紅軒

營業中

休息中

假日和媽咪去機場遊覧，之後想飲茶，便去富豪酒店內的中式餐廳 紅軒 飲茶，三個人叫了一個菠蘿雞粒炒飯、梅菜帶子腸粉、芋頭腩肉扎和紅棗糕。菠蘿雞粒炒飯不大硬，有很多雞肉，份量也充足，最欣賞的是紅棗糕，很香的紅棗味。可能因為我們到的時候已經差不多兩點，沒有很多客人，服務員態度普通，以酒店級數的中式餐廳來說，我覺得應該可以更好。價錢方面，貴，幸好某些信用卡有八折及七五折，折扣之後三個人吃了四百餘元，不大值得喔

我是一個固執的人，每當對一個人或一件事感到心灰意冷，無論它/他/她如何再熱烈地向我招手、釋出善意，也難以修補昔日曾有過的情懷，因為信心和信任早給破壞了！喜歡吃、喜歡覓食，因為對食物的情感可以來得坦蕩蕩、厭惡分明，無需世故地修飾偽裝，心裡自然暢快得多了！剛將慵懶的身驅移離睡床的老公，睡眼依然惺忪，劈頭便喊要嚐點心！心想東涌一帶的點心向來不是我們杯茶，若不出城，似乎沒有出路！豈料老公彷彿聽見了點心的呼喚，九秒九即說出「紅軒」來！那麼我們便提起勁兒往機場出發。第三趟來到「紅軒」，環境仍然舒服安靜，至於點心的質素則有待測試！南京素脆鵝是廚師推介，薄薄的皮層香口小脆，腐皮內層層次鮮明、嫩滑，味帶鹹香，我挺喜歡這輕柔淡香的味兒，不過慣了重口味的老公頓感無味，或者廚師可在在香料方面著手，略為加重香氣，令南京素脆鵝兩存其美！踏入秋季，倒想來一點「脂潤」。在廚師推介的香芋燒腩卷和招牌點心的鴛鴦臘腸卷中猶疑，最後我選了後者。臘腸卷的白包子做得不錯，入口鬆軟帶彈性，加上熱暖的溫度，就如一張柔軟的被子蓋在味蕾上，感到綿綿的溫暖！至於鴛鴦臘腸，我倆都較喜歡膶腸的甘香腍滑，而鮮肉臘腸由於肉質過於鬆散，肥豬肉亦太盛

今晚中秋節與男友一家到紅軒做節食飯。地方挺大但有過多枱，比較迫，少了私人空間。而且看似人手不足，應該是中秋節正日的關係吧！肘子花膠鯊魚骨湯 - 肘子即火腿，滿滿咸香，湯底有淡淡咸味，花膠夠軟棉，浸發得夠，份量都唔少，感覺吃了很多骨膠原。脆皮牛坑腩 - 外面炸得香脆，一點也不油膩，因為牛坑腩脂肪量較多，因此咬下去非常軟淋，牛味濃陏，好味道，下次來一定會再食！流金映月翠玉龍 （ 蟹粉龍蝦球）-  蟹粉加入咸蛋黃，但咸蛋黃下得過多，搶了蟹粉的鮮味，但龍蝦大大件，肉質彈牙，很有鮮味，非常推介。金獎茶皇燻雞 - 好香煙燻味！雞肉非常嫩滑，連雞胸肉都很嫩。雞皮算薄，烤得很脆，那煙燻味真是回味，好吃！花膠時菜－菜心苗很清甜，配上花膠絲和冬菇絲，花膠份量不少，個配搭好好。鐵板燒汁煱桶蠔 - 有大約７－８隻蠔，每隻都大大隻，炸得好食，但是下面放的是炸薯條，感覺有點格格不入。

聖誕節目去睇Phantom of the Opera，揀咗機場嘅富豪“紅軒”飲茶。5個人叫咗13樣嘢：上湯煎粉果有啲油味、麻辣粉皮唔夠麻、香煎陳皮牛肉餅好香陳皮味但過油同鹹。養顏紅棗糕唔夠煙韌只有彈且唔夠棗香、送嘅木瓜雪耳糖水太甜。金菇肥牛腐皮卷、鵪鶉蛋燒賣、鮮蝦九菜海參餃、多春魚籽鮮蝦餃名字特別但食落普通正常。椒鹽廣島蠔大隻鮮味熱辣辣脆口。黑松露磨菇飽造型維俏維妙，除咗中間夾住菇類做涵，另有松露醬點同吃，香氣四溢。燕麥杏汁飽流出濃香杏汁。鹵水金錢有牛味彈牙唔係過腍。金華戈渣裡面包住軟熱的湯頭啫喱帶點點火腿鹹香。服務麻麻，冇乜客但店員普遍冷淡。食完有啲口渴，似乎味精落重咗手啲。

在快將飛往日本享受「九州即興之旅」前，在機場的云云的食肆中，挑選了中餐。大概在日本數天的旅程中，走進中餐館的機會是微乎其微，甚至接近零的機會率，所以有必要在出發前，讓自己嘆一嘆一盎兩件的滋味。「紅軒」給人的第一印象就是一遍紅，幸好設計湊合藍和黃兩色，協調下視覺效果還不錯、不會產生俗套！好幾年沒踏進紅軒了，這次順便可重溫菜式的味道，並測試別後的水準如何！記得小時候家裡烹調的煎釀茄瓜，最後總是配搭一個豆豉汁，有次我好奇問嫂嫂何解，她稱將煎香的茄子在豉汁內烹調可減低熱氣。回想以前伯娘家天天也備有湯水和涼茶，寄居伯娘家那幾個年頭，當算是我們三姊弟的福氣！兩片茄子就如珠唇般張開，兩唇之間釀上魚肉，煎煮後形態亦保持完整。一咬，茄子肉質細滑、軟腍，魚肉雖魚味不重，但質感彈牙，添附著香濃的豆豉汁，當年煎釀茄子的風味隨「紅軒」這道豉汁煎茄子而來。若然油份可略為減少，效果應當更加美妙！我喜歡用糯米製作的點心。以前經常會點糯米包，後來糯米飽供應愈來愈少，便改吃糯米卷，不過糯米卷的水準又每況愈下，此後絕少特意挑選糯米製作的點心！「紅軒」的糯米包是裹上黃衣的，有的會用白衣，不過個人認為黃衣味道較香，所以黃衣始終

地方不算是巨大的機場酒店，人流也不是十分之多，但數下數下，這一家像是彈丸的酒店原來是充滿了食肆的。主要對像除了一些機場商層職員之外，在 Asia-World Expo 有 event 之時，也會令這兒旺起來。大半天的活動完成了，我們也就地在富豪酒店的中菜廳吃一個豐富的晚宴，而我們就來到了一樓的紅軒。人氣不多，因為我相信不會有人專程由市區來到機場食晚飯，因為這一個原因，令到整個用餐環境非常之清淨，全紅色的設計，也給人一種中國式的華貴感覺。 地方不大的中菜館，但大部份擺設的都是大檯，雖然感受到大大的空間感覺，但大大張檯，大大張凳，若是坐滿人，一定會呈現出一種小小的壓迫感。 環境只說這麼多，最重要是食物好食與否。富豪的這一個中菜廳，過百元一道的小菜，加上優雅的環境，是令人抱著期望的。廣東人食廣東菜，一定要有番個湯才行，所以一開始就有一個清甜的粟米茅根豬骨湯。大家辛苦了一整天，有一個溫暖滋潤的湯水落肚，是最好不過。而酒樓酒家，大多是以炖的做法來煮湯，以極猛火的高溫去把湯料的味道精華迫出來，得到的鮮

一次到機場接機,就到機場酒店既中菜廳食飯,正貪佢就腳.坐低叫左幾個菜.原籠蒸蟹飯,鐵板燒筒蠔,大漠風沙雞,金銀蛋莧菜.....真係要推介下個鐵板燒筒蠔同原籠蒸蟹飯,個筒蠔又大隻又肥美,重外脆內軟,最驚喜係吸滿醬汁既薯條,超正!!!重有個原籠蒸蟹飯,用上湯,蛋白,蟹籽蒸出來既飯鮮味十足,個籠重keep得住d飯既熱度,體貼既設計呢....

六月九日公眾假期到這裡吃飯人不多，侍應們亦顯得懶懶閒我們點了朋友推介的燒腩仔，賣相不錯，但吃落才知是翻叮的蘆筍炒牛肉－不過不失，蘆筍粗大爽脆，是靚貨茶薰雞－他們的招牌菜．一上枱我們只聞到煙灰缸味，太咸太煙薰了埋單＄４３８，不值

事隔幾個月，因緣祭會又哩咗機場富豪嘅紅軒，試試佢個「富豪金裝海王魚翅」套餐，比起上次年初哩食嘅「蠔情夜燕」7道菜晚餐，依次就差咗一截，無論份量，味道同特色！其實，今次唔係唔好食，D味道都幾啱我哋，只但係，整體上無上次咁豐富、咁正，同埋無咁多驚喜！而且，份量亦稍為少咗，女仕們就無問題，如果2個男仕我相信就唔多夠食喇，加多個飯先得。不過，環境、服務依然保持到，係度唔多講！今趟個2人晚餐有5道菜，除咗個「金湯海皇生翅」同「鮑汁花膠扣大花菇」以逐位上，其餘嘅「杞子濃湯浸斑球」、「XO醬爆蝦球」就以小菜形式上枱，再加埋個甜品「合桃露」。「金湯海皇生翅」－個翅湯做得幾好，有水準，好多蝦肉，雖然唔係排翅，只係生翅，翅嘅份量非常足，湯底又加咗南瓜蓉，鍾意食南瓜嘅人一定覺得正，因好濃郁南瓜味！「鮑汁花膠扣大花菇」－哩次個花膠整得幾好，花膠發得夠透夠大件，腍身得哩唔會爛PatPat，好有咬口，配上濃鮮嘅鮑汁，再加埋隻又大又香嘅花菇，真係幾得！「杞子濃湯浸斑球」－將條斑起肉一件件以上湯浸煮，幾鮮味，又好嫩口，食起上哩亦好方便，唔怕有骨鯁親！小弟反而最欣賞係D杞子粒粒，平時用哩煲湯無晒味，但今次D杞子就好清甜

早排入去富豪酒店食晚飯, 一行人12人. 見有個12人套餐有翅有燕窩甜品用信用卡帶$2688就點咗.個翅同鮑魚仔都唔錯, 有道帶子珊瑚蚌加炸鮮奶同埋道節瓜鑲瑤柱都幾好食. 魚就一般.個煙薰雞有好大陣"lung"味同鹹咗啲, 唔知係咪我地食唔慣.最後唔係好夠要再另外叫少少野食.燕窩就幾好,係杏仁霜有少少苦味.另外叫咗杯橙汁再加一jar橙汁(約6杯).埋單要3千6百幾, 估唔到兩個炒飯+茶+芥+橙汁(一杯要$45, 一jar竟然要$300)+總數加一夾埋差唔多一千, 同個預計都差好遠.

因公事要入機場富豪走一轉，完事後，隨道和拍檔食埋午餐才離開。被安排坐房，傾計更方便，私隱度更高，正合我是次的公務身份。點菜，還是由人家發版吧！燒腩仔，皮是卜卜聲，不過感覺係硬，唔得鬆化。肉過瘦，且略咸，還韌。眼見同台的各位停晒手，可知其水準如何。牛肉、腸粉、粉果、排骨等點心，不論賣相及味道，同坊間的街檔無甚分別，甚至更差，遠遠達不到同台人的要求。唯蝦餃有人讚好，只是我敏感不能吃，可惜！另炒兩個餸，豬頸肉和菜遠牛肉，呢兩味炒菜則較有睇頭。豬頸肉淋得來亦不失口感，味道不錯，不過大蔥和洋蔥未夠火喉，煮耐一點仲好。菜遠牛肉，菜爽口，牛肉入味又唔韌，最多人欣賞。公服關係，折頭特別多，埋單舊幾水，嚇親！

好早排睇報紙介紹機場富豪嘅中菜館紅軒做緊個7道菜嘅「蠔情夜燕」，顧名思義，就係以蠔同燕窩入饌，趁住結婚週年紀念，晌一月尾入去試一試。可能位置關係比較僻，所以今晚都唔好客，環境靜靜局，唔似市區嘅酒家嘈嘈閉，唔怕被隔離枱騷擾之餘，傾偈又唔使大大聲，加上服務貼心，食得好輕鬆，每道菜都可以慢慢品嚐！每道菜都係一位位咁上，賣相精緻，份量十足，先後有序，的確係一餐非常稱心滿意嘅晚飯，不過價錢唔平，成$368一位！（小弟打電話再問過，依家就無再做哩個套餐。） 7道菜包括：1. 碧綠芙蓉燕窩翅–保持中國人傳統食飯嘅特色，飲碗靚湯先！哩個翅湯真係有驚喜，一上枱個翅賣相好搶眼，因為唔係平時所見嘅翅咁色，係加咗菜蓉哩做，又加埋蛋白，所以綠得哩有一絲絲蛋白絲，再係面頭放上一大撮燕窩，變得更加矜貴咗。食落口，一啖啖魚翅，絕無欺場，味道濃淡得宜！2. 咖喱焗美國蠔伴黃金花枝球–跟住又係另一個驚喜，賣相好西式，仲要用刀叉哩食。依道屬於味濃嘅菜，成隻手掌大嘅美國蠔，用濃香嘅咖喱汁烤焗，好惹味，隻蠔又多汁，伴上嘅花枝球亦唔可以睇小，花枝丸本身做得夠彈牙唔在講，最特別係外層嘅「黃金」，原以為個花枝丸就咁炸，原來唔係，外層

在酒店門口放低車由職員搞掂!好鬼輕鬆上樓飲茶,酒店包兩個鐘免費泊車!佔據兩台,在點心紙上點了一堆食物,計有:皮蛋酸薑,唔及中環好味,牛肚偏咸,不過好腍,叉燒包無想像中咁甜,腸粉夠滑好味,大包足料到爆,魚翅灌湯鉸唔錯。還有鮮竹卷,炸魷魚鬚等等。地方舒服,食物也不錯,加埋茶錢,前菜及加一收費,這個中午茶總數HKD$1,800.00幾個人歎下茶也是不錯的選擇!

今日去送機，去左機場富豪-紅軒(食廣東菜)。book左位，比個門口位我地，本來想唔要，但望下入邊都full左，個待應話吾食煙係得呢度唯有照要啦。去到見到有過任點任食自助餐，得2個人，諗住試多的款，就食呢個啦。落左單，等左15-20分鐘一樣野都未到，隔離枱仲遲過我地來，但己經有幾碟食緊。咪問個待應係咪任點任食係咪耐的架，咁佢話唔係，話即刻同我跟，咁好快都有野食啦，唔係真係咩心機都冇晒。點左蝦餃2粒(的皮唔好味)燒賣2粒(幾好食，蝦好爽口，又夠熱)春卷(皮唔太趣)叉燒腸(唔滑架，唔好味)楊洲炒飯，又話1人份，點知來左幾大碟(太多，味道都過得去)仲有點左白粥、鳳爪、四季豆、蒜茸炒什菇，排骨等等。點心唔叫太好食，美心會好食的。不過，2個人可以食咁多款，去開機場，一試無妨。埋單$118(再85折)/位+$13x2茶錢+$30醬芥(係普通酒樓豆瓣醬，我點都冇點過，咁就收左$30)=2個人共$27x。

應主辦單位邀請去寵物博覽會參觀之後，到富豪酒店的紅軒開會兼食晚飯。這裡算是集團經營，理應服務及質數應該有保證，但今趟剛剛相反，比喻貴賓房內空調不夠，問女待應可否代為處理一下，回應居然跟廣告一樣，答了句"溫度已經調到最低，我都沒辦法，你們貴賓房已經最涷..."；另外跟經理點菜，因人數跟訂位前多出數位，故已經要求另開一桌及先前訂落的菜單變成雙份就可，但經理回應是再開一桌價錢不一樣及先前的菜單怎樣的抱怨說話，頓時令到大家語塞、氣結及赫然。說到菜式，因是宴會菜式，故來來去去都是并盤、熱暈、翅及美點雙輝及麵飯，而今次就以這裡的招牌燒鵝來代替炸子雞。菜式食味比想象中差，并盤燒臘跟坊間普通燒臘店的差不多；熱暈食過但全沒印象；翅發得不太夠，有點硬身及帶點腥味，是廚房師傅沒有用心之故；燒鵝可能燒得過火，鵝皮深啡色，賣相已經不行，食味偏咸及鵝味不足，失敗；反而全場較可以的只是個單尾炒飯，飯粒企身爽口又不油；結算下來整體的菜式及食味都不合格。到外面大廳走走，佈局及環境不錯，另牆上更掛有一個由比賽而贏得的中式點心組金牌，故相可能點心才是這裡的強項，今趟算我們對這裡的一個另外見識吧！反而令筆者有興趣的就是這裡將