紅樹林 (已結業)

在老尖參加完座談會之後，已屆午飯時間，但在商業區游光尋食，四圍都是去食晏的辦公室一族，不如即刻坐車返上水才食晏，想起久未幫襯樓下的紅樹林，到埗時剛開始賣茶餐。 店内的侍應不少客人又不多，但從我行入去直至坐低成幾分鐘，多番揚手示意也不見有侍應來招呼，差點以為自己係隱形人，終於有侍應見到上前清理枱面及落單，還連聲道歉，識道歉還算懂得應有的服務。 多款下午茶餐平均由廿四元至三十多元一客，全部都只包飲品一杯没有跟湯，以這個價位不算便宜，今天我叫了一客咖喱牛腩飯，很快便上枱了，一看份量比從前細了很多，之前的份量跟午餐分別不大，份量雖小但味道都算合格，咖喱汁剛好淋在牛腩表面，不會過多汁浸着牛腩，牛腩腍而不韌，不用五分鐘便吃光了，現在只能勉強夠飽，看來放工後都要再去麥記食番個漢堡包。份量比前少咁多，連加一凍飲都超過三十元，價錢只比午市平些少，但又冇餐湯其實唔多抵食！

琴日同女友去o左上水行,來o左呢間店到食下午茶,入到間野唔係太多人,d小二就多啦,不過佢地個樣都好悠,唔知上水d人係唔係特別閒呢?叫o左個雞翼薯條同雞肶薯條,等o左差不多15分鐘先有,但味道唔係好味呢,所有野炸到乾曬,冇汁,冇乜味,係d薯條叫做好d,有番d味,不過每人都係$25,都算ok啦!

前排同男朋友經過上水,,就走左去食呢間紅樹林..晚飯時間成個場坐得個5台人已經心知不妙..我地坐低左之後叫左個肉眼扒同羊扒..之後我叫左個忌廉酥皮湯..男朋友叫左個羅宋湯唔加酥皮,,等左成15分鐘乜野都未黎 ..仲傕左一陣佢先黎..仲要黎錯羅宋湯加左酥皮 忌廉無加`我即刻同個經理講啦,,點知個經理話:下..咁麻煩呀..不如你meet左個羅宋湯個酥皮給落個忌廉湯度呀..咁咪唔使廚房再焗多次囉,,我同我男朋友o哂咀..之後佢仲要加多句:你想自己meet定我幫你meet?我地兩個完全唔知講咩好..之後佢就幫我meet緊 -___________-"救命!以後都唔會再黎..

星期六去左上水間紅樹森食野,本黎對椰森閣集團都幾好印象,點知食完呢次之後都唔洗只意我會再去!我同朋友係6點左右去到呢間餐廳,見門口有放左個牌寫左十幾個晚餐套餐,通通都係45蚊個,點知入到去佢都無比嗰個菜牌我~咁我未問個小姐點解無出面45蚊嗰D餐?佢話星期六.日無嗰D餐(心想:無你又放出去比人睇??)我和我朋友之後分別點了羊扒拼焗蟹蓋跟著菜(61蚊)和雙扒焗飯(50蚊)首先黎左個餐湯同包,個包好熱,用手都拿唔起~太熱了表面以為個包好軟屬,點知中間係硬ga我個朋友話係整得熱過頭才會中間硬左個焗飯因為係即叫即做,所以個羊扒到左先,咁我地就食個羊朳先,點知又出事啦.個蟹蓋點解凍ga咁又要叫個小姐過一過黎"唔該,個蟹蓋凍嗰喎"咁佢就話我幫整反熱佢啦~佢就成碟囉走左,跟住又成蝶囉反黎(無左二個焗蟹蓋)叫我食住羊扒先啦(咁都得都未試過有餐廳會咁做)算啦~都食住先啦~跟住個焗飯黎到啦~d味道都ok,食食吓個蟹蓋都返反黎啦~但係就..............點解唔到二個新ga,係張我頭先比佢嗰二個蟹蓋整反熱佢暈~有一個係我食左一半係凍ga,佢就整返熱另外嗰一半比返我,心嚟呢間咩餐廳黎下次唔洗我再幫親佢地

昨天去食 ~ 叫薯菜, 冇薯條變了薯蓉 (如圖) 又幾好味唔熱氣正,可惜叫了兩 set 肉眼, 一set 夠淋 . 另一set 好生(我 order 左7成, 可能肉厚 , 仲好紅) 好多根 ! 人手勁唔夠,

所有餐 可 +$26~ 有 小食 + 特飲 + 轉酥皮湯小食 叫左 豬頸肉薄餅 , bf 話 OK ,. 我就覺得麻麻 !D 扒好大件 ~ 好抵食 ! 不過配既意粉硬左 DD D 位好舒服 ~ 坐左兩粒鐘 !

今日是9月1日 放學之後就回去畢業二年多的小學探老師誰料一見不年的數學老師竟然請我們幾個舊生吃飯 真的十分不好意思呢> <大概1點多 我們6位舊生與2位老師去到紅樹林~ 午食十分旺場 等了約20分鐘才有位置,,,由於人太多 所以上菜也很慢~是日我點了一個蒜蓉汁牛仔柳set,,,,要了一個紅湯 料算足 但味是一向的偏重了少少''由於昨晚的pizza扭扭批吃了大半 所以跟餐的餐包沒有吃 不過上台是有點暖的~之後蒜蓉汁牛仔柳不錯 蒜汁夠味 蒜頭是炸過的~ 相反伴碟的配菜太油= = 牛仔柳是一般淹了粉的味 份量也算不少~ 有點un 不過也可以接受~最後老師有事走先 賣單後我們6個人坐了15分鐘有多也沒有人趕~嘻嘻~服務生很忙 環境太多人太嘈 不過學生餐$27也算過得去吧~

有一天到九龍上堂，因為下午一時才落堂，在附近旺區的食肆都擠滿人，所以忽忽趕搭火車回新界才吃午飯，平日午飯都避免去出名出餐慢的紅樹林，相信這個時侯應該較少人没有這個問題吧，到達時剛好是下午茶時段，下午茶餐有超過二十個選擇，有中、西式炒粉麵飯、多款焗飯或意粉、日式湯麵我選了一客什菇腸仔焗肉醬意粉，不到十分鐘已經連飲品都送上了，味道唔錯又真的是新鲜熱辣焗出來，芝士適量不會令人叫膩，其實這間紅樹林最差郁只是繁忙時間出餐效率低，其實食物質素實在不是太差，咁今次我俾番個笑臉你啦！

下午5時左右..選了2份tea set O & P..男侍應生沒精沒神地說"冇P喎"..那我們就另點了一份..吉列豬排生果沙律..吉列豬排好大塊..但有一半以上是炸粉..(附圖)而生果沙律只有2-3粒梨..只有一小粒罐頭雜果中的椰果及木瓜..其餘都只是蘿蔔、西芹、青瓜、著仔的"生果沙律"香煎魚柳包+ 著條..著條是凍的..完全難吃..沒吃了..香煎魚柳算是最好的item..包包算是脆的..不過整個包都給人乾巴巴的感覺..很dry..如果不是貪地方坐得比較舒服..是不會吃的..而且椰林閣集團最近好像大不如前了..服務員態度待改善..給人不整潔的感覺..服務及食物水準都大大下降了!!希望可以留意一下呢..(因為之前都有在其他分店吃過..算是可以的!)

昨日同家人一行三人去紅樹林~一坐低個卡位兩邊都濕既但上面唔係冷氣機位，咁好啦個部長放低左的水就幫我地抹啦，佢烏低呢就推跌左杯水，濕哂啦要換枱，餐廳好大但偏偏佢就安排我地坐洗碗車後面既枱。咁好啦，叫野食的野食呢就一般啦，而份內就比以前少左。咁食食下個阿姐出出入入換左三次洗碗車，開始有的酸叔味，而叫餐飲果時就係個較老既部長落單既，不過佢落錯單，到食飽賣單果時呢，冇人應，老既部長就同水吧傾計，而後生果個部長呢就同收銀傾，至於的待應就推推撞撞，冇一個人應真服務既。呢間餐廳的食物都係一般，不過的人既服務就惡啦~

幫親過幾次無一次係好食既可以用難食來形容食物仲要好多時都唔熱架味道好差d湯一係好希一係好傑好太陣奶味而且!服務差到不得之了完全唔夠waiter即使係午餐時段成間餐廳都係得4,5個即係落單埋單order其他野同上菜都係等餐飽價錢同質素唔成正比唔會再來正所謂貼錢買難受

呢間咁GE野之前都聽講唔好食,不過唔知食咩就去試下,果然......成百蚊個set d質數同普通荼餐廳食西餐一樣....好隨便將d野整埋一碟就算

平時星期日要陪爸媽飲茶,今早很難得的媽媽有約, 於是便興高采烈地去同姐姐n爸爸食早餐. 點知千棟萬棟, choose咗間超難食. My sister ordered a tuna salad sandwich. when they put the sandwich on the table, i only saw two bits of tuna between two cold slices of white bread. The oatmeal was cold and thick, like those baby food. Yuck!The dish i ordered was fried cod fish fillet with mash potato. The fish fillet was just ok, but the mash potato tasted nothing. The worst part of the meal was that we had to wait for extremely long period of time. The wai

有次同我幾個同學放lunch時去食個學生餐，結果全場滿座，等位等左超耐。想叫食物無論舉手定大叫，d人都係直行直過，個"得"字起碼聽左十次。最差都係上菜時間慢到.......催極都唔黎，lunch time得番十分鐘先黎碟飯，有冇搞錯，要逼我個同學三分鐘食完，仲要跑番學校先唔使be late，個d錢真係唔捨得比佢地。

黑口黑面,又唔識做人,做錯野唔say sor仲態度差,帶住個"新手"牌,加句多多包涵就可以咁差態度?!其實入面d新手都ok,食物ok啦~但門口個新手已經扣晒分,去一次已經夠,冇下次,建議唔好去幫襯!