煙un有咬口,甜甜地好味蛋白杏仁茶+湯丸,女人養顏佳品.話食左會靚d,湯丸皮好煙un,大大粒,黑芝麻餡好香食完甜品就係晚餐嘅完美句號。呢度價錢好合理,勝價比非常高

今晚突登去渣車去綠林買糖水 就係想吃個中式糖水買左腐竹糖水&紫米露呢兩個糖水失誤程度十分低但呢兩個係綠林買既竟然係十分難食好似加糖水混合 水+糖+腐竹紫米露都係好甜好失望

吃過蝦汁沾麵, 向深水埗方向走前兩個街口, 就會經過綠林。 每次到深水埗也會光顧這家街坊甜品店, 這次也不例外。新裝修後燈火通明, 雖然失去了那街坊老鋪的韻味, 但至少感覺也較潔淨。八點多人人食晚飯時去食糖水, 當然不用等位! 不過早食顧客亦不少。選擇可謂非常百搭, 除了固有的經典, 也推出了不少新潮款式。 現今趨勢, 這麼澎湃的選擇, 才能滿足心多的食客。中式, 港式, 款式多多, 心也多多, 但胃納有限, 尤其吃過較油膩的沾麵後, 甜品也只能淺嚐。楊枝金露+芒果布甸 $40黃色加黃色, 非常夏天標記。 芒果布甸非常滑溜, 而且帶點彈性, 布甸底部還藏有頗多的鮮芒果肉, 啖啖滿足。沙田柚拆肉, 撕得頗仔細, 但我較喜歡大啖的滿足, 夏天的沙田柚挺不錯, 甜甜的帶微酸。 西米用上細粒的, 軟硬適中又晶瑩, 不會呈糊狀。 整碗甜度很適中, 份量亦非常稱職, 十分滿足。紅豆粒熱豆腐花雪糕小丸子 $38今期新出, 見樣子蠻吸引, 於是試試。 可惜甜品到來的時候, 驚覺面頭加了很多花生碎粒, 自問不是討厭香口的花生, 但以這形態加進去, 倒有點不能接受, 而且份量很多, 蓋過了豆腐花的味道。

深水埗真係食碗糖水都平過人，而家2字頭既糖水少之又少喇蛋白炖鮮奶一睇就知面果層非常嫩滑，不過食左面個層之後就覺得入面既炖蛋白唔夠滑了。整體黎講奶味都叫好濃郁，$20價錢收貨有餘啦~

小妹好中意食甜品同糖水，特別係腐竹雞蛋糖水係中式糖水入面既最愛💕今日車左娘親出深水埗，佢去依間小妹十年都唔去一次糖水店（因為娘親中意食麥米粥佢就成日黎）買糖水外賣，咁娘親記得我中意食腐竹蛋就緊係叫比埋外賣我喇～嘩頂！我都耐無打食評都忍唔住download番openrice 個app打番篇野講講佢難！食！到！《腐竹雞蛋糖水》顧名思義有腐竹有蛋喇！真係唔該哂！我《見》到哂啲材料係入面呀！但係食唔出囉！甜到呀！糖水你估真係落糖落去就叫糖水咩？！甜到口都鞋埋！唔係講笑！我就住元朗既大把唔出名既糖水小店好食過佢20萬倍！好心啲出名既店（包括埋B記同泛后個啲）就尊重下自己個朵！整啲野好食啲喇唔該！

今天跟朋友在深水埗閒來無事，下午四五點，吃飯又早了一點。天氣熱，不想在大街行走太耐，於是選擇食糖水。深水埗的糖水舖有很多，看見這家店有不少客人便走進去光顧。款式很多，我點了傳統的無花果川貝海底椰燉雪梨糖水，朋友要了蛋白杏仁茶。朋友說他的杏仁茶味道不錯，有很重的杏仁味。我的雪梨糖水，不會太甜，但感覺很滋潤。燉盅內有兩粒無花果，幾片海底椰，一個切片雪梨。雪地切得很有心思，可以完整拼回一個。

尋晚，晚飯後一齊去埋個食甜品先夠喉，由長沙灣行返去深水埗既綠林甜品。三個人行下傾下好快就到左lu。入面full左，咦?自助取飛等位?我問朋友:依家咁先進自助拎飛架?哈哈，佢既答案係唔使拎飛架。。。佢冇講錯，呀姐真係出黎問幾多位然後就咁帶入去。坐底都唔使點諗，朋友強力推介Oreo豆腐布甸，就一於三個Oreo豆腐布甸喇!!甜品好快就黎到喇，睇落算多Oreo餅碎，豆腐布甸加埋Oreo餅碎!有餅碎既咬口之餘仲有豆腐布甸既軟滑，個種感覺好有趣，最好既係食落唔太甜，岩晒我

午餐過後走到綠林，見到很多不同糖水和甜品，實在眼花繚亂，綠林主打港式糖水，又不乏 Oreo 和牛乳等新派材料，顯出香港那種變則通的道理。思前想後，眼尾看到寫著時令生磨栗子粒露的牌子，心中充滿疑問，還以為秋冬才是當造季節，最後也不理太多，點了栗子露。我一向都喜歡吃栗子，對栗子燜雞煮得爛爛的那種更是愛不釋手，但如此的我竟然到6年前才知道栗子果實原來像紅毛丹，有長長的鬚鬚，破開後才是平常見到的栗子。栗子露散出香氣，有別於一般果仁，栗子澱粉質含量高，所以味道甜得像蕃薯，亦因此使糖水的質感稠稠的，有的做法加奶，不過今次又好像吃不到明顯的奶味。 叫得上栗子粒露當然少不了栗子粒。栗子本身結實，經烹煮後口感帶點海綿軟軟略有彈性的感覺，大大粒連糖水吃實在滿足。雖然未試其他甜品，不過很喜歡綠林在舊區賣新式糖水這個配搭，新潮又不失香港味道。今次的栗子露若可稍稍減甜，相信會有更多捧場客。