米線陣 (鱷魚恤中心)

營業中

休息中

呢間米缐陣，係APM行過嚟非常近，又要冇乜人，價錢也合理，店舖的座位也舒適。我們兩個由於不太肚餓，所以叫了一碗米線及一個小食。米線方可以選擇擔擔麵，覺得較其他好食d。坦白說，它的湯底應該是加了味精的，也頗咸。米線偏向淋身，牛𦟌正常，沒甚特別。小食方面，我們叫了蘿蔔。蘿蔔雖然很甜,但不是屬於蘿蔔的清甜味，而是感覺上應該落了很多糖價錢方面，其實也頗實惠，一會米線約＄50 ,清湯蘿蔔＄15 ,係APM附近都算平。

當日中午要左碗札肉米線麻辣湯底，加左個紅油炒手同凍檬茶，米線爽滑,湯底夠麻，吃得暢快又夠爽------------------------------食物質素：🤤🤤🤤(5🤤最優)價格水平：💰💰（5💰最貴)環境裝修：✨✨✨(5✨最好)服務態度：🌟🌟🌟(5🌟最佳)整體評分：❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

每次諗唔到食咩, 米線通常都會救我一命, 呢間米線專門店係膽拖之一餐牌見有呢個滋味二人餐 ($172), 份量對眼又唔收加一, 小食飲品都包埋, 仲駛諗?!套餐包括米線自由配 (2碗)多款湯底任選, 自選配料1款, 第二款加錢可以追加點了農場番茄湯配魚腐, 酸甜番茄湯帶有番茄皮同肉, 魚腐腍口, 又係清新之選!另一碗米線為酸辣湯底配鮮蝦雲吞, 辣度可以選擇, 小辣岩我, 湯底中見到少少酸菜; 鮮蝦雲吞大大粒, 咬落食到蝦肉, 夠爽口!  皮又夠薄, 整體感覺唔錯!皇牌特色 - 二選一, 點了口水鷄, 一客份量都唔少, 今次呢客係肶, 多肉部位又嫩滑, 面頭灑上芝麻又伴以脆花生, 辣度唔算太辣, 唔會有嗆喉感覺!風味小吃 - 喜歡食鷄絲粉皮, 尤其係呢D熱天氣, 爽口青瓜絲伴以鷄絲, 以粉皮墊底, 再淋以麻醬, 香滑口感, 唯醬汁份量可以輕手返D, 食到尾都唔會覺太膩!菇菌時蔬 - 濃湯菇菌浸時蔬, 湯底味幾鮮甜, 簡簡單單浸唐生菜都唔錯!餐包埋飲品, 佢杯凍檸茶, 茶味適中, 個人覺得好岩口味, 下次黎都要叫番呢杯!

呢日同屋企人行apm, 行到攰攰地諗住試下呢度嘅米線。可能因為撞啱lunch時間，等左差唔多15分鐘先有位。點左呢度嘅皇牌推介“麻辣番茄肥牛米線”，落order之後好快就送上嚟聞落好香麻辣味同番茄味。即刻試下個湯頭點知原來味道偏淡，番茄味唔多覺之餘亦只有好輕微嘅麻辣味。魚腐彈牙但魚腐嘅味道偏淡食落反而只覺偏咸。肥牛好薄身，份量亦好少，米線咬落中間個心好似仲有少少硬硬地未熟透，米線份量亦偏少。本來諗住叫嘢飲，但食左個米線之後就打消左個念頭。

米線平時食開「譚X」，今日響觀塘做完運動，離奇十級肚餓，見到米線陣就衝左入去。今晚想食餃子&辣野，又唔想冇左陣餃子味，所以要麻辣小辣湯底，但留意食餃子米線要有得選擇湯底，必須要選set先可以選不同湯底（有清湯，麻辣，酸辣等) 。米線分量適中🍜，驚喜位係餃子竟然有五個，唔知係因為set原因還是本身有相同數量。小食點蒜泥白肉，正價要$30幾，以量數計實左有點貴，白肉底有香口花生~本來覺得$72唔太化算，因為小食分量實實在太少，但飲品點鹹檸蘆薈菜蜜，菜蜜入面載有滿滿蘆薈，鹹檸檬味道唔太鹹，比例剛剛好，抵賞番票價👍🏻👍🏻總體米陣線味道比「譚X」感覺清d，麻辣味出d! 只係set價錢有點貴，只能說一分錢 一分貨。

米缐已經在香港太普遍了，每個人都總會對一兩間米缐店特別愛，小編也不例外😋這間是今年最喜歡的米缐店！以前愛吃正宗四川麻辣米缐小店，因為湯底有自己特色，數年後，大型連所米缐店一街都是，湯底全都一樣，神奇是沒有實質配菜，但湯底很有味，吃得耐會覺得有點假，但為了自己的米線癮，一定會走圍找好吃的一間！這間店的優勝之處很多，首先說湯底，不是麻目的辣，是慢慢麻的辣配上蕃茄的酸，吃上感覺有質感一點，濃度適中！第二是配餸！選擇多而且有很多獨特餸！實在滿充了對湯底和配餸有要求的人！

呢碗野成碗粟米湯咁估下係咩黎？ 係北海道3.6牛乳南瓜雞髀肉竹笙米線 ，個名好長加左北海道呢三個字令我狗衝要試下呢碗米線，店員送到埋黎到果陣聞到好香，即刻已經好開胃，不過其實望到啲南瓜蓉同南瓜粒喺啲湯上漂浮實在系唔太美觀，再加上唔知點解好日式嘅一碗野會加條芫茜？心諗中伏啦！但都黎左啦都要照食嫁啦，啲南瓜同牛奶系甜嘅，但個湯系咸嘅，好奇怪嘅感覺呀，可能我期待好似罐頭南瓜湯咁係甜嘅所以第一啖食落去真係好奇怪！之但係咁喎，食下食下啖啖米線都有啲南瓜粒食落又幾有口感，個湯雖然同我預期好唔同但其實係唔差嘅，而且雞髀肉都好嫩滑而且無乜冰鮮味，最後我成碗湯飲晒

由連接apm和鱷魚恤中心的走向便可看到米線陣。設計以白色為主，將吃米缐的格調提升，驟眼看似是西餐館，但門口又大大隻字寫住米線陣，又不容你混淆。 基本湯底都有芽菜、腐皮，其中鮮茄湯底有很多蕃茄蓉但偏甜，個人唔多喜好，太甜了。鮮茄雞脾肉蟹柳米缐，雞肉不少，蟹柳有2條，味道還可以。鮮茄魚蛋魚腐米線，白魚蛋爽彈，魚腐唔知幾時不過是魚片頭演變成的小枕頭型，並不是舊式大大塊扁扁地皺皺地紋個種了。鮮茄雞脾肉蟹柳米缐和鮮茄魚蛋魚腐米線是下午茶選項，有飲品送。而鮮茄肥牛米線和麻辣牛肚米線，是正價叫的，無飲料但明顯份量大些，如米線、芽菜都多些。麻辣牛肚米線，麻辣巳叫大辣，但辣度麻麻地，唔算勁，可能是要就番香港人無咁吃得太辣卦。近落地玻璃的座位很正，向外望很開揚，休息一下的好地方。

清湯米線沒什麼味道。餃子皇餡料普通。雞比烏冬得三小塊雞肉。味道不怎麼樣。飲料紅豆冰稍差人意。雞絲粉皮超難吃！！！之前在馬鞍山分店吃過，很好吃。在觀塘吃超差！以後也不會再來了！

早餐趕時間試左個「超值餐 」無糖麥皮牛奶 （清淡 無味 麥皮粒粒好軟淋淋 啱要食清淡野既人架！）火腿芝士三文治2個 （清淡清淡清淡）熱飲 好立克（唔洗落糖已經夠甜）搞笑既係 我叫麥皮餐 外賣加$1張單寫火腿通 我個心態已經準備好食火腿通最後都係麥皮

行完街搵aPM有咩好食，見到米線陣睇落環境幾好就試下喇。點左兩個下午茶餐加一個紅油皮蛋，速度超快，點完三分鐘野食就上喇。見識到真正既「圖片只供參考」餐牌既相仲勁過d網紅用美圖瘦瘦執既相。蕃茄湯底，好甜，唔係鮮甜係糖甜冬陰公湯底，雖然賣相一般睇落好清湯，但其實佢係有味咖！！！紅豆冰，紅豆量足可惜得幾滴奶精，望落清沏度高，飲落似係溶冰後冇味既紅豆冰服務方面，冇比水同餐紙要問先有，因為冇加一服務收費所以理解

下午230急找少許醫肚、米線永遠是首選、知道呢間米線陣開咗一段時間、但總是冇機會試、成日見有條龍.... 過咗高峯食飯時間、但全店差不多坐滿、即管試試、下午茶餐有不少選擇、由HKD31到40多、叫咗餐後、約5分鐘全到、服務姐姐有禮貌、唔錯！銀針粉加羅白糕同粉皮、盛惠31、👍🏻、味道唔錯！份量唔多、但巳夠醫肚肚！

香港人生活忙碌 平日很少坐下來慢慢吃個午餐或晚餐 簡簡單單吃一碗麵 填飽肚已經很滿足 今日如常到觀塘APM附近學瑜伽 完課後決定一試新開的米線陣Order了番茄麻辣湯底，紫菜，香甜蘿白和牛肚 加多杯青檸梳打。蕃茄麻辣湯米線吃下去先有蕃茄的酸甜味 再發出麻辣湯的香氣 一口清新的青檸梳打 是個不錯的選擇

又係觀塘食野時間，又係米線人要試試米線既時候，今次黎到米線陣，人多，要等一等先有位。睇下餐牌先，都幾多野簡，而且好多都好吸引。有小食簡，其實樣樣都好正。有套餐簡，咁樣米線、小食、野飲三樣配住，抵食d。佢係大汗豬扒米線，滑底好香口、好濃。豬扒炸得好脆，咬落唔un、份量足。$43酸辣肥牛米線、配蒜絲白肉。$72肥牛略嫌有d un，唔太好咬，肉味唔重，唔錯意。不過佢勝在配料好多，食落好有層次，味道唔單一。蒜泥白肉就好香口，一如既往咁好味。四個人，埋單$229，又飽肚又滿足，推介！

觀塘放飯，去左最近既apm食點知就到既時候見到米線陣大排長龍，當然想試下點解咁多人食啦，（雖然多人食唔代表好食）點知道呢個預測係岩既....等左15分鐘終於入得去啦由於好餓既關係，我叫左個特盛米線$59湯底無乜味，大忌！米線太淋，一咬就散，肥牛，雞翼，豬肉丸等等既餸都好一般。整體上，勉強都算合格既...不過我個人認為不可一，不可再。因為價錢唔算低既，味道唔算好食。所以就唔明點解咁多排隊啦，總結，可能！有機會！其他分間係好食既？觀塘呢一間就真係差左少少了