紅葉茶屋 (D2 Place TWO)

營業中

休息中

❤️‍🔥照燒雞肉定食❤️‍🔥嫩滑多汁嘅雞肉經過炭火燒烤，表面呈現微焦，仲帶住陣陣炭香味，淋上照燒醬，每一啖都充滿濃郁嘅甜鹹香味。配埋粒粒分明嘅日本珍珠米，簡直完美。❤️‍🔥特盛黑麻油濃厚豚骨湯拉麵❤️‍🔥豚骨湯底經長時間熬製，味道濃郁香醇，每啖都好暖胃。麵條彈牙掛湯，每口都充滿濃厚滋味，配上溏心蛋同軟嫩叉燒，口感層次十分豐富，令人食完仲想再食。❤️‍🔥海鮮炸物盛合❤️‍🔥炸得金黃香脆嘅廣島蠔同大蝦，外皮薄脆唔油膩，一咬落去，蠔汁鮮甜即刻溢出，而大蝦則彈牙爽口，食到濃濃嘅海洋風味。❤️‍🔥黑蜜抹茶蕨餅❤️‍🔥軟糯煙韌嘅蕨餅吸收住濃郁抹茶嘅甘香，加上黑蜜嘅甜味，口感滑溜，甜而不膩。呢間餐廳嘅食物精緻，環境舒適，無論係自己享受定約朋友一齊食，都係一個令人回味嘅選擇！

今日同閨蜜約咗出嚟食午餐。呢間餐廳環境簡約大方，窗外仲有一片綠植，真係好適合傾偈同食美食。我點咗一份火炙三文魚茶泡飯，炙烤後嘅三文魚散發出好濃嘅香味，鋪喺日本米飯上。服務員端上嚟時會幫我哋倒入熱茶，茶香撲鼻，配埋米飯，真係好好食。我閨蜜就點咗照燒雞肉定食，雞肉燒得啱啱好，外酥內嫩，照燒醬汁都好濃郁。呢份主食仲配埋新鮮青菜，非常好食。我哋仲各自點咗甜品，我點咗黑蜜抹茶蕨餅，好食嘅蕨餅包住抹茶粉，配埋甜而不膩嘅黑蜜，好好食。我閨蜜就點咗熱芒果百香果茶，酸甜適中，非常解膩。我仲點咗另一杯熱奇異果同雜莓茶，奇異果配埋雜莓，味道獨特，口感清新爽口，好解膩又好飲。呢頓飯我哋食得特別滿足，填飽咗胃又滿足咗味蕾。

偶然之間搵到呢間日本餐廳，紅葉茶屋，裏面有雙人套餐，啱啱都喺搵晚餐食，就打算喺呢度試嚇佢哋嘅季節限定。我哋係兩個人嚟體驗，雙人套餐嘅分量好足，絕對夠兩個人食飽。套餐裏面包括咗前菜到甜品，而且選擇非常多。上嚟嘅前菜就好正喇，小吃拼盤裏面有刺身、炸蝦、芝豆同八爪魚，味道好鮮嫩，食落去都好開胃，再嚟就係仲有龍蝦沙律，龍蝦嘅鮮香分佈喺咗沙律裏面，食落去好開胃，我哋開始期待主菜。我哋有叫咗吉列豬扒配蠔，都係油炸嘅，然後仲有鹽燒鯖魚，鯖魚嘅賣相望落去平凡無奇，但係食落去絕對唔一般，味道上風味十足，可以食到鯖魚獨特嘅鮮味，然後炸豬扒嘅肉質好鮮嫩，經過油炸後口感更加有層次，加上炸廣島蠔，食落去就好特別甜品呢度要咗抹茶白玉同黑蜜抹茶蕨餅，主打嘅都係抹茶，但係食落去一啲都唔會膩，抹茶味非常甘甜，配埋白玉或者同蕨餅放一齊，都係非常好食嘅。飲品再嚟上抹茶，把油炸嘅油膩都能解除，仲可以把燒烤味都解一解，口腔只留低清新。冰薄荷紅茶都好好飲，冇花里胡哨嘅香精，只有薄荷同紅茶最純粹嘅甘香。個人真係好推薦大家嚟試嚇佢哋嘅雙人套餐，真係好正！

呢次我去咗一間隱世嘅日式小店，感覺好似行入咗日本嘅小巷，環境用木系裝修，充滿和風情調，真係好適合慢慢享受美食同甜品！🌸❇️ 炸一口芝士 🧀✨ 一上枱就聞到濃郁芝士香味，外層炸得金黃香脆，咬落去芝士即刻流出嚟，超級滿足！呢個真係芝士控嘅天堂，配埋啲微辣嘅蘸醬，食完仲想再叫多一份！🤤❇️ 牛肉壽喜燒定食 🥩🍲 用A4黑毛和牛煮成嘅壽喜燒，牛肉片片嫩滑，汁底甜甜地，好入味。定食仲有溫泉蛋、白麵豉湯同日本漬物，食完飽到唔識行，真係超值！😋❇️ 特盛黑麻油濃厚豚骨湯拉麵 🍜🥢 湯底濃郁得嚟唔會太膩，黑麻油嘅香味提升咗整碗拉麵嘅層次，叉燒又厚又多汁，麵條彈牙，食完真係暖笠笠！👍總結嚟講，呢間小店嘅食物真係無得輸，環境又舒適，價錢合理，絕對值得一試！如果你鐘意日式料理，一定要嚟試下！😋✨

今次中午，我哋嚟到鎌倉一間人氣和風Cafe，環境舒適，充滿日式木質風格，非常適合品嚐日本料理同甜品。平日中午人流適中，可以慢慢享受呢度嘅美食。❇️ 牛肉壽喜燒定食 🥩🥬呢道定食真係唔可以！牛肉嫩滑，入口即化，壽喜燒汁甜美可口，滲透每一片牛肉，令人回味無窮。蔬菜同豆腐吸收咗汁液，味道豐富。成個套餐仲有溫泉蛋、味噌湯同日本漬物，食完真係飽足感滿滿😋。❇️ 特盛黑麻油濃厚豚骨湯拉麵 🍜呢碗拉麵賣相吸引，湯底濃郁，黑麻油嘅香氣撲鼻而來。豚骨湯底香醇，麵條彈牙，配上叉燒、溏心蛋同蔥花，層次感豐富。每一啖湯都令人暖在心頭，絕對係寒冷天氣嘅最佳選擇👍。❇️ 炸一口芝士 🧀呢款小食真係驚喜！外層炸得金黃香脆，咬開後芝士流心，濃郁嘅芝士香味瞬間充滿口腔，簡直係芝士控嘅天堂🤤。呢個小食係一個唔錯嘅小點，適合同朋友分享。總結嚟講，呢間Cafe嘅食物真係好好味，環境舒適，價錢合理，係一個放鬆心情嘅好地方。非常推薦俾鍾意日式Cafe嘅朋友嚟試試，保證你會愛上呢度嘅美食！😋👍

同同事出咗荔枝角做嘢~嚟到D2 place入咗呢間食lunch😼我嗌咗炸雞定食，大概等咗10分鐘就有喇~定食包咗麵豉湯，沙律菜同兩款漬物，至於主菜炸雞有四舊，都幾大舊，配埋佢哋嘅他他醬🙆🏻‍♀️炸雞新鮮炸起，熱辣辣，咬落去肉汁流哂出嚟😆炸衣亦唔會好厚，薄薄地，所以食落唔會好油膩！配埋白飯食一流！😍🤤

响 D2 Two 呢間充滿悠閒感嘅日式茶屋, 老友佢早就食過, 我就收工經過好多次 但仲未食過~今次終於一齊入黎食個開心午餐, 好好聚一聚喇~ 朋友仔食: 角切刺身茶漬飯我食: 和牛肉壽喜燒定食 坐响和風卡位, 空間感十足, 我哋都好欣賞闊落而且有私隱度~ 手機點餐後, 好快食物就一 set set 送黎, 完整精緻, 夠曬日系和風感~ 嗯嗯, 牛肉 份量充足, 質量抵讚!近睇下完全無哥啲肥膏筋位全部食得架柔軟軟 肉味濃郁, 不知不覺間 一塊接一塊咁配飯食曬了~配有 前菜、蛋、葱花 同 湯~紅蘿蔔 係紅葉造型架!Kawaii 呢~

Office係荔枝角平時都會周圍覓食。諗住同同事試吓啲新餐廳見到呢度裝修都幾好就去試吓🥰不過坐落真係幾舒服！同埋唔會好逼。嘢食擺盤嗰啲都好靚😂最啱打卡！※牛肉壽喜燒定食分量黎講其實都多既，壽喜燒個調味都唔錯所有配菜都可以吸收到壽喜燒嘅味道😋有炒洋蔥夠正宗。不過雖然牛嘅份量好多，但係上到枱嘅時候全部黐埋晒一齊略嫌有少少老（下次試一下和牛可能會好啲🥸。麵豉湯有少少鹹，配菜醃蘿蔔好食好食🤤🤤仲要有溫泉蛋添！

今日肚子有點不適，但約了很久沒見面的朋友吃飯，不想改期。於是乎，打算叫些熟的食物，慎防肚瀉。我自己點了一份照燒三文魚定食，而朋友則點了其他炸物定食。本以為照燒三文魚定食，魚一定會是全熟，絕對不會出事。結果一夾開，三文魚只有外層六邊是封煎，中間是全生。 我向服務員表達照燒三文魚好像太生，詢問可否煮熟一點。結果店員回覆：我地用嘅三文魚係刺身級，所以照燒三文魚係半生熟㗎！ 但…這根本是是一成熟吧？為免食完肚屙，我都係將生嘅部分唔食好了如果你地照燒三文魚定食唔係熟食嘅，麻煩一係喺餐牌寫明，又或者放喺刺身定食分類附近。唔好放喺［魚定食］：鹽燒鯖魚定食/吉列廣島蠔定食/燒花魚一夜干定食果欄啦

與友人吃生日飯，叫咗兩個甜品兩個定食，份量剛剛好。甜品、野飲好多選擇，味道都唔錯，圖片與現實的一樣。已經約定友人下次去試吓其他款式嘅甜品。定食:有素食選擇，葱、蛋係另上的，但留意面豉湯是否素食要求，其他伴菜係素食，用嚟餸飯好惹味，但有糖尿病的朋友不要吃太多，略甜。抹茶tiramisu 不膩，忌廉味略重，蓋過抹茶的茶香，但外觀設計風格好吸引。雪糕窩夫里的紅豆很香，丸子都很有口感。水果茶味道不錯，咖啡不酸不苦，用來配甜品剛好。

Came here to have some desserts with the girls, but the QR order system MESSED UP. There were orders which we didn’t choose appear in our cart, and two extra glasses of drinks (The same one!)- which we didn’t select neither- in our list of confirmation. What a joke?! The staff just brought the two extra drinks to us and partly persuaded/ forced us to take them, and wasn’t helpful/ eager in figuring out the problem on their QR order system. We didn’t want to start an argument so this time we just

見到網絡評分高，所以就行開附近就試吓佢啦。等位唔使等好耐。一入去地方空間都幾寬敞嘅，坐得幾舒服我哋，叫咗一碗拉麵及一個牛肉飯個牛肉飯。幾好食，佢啲牛肉係質素唔錯，但係拉麵叫之前，問店員可唔可以轉熟蛋，因為唔食得流心蛋，店員回應佢哋嘅蛋係預先制過，唔可以再幫我哋加熱成為全熟蛋，我哋只可以選擇走咗個蛋。呢一點我哋就覺得佢有啲不近人情，因為平時去茶餐廳或者拉麵舖叫佢哋轉熟蛋，其實都冇試過俾佢哋拒絕嘅。所以奉勸各位準媽媽唔好去嗰度食啦，因為餐廳唔會幫你將糖心蛋變做全熟蛋。🥲🥲🥲

黎到鎌倉的人氣和風Cafe，整體感覺閒適，以日式木系為主，非常適合食日本料理同享受甜點😍😍平日晚上都算人多，等了一陣才能入座 ❇️推薦A4黑毛和牛壽喜燒定食🥩🥩🥬 和牛肉質爽嫩，份量幾足，蔬菜、豆腐都吸晒壽喜燒汁嘅甜味，好好食呀🤤🤤🤤 Full Set包埋溫泉蛋、白麵豉湯、日本漬物，好飽肚‼️ ❇️明太子忌廉烏冬🍜🍜 賣相吸引，明太子份量大方且味味突出，撈入奶油忌廉湯好creamy，層次感十足👍 ❇️推薦鎌倉紅葉茶屋特製軟雪糕芭菲🍨🍈 期間限定蜜瓜味軟雪糕，雪糕濃郁好滑順，配料有紅豆泥、白玉、cream同抹茶凍等，一層層既餡料非常豐富😍❣️❣️ 總結餐廳食物好好味，環境舒適闊落，價錢又合理，值得喜歡日式Cafe嘅朋友一試😋👍👍👍

在D2覓食見到這裡門口有一張poster，推廣一個幾吸引既期間限定甜品Set：有夕張蜜瓜雪糕、奶凍、抹茶培茶Tiramisu。甜品控朋友好想試，於是我們看完電影便來這裡食甜品下午茶由於怕雪糕會溶得快，所以一開始便盡快KO ice-cream，第一啖雪糕像食緊夕張蜜瓜，這雪糕超正。之後食奶凍即有點後悔，因為雪糕甜味充滿味蕾，導致奶凍味道淡咗。最後到Tiramisu，有淡淡既抹茶及焙茶味道，cream夠滑。這個甜品配上一杯熱煎茶可以作tea set享用。以這個價錢有三款甜品，不防一試。

都鍾意食呢間嘢食咗好多年，之前呢間嘢就係T.O.P，後來就搬咗去荔枝角D2 Place，今次都係第一次去荔枝角呢間舖度食嘢。啲食物水準都保持到同以前一樣，唯一可以挑剔嘅係個菜單咁多年都冇乜變過，缺乏咗啲新意。我本身都係一個好悶嘅人，每一次都係食同一樣嘅魚生茶漬飯，咁多年個水準都保持得唔錯，不過只可以話個份量就唔算太大，好多時都要再額外嗌其他食物或者甜品先會飽。每人平均消費通常都唔過$200 ，我覺得都還算幾平民化。