紅館 (擺花街) (已搬遷) 新店位置

難得路過中環，就梗係睇吓有咩好嘢食啦，咁岩又搵到呢一間幾精緻嘅法國餐廳，就有去食個午餐先！原來餐廳係由法國藍帶廚師主理！一坐低，侍應就會放上一欄法國麵包，用來點意大利醋或者橄欖油，都係開胃之選！麵包新鮮鬆軟，容易入口！沙律菜非常爽甜，上面有魚肉，魚肉充滿鹹香，亦帶着少少檸檬嘅香味！係夏日清新解膩既唔錯選擇！US Finger Ribs將豬肋骨去骨、醃製後再炸！只有肉的口感，啱晒我呢啲懶人xdBBQ醬料微辣開胃，更加帶出肉既香味！蘆筍及粟米筍用牛油炒香，剔除了草青味！入口爽脆香甜。伴菜車厘茄非常鮮甜！餐廳菜式都幾別緻，岩哂想搵地方小聚既朋友仔！