純寿司 (已搬遷) 新店位置

Was there with my family to eat sushi. Be honest very good system to order direct from the table. Salmon bowl was amazing very good and fresh. Potato cheese ball was so tasty and very good cooked. Scallop fresh and well served. It’s outstanding food be honest. Very enjoy will be there again. Service is good even is just limited to delivery food and don’t get order. Reasonable price for the quality.

入到元朗，一心想食一餐高質嘅🍣廚師發辦，但點知原來無訂位係無得食🤷🏿‍♂️，而家「限聚🈲令」之下餐廳座位都買少見少，好多地方都要等位。而止一止心頭之癢，唯有找一間啱胃口嘅壽司店，原因呢一刻真係好想食壽司🍣———————————————————————————好多年前峰壽司🍣初登香港🇭🇰，銅鑼灣分店人氣旺盛，晚晚大排長龍，而家雖然不及當年，但仍感覺那份味道同情懷😌.🍣魚背壽司🍣腐皮壽司🍣飛魚子壽司🍣軍艦三點盛（海膽、蔥吞拿魚、三文魚子）🍣軟殻蟹卷🍣火炙魷魚鬚壽司🍣火炙帆立貝壽司🍣火炙鰻魚壽司💬呢度嘅火炙壽司係比較出色，熱騰騰立即奉上，油香滲入壽司飯之中。另外卷物一件一口，十分豐富又滿足。

再一次嚟到呢間壽司店，今次午餐點左個刺生定食，有湯，有飯，前菜，有碗蛋，沙律，當然仲有主角刺生。每塊刺生都係厚切，真無正，將啲三文魚子放入飯到一齊食，三文魚子嘅咸香加飯，個碗蛋賣相一般，但足料，有塊魚（應該係鰻魚）响入面，正。整體係好食同抵食，呢個價，食到飽飽又好食

男朋友生日，本身早兩個月就book左XX郎，但疫情咁嚴重，又唔想搭車出咁遠，仲要迴轉壽司，就揀左yoho呢間純壽司。好耐以前黎過一次，食飯時間係要排晒隊，而家係成間餐廳得幾檯客，唔使等就直接入得。入餐廳前會幫我地量體溫，同埋檢查下手腕冇手帶，再消毒埋我地對手，就畀我地入去。位同位之間距離都好大，收起左好多檯櫈，都食得放心既。叫左吞拿魚腩，呢個真係有啲失望..舊魚好似未解完凍咁，都幾硬又幾凍下，同埋唔夠肥美，又有少少根，不過咬幾啖都feel到有啲油脂，失望失望...龍之卷，呢個幾抵食，上面鰻魚好滑，不過有兩塊有少少細骨。軟殼蟹都脆口，好食既。呢個都值得推薦。上一次黎最深刻係覺得個餃子好好食，今次專登叫番encore下。個餡都係好似小籠包入面既半肥瘦肉，好味。但溫度唔夠熱，同埋成鐵板油都有舊餃子痴底，走晒啲肉汁，點做到壽司都係正常質素啦，不過要講既係全部壽司啲飯都好痴，勁痴牙，唔知咩事，好影響個口感。魚生都新鮮好食既，帆立貝好肥美，火炙果啲都好淋好好味。厚切三文魚留左最後先食，點知出晒事，點解上面要加炸蒜...無論個口感定味道都勁唔夾，嘥晒個咁肥美既三文魚。記得上次個topping係海膽黎

向元朗想食壽司就揀左純壽司，之前有食過穴壽司同元氣壽司，不過就覺得純壽司性價比較高，價錢屬中等，但味道及新鮮程度優勝。當日6点入坐，不用等位，2個人坐梳化四人檯，坐位舒服同隔離檯有距離，埋單$348/2人，每人$174，呢個價錢ok，叫左炸物壽司細卷湯軍艦。炸蠔新鮮，壽司的魚生新鮮，最愛挪威三文魚壽司，$14碟有兩件，鯛魚湯係期間限定，有魚味，無魚腥味，不過當然不能與自家制魚湯比較，我次元朗想食壽司可以黎試下

去Yoho Mall 食 lunch 到盡頭的有很多餐廳聚集，很多都有lunch set而我就選了最抵食的純壽司.純壽司其實是峰壽司，改一個字就聽落就變得grand好多.$78 壽司盛好抵食有雞蛋沙律、一大碗麵豉湯及前菜壽司有10款，全部都很新鮮魚生都好厚切，我最喜歡的都是三文魚壽司很肥美環境坐得很舒適，一大個卡位三個人坐.平時這間壽司是中等價錢，我覺得有少少貴不過星期一到五這個午餐我覺得就可以一食再食啦有其他套餐的不過我覺得其他都有少少貴，都是食$78最平這個算啦

咁啱落雨，唔想出去外面食，喺Yoho商場開心大發現你一間高水準的日本壽司店，價錢屬於中等，絕對可以接受，因為食材方面完全高質素，款式亦都好多元化。起初俾佢個roll吸引左入嚟，入到黎見到菜單原來有咁多咁新穎嘅選擇，其中火焰三文魚壽司，以為平平無奇，點知出奇地好味，竟然比起火焰三文魚白腩更加好味！另外極上海鮮卷，真係要推介，每一客上面都有一份海膽，已經值回票價，海膽好新鮮，再加上有扇貝，三文魚腩，甜蝦等等，樣樣都好新鮮，真係食得好滿足。本身以為好貴，一直都冇入過黎，原來咁有質素，以後係我不錯的選擇。

帶妹豬去Yoho見下閨蜜，行下街街由於兩個都係媽媽級，帶住BB，所以都係要搵啲地方闊啲既餐廳。純壽司，都真係好大，放得落BB車之餘，張餐枱仲大，可以放晒妹豬啲用品，都唔會阻住食飯。————我叫左個午餐～海鮮丼沙律：幾新鮮，有雞蛋，唔似平時既沙律得菜漬物：只係青瓜、白蘿蔔，無乜特別————麵豉湯：好大碗哦！味道又唔錯喎，唔會太咸，要一讚，昆布又夠多。————海鮮丼：三文魚、吞拿魚、油甘魚、墨魚、海鰻、帶子、鯛魚、海蝦、三文魚子、海膽好款式既刺身呀，仲要有海膽呀！所有刺身都好新鮮，只係點少少豉油同芥末，就可以了，仲要有魚油感。海膽係鮮味，唔係腥味哦！係用新潟米，粒粒分明，有飯味～值得一試再試～

之前已經同朋友食過一次，要等一個鐘頭以上，今次經過見到沒有人排隊，於是再幫襯，佢啲壽司飯是一粒粒米，魚生很新鮮，今次想推介嘅是蒜香草煮蜆，豆腐沙律，手羽先及蒸蛋！蒜香草煮蜆 : 適合喜歡牛油味道嘅人士，食入口不但有牛油味道，還有黑椒味道，兩者混合起來簡直是絕配😋。豆腐沙律 : 豆腐有豆的味道，還有清甜的味道👍🏻，令人感覺很清新手羽先 : 即是無骨雞翼，新鮮炸起，熱辣辣，咬入口有肉汁滲出嚟👍🏻，不過我覺得味道較濃蒸蛋 : 要等25分鐘，滑滑嘅蒸蛋入面的餡料，除咗魚蛋，蝦，帶子外，還有鰻魚皮(第一次見)😂！

元旦日黎YOHO純壽司食飯真係會排到七彩，好彩有download定個app一早拎好飛，預岩時間落黎等叫號，輕輕鬆鬆就入到座了。二人前盛盒$178每款壽司兩件，魚生都比在餐目上單叫的壽司大件，魚生厚切啖啖肉而且非常新鮮。當日最令我滿意就係燒鰻魚，外皮燒得好脆，食落香口帶火灸的獨特燒烤味，鰻魚肉亦不會太鬆散，一大片鰻魚放入口，好似食緊鰻魚飯咁。而赤蝦、赤身吞拿魚同油金魚都非常對板，食落好新鮮。不過墨魚略為太大舊，比較難咬開，小Ｄ牙力都搞唔掂。軟殼蟹龍之卷　$78呢個卷又係我地每次黎必叫，燒得香噴噴既鰻魚包著飯和炸軟殼蟹，超級好味。南蠻烤雞　$58一碟有5件大大件的炸雞，但我略厭外皮太硬，不太合我口味。貝類三吃 $34帶子，赤貝和象拔旁都好食，可以一試。埋單3百幾蚊食到呢個質素，我諗真係可以撤底到元氣day goodbye!

約好左牧羊隊長食生日飯咁人家生日就就人地就入去元朗啦諗唔到有乜好食，係open rice search 一下見到一間食日本野幾好就約左隊長餐廳等然後yoho mall個間隔太奇怪所以就改左呢間純壽司午餐有四款我叫左個中價海鮮飯刺身新鮮款類都多仲有包埋沙律前菜湯我覺得都不錯👍🏻然後呢度環景都非常不錯環境清幽地方寬闊又唔趕你走，我同隊長都分享近況坐左差不多兩個鍾👍🏻👍🏻👍🏻待應服務都很好👍🏻

食到一肚火第一篇食評，忍唔住下載apps黎寫食評。- 芥辣八爪魚落單起一分鐘就上枱 （一早整定左？）- 純玉子壽司之前食過兩次，玉子有暖 有熱，但今次係凍既。玉子仲要夾唔住飯粒，一夾壽司，飯就跌晒落碟。- 軟殻蟹手卷 炸既食物又硬又凍，反而隻碟係熱既（可能用高溫洗碗機啦）- 手羽雞翼起初望到男友食緊既雞翼熱到出煙想灘涼一陣（大約三分鐘）到我食啦，哇 雞翼凍既？就算熱既食物灘涼起碼係暖。點解可以一隻凍 一隻熱到出煙？對比咁大？其他壽司 還好啦 以後Blacklist。$300幾蚊既價錢，質素太低。比起以前差左好多。

其實價錢同板長差吾多 我覺得係好食過板長啦 因為佢啲壽司更加鮮甜啦而且係好好食 同埋佢地既厚切三文魚真的不得了 正到想食多幾嚿 咁同埋入到去環境都吾錯 坐位算夠多既我地就坐大枱7個人左右夠位既 咁同埋如果有BB 會比你一套BB餐具 另外 炸物同刺身都好正 火炙既壽司做得非常好 吾會話過火左 剛剛好 同埋個雞翼都好正 只不過係有啲熱氣 不過食得日本野都吾怕啦 上菜既速度都好快 吾會過左勁耐先上一次 係陸續都一直上緊既 服務態度都好好啦 叫員工影相都好樂意

食過幾次穴壽司黎試下呢間，點知完全係垃圾。坐低見到點菜pad 已經覺得好似板長，結果食物仲差過元氣。全部野冇味刺身仲好唔新鮮。呢個價位完全係搶。真係激到我即刻整個account 黎寫review。Yoho Mall 竟然比呢間野進駐。如果仲想食到一肚氣歡迎去食！

呢排成日都想食魚生，search 過後發現元朗yoho 呢間"純壽司" 好似風評不錯，於是就決心試試佢既午市套餐我揀左"刺身定食" ($148)並request 佢將白飯轉壽司飯。個set 度d 刺身都算種類多（有九款刺身，包括三文魚，帶子，甜蝦，油甘魚，吞拿魚，三文魚子等等）同埋新鮮。不過我略嫌set 中既三文魚唔夠肥美，要三文魚腩先到我心目中既質素。定食有埋沙律，面豉湯，茶碗蒸...所以食完都好滿足。下次有機會試埋夜晚先