糖宮甜品專門店 (積信街)

營業中

休息中

係大圍食完飯，本來都無諗住食埋糖水，但行過「糖宮」，比佢果陣好香濃既椰味吸引住，真係好香，決定入去試下入到去，老闆好主動做介紹，亦會用心講解糖水點樣做出咁既效果，真心感受到老闆對甜品既熱誠極度高質既榴蓮椰椰$62內裏有D24鮮榴蓮肉、丸子、西米、蛋白；老闆細心提示要翻底一齊食。榴槤味非常濃郁，榴蓮雪糕亦非常高質椰皇燉蛋白$52一坐低老闆便推介這款，因為岩岩燉起，唔怪得門口路過已聞到非常濃烈既椰香。食落口非常滑漏，椰味極香濃，老闆表示會加入椰皇水燉製，椰味會比用椰奶更突出！兩款都真心好相比之前大圍食過既糖水舖高質好多，只係地點較為隱蔽，但絕對值得多行幾步去品嚐！