紅館 (擺花街) (已搬遷) 新店位置

Decent dinner同朋友食飯，因她在中環區返工，咁就book 間近佢架餐廳食晚飯。當晚我地每人點左份主菜，順次序介紹下湯是蘑菇湯呀，打碎了蘑菇加忌廉，好喝呢，滑身流入喉嚨。呢籃麵包唔係買返黎，係自家製架，感覺出廚師架用心，我係一個勁鐘意食麵包架人，飯麵可以唔食，但任何包都忍唔到口，麵包更是無限添加。上主菜了，我要份牛肉麵，牛肉條好似好黑，肉味濃郁無骨，個汁好惹味！甜酸加黑椒味，有點似泰國風味。點埋杯飲品呢一餐食得好飽呀！

中環食好西記@紅館 rare 中環擺花街9號地舖及地庫 中環西餐食肆多，要脫穎而出一定要有質素，今餐來到rare 食晚餐，法國藍帶主廚打理！叫了沙律，有沙律生菜，車里茄，魚肉加薯蓉，撈了沙律dressing ，幾特別因添加了魚肉我在家自己焗蛋糕麵包，因出面吃的加了太多添加物，手工麵包亦係師傅每朝整，抹上牛油或者蘸油醋都食到麵粉香，純樸同心思，會隨主菜附送的 硬身近法包感覺，中心軟外層乾，合慢慢細嚼。要雞呀！黃油雞雞皮煎到金黃脆身，肉汁封在裡頭肉嫩，女生剛好的份量，吃的出雞味而非雪藏味呢！仲伴薯菜架，菜肉平均。食到尾點埋杯凍檸茶啦！人均三百來元，食食物之餘環境同服務都稱心滿意，在中環區來說很難得。

平時黎呢頭都係飲酒居多，今日晚餐女朋友就簡左呢間法國餐廳+bar試下，都唔錯的~地鋪，餐廳門口唔算顯眼，打算黎食野既朋友小心唔好miss噢~ 但夏天坐bar枱可能會有小小熱，可以叫上一兩杯飲下~餐湯，非常熱，小心飲用~比起一般蔬菜湯黎講蕃茄味更濃，酸味尤其突出，d豆同菜亦唔會煮爛曬，保留清爽口感~牛肋條寛條面，牛肉份量超級多😂牛肋條係紅酒汁入邊煮到淋曬，牛味亦非常濃郁，面條相當掛汁，加上小量芝士一齊食，係相當唔錯既一道菜~~

愛淸新、愛認真。好幾次路過RaRe半開放的廚房，總見廚師在埋頭工作，十分專注。今天下班比較晚，反正要鬆一鬆就在RaRe 吃個晚餐。叫咗個set dinner , 廚師特意介紹這份前菜麵包，除了麵團是由人手去搓，份量亦係自家研發，經多次控制試驗份量、同發烤時間才供我們品嚐。別看這個沙律其貌不揚，原來滿載心思，白滑的不是雪糕球，是用烹調好的鱸魚，加上廚師嘅精心調味再攪拌成蓉，雪凍後用雪糕匙盛起球狀，再放上即日處理的沙律菜上沙律菜爽脆新鮮，鱸魚蓉輭滑creamy,我配合手工麵包一齊吃，看似簡單卻又與別不同。坊間的意大利飯，都是用濃湯將生米煮熟，做到外層軟綿綿， 飯芯剛剛好，RaRe 更加巧妙地加入新鮮魷魚粒，除令到輭滑的米飯更加豐富外，目的係加強咀嚼感，令你在食的過程中更加滋味。美食過後，晚上的中環就如我的心情一樣，要靜一下休息一下，細意品味，原來是出自法國名廚學院，如此用心，不愧是藍帶出高徒

星期六在港島區賣旗，自己選址去了中環企賣，中午時分完結後便到此吃個美味午餐。餐廳中掛上不少「實力標記」。地下還有一層，但我比較喜歡坐近門口位置，襯好天氣開揚一點感受陽光。店員亦十分友善，笑容掛臉令人感覺良好，而且還會細心介紹當天食物。晏晝除了lunch set外，還有All day set 11:30-22:00 ～配湯（是日蘑菇湯）/沙律（魚蓉沙律）、主菜、甜品和餐飲。我點選了《蘑菇湯》 - 夠熱而且香滑，加上少許細蔥和胡椒更提味。麵包是自家手打，外層有嚼感而內裡很鬆軟。Main course:《US Beef Stew with Red Wine Fettuccine $348》寬麵麵明顯自家製，爽口和彈牙度很好，只有自家手打才能做到這種口感。牛肉很入味軟腍，味道有甜再加上一點茄香，入口完全不費牙力去咀嚼，每下咀嚼都有肉汁，果然慢慢燜煮有心機。配料還有蘑菇片、甘筍粒和用來調味的香草，味道層次豐富。餐飲簡簡單單點了熱檸水，杯子還有Rare的trademark標誌呢～

越來越喜歡一個人獨食，可以專心品嚐美食是一件好幸福的事，今天一個人收工後原本打算食越南河粉，途經這間餐廳時，發現原來是藍帶🏅主廚👨🏻‍🍳主理的，心想反正一個人，何不試試？選擇了靠近門口的巴枱坐下，環顧一下四周，除了在當眼處掛上證書外，簡約的設計風格，沒有多餘的做作。未點餐前，店員先送上自家製的麵包🍞質感與別不同，比較硬身及有咬口，麥香味濃，咀嚼要費點力，煙韌度高！餐湯是磨菇湯🥣盛載的器皿上面刻上餐廳品牌，濃濃的磨菇香氣，像是有杏仁的味道，喝上一口，你定會愛上。從幾款主菜中，我選擇了「Farm Yellow Chicken」，金黃的賣相，伴隨著車厘茄，放在青嫰的露筍上，十分精緻。特別享受悠閒的進食過程，不受到他人打擾，亦能專注食物的味道，用味蕾慢慢品嚐食物的真蒂，講返呢份農場雞，雞皮特別香脆，肉質比平時食開的更加嫰，尤其雞味十足，確實需要用刀叉🍴慢慢享受。今晚學習一個人慢活的步伐，靜靜地嘆一杯咖啡☕️心情亦平靜下來，非常不錯的一頓晚餐

今晚起中環收工約左媽媽起IFC行街行左陣去左擺花街既紅館食dinner聽講係法國藍帶主廚主理店內裝修簡約樓上係吧枱設計樓下有冷氣座位餐具擺設都份外講究未點餐就已經有麵包食食落都幾鬆軟今日既chef salad係魚茸薯蓉沙律食落口感幾豐富幾清新好啱天氣熱既時候食Main course 要左烤雞雞肉鮮嫩juicy配菜有薯仔蘆筍粟米仔同蕃茄仔幾好食最後有飲品本來夜晚唔諗住飲咖啡驚訓唔著但見到佢有部professional 既咖啡機一於試下飲落咖啡豆幾香唔洗落糖都好濃郁咖啡味

經過店前可能會被遺忘，沒有誇張的門面設計，卻內藏著寶藏。一入門口是窄窄的走道，洗手間和更多座位在樓下。一坐下便有餐前麵包供應，麵包新鮮香脆，沒有太多加工，反而讓味蕾放鬆。餐湯選了蘑菇忌廉湯，和預期一樣，非常濃郁。我比較喜歡重蘑菇味多於忌廉香味，而這個湯我很喜歡。主菜是牛肉意大利麵，本想選擇青口，但很好奇他們的人手造寬條麵口感如何，所以選了它。這個麵可算是我食過的意大利麵數一數二好吃的了，彈性很好，而且並不粗糙，配合大廚的手藝、調味，是值得回味的good dishes。唯一缺點是價錢偏高，但偶爾吃吃也沒所謂了。

約咗大學死黨食飯，又來到中環， 搵到呢一間幾的骰嘅法國餐廳！餐廳地舖是吧枱，樓下是餐廳，可以按自己心意選擇坐位～一路吃晚餐，一路看見師傅在悉心的預備食材！餐廳嘅麵包全部都係自家製，口感非常元素軟熟，可以吃到酵母發酵嘅微微香味！餐湯是紅湯，酸甜恰好，非常開胃！蔬菜清甜，有紅腰豆、椰菜、甘荀等。紅油燉牛肉闊條麵燉牛肉表面佈滿了芝士碎，非常邪惡！牛肉炆得非常淋，紅酒味極濃！但不會覺得「確」喉，反而可以帶出牛肉的甜味！牛肉不會有筋位，非常容易入口。闊條麵也是餐廳自家製的，口感煙韌。最後餐飲點了一杯熱紅茶，是夏日解膩健康之選！

難得路過中環，就梗係睇吓有咩好嘢食啦，咁岩又搵到呢一間幾精緻嘅法國餐廳，就有去食個午餐先！原來餐廳係由法國藍帶廚師主理！一坐低，侍應就會放上一欄法國麵包，用來點意大利醋或者橄欖油，都係開胃之選！麵包新鮮鬆軟，容易入口！沙律菜非常爽甜，上面有魚肉，魚肉充滿鹹香，亦帶着少少檸檬嘅香味！係夏日清新解膩既唔錯選擇！US Finger Ribs將豬肋骨去骨、醃製後再炸！只有肉的口感，啱晒我呢啲懶人xdBBQ醬料微辣開胃，更加帶出肉既香味！蘆筍及粟米筍用牛油炒香，剔除了草青味！入口爽脆香甜。伴菜車厘茄非常鮮甜！餐廳菜式都幾別緻，岩哂想搵地方小聚既朋友仔！

這家餐廳平日在中環的中午時間都十分滿座，口啤亦不俗，所以我選擇了在星期六中環比較少人的時間才來一試。門口有餐牌，款款都吸引，最後選擇了炸慢煮美國牛肋條。入到餐廳我坐在一排的吧枱位幾有feel，下層還有雅座，牆壁上掛著不少餐廳的獎和證書等等。自家製法包包外皮好煙韌好有口感，麵包好鬆軟，蘸上一點 黑醋橄欖油，更好。Lunch Set炸慢煮美國牛肋條 $198廚師沙律 - 沙律是魚蓉沙律，當中有菜、已剝皮車厘茄和麵包糠，而魚蓉十分特別，是魚肉混薯蓉製成，鮮味不腥。炸慢煮美國牛肋條，外皮微脆裏面肉質非常腍，而且不失肉香，配上自家製BBQ醬帶酸甜黑椒微辣好惹味，薯蓉好有質感，夠香又滑溜。配菜有粟米仔和蘆筍。凍摩卡 +$8咖啡味香濃，質感幼滑。

首先，餐廳嘅人真係好nice，餐飯食得好開心。一坐低就有包welcome我地，係homemade包，好好食。作為麵包控俾十分！order咗個晚餐，先嚟個湯，好濃厚，香濃得嚟唔會over咗，好似食緊野菌蓉多過湯，驚喜啊。驚喜一浪接一浪，個意粉超超超好食。原來個粉又係自家製，會唔會太有heart先？我講唔出點解手造意粉好食d，但事實放在眼前，真係好好食。廚師功架十足，只係dry tomato都好食到停唔到。雖然偏油少少，但我理唔到咁多，食啊。好似好威水嘅廚💕🤤，下似要再嚟。

星期一的夜晚放工相約了好友飯聚、聽聞中環有間法國菜館由藍帶主廚主理、價錢不算貴、就過去一試吧。餐廳以紅色為主調、有一列吧檯、可邊吃邊看廚師準備食物、地庫還有另一用餐區。餐前先喝點白酒😌先送來師傅每早自家製的麵包、煙煙韌韌、帶點麥香、跟餐湯一起吃更美味。沙律菜幾新鮮、醬汁清新醒胃、上面那球是魚蓉、帶點鹹香。墨魚意大利飯熱騰勝的意大利飯送上、忌廉汁奶滑香濃、咬到粒粒墨魚、好香好美味呢。燒春雞烤得金黃色、肉質軟嫩、醬汁調得剛好、薯仔也烤得好香、露筍鮮嫩。

一間小店，好多時候都滿座，就知道實力都好強💪。今日終於都有位，可以一試藍帶滋味喇😊。地庫滿座，只得靠近門口嘅 Bar 枱位，都好丫😊。點知⋯⋯😓❗️睇過餐牌，食物種類都好多架，不過我都係最鍾意食魚🐠，蔬菜我又唔啱嘅，咁要雜菜湯都易啲入口啦😅。意大利麵包要加啲橄欖油同黑醋，我就最怕架喇🙊。條魚我問過，今日係咩魚🐠，不過我聽得唔太清楚，又唔想阻人做嘢，所以都唔知係咩魚😅。但係魚煎到啱啱好，一啲都唔乾👌，都夠 juicy 架👌，而且師傅係張條魚圈住一啲切條嘅蕃茄、黑欖果，再配啲好似肉醬嘅嘢，加埋啲汁，好味道呀😋，我就連啲配菜，有輕輕煎過嘅薯仔，粟米仔，同菜，清碟呀😱😅。最後飲杯凍嘅 cappuccino ，可以慢慢食多支煙就好啦🤣🤣🤣。整體好好架，係冷氣唔掂咋，小店已經加埋移動嘅冷氣機仔，但作用都唔大😓❗️

好朋友帶我去中環食西餐😍, 佢話個廚師係來自法國藍帶，而且價錢不貴，晚餐每個人不用$400。先來麵包，是由師傅每日早上自己手做的，很有heart 呢！👍🏻❤️難怪口感這麼好。還有prosecco～😍跟餐可選沙律或湯，我們就各點了一個。雜菜湯很足料，上面的薯仔沙律mix了魚肉碎，是fish of the day，挺特別呢。😋魷魚意大利飯 - 切碎了的魷魚與creamy 的意大利飯mix埋，味道與口感都很不錯👏🏻。Pan Fried Chicken - 雞皮很脆、肉質也幼滑juicy，旁邊還有焗薯。🤤最後還有coffee or tea。正在戒咖啡的我看見面前的咖啡機，就忍不住點了咖啡😆😌