影片
更多
2016-12-08
4106 瀏覽
今年嘅公司聖誕自助餐都係揀喺午餐進行，本身自助餐有好多唔同嘅選擇，但係我哋揀親嗰啲都係＄300或以上嘅價錢，老闆就話貴左少少囉。。所以將貨就價選左呢一間酒店，價錢不過係＄250左右，包埋皮一，啱晒老闆嘅心水。冷盤有三文魚，八爪魚吞拿魚等等幾款，仲有幾款唔同嘅壽司。三文魚在魚腩位可以揀，特別肥美，幾好食。特別推薦嘅就係佢嘅煙三文魚，其實平時我都唔係咁鍾意食煙三文魚，但係佢呢一個味道又剛好，唔會太咸，食落去有啲醃左嘅味道。另外冷盤仲有長腳蟹，鮮蝦同螺。長腳蟹我就冇食過啦，但係個鮮蝦就好爽，都好鮮甜。但係螺呢我就完全見唔到，攞咗幾次都淨係得個殼無得食。。熱盤選擇大概有10幾款，由最普通嘅牛仔骨，雞翼，到比較貴重小小嘅龍蝦腳都會有。特別推薦就係佢嘅即炸天婦羅，有紫薯 ，芋頭同埋紅蘿蔔嘅口味。除咗熱盤之外，仲有可以即叫即出嘅麵。自己揀餸，跟住佢就會幫你煮。有清湯底同埋喇沙湯底可以揀，另外仲有即叫即滾嘅生滾粥。甜品區甜品都有十幾20款揀，款式都算多，但係就未見有聖誕嘅特色甜品出現，可能係距離聖誕仲有一段時間啦。雪糕係moven pick， 都算係唔錯。另外會有班戟同埋格仔餅，仲有埋水果，乾果同埋果
冷盤有三文魚，八爪魚吞拿魚等等幾款，仲有幾款唔同嘅壽司。三文魚在魚腩位可以揀，特別肥美，幾好食。
特別推薦嘅就係佢嘅煙三文魚，其實平時我都唔係咁鍾意食煙三文魚，但係佢呢一個味道又剛好，唔會太咸，食落去有啲醃左嘅味道。
另外冷盤仲有長腳蟹，鮮蝦同螺。長腳蟹我就冇食過啦，但係個鮮蝦就好爽，都好鮮甜。但係螺呢我就完全見唔到，攞咗幾次都淨係得個殼無得食。。
熱盤選擇大概有10幾款，由最普通嘅牛仔骨，雞翼，到比較貴重小小嘅龍蝦腳都會有。特別推薦就係佢嘅即炸天婦羅，有紫薯 ，芋頭同埋紅蘿蔔嘅口味。
除咗熱盤之外，仲有可以即叫即出嘅麵。自己揀餸，跟住佢就會幫你煮。有清湯底同埋喇沙湯底可以揀，另外仲有即叫即滾嘅生滾粥。
甜品區甜品都有十幾20款揀，款式都算多，但係就未見有聖誕嘅特色甜品出現，可能係距離聖誕仲有一段時間啦。
雪糕係moven pick， 都算係唔錯。另外會有班戟同埋格仔餅，仲有埋水果，乾果同埋果醬。可以比你自己整你心想嘅窩夫。
記得早幾年前會成日過嚟呢度食，因為有拒嘅會員咭會比較優惠，相隔咁多年再過嚟食飯呢度嘅午餐，覺得比之前嘅好食。不過唯一一樣野我真係覺得佢嘅服務可能爭d，我哋一行19個人去食自助餐，咁大部份嘅人都會想食刺身先，但係佢嘅刺身吧人手較慢，要排10幾個。
咁我就有問嗰度嘅服務員，問可唔可以攞一碟較大碟係我哋嗰張枱嗰度，唔使排長龍排甘耐，排唒出門口拒都唔好睇喇。但係佢就拒絕我，話冇咁嘅服務。我覺得其實呢一方便可以改善一下，都係想方便大家姐。
張貼
