米走雞Live

營業中

休息中

🍁呢排秋風起 即刻連續幾日去咗打邊爐 •今次想講下觀塘呢間餐廳雖然比較出名雞煲 但原來佢嘅蒜蓉卜卜蜆煲鍋都好正 🍲蒜蓉卜卜蜆煲鍋 $188 ➡️熱騰騰有好多粒卜卜蜆 仲有好多蔥同白蘿蔔做配料 白蘿蔔超級甜 由於湯底都有加辣椒 如果完全唔食得辣嘅朋友 就建議你哋唔好飲個湯底 (大約譚仔10小辣嘅程度）而食得辣嘅朋友 湯底有埋蜆嘅鮮味 所以值得一飲 🐮霜降𝑃𝑟𝑖𝑚𝑒牛板腱(小) $198 ➡️有分大份同小份 由於大家唔算太肚餓 所以我哋叫咗小份試吓 估唔到𝑡𝑜𝑡𝑎𝑙都有12塊 肉質唔韌 不錯！ 🦑手打鮮墨丸 (半) $48 ➡️超級推介！我好耐未試過食墨魚可以咁彈口 本身以為普通嘢 點知一食 真係可以好似乒乓波咁彈起 唔好以為我誇張 呢個真係試過你就知 🐓滑雞片 $68 ➡️冇全份半分之分 雞肉可以 不過不失 🐟鯪魚釀豆卜(半) $43 ➡️豆卜半份 𝑡𝑜𝑡𝑎𝑙有8粒 鯪魚肉新鮮 細細粒一口𝑠𝑖𝑧𝑒 唔會”肉卜分離” 🥬生菜(全) $48 ➡️新鮮嫩綠已經好足夠 🫙醬湯$18/位

▫️米走雞觀塘興業街4號The Wave 3樓雞煲款式林林總總，米走雞是其中一間性價比好高的雞煲店。之前試過他們的黃金芝士雞煲，非常邪惡和惹味，今次決定挑戰他們另一款主打，火焰麻辣雞煲。🍽️ 火焰麻辣雞煲(小)雞煲利用了多種香料作配料，辣椒乾、洋裝蔥、中芹、芫茜等，非常有誠意！火焰麻辣雞煲顧名思義會見到火光熊熊，侍應會在客人面前加入玫瑰露點火炒雞件，非常有睇頭！雞件份量很多，而且啖啖肉，肉質嫩滑，我們點了中辣，麻辣味十足，辣得非常過癮！🍽️ 哈哈蝦中寶蝦肉大大嚿，上面仲有好多蟹子，口感豐富！蝦滑非常有咬口，超級彈牙，蝦味濃郁，十分推介！🍽️ 竹笙墨魚滑看似兩款完全不相關的食材，味道配合起來又非常夾。原條竹笙包住新鮮打好的墨魚滑，好彈牙，竹笙完全吸收了雞煲的湯汁，辣得來口感很特別！

味道不錯 但價錢有點貴紅日中午去都冇咩人 可能位置唔太就腳同埋價錢貴整體環境氣氛唔錯 有音樂紓緩下野食方面 豬肉200幾蚊 但唔值呢個價 任食都好食過佢 反而雞煲有驚喜 冇雞皮 同埋好入味銀菊露都幾好飲 唔會好甜 呢間野主要都係價錢方面問題 可以一試

✨米走雞係一間雞煲專門店，獨家原創芝士雞煲🧀（配料：洋蔥、中芹、芫茜、乾蔥） 同埋 火焰麻辣雞煲🔥（配料：辣椒乾、洋蔥、中芹、芫茜）。想細嘅岩2-3人食，大嘅岩4人食。環境舒適，唔會走得好迫，有卡位梳化，岩哂鐘意打邊爐嘅朋友仔。雞煲屬優質食材，每塊雞肉都超大塊，事前已經煮熟哂，多肉少骨，亦非常嫩滑，芝士夠哂濃郁，拉到絲，香噴噴，非常邪惡，芝士嘅份量亦有得選擇，大滿足呀！食完雞煲，仲有得轉火鍋湯底打邊爐，免費可以加清湯/芝士湯，亦可以自選唔同湯底，例如杞子花膠膠原鍋、惹味沙嗲鍋、蕃茄粟米湯、藥膳滋補湯 等等，岩哂唔同口味，火鍋配料亦都出色。📍米走雞Live (觀塘)觀塘興業街4號The Wave 3樓#米走雞 #芝士雞煲 #麻辣雞煲 @runningchicken_hk

芝士雞煲沒有什麼驚喜，個人口味，朋友覺得不錯。讓人失望的是在openrice上book位的時候有生日，紀念日之類的留言，但是去到餐廳說沒有，給朋友的驚喜也沒有了。

💛有全層，分左一半西餐一半雞煲，應該疫情前仲有live band表現，都幾不同既雞煲感覺嗌左個招牌雞煲，牛板腱，鴨肝手打牛丸 韮菜餃，粟米，蟹柳，菇同牛栢業首先真係要大讚個雞煲，比起坊間真係算好小油，而且店員都會好貼心準備好哂，落埋雞煲醬再叫我地食，係幾好享受！而且個醬就真係夠香又更出到雞煲既味！值得一讚！其他例如粟米，牛栢業嘅用料都夠鮮，更值得提既係牛板腱，真係夠香有牛味之餘亦夠爽口！💛疫情有得堂食都要支持良心店😀💛

約咗舊同事去觀塘食飯，佢話同我去The Wave 米走雞食雞煲，米走雞是一間主打雞煲火鍋的餐廳，以自創拉絲芝士雞煲最為出名，舊同事喜愛食芝士，佢話一定要我試吓！餐廳佔地都好大，設有卡座，座位舒適寬敞。黃金芝士雞煲（小），雞煲上檯時，雞件已經差唔多熟, 以電爐再熱一熱，直至芝士碎完全溶哂就可以食得!芝士汁以車打、巴馬臣、大孔芝士等5種芝士秘製而成，所以味道香濃無比，芝士汁包住每件雞，濃稠到可以拉絲，雞肉嫩滑，芝士惹味！超正！食完雞煲後, 待應為我地加入芝士湯底, 準備食火鍋。哈哈蝦中寶，混入蟹子、芹菜嘅蝦膠包住原隻中蝦，食到脆卜卜同鮮香嘅雙重味道同口感手打鮮蝦丸：用新鮮蝦肉手打而成，蝦滑入面還有蝦粒，所以特別彈牙，鮮味十足！鮮蝦雲吞，皮薄餡料飽滿，每粒雲吞都有不少鮮蝦，爽口鮮甜！鴨血口感嫩滑，沒有腥味！

今日去咗食呢間出名嘅雞煲🤤呢間餐店有3個分店，我哋就去觀塘分店食🙈//🧀黃金芝士雞煲(小) $208平時食開麻辣雞煲，今次就揀就呢度嘅招牌雞煲🤤滾起開蓋嘅時候勁香芝士味🫶🏼雞肉好嫩滑✨而且每一舊都係雞脾嚟㗎😻芝士味夠曬香濃，食完都唔太膩🫣就咁飲咗啖芝士汁真係好正🫡必叫💯🦐哈哈蝦中寶(半) $68呢個蝦滑嘅餡料超豐富🥰有蟹籽、蝦粒、芹菜，啖啖肉之餘仲好有咬口🤤啲蝦都好彈牙🙈非常推薦🤭🦑竹笙墨魚滑 (半) $53墨魚滑都好彈牙😽而且墨魚滑會放滿晒係竹笙入面🫧口感特別，索埋湯汁真係好正啊💘🐮手打M5和牛丸 (半) $48手打牛丸好夠牛味😻食落比較實淨，係真材實料🫶🏼超重牛香同幾juicy💦🥬生菜 (全) $48正常生菜🤣但幾甜嘅~~索咗湯汁食真係一流🥳🫕辛拉麵 $24食完雞煲打邊爐梗係要嗌公仔麵🤫我哋就叫咗辛拉麵~~落落去芝士湯入面加埋啲味粉簡直係Perfect match🥹溫馨提示🤍想要芝士味濃啲記得加湯嗰陣唔好叫佢加晒啊~~🌼清熱銀菊露 (壺) $78食完雞煲邊爐唔想咁熱氣就要叫啦🤭銀菊好清甜，飲完成個人即刻涼翻曬🌱

剛轉左係觀塘返工， 梗係四圍尋覓下有邊間正嘅食肆啦，同事推介食呢間#米走雞 ， 位於工廠大廈內， 座位之間很闊落, 被安排坐在卡位，坐得都舒適☺️。 醬料已整齊乾淨的放在枱面上，有我最like的生蒜頭同埋辣椒🌶️😘。好喜歡芫茜味，故點左芫茜皮蛋湯底，芫茜份量都多😍，湯底用料十足，有埋粟米🌽同豆腐在內，待佢一滾起就即飲番碗先，味道相當清甜😘。芫茜皮蛋湯點可以冇魚😊，就叫番碟白鱔食下先，跟湯滾一陣就食得，鱔片新鮮，肉質爽口彈牙, 順手又飲多碗湯先😊。同事推介必食嘅😄哈哈蝦中寶，用料豐富，將蟹籽、蝦膠加原隻蝦混合，脆卜卜的蟹籽加埋彈牙的蝦膠，仲有2隻蝦，很正😊。鮮蝦雲吞，堅係真材實料，皮薄餡靚又豐滿，彈牙爽口很好吃😋。蒙古羊肉片，肉質鮮嫩色澤紅潤，邊位帶些脂肪，切得薄片的，輕輕滾下便食得。

香辣惹味雞煲ꕀꕀ⇢ఌ米走雞ꔐ麻辣雞煲（$198)店員會先點火ꕀ再現炒雞煲✩•‿•待滾起就可以享用點了中辣ꕀ大約就是譚仔中小辣辣味香辣ꕀ先辣後麻很過癮雞肉份量很多ꕀ剛好是雞髀位不乾柴的啖啖肉單吃完雞煲已飽了一半ꔐ哈哈蝦中寶（$68/半份)超大粒的蝦中寶蝦滑再配上蝦肉ꕀ超級真材實料彈牙爽嫩ꕀ絕對是必點( ᵒ̴̶̷̤ꈊ˂̶̤̀ )✧ꔐ霜降Prime牛板腱 ($298/大)油脂感不重的牛板腱口感還是很軟腍而牛肉味濃郁ꔐ油麥菜（$28/半份)半份份量也很多油麥菜吸盡湯汁ꕀ超惹味ꔐ清熱銀菊露 ($78)很舒服的銀菊露ꕀ下火清熱氣(◍•ᴗ•◍)ꔐ醬料費 ($36)¨̮ ᴴᴬᵛᴱ ᴬ ᴳᴼᴼᴰ ᵀᴵᴹᴱ દ ᵕ̈ ૩餐廳面積好大(ෆ˙ᵕ˙ෆ)二人枱雖然不算太闊落ꕀ但有另外準備手推車效食材所以完全無劑迫感最喜歡是可以點半份可以眼闊肚窄多點幾款

我哋嗌咗一個黃金芝士雞煲（小）（$208）、特級雪花肥牛 (大) （$288）、爽滑豬頸肉（$98）同埋稻庭烏冬（$28）咁首先一定要講咗芝士雞煲先啦我覺得呢個芝士雞煲係Keep到水準嘅🥰🥰芝士味亦都同之前一樣好濃郁之後雞肉食落去都幾嫩滑嘅👍👍（今次食落去比較多骨）咁食完雞煲之後就一定要加芝士湯繼續打邊爐（呢個芝士湯亦都比我想像中入味😋😋）我覺得呢款雪花肥牛食落去都真係幾入口即化唔會有肥膏之餘亦都有好濃郁嘅牛味☺️☺️而且食落去唔會覺得好乾之後就講埋嗰個爽滑豬頸肉啦其實我第一眼見到覺得嗰個份量係比我想像中多嘅😱😱而且好多都係幾大嚿嘅我自己就鍾意將豬頸肉浸耐啲因為食落去就會比較爽口啲🤩🤩（呢個豬頸肉食落去都幾有咬口）

其實而家有好多雞煲醬，自己整都好方便～如果自己整雞煲會炸左雞再炒醬，鐘意雞皮脆脆咁食😇​​​​米走雞買外賣返屋企佢分好哂所有野勁方便又好食！！！！​​跟佢指示炒香洋蔥先再落雞，炒到成屋都係雞煲味🤣最癲係佢好大份，買個二三人份都係二百零三百，有次買個四人份，一打開份雞係多到質滿兩個外賣盒，更癲係差唔多全份都係雞脾肉，一路食一路夾極都係雞脾位，好痴線。買兩次都係咁，我做佢質素真係好穩定🫡​​​​​打邊爐巨鐘意食餃乜餃物，丸乜丸物嗰啲，食左和牛鵝肝牛丸同wasibi 墨魚丸，cls好叉好食🥹個牛丸係30store嗰隻和牛丸質素，癲左。​​​​不過個雞煲略嫌咸左小小，真係小小，只係嗰種小小愈煮愈咸～唯有狂飲酒🤡中和下～​

真•芝士控bookmark🙊 拉絲芝士+芝士湯底可以話係芝士瀑布😍 呢個只係細煲2-3人份量已經飽到上心口😂 $208勁滿足入邊嘅雞全部都係雞脾肉 唔會食到雞胸🤣唔使爭xd基本上食完呢個雞煲都唔使點食🤭食完之後/食到一半 店員會幫我哋加湯可以揀芝士湯底/清湯底 之後就可以開始打邊爐🍲😝另外點咗兩款特別火鍋配料哈哈蝦中寶(半份)、竹笙墨魚滑(半份)哈哈蝦中寶不愧係招牌！超大嚿蝦滑！好多隻蝦喺入邊 口感彈牙 蝦味濃 勁足料😎竹笙墨魚滑第一次食！入邊好多墨魚粒 好咁爽彈配埋竹笙 口感超特別

諗返起上一次食米走雞已經係六年前啦，如果唔係阿妹講起都唔記得咗呢個芝士雞煲🤣今日特登嚟再回味一下，味道依然好味😋一坐低職員就會送上調味盤俾你自己調校醬汁，用完收起，夠晒衛生黃金芝士雞煲手機落單嘅時候可以選芝士嘅份量，我當然會揀激量芝士碎啦🤩仲要有唔同嘅芝士，好濃香！大火煮溶芝士後職員叫直接食用唔洗搞拌芝士，咁樣係最重芝士味，雞肉沾滿芝士，芝士輕輕夾起已經拉絲，好邪惡呀😈雞肉夠嫩滑，就算叫細份量都好多，三個人食都好夠，食完雞煲可以加湯打邊爐，揀清湯就可以中和返芝士嘅膩五香鮮牛肉打邊爐點可以唔食牛肉呢！叫咗一個五香鮮牛肉，牛肉夠大件，而且肉味濃，而且仲充滿五香味，第一次用醃製過嘅牛肉打邊爐都幾特別娃娃菜食咁多肉梗係要食返少少菜先健康㗎啦，叫咗份娃娃菜，份量好多而且好新鮮乾淨紅薯粉打邊爐點都要有返個粉麵做個完美ending，阿妹揀咗有咬口嘅紅薯粉，配埋芝士汁原來都幾夾凍檸七打邊爐一定要飲有氣嘅嘢，凍檸七非常正😉

入到去叫雞煲，無錯，我都有責任，無問清楚，呀姐問我食麻辣雞煲大定細，我話大啦⋯⋯唸住淨係食雞同加少少菜。我自己先入為主，出面一般都係一隻同半隻。所以都以為大同細既雞煲都會喺呢個分別。去到食喎刻就知道，我成張單成五百蚊（大雞煲加兩個半份既菜同一支啤酒），入面係全部都係雞肶切件，我先入為主都有責任，但係你成煲都係雞肶，餐牌就應該寫「麻辣雞肶煲」。好唔好食，唔去到難食既本身個味。但係成煲都係肶就真係好難食、唔好食。我無鬧住走，因為自己無問清楚，「乃」左野都有責任。喺度寫只係想下一個食客唔好好似我先入為主。呢個大廈除左麥當勞，其他餐廳都係相同命運，唔駛我多講，都係自己唔記得左唔好喺「The Wave」食飯既決定….