紅樹林 (已結業)

因為附近的食店太多人, 所以我那天一行三人看到這裡很少人, 便進去食午餐......在門口等了近五分鐘, 依然無人理, 於是就自己入坐......入到去, 又係無人理, 於是就拎住個餐牌去搵伙計點菜......等咗好耐, 終於有三個set lunch上枱......當中最經典嘅就係個牛扒, 我每切一塊, 就發現多兩條頭髮,當堂尋晚嗰餐都想埋出嚟......叫咗個經理嚟, 佢表情好似話我屈佢咁......另外嗰兩個飯同意粉唔知點解都係凍凍的, 好似冷食咁......飲品更免提, 最好飲嗰杯應該係水ga la.......除咗一絕, 都唔知講乜好......

叫左SET 西冷, 紅湯幾好味! . 但D 扒好唔掂, 廚房處理扒時,不依扒紋! 搞到塊本來唔差既扒, 都變得好硬難入口了! (不過真係要做開CHEF 先知呢D 野)吸煙區冇咩人... 眼見好多客係門口等左好耐都冇人理佢地. 自已搵位! 更加見過D 客入去叫待應出黎! 我入去果時, 都企左2 MIN 先有人見到我地!下次都唔再去了! $1 貼士都唔比佢!最搞笑係, 臨走時,可以見到一隻杯係地上都冇人執起佢! 懶成咁, 摺麻唔好做好過啦!

我去過幾次..都係因為屋企人要去我先去~果度d野..唔係話特別好食..只係中等~d野飲就真係幾難飲~佢餐牌上印有"冰沙特飲"..但係我次次去..佢都話冇~佢地d態度勁差...舉手舉勁耐都冇人理我..叫佢地又話遲d先過黎~ ~黑口黑面~我有次去..見到一家人3口去食..因為佢地不滿分配既位~我諗佢地係想坐卡位~事後d 侍應同佢講d 卡位要等位果陣講..咁果家人就唔知..之後就嘈..話佢地點解事前講..果個爸爸就搵個經理黎..不過果個女經理懶理不理咁~仲做左個好不耐煩既表情出黎..令到果家人勁嬲~所以比我..我都唔係好願去食~

唸唔到有咩野食好食! 走左黎呢度! 唔太貴啦! 薄燒牛扒麻麻地.紅湯夠味! 正!佢地D 飽好軟好正!

難得一見ge 差爆西餐廳, d野食用茶餐廳無咩分別~係環境好d咁解~佢係多選擇, 不過好多都係不知所謂,service都唔係話好ga la~ 有d成日口黑面黑咁~同其他差唔多價錢ge西餐廳無得比~

千祈咪試，難食得很！不新鮮。食物還是熱呼呼時，勉強可放入口，到食物稍涼了，就會發現食物不新鮮，難吃！

有日同幾個fd去食, 一行四人都係瘦人, 坐卡位都非常擁擠,辛苦.....=_=" 食物不提也罷; 飲料慘絕人寰, 剛來o既熱飲係凍的, 杯是崩的,沒有一隻係完好,而且外表非常多茶"積",dirty極.........>_< 氣!!!!

$35一個set lunch 都知冇好野架啦...叫左個牛柳仔配薯菜, 做知叫意粉啦, 個牛柳我起碼1/2 冇食到, 唔係有根,就係肥肉! 我唸我係扒王之王食既最cheap 當中,都冇呢個咁cheap 囉......... 之後黎呢度食過扒都冇問題架!!!最大問題係...佢地service 好唔掂,好似聽左又唔比反應你...叫佢拎野好似叫佢去死........連D SUPERVICOR 都係咁...........CHEAP !!!

今晚冇飯開，咁o岩又有個friend打電話比我，一齊去o左上水，又諗唔到食有咩好食，咁見都幾多人，就入去試下囉。set dinner又Q咁多個選擇，真係由A至Q咁多個O架!最後我揀O左鑊仔牛柳，我個friend就叫o左牛仔骨。鑊仔牛柳原來用鐵板上，一見到我同個friend 諗住好多油煙,即刻拎起條餐巾遮住，嚴陣以待.....誰知加d汁落去一d聲氣都冇.......唉...我個friend 話佢個牛仔骨唔熱.....冇野講啦......waiter 反應慢d囉....仲有, 我地比較運滯.....附近有兩大枱人...好嘈.....

早幾日有事去上水,咁啱又到lunch時間,坐低叫左個set lunch西冷牛扒拌薯菜,一如所料,牛肉醃到過火,反而d薯菜仲好食,其實三十幾蚊預左有幾好呀?但係服務真係好左,有位年輕仕應三番四次幫我沖清茶而毫無不悅之色,難得!

初開時,常食早餐($18加一),吉列雞扒沙津,雞扒勁大塊,香脆,不過沙津既張太多但愈來愈差,dtea 好似$20加到$25,晚飯叫個煎銀x魚意粉（＄５０）,得一塊魚肉,食lunch　都有兩塊啦，d汁勁唔夠，送意粉都唔夠，好彩唔係叫飯，ｄ意粉係好碎．．．＞．＜唯一ｋｅｅｐ到既係涷朱古力，好濃．．．．

去親多數係食TEA~因為抵~~最需要改善係d 服務員囉~唔係咁有禮物~最LIKE加$5轉飲果度D雪香飲品~

我最近幫襯過將軍澳分店那間，我因為店名特別而入去幫襯，我試過佷set lunch，很不滿，忌廉湯似水，炒飯是泠的...很失望﹗

囝囝今日發燒,山長水遠去睇醫生,點知人山人海,要等個半鐘,睇睇都十二點,不如醫醫肚先,客家好棧仲多人過診所,但係經過呢間無乜人咪試試low!點知又出事!我係門口加店舖入面企左超過十分鐘,d侍應竟然係我身邊行行企企,從無招呼,自行自過,由於囝囝倦極而睡,我只好等卡位,但上至經理,下至侍應,竟然一直無人安排,當時餐廳唔夠五成人,咁差招呼都得?(及後我太太話呢間店舉行微笑行動喎!好似有d笑料)終於我見到有人走,自己老實不客氣坐低至有人黎招呼,我見d餐唔貴,set lunch都係$35~50左右,我叫左個蒜汁牛仔柳,我老婆叫個芝士肉醬意粉餐湯我要羅宋湯,好足料而且夠味,好好飲,牛仔柳過火,直頭乾身又燶,蒜汁反而唔錯,芝士肉醬意粉好大路,如果呢d都整唔好既話,都唔可以生存啦!上菜速度好快, 因為我坐低唔夠十五分鐘,全場有八九成滿,但好多人已經可以有野食.

呢間開左無耐, 平時見鬼咁多人等位, 難得今日病左無返工, 閒日既下午較少人, 所以決定黎食個tea!坐低, 侍仔無俾menu book, 我地只係睇檯card, 見到有多款下午茶餐, 全部只係廿蚊, 好多仲係飯同粉, 似乎幾抵喎. 二人分別叫左個香茅豬扒檬同芝士肉醬意粉. 檬粉好大碗, 份量唔少, 但豬扒只有一塊, 仲係無切開. 香茅豬扒只係似普通煎豬扒, d檬粉算係不過不失啦. 至於個肉醬意粉, 等左好耐, 份量適中, 但黑黑地, 係焗"loan"左, 某d肉醬有苦味. 芝士味唔濃, 肉醬亦唔夠香甜. 話雖如此, 但真係幾平, 要求亦唔會咁高, 仲可當午餐食, 抵!環境方面, 唔係靚裝, 如果坐中間d位就有d逼, 檯底支柱亦頂腳. 可以坐到卡位既話就更好.