紅磡雞蛋仔

營業中

休息中

芒果pancake $148.5/10暖烘烘的pancake有點厚度, 不會太薄, 鬆軟綿密之餘帶點煙韌, 蛋香四溢, 本來已經很好吃😋😋😋再塗上沙律醬, 夾上大量甜美多汁的芒果肉, 神級美味!👍伯伯熱情依舊, 人情味依舊😊

終於完成左poly人一定要做既事--食沙律淨芒班戟!😋 個個食過都話好好味 一路都唔信有幾好味 今日一食 決定要係短期內去食多次😍老闆冇乜講野 淨係不斷做手勢叫人排隊同行前😮 好似好惡咁😗 不過見到熟客就會同佢地傾計 仲記得晒d熟客食開既野 佢地行埋去俾錢就即刻有得攞☺️班戟就咁揸上手覺得好細塊 但食落就唔會覺得唔夠喉😊 班戟好熱好厚 仲好煙韌 留心d睇可以見到晒每一個氣孔 絕對唔可以同快餐店出品比較😀 小店出品永遠都係誠意之作😍芒果超級甜又大粒 仲有好多舊😍 本身體質唔食得芒果既我都忍唔住食晒全部😚 班戟面搽左層薄薄既奶油 有d鹹鹹地 更加突出芒果既甜😊小店服務非常好👍🏻有紙包住班戟再俾左個細紙袋 以防d奶油漏出黎 都唔會整污糟隻手✋🏻

每次經過呢間小店都會幫親一下，夾餅，雞蛋仔同班戟都好有水準。今次就買左芒果班戟($14)，班戟整得十分軟，咬落去就好似食緊棉花糖一樣。芒果十分新鮮同埋好甜，以呢個價格黎講性價比十分高。所以好受歡迎。每次去都有人排隊。好彩老闆手腳快，一般等幾分鐘就得。 咁高質素既小店一定要支持!!!

黎到紅磡唔可以唔找美食，但趕時間就無得坐低食，咁就不如食雞蛋仔！叫左個原味黎食，食落個皮唔太脆，但個心就好軟熟，好啱口味！所以如果個皮脆返少少就非常之正啦！下次要黎試下個pancake!

好鐘意呢間紅磡小店，因為充滿人情味。之前買過雞蛋仔已經覺得好食過其他地方好多，外脆內軟，今次決定試另一個好多人點既芒果pancake。因為怕芒果會酸，所以問定老闆娘先，老闆娘笑笑下話唔會，咁我就要左芒果pancake!芒果pancake熱辣辣既pancake上放滿芒果肉，未食已經好興奮。老闆娘非常大方地放入好多果肉，即使係食到pancake底部仍然食到果肉，芒果肉十分香甜，而pancake出乎意料地香軟而帶彈性。真心欣賞一間小店可以以咁抵既價錢提供咁高質素既小食，鐘意食甜品既人一定唔好錯過!

I would say the mango pancake here is a must try, especially for those who lives and studys nearby! it is opened at 1 but when the boss knows that we are hurry for school, he decided to cook for us first, here you can also taste the "relationship of people" here!the pancake is made to oder, which is very hot and soft, tender! and theres LOADS of juicy and sweet mango! while they only charge you for HKD 16! what you can ask for more, when you observe the large portion of mango! this is a really n

今天放工口吃來！專登去試了紅磡雞蛋仔的鴛鴦芝麻雞蛋仔，分別是原味及朱古力味，裡面滿滿綿綿的，不是空心的啊！加勁多芝麻在面！超香口又好味道！熱辣辣的！一整起立即放入口，外脆內綿，超滿足的啊！不會太甜，吃得出雞蛋味及濃濃朱古力味！不過就等左五分鐘，製作需時，未計排隊時間，盛惠HK$17。

2015/06/17Lunch後與朋友掃街找舊區小食這店有名氣又多人排隊就買黎試一試， 伯伯用熟練的手法不斷新鮮制出班戟，班戟熱騰騰上手。 買了一個甜芒果班戟，芒果份量勝價比，另一個是咸的肉鬆班戟，班戟有兩種醬汁像店內特制，味道很特別。 意外的抵食又好食的班戟，肉鬆與班戟的配答也很相襯。

多次行經這兒都遇著它剛剛收檔，吃不到它的雞蛋仔，是日終於看到它門開著做生意，即時上前光顧~可惜，原來已收爐了，還是試不到它的雞蛋仔，只剩下剛做好的班戟餅皮，為數也不多，反正未吃過它的，一於來個一鹹一甜的~鹹的是蛋白肉鬆班戟，餡料豐富，肉鬆多得溢出來，班戟皮內塗有花生醬，鹹香肉鬆與甜花生醬的配搭頗有趣，但是好像不大見到有蛋白? 不過班戟皮剛做好，拿上手仍是熱烘烘的，十分香軟有彈性 甜的則是芒果班戟，芒果份量十足，不知是否快要收檔了，老闆塞了很多芒果肉   班戟皮上只薄塗了一層忌廉，完全不會膩，配上香甜的芒果肉，確實滋味 下次來定要一嚐它的雞蛋仔~

想當年個什果班戟仲賣緊7蚊既時候，日日放學都黎整番件。估唔到1x年後既而家都仲係得10蚊！叫左個細個覺得好貴既淨芒果班戟，但感覺回不到過去了... 件戟依舊，但酸酸既芒果無乜點切，沙律醬又唔多夠之際... 好似以前好食啲。

小妹前排入左紅磡一轉，順便去左個排紅極一時既「紅磡雞蛋仔」，佢出名既唔係雞蛋仔同格仔餅，而係圓形一塊塊既班戟。.約六點半黎到，已經有條小小既人龍，店員一個負責煎班戟，一個負責搽醬，人流去得好快。而當日剩係買班戟先要排，十個有八個都係買班戟，做到無停手。呢款港式班戟近來係其他地方都見到有，小妹就見過係荃灣有喇，不過就只係搽格仔餅既醬，呢間就比較特別，近期大熱既有肉鬆同芒果/雜果餡料。.剛好排到我地，店主話芒果肉得返好少，只可以做到雜果芒果比我地，無剩芒果肉，都照要吧! 每個盛惠$10，唔貴又可以買個開心。.肉鬆班戟 $10熱辣辣煎起既班戟有淡淡的蛋香，班戟皮煙煙韌韌，內裡夾住加了花生醬同沙律醬在內，食落咸咸甜甜咁，特別之餘，小妹又幾鍾意喎。.雜果芒果班戟 $10芒果肉大大粒同埋罐頭菠蘿，相信如果剩叫芒果會更加好味，芒果肉頗甜。但相對之下，小妹都係比較鍾意肉鬆個款呢。

有少許厚度的Pancake熱辣辣，好鬆軟，帶點煙韌，滲出淡淡的蛋香和牛油香，塗上薄薄的沙律醬，夾着涼涼的大塊的鮮芒果，沒有不好吃的道理。本來要雙色（原味×朱古力），不過伯伯太忙記錯左haha 雞蛋仔外層薄脆，內裏軟綿帶少許煙韌，一點也不實亦不會空氣感過重，朱古力味不錯，雖然未至於濃，連同香口的芝麻（多d芝麻呀唔該真系俾左勁多:0）、淡淡的蛋香牛油香及適當的甜度，好吃!! 伯伯很自信的說自己的雞蛋仔無人能及，我吃了一口，還未嚥下，他急不及待問：「好唔好je (食)？有冇100分？」haha「好je, 100分!」真的，覺得是吃過最好吃的雞蛋仔。下次再到紅磡，為的會是這裏的雞蛋仔，為的會是這裏的人情味。 伯伯超nice，敬業樂業，欣賞佩服! 很喜歡這些有人情味的小鋪。

識食雞蛋仔一定係深入紅磡,尋找紅磡雞蛋仔.呢間雞蛋係度好多年,個老細好好人,對每一個客人都好友善,每次係到等待既時候都同佢好好傾. 而我每一次都係會食佢整既原味芝麻雞蛋仔,因為食落去粒粒都脆架,而且每一啖,雞蛋既甜同芝麻既香夾得岩岩好,仲會有一陣淡淡既人情味XDD難怪會咁出名喇!!

見雜誌介紹又順便入紅磡，特別去幫襯一下！由於天氣啱啱轉差又落雨，門口排隊人唔多，只有兩三個，所以好快排到我。睇檔嘅係一位伯伯同婆婆，一個負責整雞蛋仔一個負責整班戟，又幾合拍喎～$10一個肉鬆班戟，伯伯將麵粉漿鋪響燒熱嘅鐵板上，熱力好快就令麵粉燒成一個圓形，反兩反搞掂，好快手咁塗上兩個醬，我認到一個係花生醬！另一個似沙律醬？唔確認^_^，跟住加入超厚肉鬆～～～咁就完成喇！試一口⋯有D咸咸地，又甜甜地⋯哈哈哈！有D怪我唔多啱食喇～但$10咁足料，又即叫即做，好有誠意嘅喇!

睇完戲同細佬搵野食之前見過介紹，知道好好食，走過去睇下……點知……見倒條人龍……嘩！！！曾經諗住返轉頭食其他野，跟住都係試一試，見到好多人買班cake，有芒果班cake，雜果班戟，粟米班戟餅，同埋格仔餅，始終我都鍾意食雞蛋仔！兩夫婦一間小舖，同心合力，伯伯雖然好忙，好辛苦心，有時唔記得落單，但係佢面相片的笑容比我知道， 多勞多得呢個道理！雞蛋仔起手，熱辣辣，好好味！！！！皮好脆！！！唔似出邊d舖頭軟林林一d都唔好味……出去紅磡去試下啦