組長日式放題 (已結業)

今晚同4個朋友21:00左右 等左兩分鐘就有位 地方環境:雖然細左DD 不過可能就係細D先唔會咁嘈雜食品 :刺身 三文魚,吞拿魚好新鮮同埋擺得好靚天婦羅 粉漿唔多同好脆 好似有8,9款以上不過我地只點了蝦,芋頭,南瓜,蟹肉 (裝天婦羅醬汁的碟有D細 如果用番裝醬油果隻SIZE 就好)壽司/火灸壽司: 火灸燒得好好 味道OK 壽司D肉好靚 花之戀個幾靚 不過對於唔係咁識揸筷子嘅 有D難度 GAP唔起=.=吉列蠔 一般啦 吉列蝦OK都好脆 沙律醬係碟角同伴碟嘅底菜顏色好似 少D眼力都睇唔到(因為我咬左一半再望下先見到)一口芝士丸都OK啦 炸芝士年糕好好又係即炸  SIZE大過 雪米滋少少  我一個食左5件 飲品 建議飲凍奶茶/凍0茶有冰的那些凍飲比較好 罐裝同包裝飲品可能因為得一個汽水雪櫃雪唔切唔夠凍上菜速度都好快 等左唔係好耐就黎 黎嘅速度 仲快過我地食嘅速度  冇MISS單 又唔會吹埋單 雖然冇酒牌都OK店長都好FIRENDLY下 講野真係唔係好似對客咁機械MON 埋單搞笑咁講 多謝10萬9千7價錢 我地每人兩舊水有找 幾抵食 (各方質素好過上星期五去食嘅1壽司 )

表弟聽日走LU~臨走都想攪個farewell party歡送佢依晚一行1x人..book左7開始食~因為有限時..所以等齊人先上去銅鑼灣分店唔算好大~但座位都尚算舒適雖然限食兩小時~但過左2個鐘都無催埋單店長仲好攪笑~講野態度似對fd..唔似對客人唔知既..感覺好粗聲粗氣~但其實好friendly而開始剔野食時~因為人太多..無從入手點剔店長提議由佢安排~先送上足份量既廚師推介唔夠再直接order~都好!! 不失為一個好方法"廚師推介"仲不斷送上~多到要叫佢hold住(哈哈)~~~~~~因為我地太多人~所以分2張檯號點/送上食物刺身類好新鮮~款式樣樣都有..排得仲好靚呢壽司類..送上"花之戀..刺身蝦+熟蝦壽司..三文魚壽司"飯糰握得好實淨..有淡淡醋香~而食材仲非常新鮮"軟殼蟹手卷"..仲有個"鰻魚手卷"食物多到~有好多影完都唔記得食前菜..夠凍用料又係好新鮮"燒汁魷魚"..味道都唔錯~煮得剛剛好又唔老"燒雞翼".."鹽燒蝦"雞翼無食過~蝦食左起碼三隻食物夠熱~蝦有鹽燒香味又大隻"燒元貝粒"..較重牛油味~肉質不過不失"燒鯖魚"..原來依個都無食過賣相好靚~上檯後仲消失得好快(哈)"

環境逼夾出嘢食奇慢...我已經6pm到亦係6pm order坐低茶或水都冇杯!!!唔夠人不如俾客人自助啦!客人亦唔多專登揀6點, 諗住少人D但係第一碟嘢係6:20pm到亦係失望非常嘅蟹子沙律青瓜絲勁老界口架!印象中未食過難食嘅蟹子沙律今次實在大開眼界魚生6:30pm先到有呃鐘嫌疑簡直嚴重浪費客人時間!!!熟食喺我狂催半粒鐘後即6:40pm陸續上菜我明明tick咗好多嘢等左半粒鐘只有一舊細得可憐嘅豆付...and it wasn't even nice...火炙壽司very nice!燒得啱啱好壽司飯軟硬適中好彩第二 三 四 round 嘅魚生嚟得快咗within 10 mins 都有得食真心覺得我班食熟食嘅朋友可憐...魚生樣樣新鮮肥美, 選擇超級多嚟咗4 round, round round fantastic 可惜漏單情況超級嚴重D waiters waitresses 喺我狂催底下亦慢慢失去耐性亦唔會主動收拾D碟成檯都係...但係40分鐘係超級過份但係你又限D客食兩粒鐘喎咁即係點?一豪子貼士都冇俾一定要試帶子甜美非常very fresh!!!三文魚新鮮肥油紋理清晰油甘魚甜 + 新

前日同男朋友行完街, 上openrice睇下有咩放題食.岩岩就click左呢間…. 但當時唔見有食評, 咁就抱著博下既心態去試下.因為星期六怕冇位, 我地打左電話訂位, 岩岩好有2位…我地點左好轉刺身帶子 / 三文魚–不過不失油甘魚 - 好好食, d肉好嫩劍魚 – 一般, “鞋”左少少馬刀貝 – 我的最愛, 我點左好多次另外, 又encore左好多次壽司我同男朋友都好鐘意食火炙系列火炙三文魚 / 火炙蟹棒 / 火炙牛肉我地必點… 大家可以試下, 好食!(掛住食, 唔記得影相…)另外做得唔錯既係.. 員工會同你追返d單因為我地點左2次串燒都漏左.員工都會同我地追返返黎,之後都冇miss到, 我地都唔會等好耐~但d野飲有d唔夠凍~舖面唔算大, 但都坐得好舒服企理, 員工都好有禮貌我地會再黎~~~

平時既我對放題真係無咩興趣，因為會覺得食物質素會不及a la carte既好味,但既然my darling 好想食放題,話任食好正喎！好啦，就一齊去下啦環境：簡潔得黎又見到店主既心思，幾舒服，唔會因為想坐多d人而攪到坐得好迫服務：幾好，不過值得一提既係，本來諗住點既數目唔會上足，於是我地每樣食物都點多幾件，點知佢又真係咁老實咁上足咁多件....最後有d食唔哂，真係唔好意思呢....食物：食物方面真係喜出望外，比我諗既好好多，選擇都唔少，最值得分享既係：1）牛油抄雜菌- 好香牛油味，無菇個種臭味2）鹽燒鯖魚- 燒到外面脆卜卜，入面夠juicy3) 燒羊架- 又係香同juicy4) 炸天婦羅- 唔逐樣講，大部份都幾有水準，尢其係蝦5）燒茄子- 雖然好似無咩特別，但係估唔到會係好味同想encore另外有牛柳粒，火炙壽司，黃金焗蠔 都好好！唔係一般放題貨仔刺身就不過不失啦，不過賣相唔差，有d心機總括黎講都幾好，百零蚊算係咁

初時見個午餐包沙律,前菜,甜品,飲品都幾抵就試下啦咁我就叫左個魚生飯($62),我媽就叫左鹽燒鯖魚($49)沙律,前菜個D都OK,魚生飯黎到個賣相都唔錯點知愈食愈覺出事...魚生好唔新鮮,尤其係吞拿魚,又梅又苦希靈魚都係,好唔新鮮!食到有D反胃既感覺!結果我真係食唔落啦平時既我係好少會食唔曬D野,但今次真係...至於我媽既鹽燒鯖魚,好腥!! 仲要係幾細條,唔抵!