影片
更多
2010-11-30
107 瀏覽
最近心思思想食生蠔,但饞嘴既我又唔想獨枯一味咁寡,難得見北角海逸既lunch buffet有生蠔供應喎,況且有生蠔食既lunch buffet真係少之又少,價錢亦唔算貴~$168加一,HSBC card有9折,近近地直頭啱哂我呢隻懶貓啦…綠怡廳個場几大吓,環境佈局好尤雅恰如其名,我地12點零鐘上到去但見已有唔少人入座,心知不妙,好奇地細看下先知成個場有9成被「油麻地旅遊」包左。本港團果然不比內地團遜色,甫坐下已見食物區處人頭湧湧排哂隊,我地即刻出動都趕唔切嘞!!!所有生蠔、翡翠螺、蒸魚、龍脷柳等一下子被人掃清光!!!魚生壽司區排長龍,至少等半個鐘…都唔知攞咩食好,都係攞少少炒米粉,豬頸肉食下填住肚仔先,幸好味道唔錯,豬頸肉好嫩滑。雖然有不停refill,但本港團唔執輸既本色實在太勵害,尤如蟻多摟死象,好野一上即無,問你服未?!休息日唔想有壓力,暫時轉戰乏人問津既甜品區先,一於hea住食…先來碗香滑潤喉既杏仁茶,唔太甜啱啱好。細細件既蛋糕有好多款式,每款都攞來試下,味道一般,有d仲不夠鬆軟,有d則味道略嫌淡左些少。 芒果布甸毫無芒果味,認真麻麻地,。無試到豆腐花因為成日都有得食。有款水蜜
綠怡廳個場几大吓,環境佈局好尤雅恰如其名,我地12點零鐘上到去但見已有唔少人入座,心知不妙,好奇地細看下先知成個場有9成被「油麻地旅遊」包左。本港團果然不比內地團遜色,甫坐下已見食物區處人頭湧湧排哂隊,我地即刻出動都趕唔切嘞!!!所有生蠔、翡翠螺、蒸魚、龍脷柳等一下子被人掃清光!!!魚生壽司區排長龍,至少等半個鐘…都唔知攞咩食好,都係攞少少炒米粉,豬頸肉食下填住肚仔先,幸好味道唔錯,豬頸肉好嫩滑。
雖然有不停refill,但本港團唔執輸既本色實在太勵害,尤如蟻多摟死象,好野一上即無,問你服未?!休息日唔想有壓力,暫時轉戰乏人問津既甜品區先,一於hea住食…先來碗香滑潤喉既杏仁茶,唔太甜啱啱好。細細件既蛋糕有好多款式,每款都攞來試下,味道一般,有d仲不夠鬆軟,有d則味道略嫌淡左些少。
芒果布甸毫無芒果味,認真麻麻地,。無試到豆腐花因為成日都有得食。有款水蜜桃糖水,外表唔多討好,怕太甜無試了。嘿嘿…海鮮區開始少番d人,俾我攞到生蠔及翡翠螺了,點解唔見左檸檬同茄汁ge?_? 耳邊傳來一句:「被人掃哂,去飲品區攞檸檬片頂住先...」Yuk :-S…唯有擺住係枱先,一陣等到檸檬及茄汁先開餐…食住熱葷先啦~白汁龍脷柳好creamy仲好食過蒸魚添,出面好多buffet都有蒸海斑食,呢樹呢款似乎係蒸盧魚,肉質好鞋兼伴有一股腥臊味,bad taste!
食左一粒燒賣(被人搶哂),味道ok。忌廉湯ok。輪到嘆生蠔lu,size適中,爽口而甘甜,海水味較淡,全場至正食物!!
翡翠螺、青口及海蝦係一般貨色,並不突出。至於焗薯仔、燒南瓜條、炒菜心、芝士焗津白、燒牛扒、焗鴨胸、咖哩羊肉、燒雞、鹵水雞翼、燒味、炒飯、义燒包、沙律、火腿等等統統都無試,因為先前食甜嘢食滯左個胃。最差係d壽司飯,尤其係腐皮壽司,夾起即散又難食!!!生文魚刺身賣相唔太新鮮,肉質佈滿肥筋,口感又一般。
另一款刺身雖然爽口可惜腥腥地。個日式冷麵晤錯。跟住走去淥番碗醒胃既喇沙湯油麵,湯汁濃辣但卻無咩配料做餸,只有滾粥果d配料如豬膶、豬腰、魚片、鮑片、豆卜等,就連其本既丸都欠奉=.=!想食皮蛋瘦肉粥又無,不過有魚片粥搭夠,d粥入口都算綿。有4款味道雪糕:芒果、士多啤梨、綠茶同朱古力。一早所剩無几被人挖得七七八八,連餅筒都得番個吉,只食到少少士多啤梨及綠茶咋>.<。飲品任飲: 凍飲有檸茶、橙汁梳打及蘋果汁。熱飲則有檸水、檸茶、奶茶及咖啡。西瓜超甜又多水,其他生果計有哈密瓜、菠蘿及火龍果等。
餐廳服務不錯,收碟埋單几快。整體食物質數偏向下,唔知係米同旅行團包場有關呢?!
張貼
