紅洋蔥餐廳 (已結業)

同2個大埔朋友weekend去左呢間o係openrice.com咁受好評o既餐廳, 果然無失望!!8點去到, 有幾堆人o係門口等位, 等左大約15mins就有位.先被安排坐大臺, 靠近水吧位, 有少少油煙味. 叫左野食之後被叫到坐卡位. 仲好, 3個人可以close d!叫左小籠包, 獅子頭(with2碗飯and1碗湯), 豆沙鍋餅, 鍋貼.湯: 都幾大碗下獅子頭: out of my expectation, 佢地served with菜. 介紹比未食過獅子頭o既朋友們食, 佢地都話正呀! 夠入味.小籠包: 生菜做籠底, 好得意. 之前睇食評大家話佢唔係灌湯, 我今次終於明白喇! 不過都唔錯呀!無平時叮叮d雪味, $30又有10粒wo!鍋貼: 我on緊diet都食左2隻. 佢煎到好吸引, 係有少少油, 不過acceptable.豆沙鍋餅: 賣相同d大型食店比係差左d. 不過食落唔輸蝕呀! 如果我地留番最尾先叫應該會更正!service唔錯, 會加茶同收野.要彈o既係隔離臺o係度食煙.....食到托住個肚(腩)走, 都係1人$40, 仲可以分番$0.3333

尋晚約左班舊同學食飯，佢地話去紅洋葱食晚飯，我雖然住在大埔十幾年，成日都聽佢地講去呢度食飯，但係就未去過，因為間店的所在地都唔係咁旺，尋晚係我第一次去紅洋葱。大約六點半去到，見到個招牌有點舊，聽班friend講呢度開左有好多好多年。入到去，見到間鋪頭好細間，但係就已經full 晒人，我同六個friend坐一張枱，班friend已經落左order，首先上菜係的酸辣湯，味道唔錯，酸辣口味適中，又多料，正!!跟住到椒鹽排骨，炸得好好，幾鬆脆，加上佢俾d醬汁，真係好好食，我都食左成三件。之後到西洋菜豬骨湯，味道淡淡地，冇咩落味精，值得一讚。跟住到芽菜炒鱔，d芡汁好濃，芽菜夠爽，不過放耐左就lum返，鱔肉夠入味，炒得夠熟，連好少食魚的我都食左兩條。食完炒鱔，到炒菜，d菜好爽口，又新鮮，d芡汁濃，夠入味。之後黎小籠包，見佢熱辣辣，黎到即刻搶左隻黎食，d餡好多呀，肉汁又香，又新鮮。最後黎的係豆沙鍋餅，d豆沙甜味好適中，鍋餅食落去好有口感，又多豆沙，落足料，掂!!附帶一提，肥仔哥哥招呼周到，會定時同客沖茶，雖然我地食完hea 左一陣，出便又有成班客等住，但佢一d都冇趕我地走，服務唔錯!!最重要的當然係

睇完食評, 專登同阿爸去試....回鍋肉套餐($30) - 跟一大碗湯及兩碗白飯. 例湯係西洋菜煲豬骨, 頗夠火喉又無味精. 回鍋肉份量十足, 好夠鑊氣, 好味抵食, 雖然回鍋肉偏油, 但撈飯一流, 值得推介.酸辣湯麵($19) - 選了幼麵, 質地不是彈牙, 但麵質幼滑. 湯底酸辣味適中, 用料豐富, 夠晒醒胃家庭式的運作, 服務幾好, 主動加茶, 值得推薦

黑店,好黑的門面,我們不敢進去,企了一分鐘後才入...進門後,更有黑店feel(得一台有客,加上燈光及格局極黑店feel,似泰所謂名食店豐富大餐),即想走人...但我們二人又無走,叫了小籠包,酸辣排骨面,酸辣排骨面好食過豆漿大王,小籠包無湯汁(好奇怪),皮亦不算太好.不介意的話就幾好.碗好殘舊...當初以為要飲茶解辣(豆漿$8),但阿姐忽然送上凍豆漿2大杯(有少許冰),太好呀!THX!!!!(當時是1:30pm,如你叫了食物無阿姐送上凍豆漿,唔好大叫"唔係有豆漿送架!")食了$55.- 2人下次會再去試

我中學個陣成日都同老婆去食, 而家間唔中都會同d仔女去食下。以前用燈泡ga, 而家用光管。而家同以前比差好遠, 我係指d生意, 午市近乎冇人。咁又係既, 位置比較差。不過以前就唔係咁講啦, 因為舊大埔墟火車站就係呢到隔離。呢到d野簡直無得頂, d窩貼好正, 半煎炸ga, 我次次都會叫佢地煎燶d, 而家寫起都想食。^^仲有d咖哩牛腩, 落左花奶, so d 咖哩更香更滑, 牛腩又炆得夠淋, 又唔係貴, 50蚊就有一大鍋, 去邊度搵呀??

我都幫襯左最少10年時間, 早幾年仲係keep住幾十年前好70年代的裝修, 但係如今都改變了一點, 至少燈是白燈, 昔日是黃黃暗暗的燈, 好70!!!食物方面唔明白點解到而家都keep得咁好!!我最鐘意食豆沙窩餅, 以前讀書時都成日搭的士走去食, 而我身邊的朋友都愛上此食店, 我是一個愛吃的人, 也蠻饞嘴, 難得平又好吃的地方買少見少,希望紅洋蔥能長做落去, 一代傳一代, 真心的。仲有仲有, 大鹵面都好食, 19蚊ja, 可以2個人食, 好大碗(如果冇加價的話)。remarks: 老闆好nice, 有時叫得多野食, 仲送豆沙窩餅

如以下食家所言, 似足一間數十年前的麻雀館, 但不理外, 只顧內裡有好吃的就至為重要。小籠包$30, 一籠有十隻, 老實說, 樣貌幾醜, 但內裡肉質很香味, 眾人也說像牛肉燒賣多一點。椒鹽排骨$46 頗惹味吸引的一道小菜, 椒鹽外還帶點酒味, 加上足秤的火喉, 連不吃辣的為食媽也橫掃了幾件。紅燒黃魚套餐$32, 有成十多廿款套餐選擇, 每個餐可揀白飯(兩碗) 加湯, 或麵一碗。是晚的西洋菜湯, 送上檯巳聞到陣陣香味, 湯底是咸而不濃, 但湯內裝有一大件肉香軟熟味濃的豬展。以一條十來元貨價的黃花, 味道可算不差, 連工包料是吃得過。炒鱔糊套餐$31, 除了鱔條外, 伴了超過半碟的爽口牙菜, 鱔質略韌, 味道是少有的清淡, 而跟餐的麵可選粗幼, 我們選了幼麵, 質地不是彈牙, 但麵質幼滑,配上了麻油的湯底, 如不快快咀嚼, 放不了多久麵質巳變淋了。家庭式的運作尚算不錯, 價錢經濟, 地方碗筷也乾淨, 翻炒之地又可多一個了。

今日難得3兄弟姐妹都得閒, so lunch去左姐姐介紹o既紅洋蔥。 一行3 人有我, 姐姐同哥哥, 叫左兩客客飯:一客麻婆豆腐(小辣)跟兩碗白飯同湯,一客炒鱔糊跟一碗粗湯麵, 每客30大元。同一籠小籠包, 30大元。 呢度d野真係抵食夾大件, d客飯其實夠兩個人食, 碗湯係用大湯碗上, 應該可以分到4隻飯碗, 但嫌d湯d味精重左小小, 個麻婆豆腐因為叫左小辣, 所以好o岩好似我呢d唔太食辣o既人, 好香但又唔會太辣, d豆腐又唔會好容易散, good~~~ 而果鱔糊都好好食, d鱔炒得好爽好入味, d芽菜又好好食~~~ 而個小籠包真係超抵, 本身覺得$30好貴, 點知一上先知原來有成10隻, 味道都好ok, 但佢唔係灌湯的, 有另一種好味, good~~ 今後又一個好味又抵食o既上海菜選擇la~~~

05年6月某日到這兒食飯,真的好好味,份量大,我同老婆囡囡親友三大人二小孩.叫左兩個客飯加一個細酸辣湯,一個豬排面都已經好足夠.我老婆平時唔喜歡酸辣湯,都覺得幾好味.回鍋肉好好味,份量大.炒蛋份量大,ok啦.因為太飽所以叫左豆沙鍋餅外賣,回到家食已經"林"左.所以唔知味道如何. 這兒食物真的好好味,份量大.但我老婆覺得唔太合小朋友食(我囡囡34個月大),因為食物D油比較多.大人食就好正.唔記得幾錢,唔到二佰元.

個日去食,叫左回鍋肉同炒年糕,D回鍋肉又唔係太辣,年糕又唔會太多油,服務又唔差,仲好抵食tim

間野都係到開左廿幾年,以前無記錯有扒有早餐個d食, 不過而家冇左lu。以前成日食乾炒牛河,不過而家都係冇左... =.="呢度d酸辣湯好鬼正,必揀。仲有椒鹽排骨,簡正成間舖最好食,比起回鍋肉有過之而無不過,不過無乜人叫,唔知d人係唔知有ㄚ定係唔敢試呢? 一定要試,唔試實後侮。早排去返食,大大話話都幾年冇去過,味道依舊,草木全非,睇黎又裝修過黎,感覺以前好d,用燈膽,好feel d。而家就差d,不過都幾有懷舊feel。個牌d色冇上過,所以好暗下,以前好金黃色架,真係唔講你地唔知。經想聽到d人講回鍋肉落少d油,其實咁樣好難好食,食回鍋肉一定要油多先好食,如其少油,不如叫d師父清炒好過。BY: 一過老大埔墟的路人A

小妹身為大埔人巳8 年,最近才在食評發現此店~暗嘆相逢太晚矣~一向愛吃上海菜的我昨天和老公及bb(未出世喔)到了紅頭~以前路過還誤以為麻雀館呢~一進去....嗯~很有70s'年代的簡約韻味唷~也許是生客吧~老闆也沒有寒喧幾句~但有位嬸嬸客套地把餐牌奉上~我點了酸辣雲吞/回鍋肉客鈑/招牌炒上海粗麵~大約10分鐘就陸續端上桌來~起真沒想到份量是這足的耶~回鍋肉好香肉也多而且是比一般菜館多1/3呀.而且夠鑊氣~招牌炒麵的用料真多耶..豬肚/雞腎/冬菇/火腿/小白菜/(冰)鮮雞件(不是外出的"雪雞肉)還多加一個荷包旦在頂頭呢~麵份量比飲宴時的鴻圖伊麵還要多(那時我"嘩"了一聲唷...臉丟了唷)~反而菜肉雲吞是一般吧,但酸辣湯很真宗喔~沒有厚稠稠的生粉"獻"~而且是用上鎮江香醋及少許麻醬去調味~酸而不太辣很合普羅大眾口味~超讚啊~推推推

今日係父親節, 三個人一個屋企無傳統慶祝, 一個唔會慶祝, 一個無得慶祝, 於是聯袂前往openrice 一致好評的紅洋蒽.紅洋蒽其實同洋蒽真係無乜關係, 是上海菜館, 地點其實亦不太難找, 原來自已有時行過亦不為意.去到舖前, 真係一間完全不起間的舖頭, 灰灰黑黑, 又睇唔到裡面, 有無講食乜, 只得兩蘿椰菜在門前. 若果唔係睇左食評, 一定唔會行入去.當時是下午一時半, 入到去, 舊就舊左D, 不過黑店Feel 就唔覺. 裡面已是高朋滿座, 幸好有一個卡位, 跟住黎的客人就要等.由於非常肚餓, 二話不說即落order.先黎我的Favor 細酸辣湯, 25 蚊可以三個人分之餘, 是很正路之作, 不太酸, 不太咸, 亦不太辣. 用料是相當豐富, 用肉片是較少見.第二來了大鹵麵, 來到像溢瀉一樣, 旦花湯底配以幼麵, 加上肉片, 豬腰, 豬肚, 還有蝦, 青豆, 好味亦份量十足. 睇得仲食得.第三來了招牌炒飯, 炒得非常香口, 叉燒炒得很香, 加上一隻荷包旦, 是整日的驚喜之作.跟住是小籠包, 皮薄餡靚, 惜肉汁不多. 但還是水準之作.最後來了豆沙鍋餅, 香口而不是像年榚那樣"痴口",

尋晚雖然黃色暴雨不過好想去食上海菜，以前返工都成日去食，而家無係個頭返工，都好想去食下，於是冒雨都要行去食，七點鐘去到，都係得兩枱食緊，我同朋友兩個人有car位座叫左個1.小籠飽($30)有十隻..皮厚左少少，不過入面都有肉汁2.酸辣湯-細($24)....飲第一啖就酸酸地之後就有辣味...夠晒醒胃3.紅燒牛腩客飯...白飯兩碗/是日例湯-冬瓜湯(無味精)...碟頭都好夠份量，有很濃既汁，牛腩件件都好淋身，之後陸續都有食客幫親，八點鐘到巳經座滿晒人，服務都幾好，有人斟茶，綜觀來看，大部份都係熟客幫親，d人都個過番尋味。

小弟亦都係大埔人, 見到大家講到紅洋蔥咁正, 梗係要黎試下la~~~~但係, 呢間餐廳真係好難搵, 我搵左十幾分鐘, 我先問下人點去, 跟住佢話(門口好多人果間就係gala~~~)搵左咁耐, 終於搵到la~~~~ 果然好多人丫~~~~ 但係, 我第一個感覺好似間黑店~~~因為, 個門面真係好黑丫!!等左十分鐘, 我同女友終於可以開飯la~~~~~我地兩個人叫左個回鍋肉客飯, 小籠包同豆沙窩餅, 再叫多兩杯豆漿!! 埋單都係$98, 一百蚊有找. 呢道個門面雖然黑d, 比較難搵, 但係, d野真係平靚正, 合乎我開飯既原則. 雖然回鍋肉多油d, 但係, 撈飯真係一流. 豆沙窩餅真係好正, 我女友差唔多成個食晒, 我只係食得一角仔咋~~~好慘丫!!我下次實會再去紅洋蔥ga !! 豆沙窩餅, 你要等我丫!!