粗店燒烤 (已結業)

Lunch time嚟食真係好悠閑好好運安排咗坐門口落地大玻璃位望住街景食更開心煎豬扒蛋飯Lunch time 去所以有雞蛋可以揀太陽蛋或者熟蛋太陽蛋係燶邊㗎豬扒超大塊仲有最正嘅蔥油同菜莆撈飯必備食串燒餐廳會準備一個熱爐底下有蠟燭🕯️可以幫啲串燒保溫雞軟骨一客兩串大大粒一啲都唔奀又唔會燒到好乾身雞中翼塊雞皮已經燒到好脆好似已經去晒啲脂肪咁食得好放心牛肉串一客兩串呢味有驚喜就算放咗一陣食都依然熱辣辣而且牛肉一啲都唔韌韭菜拎出黎嗰陣韭菜仲係好飽滿唔會燒到收晒水食落有韭菜嘅清甜味烤茄子🍆呢個一定係必點項目重蒜重孜然粉勁惹味用嚟撈飯都一流錫紙娃娃菜、錫紙豆腐兩樣底部都用粉絲索汁娃娃菜好清甜兩樣都只用咗少量蒜蓉一齊焗，唔係話好重味椒鹽魷魚鬚呢味有少少似去酒樓食點心嗰種感覺係兒時嘅味道啊藤椒魚皮滕焦油味好香口魚皮又夠爽口想一嚿嚿咁樣追住食落去

十二月的季節，就係想食啲熱嘢係旺角見到一間新開嘅串燒叫 粗店燒烤係門口見到唔會食到成身好大浸味然後再門口$38兩隻生蠔已經吸引咗入去原來除咗燒烤仲有小食涼拌菜都好多選擇燒烤最怕食物就凍尤其是在冬天咁鋪頭有加上蠟燭保溫 值得一讚咁點左份椒鹽魷魚酥都係$38一份十分香脆可口（建議大家都加上辣椒粉咁就好味好多）天氣咁凍，我都點咗份麻辣燙食料好足炸饅頭，基本上係冇得輸嘅系列（最緊要多煉奶）一開頭講到點解要入去食就係為咗$38兩隻燒生蠔🦪燒到啱啱好裏面唔會好乾身非常之抵食肉串$28.2串 肉粒切到一口 肉汁，依然保留到另外建議大家食燒茄子同秋刀魚 呢兩款食物廚師都處理得好好

朋友話想食串燒，咁啱見到呢間新開既串燒店就入去試下。餐廳既樓底都幾高，設計簡約，店員安排我地二人坐一張四人枱，感覺舒適。最有特色既係每張枱都有一個用來保溫既盤，助熱住我地點既串燒，在天氣凍時，呢個「暖爐」認真一流！我地點了以下食物：甜麻雜貝：我地見係招牌菜，所以點來試下，食物用個鍋上枱，除了青口和大大隻既花甲，還有豆卜、蓮藕和豬紅，湯底酸酸辣辣，有點似冬蔭功。牛肉串、羊肉串：每串大大粒肉，但又唔會韌，羊肉有少少膻味，正合我心意。雞軟骨、雞腎：加少少辣粉或孜然粉，味道一流。烤魷魚、五花肉：魷魚配上燒汁，充滿鮮味；五花肉既皮燒到有少少脆，肉質夠腍。烤生蠔：生蠔好新鮮，加埋蒜蓉、辣椒和蔥花，連埋個汁一齊食，簡直無得頂！錫紙金菇：除了金菇，還有蔥花和辣椒，以及底部既粉絲，食落好香，不過有少少辣。餐廳用QR code落單，上菜又快又齊，有些食物還可以選擇走蔥，好貼心，值得再試。

聖誕節來臨，當然要聚會，又是一成不變的選擇-旺角踏入旺角，開了不少餐廳，串燒是我無法抵擋的食物，三五成群當然要食串燒，選擇了這間— 粗店燒烤。簡約風，每張枱中間懸掛着一個麻袋，本猜不到，看見別人在裏面抽出白色一張張的，原來紙巾，極具特色，不過會怕在進食期間掉下來😆😆餐廳供應辣椒粉和孜然粉，加添味道。先上來的是炸魷魚鬚， 酥脆入軟，包新鮮炸起。腸仔竟然是帶骨的，非常有趣，口感非常像台灣腸一樣結實燒韭菜，鮮冬菇必食的兩個菜式，韭菜辣道非常足夠，非常喜歡這個鮮冬菇，多汁，蒜蓉醬特別足夠😋😋燒茄子👍👍串燒少不了的，今次燒得好好，連皮都可以食。錫紙金針菇👍👍👍第一次見到金針菇這麼多湯水，像滾熟，多過燒烤，但不要說笑，我比較喜歡這樣食🫣🫣燒扇貝👍👍👍少有的蒜蓉粉絲蒸扇貝，好新鮮，扇貝是甜的，粉絲吸收左精華，提升了一個層次。燒生蠔👍👍👍很少見到燒完的生蠔依然飽滿，有海水的鮮味，忍不住食了兩次😝總結：餐廳暫時沒有特別用餐時間，四至三人比較多，上菜時間特別快，還是有保溫的烤爐。在寒冷的冬天中增添溫暖。菜式方面，不算多，應有盡有，方便選擇。海鮮值得嘗試。👍😊😊😊

兩三知己約食飯，最好就係約大家都方便既旺角利奧坊，繼上次食完串燒後又想返 兜，所以今次都係搵d咁上下野黎食🤪 好在黎到唔使等好耐位，呢度好搞笑，佢地有提供紙巾比客人，但係係吊係上面，呢d係咪叫係特色呢😂 同上次去個間一樣，呢度都係有個座可以座熱d食物架😆，定係而家d燒烤店都係咁🤔不過我都覺得係幾好既一樣野黎😇 叫左好多，都唔全部講啦。重點推介烤生蠔同烤大扇貝，份量大大件，尤其係烤扇貝，好鮮甜之餘更加之係好juicy 😋。 我呢個碳水化合物怪，當然要叫d碳水化合物黎食啦😆好在有個拌一丁可以叫，點知黎到仲有芝士係面，實在係驚喜😃。跟住就係燒烤必叫既烤韭菜同烤茄子，韭菜烤得剛好，沒有過燶，加上上面晒既配粉，很香口🤤烤茄子係另一個飛佛，都好在這間也弄得不錯，茄子弄得很冧，很易分開來吃，同時也沒有烤得很乾，吃落去很飽滿，很滿足😋 其他也不多講，總體尚算不錯🤗

有質素嘅串燒！新開嘅串燒店，就咁多人排隊！早左到就黎試下！估唔到真係有驚喜！超野味嘅麻辣鍋！連湯都飲得，好鮮甜！$38/2隻蠔！好平好底食！仲要冇腥味，係得鮮味！一次過叫左8隻！8隻都好靚。黎到嘅串燒。有lee個熱盆一路熱住！好貼心，食唔切都唔驚會凍左！茄子必食！好甜！仲要唔係燒到燶晒，連個皮都食得！成條清曬！烤饅頭，外脆內軟！好好食！值得叫！一定會再黎，食完一次已經覺得好好味！一定會再黎食！弓！

平安夜食到一個好食又平嘅串燒店！底佢新開業又有人排長龍！串燒價錢可能因為剛開業，比出面平少少！質素仲要係高同好食！個menu冇寫齊，有d野食係網上餐牌先有。特別要推薦lee個麻辣小鍋（我唔記得左個名😂） 真係超好食同勁野味！第二個必食係蠔！炸生蠔🦪其實烤生蠔都勁好食！可惜唔記得左影相🤪烤生蠔食得出係新鮮蠔，肥味多汁！食串燒都有菜食！份量一d都唔少！好大抽串燒一定要有雞皮😍😍Overall 所有嘢都好滿意！我鍾諗佢最台都有吊住紙巾比大家用！咁真係好方便！好有心嘅餐廳！

好耐冇食過串燒啊！今日同朋友喺旺角行街，途經呢間叫粗點燒烤嘅餐廳。見到入面坐左唔少顧客，再望吓個餐牌，食物種類選擇豐富，一般的牛豬雞都有，仲有啲熟食麵類炸物可以揀，於是就同朋友入去食餐勁嘅！我地一坐底就被喺天花板吊下來的一個白色包包吸引，仔細睇一睇原來係紙巾嚟㗎，餐廳有免費紙巾🧻提供，好貼心嘅考慮，我哋亦都唔怕食到污糟邋遢！叫咗嘢食冇耐，服務員就會把筷子🥢和餐碟送上你亦都會問我哋要唔要辣粉同埋孜然粉！服務好周到啊！我哋首先叫咗煮食芝士撈町先因為實在太肚餓啦，之後其他食物就陸陸續續送上，有扇貝啊賴尿蝦生蠔。亦都有唔少肉類同埋菜，最值得一提就係個炸魷魚鬚，超級好味，新鮮炸起！嗰炸饅頭亦都唔錯啊，饅頭上面有黑芝麻粒，有芝麻香味菜類方面我最鍾意嗰個燒燒韭菜，一串韭菜入邊有10條份量唔差啊，亦都好Juicy健康好味！肉類方面我最鍾意炸雞皮同埋五花腩，呢兩款係串燒必食，感覺唔會太油膩好好味！呢間餐廳坐得舒服，服務員態度親切，食物唔錯，我誠意推介俾大家！

見依邊開左間新串燒店就入黎幫襯下，裝修不錯，沒什麼油煙味，價錢都幾合理。我地一坐低，店員就會幫手加燒烤粉和辣粉給客人，如果想濃味D，可以按喜好自己加。但我覺得不加都好夠味。我地叫左雞中翼，一串兩隻，味道中規中矩。店員會將串燒放在每台的暖爐上，這樣就不會攤凍。我地好叫了燒秋刀魚，都燒得不錯，外皮脆脆的，比較少食，幾有驚喜。焗金菇味道都不錯，裡面加了一點辣粉，味道不錯。燒蟹柳棒是皇帝蟹柳，都幾大條。最後的燒扇貝，上面配有粉絲，味道幾鮮甜。

粗店燒烤 (旺角)旺角豉油街60-104號XX Arcade地下AB號舖天氣凍好想食啲熱辣辣嘅嘢！又唔想食打邊爐咁普通，突然好想食串燒，於是就同朋友睇吓旺角有無得食！行到新寶戲院附近，見到呢間燒烤店裝修唔錯，門面光鮮，入邊有唔少座位，座位相隔位置亦都幾濶，好似坐得好舒服咁，而我哋嗰日係平日夜晚，入邊都坐左唔少顧客，好似有啲信心保證喎！於是就同朋友入去試吓。我哋兩個人叫咗唔少嘢食呀，海鮮方面叫咗賴尿蝦，扇貝，生蠔，肉類方面梗係熱有嗌到牛肉啦，仲嗌咗五花腩，呢間串燒店仲有唔少估唔到佢地都有賣既食物，我哋叫咗炸魷魚鬚，嘩！依個炸魷魚鬚超級吸引，新鮮炸起，好脆好好味😋，大家一定要試吓！另外，我哋驚串燒上菜速度慢（但原來我哋係過分擔心，上菜速度無令我地失望），所以都嗌咗個芝士撈丁，呢個芝士撈丁啱晒芝士控啊！芝士嘅份量好足，蓋滿成個一丁，旁邊亦都有蒜蓉俾我哋，可以自行加配！

天氣凍最啱食串燒，就搵咗旺角依間串燒店試下。好彩我地早去，之後開始好多人食。職員會幫手放辣粉同孜然粉，同埋依間餐廳係店員燒好之後上菜，唔洗自己燒，唔會搞到有油煙味。首先點咗炸物！炸魷魚鬚同炸蠔仔。兩樣都炸到好脆，可以點泰式辣醬食，好夾。之後個生蠔真係必點！個蠔夠大，同埋好多蒜蓉！串燒揀咗燒雞翼，燒海蝦，燒菠蘿，燒牛串同埋燒雞軟骨。個燒雞翼係孜然味，脆卜卜。唔錯唔錯。蝦，菠蘿同牛串都幾好。但要大讚雞軟骨，個人比較鍾意食，佢都整得好夠味！錫紙系列點咗烤豆腐，烤茄子，烤蜆，烤金菇。全部都好味同埋真係大大份！ 烤豆腐同烤金菇下面會有粉絲。蜆都好新鮮我最鍾意烤茄子濃味，very good!整體成餐都好滿意，味道環境同服務都好唔錯，推薦鍾意食串燒嘅人真係要去試下！

有朋友話bookmark咗想食串燒 所以今日就嚟咗係旺角呢間粗店食串燒 我哋6:00到嗰時就唔算有好多人 店員都好有禮貌咁安排位置俾我地 不過到6:30後就開始好多人。店內環境乾淨企理 同埋有啲啲有特色嘅裝修枱面有個爐係保溫用的 其實諗得好周到 咁就可以等啲串燒唔會凍（因為正值冬天）跟住無耐就開始上菜（都上得幾快）一開始係金沙蠔同炸魷魚 幾香脆可口 味道適中 跟住就上埋烤生蠔 超juicy 同埋啲蒜蓉味好香 再加埋啲辣粉 成個味道超夾然後就慢慢上啲串燒 有牛肉串 雞軟骨 雞中翼 海蝦 仲有串菠蘿 全部放住係保溫爐上面慢慢食 啲串燒味道啱啱好 特別要提一提串雞軟骨同埋牛肉串 前者好有口感好爽脆 後者好煙韌又香跟住上埋金菇 裡面有啲粉絲同埋蒜蓉醬同埋辣粉 嗰辣度比烤生蠔嗰個辣少少 不過因為我自己都算幾鐘意食辣 所以非常啱食另外就陸陸續續上埋 豆腐 卜卜蜆 同埋烤茄子豆腐就好滑同埋好大份 因為我同朋友都差啲食唔晒 卜卜蜆好香甜 中間粒肉都好大粒 最後就係烤茄子 大大份嘅茄子 有香濃嘅蒜蓉味 烤嘅時間啱啱好所以啲茄子軟冧冧好好食

旺角呢間新開嘅燒烤店好有特色，簡約得嚟又令餐廳環境望落開揚整潔。每張台都有一包吊起嘅紙巾，方便抹手之用，够曬細心！餐廳嘅串燒種類有好多；雞、豬、牛、羊、海鮮、蔬菜樣樣都有，飲品除咗汽水仲有啤酒可以選擇。打開手機用QR code落單既方便又快捷。落完Order，店員會放置調味料到客人嘅碟上，然後將旁邊嘅小爐燃點起嚟，佢嘅用處係保持串燒嘅溫度，等串燒唔會放涼。今次食咗好多唔同種類嘅串燒及燒物；扇貝鮮甜配搭粉絲，粉絲吸收曬扇貝同蒜蓉嘅味，真係唔錯。生蠔燒得啱啱好，上面舖滿蒜蓉同蔥，入口味道香濃。蝦連壳嚟燒，食落去鮮甜。燒魷魚一串勁多，鮮味爽口。燒雞翼係不可缺少嘅一員，雞翼燒至外脆內嫰，入口Juicy。雞軟骨及雞腎都燒得香脆爽口。五花肉層次分明，入口充滿油香。燒韭菜香口又嫩滑。燒茄子够曬大份，仲有菜脯嚟調味够惹味。串燒以孜然作調味係店中串燒嘅靈魂，惹味到令人欲罷不能。

一年好快聖誕節就到😝😊又係時候同好多中學朋友或者親戚一齊享受食物。旺角找到一間正宗風味的串燒, 而且餐廳內環境非常乾淨配合一些木係啲裝修風格再加上牆壁上的裝修,這裏進餐絕對是享受。我作為女生當然唔喜歡太多油煙味,但這間確實與別不同。沒有油煙味祇有美味。有我們女生最愛的串燒羊肉,口味獨特有四川或内蒙古風味,令人垂涎三分。女生最愛當然是串燒雞翼,以及韭菜。餐廳選擇可謂應有盡有。而且餐廳亦適合一家大小。😄😄😊衛生: *****服務: *****環境: *****

天氣凍凍哋，熱騰騰嘅串燒都係一個唔錯選擇！記得上次經過豉油街見到呢間「粗店燒烤」，今日放工就約咗朋友去試試⋯我哋大約6點到達，餐廳內唔算多人⋯餐廳裝修簡約舒適，好適合同朋友一齊吹水食串燒！串燒推介，五花肉、雞翼、生蠔、扇貝⋯五花肉啖啖肉，好juicy，肥瘦適中，甘香爽口⋯雞翼外皮燒得香脆可口，亦保留咗肉質嘅juicy，加上孜然粉，風味十足，唔錯！而家新張優惠，生蠔做緊$38/2隻，非常抵食！蒜香味將生蠔嘅鮮味襯托起來，食起來鮮香美味，好食到停唔到口！扇貝亦唔錯，味道鮮甜，以粉絲墊底，再加上蒜蓉，口感同味道都好好！蔬菜方便，茄子都係必食之選，平時食嘅烤茄子通常都會好油，呢個茄子啱啱好，怕油嘅朋友仔可以試下！