糖品 (已結業)

以前在筲箕灣想吃甜品只懂得去甜品老媽，這天光顧完民聲冰室，經過另一間甜品店，老闆熱心地在門外推介各種特別甜品，決定一試。糖品和甜品老媽一樣，地方不大，只容納四張桌子。老闆誠懇友善，另外兩位年輕女員工貌似是老闆娘和令千金，雖然在店不停互相追打，大笑大叫，但身在於一間平民化、街坊飯後相聚閒聊的地方，她們的舉動反而令筆者有一種青春和親切的感覺。熱椰皇紫晴湯圓 $36 (6/10)椰皇size不算大，味道一般，椰汁味不算重，但致命傷是椰肉少，而且不夠滑。幸好紫晴湯圓皮夠特別，大小剛剛好，皮薄而且帶有少量奶油味，不會太甜亦不會太”漏”。百利酒Baileys梳乎厘 $36 (5/10)Baileys本來味道香濃及帶有少量酒味，是各種西式甜品的最佳伴侶。這個梳乎厘份量很大，賣相不錯。但很可惜，完全嚐不到Baileys的味道，令它與一般蛋白梳乎厘無異。加上在外皮鋪滿的只是普通白砂糖，而且焗得不夠香脆，失去了梳乎厘外脆內軟的獨特口感。雖然味道不算太特別，但真心感覺到小店的誠意，值得一試。

筲箕灣東大街，是東區著名的食街，街道兩旁大多是食店。喜歡這條小街鬧中帶靜，更喜歡這兒小店林立，種類多變，未有被連鎖集團侵佔。我和Anna喜歡在晚上來這兒吃個飯後甜品。一直鍾情呂仔記的傳統綠豆邊腐竹糖水，但新式甜品店愈開愈多，我們也變得花心起來。早些時候，喜歡食老媽甜品，不過最近的心水是「糖品」。　　小小的一間甜品店，很有活力，店子由幾位年輕人打理。推開玻璃門，就見到親力親為的老闆招待我們坐下。坐低之後，第一時間打開餐牌，發覺糖品的甜品款式幾新穎，相信有不少是自創的。這一晚特別想吃綠茶，於是分別點了一客宇治金時紅豆涼粉、一客宇治金時綠茶冰露。　　宇治金時紅豆意式涼粉（$28）涼粉是很傳統的中式糖水，然而舊酒新瓶，以綠茶、紅豆配搭，就有截然一新的感覺。涼粉做成了麵條狀，可以用叉子卷起涼粉來吃，十分方便。雖然乍看之下，賣相不太吸引，味道卻令人十分滿意。綠茶、紅豆、涼粉的味道相當夾，尤其喜歡那爽口的涼粉，以及無比香濃的綠茶糖水。　　宇治金時綠茶冰露（$44）台式刨冰推塵出新，近年超喜歡食「綿綿冰」，糖品的「冰露」卻是第一次試。相比起綿綿冰的細滑鬆化，冰露的口感冰雪，較接近傳統刨冰。跟涼粉一樣，

星期天的下午, 下了幾星期雨, 終於有點陽光了..決定走到東大街上嚐一點甜.. 1. 椰皇海底椰燉雪梨 $44 (熱)原個椰皇, 內裡有3-4 塊海底椰, 雪梨肉差不多有一個..材料簡簡單單, 卻清甜滋潤，充滿椰香2, 原味souffle $36等了20 分鐘..嘩...souffle 焗得很高..外面少少脆, 質感跟吃棉花糖的感覺差不多..蛋味偏淡，味道未見突出

成日食老媽,有D悶,宜家試間新甜品店,呢間成日都好多人,我都等左20分鐘➨火焰雪山 推介程度❤❤❤(好少細間店整甜品OKAY好食,雖然個蛋白打得好泡,但佢個酒味好濃都幾香,但雪榚就少左DD,但整體都OKAY既,有代改善!!)總結:我覺得一試無防,但有很多野要改善!!回頭指數❤❤❤❤❤❤ 6分 (10分滿)外表♛♛♛♛味道♛♛♛環境♛♛♛♛服務太態♛♛♛♛氣氛♛♛♛♛上菜速度♛♛♛♛衛生♛♛♛♛情侶必到處✓✓✓♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥

一直想黎好耐但太太遠喇，今日實在太想食冰露所以就一場黎到冰露一直係我好鐘情既甜品佢唔同雪花冰，比佢更冰凍同味道集中其實都係因為食過城中另一間主打冰露既甜品店之後就愛上左直至到見到糖品都有出冰露就黎試下佢會唔會做得更出色佢冰露既味道唔係太多都係大路既味道，但有種特別Ｄ既就係紅棗味聽落就好想試喇，一黎新穎，二黎又好似好養顏黎到第一感覺係好細杯ＨＡＨＡ因為食開係大大杯就瀉咁但佢個樣都唔錯，又有小丸子，仲有切左既紅棗肉食落紅棗味都好出，又唔會太甜成個感覺好清新舒服加埋咬到啖啖紅棗肉同爆珠即刻冇咁單調因為佢唔會有平時既糖槳加上去所以佢一定要紅棗夠多夠味先好食整體唔錯，好創新既嘗試仲叫多左個綠茶木糠布甸老實講佢唔夠冰凍食過９如坊雪到好似雪糕既木糠布甸之後就鐵定木糠布甸要夠硬同冰凍先岩我口味！但出奇地今次我都覺得唔錯佢唔會因為唔冰凍就淋ＰＡＴＰＡＴ佢個質地好挺身又唔會乾都幾難得所以我都有一路食到尾綠茶味又係好濃，好ＣＲＥＡＭＹ係有心意既一間小店，可以支持

同朋友係太爺雞吃完飯，路過糖品，被門口的介紹吸引，一行六人就入去ORDR甜品。原味梳乎厘 – 金黃色、脹卜卜，上面灑上白色糖霜，賣相超靚﹗蛋香、軟綿綿、味道略為偏淡。椰皇紫晴湯丸 – 超級無敵正正正﹗﹗湯丸煙韌、份量多(五粒)、皮薄餡靚，配埋清甜爽口的椰肉，簡直係絕配﹗芒果意式涼粉 – 芒果多而甜、意式涼粉條比傳统涼粉粒更見滑口，底層係碎冰，將芒果、涼粉條及碎冰混合，口感好正斗﹗芒果腸粉 – 腸粉皮薄而滑、芒果鮮甜，好味﹗不過，唔算特別囉…..火焰雪山 -火焰雪山灑上彩針，店員淋上點了火的香蕉酒，陣陣酒香，火很快就熄左。蛋白忌廉好滑、又不太甜，酒味偏淡，裏面movenpic雪糕好滑好好味。楊枝金露豆腐花 – 上層係滿滿的甜芒果粒、爽柚子粒及滑西米，下層係豆米香濃又滑溜的豆腐花，口感層次豐富。賣相、味道確是一流，服務也不俗。我地要求額外spoons，哥哥仔都好nice咁比我哋。不過，價錢就偏貴，要$34位。偶然獎勵一下自己，也是應該的。

工作了一整天，是真的需要來一點甜品平衡工作得變態的心理... 因此，朋友帶我到糖品。環境小小的一家店，只能容納最多20-30人吧，8時半左右去到便已經要等位了。牆上佈滿了甜品的照片及各種推介甜品。看到這小店有以中藥為材料的甜品如紅棗枸杞，女孩子應該很愛吧。它們亦有一系列的"冰露"食品，夏天來吃準沒錯的。食物我可是沒有紅豆不行的，所以便點了"宇治金時紅豆意式涼粉"。賣相是不太好，但這是因為杯中有很多紅豆及涼粉呀! 紅豆的體積大亦有紅豆味，收貨! 紅豆及涼粉浸於綠茶糖水中，很是匹配。不知道店主如何烹調綠茶糖水，可以令到它有濃濃的綠茶味道。另外亦要了芒果腸粉，真真的做到了皮薄，內裡的芒果鮮甜。雖知道不在當造季節吃芒果吃到酸的機會很大呀，所以這晚是很幸運的說。服務由兩名年輕人打理，他們溫文有禮，服侍周到。

難得一日去東大街, 決定試食"糖品"!因為平日唔洗等位,靜靜地慢慢錯!很欣賞這lee道用m字頭ge雪糕!禁岩而家轉天氣,決定點個棷皇湯圓!店員話新出左隻紫米湯圓,決定轉黎試下媽咪就點左個杏仁糊,一黎到竟然有成五粒湯丸紫米配奶皇十個贊成!!!!!紫米皮煙un,食埋棷肉真係好好味,媽媽都話杏仁糊夠香滑!好欣賞老闆對食物的誠意!佢會行出黎問下d你覺得好唔好食~佢好想整多d款, 但又怕整得唔好!計續努力,期待下次食甜品!!!

來這裏已是第四次了。對上兩次吃的是楊枝金露意式涼粉，三十大元，味道超正!古式泥黃色的盛著頗濃的芒果汁混有芒果粒，大粒西米加上柚子粒粒，兼有涼粉條，味道很掂，讚!老公點的蒥蓮pancake，外皮翠綠，一客兩件，二十六年，老公話好味!但我今次吃的原味疏乎厘，三十大元，便不太喜歡，因為上世紀曾於澳門葡京的西餐廳吃過很好味的疏乎厘，是如疏軟濕濕的蛋糕，不像今次只是面層發得如泡沫的蛋白，底層是甜的蛋白蒸蛋，食完像吃了一陣風似的，又不是很好味!下次都是點楊枝金露涼粉了!

在東大街同老公開餐後，見這間新開張甜品，就入內一試。點了綠荼宇治紅豆涼粉，老公就點了榴蓮豆腐花，分別$26及$34。老公話味道ok，是普通豆腐花加上榴蓮冰。我的是綠荼冰加入狀如髮絲的涼粉條，味道可以，但紅豆就甜了點和太淋了。間唔中會再幫襯!

單看外型已很有好感的小店，幾個年輕人熱烈地在店內店外招乎人客。 叫了三客甜品 最先上枱的是宇治金時冰露，甜紅豆很多很淋，配上小丸子，西米粒，綠茶冰，再配一球vanilla ice-cream, 形成一道很清新的和式甜品。 第二個甜品是心太軟. 一切開，朱古力漿湧出，大家看著都心花怒放 伴碟選了朱古力雪糕， movenpic !! 讚！唯一美中不足是心太軟的牛油味太重了一點。。最後是bailey's疏乎里，很香baileys 味，texture一流！好正！

發現這間新店，於是與朋友吃晚飯後來一試。我要了宇治金時紅豆意式涼粉，也試了少許其他朋友的甜品。原味木糠布甸 ($2x)：木糠布甸有多層，樣子造得頗靚。但忌廉層質地太焾，像吃淨忌廉。百利酒梳乎里 ($3x)：顏色焗得很靚，質地鬆得來不會像吃空氣，有蛋香味，酒味淡淡的不會過份，很不錯。紅棗冰露 ($3x)：在餐牌看見這甜品，問一位貌似老闆的人士這是什麼，他說是紅棗加冰打成的。賣相不算特別漂亮，但紅棗冰蓉加原粒紅棗，紅棗味十分濃郁，加上椰類似椰果／蘆薈粒，很有口感。是一個健康又清涼的甜品。宇治金時紅豆意式涼粉 ($26)：紅豆蓉頗多，又焾又香甜。涼粉條爽口。底汁的綠茶味香濃，配合少許花奶，很好味。首嘗新店，感覺食物和服務都很好，甜品有特色又美味，下次再試試其他甜品。

上次試過此店既甜品十分喜歡, 相隔一個月左右再次到訪.今次我再試其他口味既冰露, 叫左字治綠茶冰露配雲呢拿雪糕, 另外友人就叫左個芒果意式涼粉.唔知係唔係人手不足, 等左約15分鐘我既甜品先到, 至於友人就更加等左20分鐘.幸好今次我叫既綠茶冰露都保持水準...香濃既綠茶配上大大粒既紅豆, 樣樣配上都用足料絕不馬虎.至於友人都只係普通既芒果涼粉唔算太大既特別

筲箕灣東大街已經漸漸成為一條食街，無論係平價小食抑或貴價刺身，都可以享用。住係附近，真係非常方便。糖水甜品依然係我既No 1，一見到有新舖開，即刻去試吓。未入去已經俾門外既相片吸引，有Baileys 梳乎厘。就試新嘢啦﹗等咗十分鐘左右就有位啦，位置略逼少少，不過，嚟開東大街都知道同習慣，都唔會介意。應該係屋企一家人小本生意，最鍾意支持。裝修簡單，但感覺舒服，最緊要係有本有相既MENU。我本身都係甜嫂既FANS，但係無一本有相既MENU，到而家我都只可以繼續支持「水晶世界」，無辦法。Baileys 梳乎厘蛋香撲鼻而來，脹卜卜，一見到就好想食。但係個面就有少少難用匙羹分開。Baileys 味未夠濃，重d會好味好多，我自己諗，如果加埋杯espresso就perfect啦！梳乎厘有個好處，食完好似無食嘢咁！YUMMY！比列時朱古力冰露冰露??即係咩呀...刨冰D Friend，夏天食，絕配。朱古力味夠濃，又有少少棉花糖同大王最唔鍾意既彩紅針糖。益晒我，幫佢食咗先。大王就喜愛佢個朱古力曲奇條，點雪糕一齊食。朱古力lover值得一試！得閒又去試吓其他嘢食先!

難得東大街開左間新甜品店, 咁我這個甜品怪更係要來試下.星期五晚8時半左右到達, 幸好早到一步免得等位.店舖細細最多同一時間只能容立20多人左右, 當然坐位亦唔會舒服.我地叫左宇時綠茶涼粉及好立克冰配MOVENPICK雪糕, 老實講來此店都沒有太大期望只是新店想來試下, 不過這裡既甜品真係同區來講真係較為出色綠茶涼粉加上紅豆, 個甜品既綠茶好香濃幼滑配上綿綿紅豆, 真係一口接住一口食唔停.雖然宜家綿綿冰口味推出多款不同口味而且好立克味亦唔係什麼特別, 但覺得此店既好立克冰本身做得比出面更細緻唔會食到冰粒, 而且冰露加入椰果粒又增加冰露既口感, 反而再加上粟米片同MOVENPICK雪糕好似成為配角.單單試左這2款甜品已經令我想再來試埋其他甜品, 希望此店能夠為持下去.