紅洋蔥餐廳 (已結業)

今(星期六)晚男友想話去食上海菜, 上黎search到呢間店, 好多好評禾, 於是夜晚七點半去開飯喇, 嘩!門外門內都好舊式, 我地叫左個獅子頭客飯同埋一客小籠飽, $30客有十隻,肉汁好味只係皮厚左少少, 獅子頭客飯足料好味, 是日例湯係西洋菜煲豬骨,全完無加味精, 最驚喜係湯渣內有豬軟骨, 男友即讚!以二人黎計份量已好十足, 埋單亦只需$60, 星期日及公眾假期先收加一, 合乎經濟原則~

最近搬左去大埔住.一個星期最少一晚在這裡開飯.兩個人通常都係係一個客飯加一個麵.榨醬麵係我今其至愛.第二就係男朋友最愛的回窩肉客飯,我地通常都叫佢多菜少肉.咁會比較健康d.最愛係平日來食.因為星期六日要收加一嘛.

未去過既人....搵呢間鋪頭真係好難搵門面冇門牌...外表唔似餐廳...~如果你入到去覺得似黑店....咁你就冇入錯去啦呢度d 客飯好抵($29-32)...款式有十幾樣...兩飯一湯...d送仲好大碟...基本上去親都食唔哂呢度d送既特點...係味濃...但係唔好處係太多油不過對於我黎講...好食就得啦...而且如果你多人...老闆可能會送一碟豆沙煱餅.....既熱..又唔太甜外皮脆脆地.....好食!!咁既價錢食到咁豐富既食物同質數....真係好抵~重點推介: 醬爆肉

睇完大家的食評, 於是去左呢間試下, 個門面真係...都幾黑店feel, 如果唔係睇過食評真係唔敢入去!聽說小籠包好食, 於是叫了一客, 再叫了兩個客飯：醬爆肉和炒三鮮. 落單o既阿姐提醒我地, 炒三鮮即係雞翼, 火腿同蝦仔. 阿姐好老實, 蝦仔真係好細粒. 但正如其他食家所言, 真係好夠鑊氣, 好香好味. 佢d料好新鮮, 所以寧舍好食, 而且又平又大碟, 再加上大大碗足料o既湯, 正!!到小籠包, 我個人就覺得一般, 因為佢無湯汁, 但佢d肉質就好鮮好滑, 當係肉餃食就幾好囉.本來以為佢要加一, 預算兩人一百, 點知埋單只係$89, 抵!!值得一提, 阿姐的服務都幾好, 佢上飯時已經講定「要飯就出聲啦」. 見我地碗飯食到咁上下就主動問要唔要飯, 又拎一碗黎, 叫我地唔夠就再叫(因為一個客飯有兩碗飯). 亦可能係今日人客唔多, 佢同我地加茶加左兩次, 重要係好夠熱o既, 食飽飲杯熱茶, 正!

Dear all, Good...this "food shop", Prefect is 小籠包use iron tray to do....good ..special.... 小籠包price is best than more other shop.about $30.00 have 12 pc, saturday and sunday have " add one service ", but ok .. Mon - Fri no add one... Food shop alreay repair...but loss "old Feel"many more people waiting... Impotant is Price very very cheap , Food quantity is good..... Cheap price have best food... In Hong Kong. can't to find.. Really.Dan

今日同宿友們三人去大埔墟食飯，決定回味一下紅洋蔥。其實店名我不記得的，但印象很深。門面窄而殘舊，舖身成長形，在僅餘的窗口上均掛上白窗簾，店更建在一個三四層階梯的地台上，令人不知內裡究竟如何。推門進去，牆面以最平的白瓷磚裝飾，大梳化卡位，幾張四方檯，九龍冰室式的燈光及格局，加上坐上三教九流的各式客人(其實是街坊)...所以我們稱之為「黑社會店」~友人乙首次到此店，見店面已感不對路。由於時間尚早，店內除幾個很街坊的伙計外再無任何人，那時的感覺除了「謀人寺」外沒有更好的形容詞~無奈他只好跟我們進去，當然他是對此店沒有信心的。伙計哥哥見我地三個人坐個四人卡位，建議我們換位---換張大一點的，因為朋友甲一袋二袋冇咩位擺。三個窮學生叫了三個客飯，貪它有兩碗飯加一個湯，交換吃。分別是：蟮餬客飯回煱肉客飯魚香肉絲客飯伙計哥哥友善地提醒魚香肉絲客飯其實是竹筍，而且是辣的。我們照叫。三碗湯用一大湯碗上，是冬瓜瘦肉湯。料足，沒多餘人工調味，當然冇師父，所以好清。餸用長形小碟上，但份量絕對不少，滿滿的。伙計再送來了白飯三碗。餸的共同特點是味濃，油而不太膩，鑊氣很夠，當然也夠熱了。在大埇來說已經是很不錯了，朋友

呢間鋪頭相信好多大埔人都會食過.大鹵麵--我唔食猪肚所以叫左走猪肚.其他配料有肉片蝦仁.打個透明獻.清清地唔會太濃味.我覺得比較o岩女仔口味.豆沙鍋餅好香口唔太甜.

真係要讚一讚openrice 既editor,咁快就張紅洋蔥餐廳放左入黎! 咁我就梗係要做第一個食評人啦!<br />呢間餐廳賣既都係上海野食,要行幾級樓梯上去既,平日高峰期晚飯時間都會有人等位架!<br />客飯套餐都縛抵,30幾40蚊一份,有好多選擇,我成日食回鍋肉同炒蟮 蝴,夠濃味,不過就多油左少少.每個飯跟一個湯同兩碗飯,抵.<br />佢既小籠包小鍋貼個d 就普普通通,反而春卷好好食,有3 大條,次次都係即叫即炸架!酸辣湯好濃好夠料,值得一試!<br />呢度仲有支裝氣水同凍檸茶個d 野飲,十幾蚊杯,好抵架!