綠林甜品

營業中

休息中

呢間老店甜品, 次次去都好多人.今次叫左個 椰汁雜果黑糯米, 個椰汁夠杰, 而且好香椰味, 撈埋d黑糯米好好味, 唯獨雜果份量較少, 不過生果幾新鮮, 都算係唔錯既.最重要係佢開左咁多年, d價錢都無乜大變動, 街坊價好抵食.

因為工作關係忙左成日，回家途中收到朋友為自己特登買既糖水，仲要買我最中意既兩款甜品，唔洗十分鐘就食哂啦味道加埋心意就滿分講返個糖水先啦~紅豆沙：紅豆沙呢啲咁普通既糖水周圍都有得買，但要好食既就其實好少見！今次食呢個紅豆沙都唔錯，佢唔係會起沙果種咁好味，入面都有6 7粒蓮子同埋少量紅豆，雖然佢唔係煲到會起沙，但就唔會話好稀或者好水，濃度可以話適中，另外好多人都驚紅豆沙會好甜，但呢個甜度岩岩好，老人家都唔怕食呀如果可以起埋沙就正喇~糖不甩：糖不甩湯丸呢啲不嬲係我最愛，今次朋友買埋呢個比我真係好開心！令人驚起既係呢間糖不甩係金黃色既，咁樣係因為佢煮完粒丸後再用糖水煮個面令佢上色，有別於平時既糖不甩就咁撈花生沙糖果啲，而家真係少見呢種正宗既做法！再者，佢花生砂糖椰絲既量都唔吝嗇！連黑洞都話夠食，食完成碗想再食㖭！事後問返朋友係邊買，佢答我係綠林買，平時經過見佢好多人，成日想試，今次試左外賣去食堂食一定仲好食

去深水埗，其實係想搵朋友介紹既一間排長龍餐廳，不過搵左好耐都搵唔到，反而見到呢間甜品店，入面客人唔算多，成間甜品店睇落都幾舊時代，好多甜品可選擇，同朋友都諗左好耐，太多野揀，大家都心大心細，結果揀左d較穩陣既，楊枝金露小丸子，先講講小丸子先，好多小丸子，好似好正咁，平時去開''許留山''，其他甜品店都好少去，好快就到，等唔切咁試左啖，小丸子唔夠''煙銀''，相比許記，差好遠，只係欣賞佢自家制既小丸子，雖不特出，但起碼除''許記''，另一選擇至於楊枝金露就好淡，無味，芒果既色彩有，但無麥芒果味，西柚味更加唔洗講，無！終結：試過就算！價錢不算平(深水埗計)

黎開深水埗，行到累累地，想坐得食少少野。就諗起豆腐布甸oreo 豆腐布甸原來我好耐無黎過了，呢個係新口味。oreo 同豆腐出奇地夾，淡淡既豆腐味，加埋甜甜地既oreo 餅餅，味道剛好。仲有不可缺少既淡奶。大粒花生碎既糖不甩糖不甩好好口感，加上粒粒花生碎，軟身得黎又有咬口，糖分量都夠，唔會太甜。粒粒栗子露稍為稀左少少，但栗子味好香，都食到粒粒既栗子。唔算太甜，聞落都幾香。

黎得深水埗一定要食綠林甜品，去得綠林就一定要食中式甜品！適逢一年一度栗子露上市，唔可以放過！ 生磨栗子粒露 $28，成碗好豐富嘅大大細細栗子，非常足料，補腎岩哂！ 馬來西亞咋喳$18，亦係非常足料！芋頭好香稔、鷹咀豆又係我大愛，所有豆加埋口感都一樣，好正！整體表現從來都無令過我失望，難怪男女老少都咁鐘意黎！支持小店！

小編喜歡尋找新店，嘗試新美食，但同時覺得也要支持優質的小店🙌🏻 綠林甜品聞名已久，它的傳統糖水令人會一試再試！糖不甩🍡就是其中一款特別出色的，丸子非常QQ又熱騰騰，配料花心粒、椰絲等份量多又比例好，不會太甜，口感一流然後就是這個 - 奶白杏仁茶，綠林招牌，即叫即製，奶味濃郁，口感幼滑，又好味又養顏，必食！還有還有！暖胃飽肚的 - 蕃薯糖水，薑味很香，蕃薯微甜，煮得夠軟熟，識食必定加湯丸，吃完全身都溫暖起來最後點了期間限定的 - 海底椰百合燉雪耳又一個美顏養生甜點，女士們最愛，才料十足，糖水不會太甜，令人罪惡感急降

食完晚飯，行左一陣想食中式糖水，於是就搭車去深水埗綠林甜品喇，事關綠林有生磨栗子露，之前食過好好味，當然要再幫趁啦！由於時間仲早，並唔需要排隊，我地叫左栗子露，南瓜馬蹄露同芒果布丁： 栗子露做得十分出色，睇得出要用好多功夫去整，而且十分飽肚，南瓜馬蹄露偏甜，但都唔錯～

多年來的街坊感情，當年的小店至今也成了區內老店，時移勢易，能夠屹立不倒的想必也有箇中原因。綠林糖水店的傳統中式糖水做得出色，一直為區內人所知，但仍貼心地推出少量新派甜品，滿足年輕新一代的舌頭。 每次來到，總眷戀著那老薑湯的味道，薑糖煮得濃郁，甜度適中，薑味的辣味很到位，吞下隨即有暖胃暖喉的感覺，每次有小感冒總愛到這打包一碗回家。黃芯蕃薯明顯地是在薑湯裡煮了良久，肉質鬆粉，隨著時間的浸泡，蕃薯都很易散開。嫌未夠滿足，大概還可以加錢加湯圓，也十分滋味。

今日食完飯行左一陣，有啲口痕就諗住去綠林甜品到食糖水la。雖然去到有好多人等，但其實唔洗等好耐就可以坐低。我同friend就喊左腐竹薏米蛋糖水($19)，杏仁茶($30)同楊枝甘露拼豆腐布甸($39)。咁我覺得價錢都合理，同埋真心覺得豆腐布甸好好食😋

吃過晚飯，大伙兒浩浩蕩蕩的向糖水舖「綠林甜品」進發！到達門外，已有一小撮人龍在門外等候，幸好人流流量快，等了約五分鐘便可入座！看看餐牌，糖水款式也不少，傳統的有芝麻糊、合桃糊、杏仁糊等....新款的有布甸、Oreo 系列和鮮果甜品任配搭等...各式其式，任君選擇！而我就點選了 - 自磨合桃糊+湯圓合桃糊熱度對辦，而且入口的質感比想像中的順滑，甜度不算高，濃稠度恰當，合桃香味挺足，在我而言，這碗已相當不俗。湯圓外皮柔軟中帶點煙韌，不會似粉頭般，一口把湯圓咬開，烏黑的芝麻餡料緩緩流出，雖然沒有澎湃的流沙質感，但芝麻味頗香，甜度頗為討好，雖然已很飽，但仍堅持完成整碗糖水！喜愛這傳統的中式糖水，感覺比起一般花巧的款式較為實在，由於門外等侯的人仍多，我們大伙兒也不敢在店內坐得太耐，這一份甜感，頓時令我們各人心滿意足！

晚餐過後，即使已吃得飽飽，總要以甜品作結，繼續跟好友聊個痛快。不打緊，女生吃甜品是用第二個胃的。一場來到深水埗，一於拜會一下出名的綠林傳統糖水店。十一時左右到達，店外站滿了等位的人，幸等了十五分鐘左右就能入座。 紅豆粒+蛋白炖鮮奶 - 這是一碗蛋白炖鮮奶，面層加上紅豆粒的組合。蛋白炖鮮奶的質感算得上嫩滑，質地偏硬身，放入口中仍是滑溜溜的感覺；但跟澳牛的相比稍為不夠水漾。味道方面甜度適中，蛋白味道香，鮮奶味亦十分突出。上面的紅豆粒是大大粒的紅豆，煮得稔軟帶沙，豆味香，味道微甜，跟蛋白炖鮮奶意想不到的相配。 朋友點的是腐竹薏米糖水，糖水中有蛋花，但可能煮得過久，略嫌不夠嫩滑；腐足是一片片的，不會過爛；薏米煮得稔身，容易咀嚼。糖水甜度恰當，相當清甜，散發淡淡的腐竹清香。

食完韓國半燒烤，當然要消吓熱氣，朋友話不如去食甜品，其實我地已經飽到嘔，但係唔食甜品……晚餐唔完滿栗子露(季節限定) - 清甜……香栗子味，重要有一粒粒栗子，平時去八記，都會有栗子糊，會比較杰身，雖然都香栗子味，但係唔及呢個有得一粒粒栗子啖咁香甜蛋白杏仁露 - 杏仁味香，蛋白滑，真係完全無得頂~~

一行5人唱完歌 再到友人家中聊天 都覺得未滿足 深宵1時 走到附近唯一的糖水店 這夜天氣比較冷 我點了熱的黑糯米椰汁小丸子 友人們點了冰糖燉雪梨 雪糕小丸子 雪糕芒果pancake 奇怪難道只有我覺得冷嗎😂熱烘烘的黑糯米 粒粒分明 有質感 加了椰汁後很香再加上小丸子inin unun 夾到不得之了 友人的燉雪梨滋潤到把他的聲音找回來😂 不會太甜 雪梨燉得咬下去還有一點口感 芒果pancake份量不少 皮薄之餘 每件中間有一大塊厚厚的芒果 加上忌廉 不會太酸 還有雪糕小丸子 配上椰汁 令小丸子吃下時不會太乾 再加上大大球雪糕點綴一下小店價錢很平民化 看來下次聊天後定會再幫襯了

除夕夜倒數完，個胃空空的，好似差少少先滿足喎，即刻去食返個糖水先。 揀左蕃薯糖水，暖下胃之餘又醒神啊嘛。水既份量比想像中少，太多蕃薯啦，足料到不行，蕃薯夠甜，煮得好綿，如果多啲湯飲就更好啦。

綠林一到秋冬就會推出生磨栗子粒露（$28），我個人原先非常喜歡吃栗子，所以每到哩個時間就會去食。今年好像沒有往年咁好食了，雖然說是生磨，但覺得希了很多，應該落了很多糖水的緣故，我個人認為甜了少許，另外每啖都有栗子粒，哩方面值得讚！