75
15
4
餐廳: 紅軒
優惠: 國泰會員憑「國泰 - 亞洲萬里通」應用程式內會員二維碼,賺高達HKD4 = 2里。受有關條款約束。
條款及細則:
  • 國泰會員於指定夥伴餐廳用膳,付款時須出示「國泰 - 亞洲萬里通」應用程式內的會員二維碼,方可賺取「亞洲萬里通」里數。
  • 國泰會員每次可賺取「亞洲萬里通」里數之消費額上限為港幣10,000元。
  • 會員於國泰夥伴餐廳作合資格消費,每港幣4元可賺取1里數。而渣打國泰Mastercard®客戶憑卡消費可享每港幣4元賺取2里數,包括合作夥伴餐廳合資格消費之餐膳里賞(每港幣4元賺取1里數)及基本餐飲類別之合資格簽賬獎賞(每港幣4元賺取1里數)。
  • 賺取之「亞洲萬里通」里數將根據餐飲與膳食消費,包括服務費、稅項及小費的總和而計算。
  • 惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。
  • 賺取的「亞洲萬里通」里數將於認可餐膳消費交易後10個工作天內存入會員的賬戶。
須受其他國泰條款及細則約束。
等級4
2008-03-05 275 瀏覽
好早排睇報紙介紹機場富豪嘅中菜館紅軒做緊個7道菜嘅「蠔情夜燕」,顧名思義,就係以蠔同燕窩入饌,趁住結婚週年紀念,晌一月尾入去試一試。可能位置關係比較僻,所以今晚都唔好客,環境靜靜局,唔似市區嘅酒家嘈嘈閉,唔怕被隔離枱騷擾之餘,傾偈又唔使大大聲,加上服務貼心,食得好輕鬆,每道菜都可以慢慢品嚐!每道菜都係一位位咁上,賣相精緻,份量十足,先後有序,的確係一餐非常稱心滿意嘅晚飯,不過價錢唔平,成$368一位!(小弟打電話再問過,依家就無再做哩個套餐。) 7道菜包括:1. 碧綠芙蓉燕窩翅–保持中國人傳統食飯嘅特色,飲碗靚湯先!哩個翅湯真係有驚喜,一上枱個翅賣相好搶眼,因為唔係平時所見嘅翅咁色,係加咗菜蓉哩做,又加埋蛋白,所以綠得哩有一絲絲蛋白絲,再係面頭放上一大撮燕窩,變得更加矜貴咗。食落口,一啖啖魚翅,絕無欺場,味道濃淡得宜!2. 咖喱焗美國蠔伴黃金花枝球–跟住又係另一個驚喜,賣相好西式,仲要用刀叉哩食。依道屬於味濃嘅菜,成隻手掌大嘅美國蠔,用濃香嘅咖喱汁烤焗,好惹味,隻蠔又多汁,伴上嘅花枝球亦唔可以睇小,花枝丸本身做得夠彈牙唔在講,最特別係外層嘅「黃金」,原以為個花枝丸就咁炸,原來唔係,外層
更多
好早排睇報紙介紹機場富豪嘅中菜館紅軒做緊個7道菜嘅「蠔情夜燕」,顧名思義,就係以蠔同燕窩入饌,趁住結婚週年紀念,晌一月尾入去試一試。可能位置關係比較僻,所以今晚都唔好客,環境靜靜局,唔似市區嘅酒家嘈嘈閉,唔怕被隔離枱騷擾之餘,傾偈又唔使大大聲,加上服務貼心,食得好輕鬆,每道菜都可以慢慢品嚐!

每道菜都係一位位咁上,賣相精緻,份量十足,先後有序,的確係一餐非常稱心滿意嘅晚飯,不過價錢唔平,成$368一位!(小弟打電話再問過,依家就無再做哩個套餐。)

7道菜包括:
1. 碧綠芙蓉燕窩翅–保持中國人傳統食飯嘅特色,飲碗靚湯先!哩個翅湯真係有驚喜,一上枱個翅賣相好搶眼,因為唔係平時所見嘅翅咁色,係加咗菜蓉哩做,又加埋蛋白,所以綠得哩有一絲絲蛋白絲,再係面頭放上一大撮燕窩,變得更加矜貴咗。食落口,一啖啖魚翅,絕無欺場,味道濃淡得宜!

2. 咖喱焗美國蠔伴黃金花枝球–跟住又係另一個驚喜,賣相好西式,仲要用刀叉哩食。依道屬於味濃嘅菜,成隻手掌大嘅美國蠔,用濃香嘅咖喱汁烤焗,好惹味,隻蠔又多汁,伴上嘅花枝球亦唔可以睇小,花枝丸本身做得夠彈牙唔在講,最特別係外層嘅「黃金」,原以為個花枝丸就咁炸,原來唔係,外層包住一層薄薄嘅鹹蛋黃碎哩炸,加添少少鹹香,真係好正,全晚最鍾意嘅菜式!

3. 蝦籽竹笙百花燕窩卷–哩道菜就相對清淡好多,但一樣好鮮味,而且做到成件藝術品咁,用竹笙包住蟹肉同燕窩卷成百花燕窩卷,係上面灑上點點蝦籽,確實唔錯!

4. 魚子醬鮑汁焗桶蠔–又輪到另一道濃味嘅菜,大大隻桶蠔,幾有睇頭,用鮑汁扣完加上矜貴嘅魚子醬,算係一道貴氣十足嘅菜式,不過,就鹹咗D,要扣分!

5. 蠔皇花膠扒菜苗–依道菜比起其他就較為失色,雖然花膠發得夠透又大件,但個人覺得稍嫌「削」身少少,反而個蠔皇汁有好濃郁蠔味,菜苗好幼嫩新鮮!

6. 迷你生炒糯米飯–話叫「迷你」,只係以碗上,質素方面中規中矩,味道唔錯,飯粒軟糯,臘味油香甘飴。男士搞掂成碗飯當然無問題,但女士食完以上5道菜都九乘飽,都係留肚食甜品

7. 燕窩西米焗布甸–超正嘅甜品,為整個晚餐作結就最好不過,滿有蛋香嘅西米布甸同底下嘅蓮蓉都非常香甜軟滑,甜度適中,面面嘅燕窩當然味道清淡,但志在滋補,令個布甸更矜貴!
50 瀏覽
0 讚好
0 留言
45 瀏覽
0 讚好
0 留言
65 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$405