綠怡咖啡廳

營業中

休息中

最近心思思想食生蠔,但饞嘴既我又唔想獨枯一味咁寡,難得見北角海逸既lunch buffet有生蠔供應喎,況且有生蠔食既lunch buffet真係少之又少,價錢亦唔算貴~$168加一,HSBC card有9折,近近地直頭啱哂我呢隻懶貓啦…綠怡廳個場几大吓,環境佈局好尤雅恰如其名,我地12點零鐘上到去但見已有唔少人入座,心知不妙,好奇地細看下先知成個場有9成被「油麻地旅遊」包左。本港團果然不比內地團遜色,甫坐下已見食物區處人頭湧湧排哂隊,我地即刻出動都趕唔切嘞!!!所有生蠔、翡翠螺、蒸魚、龍脷柳等一下子被人掃清光!!!魚生壽司區排長龍,至少等半個鐘…都唔知攞咩食好,都係攞少少炒米粉,豬頸肉食下填住肚仔先,幸好味道唔錯,豬頸肉好嫩滑。雖然有不停refill,但本港團唔執輸既本色實在太勵害,尤如蟻多摟死象,好野一上即無,問你服未?!休息日唔想有壓力,暫時轉戰乏人問津既甜品區先,一於hea住食…先來碗香滑潤喉既杏仁茶,唔太甜啱啱好。細細件既蛋糕有好多款式,每款都攞來試下,味道一般,有d仲不夠鬆軟,有d則味道略嫌淡左些少。 芒果布甸毫無芒果味,認真麻麻地,。無試到豆腐花因為成日都有得食。有款水蜜

午膳於海逸綠怡廳，以百餘元的午市自助餐來說，食物款式還算不少。先到海鮮吧，有生蠔、青口、翡翠螺及海蝦。生蠔大小適中，富光澤，味道不錯。青口普通，細隻了一點。翡翠螺及海蝦OK。至於日式食品，刺身只有三文魚、吞拿魚及魚三款，質素普通。壽司選擇多一點，但賣相並不吸引，最後還是吃刺身罷。沙律吧方面，配菜十餘款，另有兩三款芝士火腿等供選擇，評分中規中矩喇。熱盤同樣有十餘款，咖哩、燒味、牛扒、粥檔、飯麵等等皆有。畢竟大部份人對熱盤要求相對較低，菜式未算名貴，味道OK，飽吃絕無問題。另一重點甜品桌，小蛋糕及甜品杯款式繁多，令人眼花撩亂。隨便試了數款，味道麻麻，令人失望。雪糕有四款，味道口感同樣不突出。比較好吃的甜品只是豆腐花罷了。

是日難得放假，與友人享用悠長午餐，12時已到達餐廳，環境尚算寬敞，人較少，很舒服，至1時左右lunch hour，全場差不多滿座，開始嘈吵，但客人都算斯文，主要是上班族，不像旺區多一家大小或內地旅客。取食物的地方不算大，但食物款式比預期多，可能因為價錢中等，沒有大太期望，反而有少少驚喜，。凍肉/頭盆： 煙三文魚 (夠香，味道不太咸)其他沒試過的有：黑椒煙白魚肉、肉腸片、火腿片、三至四款芝士 (可配餅乾)沙律： 凱撒沙律 (羅馬生菜很新鮮爽脆，不過已預先mixed了芝士粉和麵包，有些失望)其他沒試過的有：雜色蔬菜、薯仔沙律、青瓜片、粟米仔、雜菌、蕃茄片等等日式食品： 三文魚刺身 (質素ok，好食過元氣、但不算太肥美)、立魚刺身 (肉質太稔，入口時有"汁")其他沒試過的有：吞拿魚刺身、各款壽司 (看起來魚肉都算油潤、不太乾)凍海鮮：翡翠螺 (味道不錯，少許鮮甜，最欣賞餐廳提供竹籤)、熟蝦 (有少少咸味，肉質算甜)其他沒試過的有：生蠔 (還有一款的忘記了是甚麼)中式食品：蟹籽豬肉燒賣 (是豬肉，但不覺有肥豬肉，但燒賣皮稍乾)、粥品 (粥有少少似稀飯，配料可選鮮中蝦、豬膶、豬紅、筍、雞柳、粟米

同屋企人一行27人食dinner buffet, 食物種類多, 但好食既野，一隻手數得晒。先講頭盤, 只有一個白湯, 味道一般, 話係西蘭花湯, 但白色既，亳無西蘭花碎。到Salad, 都唔錯: 有生菜, 沙律意粉, 泰式青瓜, 西柚, 一些正常既生果salad 和basic 既醬, Eg千鳥醬, Cesar sauce都有, 但可惜無我至愛既bacon & 麵包糠完成真正既Cesar Salad。冷盤方面，有蝦蟹，生蠔．．生蠔都OK, 但唔夠鮮甜脆；眼見只有蟹腳蟹鉗，蟹鉗打得唔夠碎，想食都食唔到。有個Area係燒物，最好食係燒鮑魚+燒蠔，有蒜茸和蔥花一齊燒，但眼見要手快；另外有燒魚，無味；仲有天婦羅都係食炸粉，隻蝦無味，多春魚都係無味。而熱盤方面 – 唔錯既：姑Lo肉，白汁炸魚（個白汁幾好）；三文魚炒飯好普通既：豬頸肉；奶油津白；炸薯條；；唔得既：唔知咩倦埋既魚倦（勁雪味）; 我無食到既：羊架（姑姐話唔得，無味）；西冷牛排（我想食時，佢話無晒，但姑姐都話無味）；辣椒炒唔唔咩肉；姜蔥蒸魚；大路燒味; 蠔油菜心每人會有半隻焗龍蝦，用芝士焗，極少芝士汁，無芝士味，雖然明知唔係澳龍，但食落味

久違了！好久都沒寫食評 　太忙了　適逢聖誕節　年年朋友們都會交換禮物　本應在某友人家中慶祝　奈何某友人家中有白事　不能/不可到友人家中慶祝　唯有出外吃飯。經過十幾個電話詢問　尖沙咀、中環、金鐘等的酒店自助餐　全full 　六百幾的自助餐都沒了　香港人有錢了？後來找了Greens　電話詢問過後　有位啊！太好了！之前吃過這間酒店的中菜　OK !　呀！想不到自助餐都OK !因為都無咩人排隊同你爭　簡直食得舒服食得輕鬆　以前同朋友在聖誕節自助餐　不但嘈吵喧曄而且食物品質差　更要迫人同人爭　今次無選擇錯　清静輕鬆慢慢吃　同友人可慢慢傾　正！講番食物：－生蠔蟹腳凍蝦　生蠔蟹腳　本人吃了三round 生蠔　大而肥美　吃了十多隻　蟹腳都肥美吃了幾隻　好易就挑了出來吃　凍蝦本人不好吃　只食了一隻三文魚等刺身　簡直吃了一盤又一盤　不多説炸蝦天婦羅　因即炸即食　好新鮮　熱乎乎的即煮既粥麵　沒吃　但似乎OK翅　哈！竟然有翅吃　雖然是小盅的　沒關係　枱上還有許多豆腐花　正！好滑雪糕　OK ！　甜品　有好多款式　因吃了好多生蠔　只試少許固然還有牛柳　熱食　片皮鴨　沙律　生果等　三百幾元又不需要同人迫同人爭　GOO

今日下午老闆請食LUNCH BUFFET，好開心 大約1330到，都還有不少人，食物款式都不少，但質素就有點參差。蝦好新鮮，好鮮甜，又大隻又肥美三文魚好味，好新鮮同事M不停讚蠔好好味，但同事K卻指蠔不新鮮，我是不食蠔之人，不是誰對誰錯了甜品好失望， 見到好多款蛋糕，但沒有一款好味，好失望OVERALL來說，食物質素都算OK，款式都不少，環境夠大夠舒服，加分不少

今日好開心，中午難得和同事外出用餐，仲係好奢侈既中午自助餐，印象中，食lunch buffet的機會，真係10隻手指都數得出!!!!! Wah....唔好以為閒日好少人，我地去到都1點多，見到都仲係人山人海，唔通個個都唔使做?! 好在，佢地方夠大，放食物及飲品的位置亦分佈四周，所以就算人多，取食物都不覺得很迫。好開心好開心，因為lunch都有生蠔，食左好多隻，好味好味。不過，論新鮮及排場，就梗係由廚師即開即食會仲好，不過都算啦，味道都幾好丫。另一個驚喜就係好新鮮既蝦，個色好靚，食落好鬼甜，食左10幾隻。yummy!!!甜品都有很多選擇，但蛋糕就不夠鬆軟，有少少失望。好在，都有雪糕食，我揀了芒果味，夠穩陣。值得一提係佢有飲品任飲，有檸檬茶、果汁(當然不是鮮榨嗰隻)等，無需等到最後才叫餐飲。好滿足好開心的一餐。有機會一定會再去!!!依家仲做緊信用卡9折優惠，其中HSBC Visa card都ok，都叫做抵!!!

今日放工冇咩做.....就諗住用埋張Dining Club既free coupon所以約多個朋友去Greens食Buffet之前dining club個Sales話就算唔食依度,只係食另外3間已經值回票價!!好似講到依間可有可無咁............去到又唔覺wor!應該有既野佢都有....魚生呀!!!生蠔呀咁而且人少少,唔會好似都會海逸同九龍酒店咁好似爭野食咁.......唔講唔知,原來佢既中菜好出名，而且buffet既野食中有唔少中菜既款,都好似係佢入面做架!!試左佢d燒味!!!係幾好wor!!叉燒又多汁,肥瘦剛剛好!!!!但係甜品就真係好一般la......款式唔太多，但都好過唔少酒店既!!!話曬都係海逸集團,甜品都有保證既。食完俾張coupon就走得,唔洗$既感覺真係好!!p.s:不過之前係入左美食會俾左二千幾蚊架!!!

因為有海逸系既coupon,結果約多個朋友三丁友去食晚餐buffet,三個人食比一個人錢,連加一百幾銀一位.(原價318+10%), 星期一晚入座率一般麻麻沒有包一杯餐飲,但可以自己沖咖啡奶茶橙汁飲飽佢,呢個我欣賞.晚餐食物選擇認真唔多,比同系九龍酒店同都會海逸buffet至少少左三份之一到一半左右.不過係同一時間,食物質素反而有d喜出望外.魚生壽司呢d從來都無咩期望,不過魚生要拎幾多都唔駛驚,因為都無咩人排隊同你爭,拎野食完全無壓力可言,認真夠輕鬆.生蠔蟹腳凍蝦呢d係有既,唔會擺太多出黎但都會準時refill,生蠔仲肥美過九龍同都會海逸好多好多,又無人爭住拎,食番一打半打都值回票價.燒牛肉係一個完全唔起眼既位度,可能因為人客唔多,人手唔會太足,要叫先有人黎切,切出黎份量不多不少岩岩好又燒得幾好食,七成熟左右都ok炸蝦天婦羅無試,不過見d外籍客唔少都走埋去request炸幾隻去食,賣相又ok應該唔太差. 有即叫即煮既粥麵,不過同樣無試.熱食方面選擇少到得幾味,唔岩食既話會認真大鑊,幸好有牛舌同埋冬陰功湯,牛舌大件夾抵食,冬陰功湯雖則無蝦,不過味道幾香幾開胃.燒味同填鴨唔知點解係最多人搶

公司班sales請食飯,去左附近既海逸酒店度食Lunch Buffet,竟然有3款魚生日... 星期五既Lunch Buffet似乎比較多款式,雖然熱盆款式較少,不過味道算唔錯(有我最愛既忌簾薯仔片)! 蛋糕都有幾多選擇,栗子味mousse cake係首選! 黑森林就麻麻地,芒果布甸好硬,至於雪糕,算把啦!唯一較失望既係魚生係有限供應,遲左就冇...

是夜足球大戰, 到處都找不到有利位置, 唯有屈居酒店一角, 繼續支持車仔!!為求要專心一致支持愛隊, 没有選擇buffet而選擇坐於bar內點a la carte, 蒙牛說印尼炒飯為穩陣之選, 我則選了石頭飯, 等待時間為14分鐘印尼炒飯以大 x 活的鑊仔盛上, 只見2片大蝦片, 油油脆脆, 加上一支炸得又乾又硬又無味的雪藏雞槌, 炒飯完全没有用料, 蒙牛本之似乎失手太堪......本人的石頭鍋是微暖的, 生雞蛋下的只有四種蔬菜, 為青瓜, 蘿蔔, 冬菇, 芽菜, 及一堆咸得要命又煮得過火的硬牛肉絲......oh my god........咁又收我$98, 有無搞錯!!雖然不是什麼高級酒店, 但是以2,3星酒店來說, 為何它的老闆可以容忍這麼的水準????

11月的星期天下午，吃了一件藍莓芒果蛋糕，蛋糕面充滿藍莓，有朱古力醬和朱古力做裝飾，吃起來口感很實在，但芒果味道略遜，雖然餐廳環境舒服、服務不錯、有少量海景，但埋單要$50+$5(加一)，即$55！其實略貴了一點……

和老朋友一年一次的相聚, 她推薦來這裡食buffet, 雖然我住北角, 但還是第一次來! 由於地點真不太就腳, 附近又太冷清, 所以從來無考慮來這裡, 不過這晚後, 我對呢間酒店真係加左分!7:30下班才去到, 朋友已經急住開餐, 星期五晚環顧四周並未full, 所以我一點也不急呢, 可以慢慢傾慢慢食! 換轉是銅鑼灣, 金鍾, 人頭湧湧, 噪噪吵吵, 好野一上就立即掃清光, 想慢慢enjoy都幾難, 而且有些酒店座位都很迫近, 例如金鍾萬豪, 灣仔萬麗, 銅鑼灣Cafe One等等, 想想weekend的情景, 真是非常"熱鬧"! 但話說回來, 他們的地點環境裝修當然好些啦! 而這間餐廳只是一般格局, 但waiters很有禮貌, 食物方面真是*物有所值*, 沙律及火腿有10多20款式, 冷盤有生蠔, 翡翠螺, 大蜆, 中蝦, 大凍蟹, 好多熱盤, 片皮鴨, 中式粉麵, sushi bar, 天婦羅炸物, 好多cakes, 中式美點及糖水豆花等等, 如果和北角City Garden相比, City Garden綠有茵閣有1分, Greens我會給2分! 所以近近地突然想食buffet,

午餐buffet來講食物種類算多,環境靜,人流唔多,吹水慢慢食都幾好, 不過食物冇乜嘢特別出色,而且refill得好慢,閒時"hee"吓都ok,但大形gathering就唔見意

我三月六日為了用那張coupon, so突登去試呢個buffet, 我認為d野食的確沒有想像中好, 但d人既服務, 禮貌唔錯, 睇得出好多都是剛讀完書出來既學生或係實習生, 所以每當你食完一碟野, 他們都好快好勒勤力來幫你取走那隻吉碟,他們擺放餐具時好慢, 但睇得出他們個個都好用心和細心, 補充野食都好快, 食物方面北京填鴨,西湯和天婦羅都麻麻, 但其他野食都ok, 係沒有特色既cake和甜品及長腳蟹, d雪糕用牛奶公司,好似cheap了點, 環境以四聲來說都可以的, 我認為除了環境和氣氛差了d之外, 其他野都可以和黃蒲海逸一樣,是沒有了cake only, 食物種類和味道都係差不多, 但黃蒲那間每位貴成一百蚊, 反而北角呢間交通更方便呢!