米気

營業中

休息中

呢一間餐廳係黃埔勁熱門，一於走去試下。當日平日下午6點45分到步拎2人飛，但都已經好多人排隊，我地等到7點45分先入到去，勁誇張。入面間隔其實都ok,好有日式feel，侍應態度還好，可能因為太忙。咁佢點餐都係一人一張form，填番米冷主溫4個種類既食物。我點左最多人叫既生雞蛋飯，其實真係一般般😂😂😂，日本機場食既生雞蛋飯好食好多，會令你更集中蛋飯呢樣野。呢到既蛋飯只會令你覺得有d汁既飯。主菜要左西京燒同雞肉球，條魚燒得唔錯，幾嫩口而且香，可以一試。反正雞肉球似肉餅，冇咩特色。冷叫左茄子同同煎蓮藕片。如果鐘意食蓮藕咁一定要叫，係幾重蓮藕味。溫叫左薯餅，好creamy! 值得一讚。最後仲叫左杯梅子酒飲。 埋單每日2百，但要排咁耐隊就不了。

講話要3人UP先可以坐卡位但都見有2人入左座疫情想坐鬆少少都唔得係要迫哂D人一邊（已經係非繁忙時段，我地入座後食到一半先入多1-2枱客）落單個STAFF出聲一定要分開一個一個叫SET唔可以兩個SET一齊叫一定要跟佢個套㗎食完爭甜品未到追個STAFF被人話返轉頭收餐具嗰陣應該主動同佢講仲有甜品未上講到我地有責任要提佢咁「其實我唔知你地規舉呀！」仲要同我講返多數客人都係咁做我做客坐低食飯仲要督促你做嘢呀？我唔自己走去收銀嗰度撳機落單？等甜品期間佢仲大大力係我地隔離枱放瞹水壺呯呯聲又要同其他STAFF講做到死死下態度無禮兼不專業呢度規矩真係好多一定要跟佢哋STAFF嗰套🫠好鍾意講唔得好鍾意同你講應該點做真係會食到你谷氣

人気食店🌟之前經過見到人龍放棄咗 趁住入紅磡要食返😛12點半的午餐時間ᴡᴀʟᴋ ɪɴ就可以了 成功細枱轉了卡位 坐得舒服好多！ 餐牌好清晰 提供定食建議組合主打一汁多菜1️⃣米+2️⃣主+3️⃣冷+4️⃣溫可另外追加湯品/漬物/甜品 · ┈┈┈┈┈┈ · ꕥ · ┈┈┈┈┈┈ · ✨米醬油蛋 $𝟸𝟸 | 明太子 $𝟸𝟸：粒粒珍珠米 滿滿飯香 名副其實🍚用上醬油醃製嘅日本🥚 撈飯食一級棒😻明太子都係大愛 不過醬油蛋略勝一籌！ ✨主牛肉壽喜燒 $𝟺𝟾 | 月見博多地雞團丸子 $𝟺𝟼：雖然係迷你壽喜燒 不過好足料 味道不過不失 雞團丸子有生雞蛋係面 外皮係用麵粉炸成的 入面有洋蔥🧅香口之作 ✨冷八爪魚🐙沙律 $𝟸𝟼 | 柚子胡椒雞肉沙律 $𝟸𝟼：2個都好食 八爪魚好大粒有咬口 柚子雞沙律味道就太重 柚子醋落得太多 ✨溫蓮藕豚肉餅 $𝟹𝟸 | 牛油醬油煎安格斯牛柳 $𝟺𝟻：蓮藕入面釀咗豚肉 口感幾豐富 3塊分量剛好 牛柳正常 反而幾鍾意食伴碟的炸蓮藕 薄片好消吃🤣 · ┈┈┈┈┈┈ · ꕥ · ┈┈┈┈┈┈ · 餐廳提供熱麥茶 收費係以每項小菜計算 我哋ᴏɴ ᴛᴏᴘ無再加飲品/其他嘢食都已經好滿足 人均~💲

必試醬油蛋拌飯🥚·焦糖布丁🍮最近成日都係IG出現嘅米氣 @maiheihk 之前咁岩有時間就去左試 平日18:30到大約等左30分鐘 米🍚醬油蛋 $22珍珠米好味😋 配埋日本醬油蛋撈埋一齊就可以一啖接一啖咁食 海苔醬 $17呢個味道普通 不過唔算好好味 鹹鹹地似撈紫菜咁～主🧆蕃茄味噌豆腐漢堡🥬 $36雖然佢叫豆腐漢堡 不過我食唔到豆腐 全舊野好乾 似食緊乾芋頭mix唔同嘅蔬菜 主要靠個蕃茄汁 但個蕃茄汁又麻麻地 所以一般 月見博多地雞團子 $46佢個名同個樣都好勁 不過味道就中上 一般般啦～個雞肉好實冇肉汁 都係要靠個汁 不過今次個汁加隻蛋搭救 所以還可以～😜冷❄️八爪魚法律 $26 呢個唔錯～八爪魚唔會好韌！食落有芥末嘅味道 而且份量比想像中多🤣和風茄子 $17全場MVP 可能係性價比取勝？食落係照燒汁茄子🍆夠味夠香 茄子份量都多～溫🍢關東煮 $28除咗白蘿蔔夠份味多汁之外 其他都好一般🥹 同埋碗野唔夠熱甜 🍮焦糖布丁 $26焦糖似係現成焦糖漿 好黏好甜個種 布丁夠蛋香 滑都算ok! 成個其實有啲似焦糖燉蛋～ 上面舊cream 有少少多餘 +$8 味噌湯+漬物麻麻地 如果鍾意飲湯先叫

二訪有啲失望 推薦及不推薦食物表.冇幾耐之前食過一次米気，覺得佢好高質，上次篇Review仲對佢盛讚，所以唔夠一個月又再食多次，但發現原來最好食嘅野係第一次食晒🙈今篇記錄番上次冇食到嘅食物，同埋會講番有咩食物推薦及不推薦😋.上篇講過嘅就唔打description，有興趣可以係 #fibee_米気 睇番🫶🏻………………………………..✖️以下為不推薦食物✖️. 明太子 $22（5/10）覺得咸同苦咗少少. 豚軟骨煮 $45（2.5/10）男朋友同我都覺得啲豬肉韌到好似煲湯豬肉咁😹. 蕃茄味噌豆腐漠堡 $38（2.5/10）覺得個味增豆腐漢堡好好食，可惜個蕃茄汁好奇怪🥲好想走咗個汁去只要個豆腐漢堡.▪️另外聽朋友講佢好多牛嘅菜式（除紅酒牛肋條）都麻麻地，大家可考慮下叫唔叫🙈………………………………..❤️以下為推薦食物❤️. 奶油菠菜鮭魚 $48（7.5/10）雖然佢嘅真實賣相同照片有出入，但味道確實唔錯，唔知之後會唔會變成非期間限定食物呢😋. 紅酒汁煮牛肋條 $48 (8/10） 月見博多地雞團子 $46 (9/10) 松葉蟹薯仔沙律 $24 (7.5/10) 炸蓮藕脆片 $18 (8/10) 忌

今日黎到呢間日式餐廳食lunch～ 呢度嘅餐牌非常豐富，由飯、主菜、冷盤、配菜都有多款選擇，有選擇困難症嘅朋友要諗清楚先好黎呀！😆今次揀咗醬油金菇飯+月見博多地雞團子+鏗魚汁菠菜+蓮藕豚肉餅+漬物/麵豉湯～😋 真係好豐富，食完好飽！雞團子煮得好入味，加埋隻生雞蛋、餸飯一流～ 菠菜煮得好嫩，加咗鏗魚汁幾好味～ 蓮藕餅點wasabi食都幾得意～😋下次一定會再黎試埋佢嘅其他菜式，仲要試埋佢嘅甜品先！！😍

以日本家庭料理作招徠的米氣餐廳裝潢以木系和風為主餐牌上由米、主菜、冷盤、温菜和甜品都可自由配撘，而且選擇多得令人眼花繚亂米醬油蛋$22日本國產米加上味道濃郁的日本蛋和醬油，必點項目😋😋😋😋海苔醬飯$17海苔拌飯很開胃，另外加上日本蛋便成了最佳組合😋😋😋😋主菜牛肉壽喜燒$48雖然賣相較普通，配料充滿壽喜燒汁的甜味😋😋😋月見博多地雞團子($46)除了雞肉還有雞軟骨，外皮香脆，日式醬油再加上生蛋，感覺很特別的一道菜😋😋😋😋😋温菜餡料充足，外皮香脆雞肉嫩滑明太子雞翼$38😋😋😋😋忌廉蟹肉餅$26炸得香脆金黃，忌廉味濃郁，上面的芥末醬令蟹肉餅口感更豐富😋😋😋😋😋甜品可能餐牌上的照片不太吸引，但吃起上來充滿驚喜，蛋味香濃入口順滑，加上焦糖甜而不膩焦糖布丁$28😋😋😋😋😋

黃埔而家真係越來越多嘢食呀留意左呢間日式家庭小餐廳好耐㗎啦見佢有好多主食同埋小食選擇地點亦都唔難揾，都係圍繞着地鐵站出口嘅附近今次去咗食lunch首先就係揀米飯，一份就揀咗明太子，另一份就揀咗雞蛋醬油。日本嘅珍珠米真係好好食，完全係啱晒胃口。喺主食方面亦都好啱口味唔好以為佢啲碗仔細細份，其實佢份量係好足夠㗎。完全係可以一啖飯同一啖餸另外佢附送嗰杯熱嘅米茶亦都好好飲開胃同埋解渴非常之期待佢嘅晚市，可以揀更加多嘅嘢食下次一定會再去

我好鍾意食飯🍚，尤其係日本米，所以超喜歡呢間米氣，料理菜式可以自由組合，如果我住喺紅磡就好啦，一定成為我飯堂😆今日當然係專登過嚟啦，仲係12:30前到達，所以未有人龍👍🤓米 + 主 + 冷 + 溫米都有六種味道俾你揀，我就最鍾意醬油蛋飯，生蛋黃混和米飯，香滑有滿滿蛋香；朋友就次次都食醬油金菇飯，佢應該係金菇控😝主食就揀咗豚軟骨煮、蕃茄味噌豆腐漢堡。豚軟骨味道啱啱好，唔太鹹，軟骨都煮到滑脫脫，沾上黃芥辣，非常配合。豆腐漢堡更加係心機菜，豆腐混入各種蔬菜組成漢堡，配以蕃茄味噌醬汁，有家的味道，日本料理就係有呢一份心思😋冷盆選擇係：明太子鮭魚蓮藕沙律、芝麻味噌苦瓜拌炸豆皮。前者比想像中辣，都算惹味，後者就偏淡，冇乜特別。溫食選擇係：照燒肉燥蒟蒻絲、柚子醬油煎鴨胸。蒟蒻絲煙韌，配埋肉燥，送飯一流。鴨胸好好味，加上柚子醬，清新又唔油膩。我哋冇叫甜品，淨係有CALPIS乳酸菌飲品，酸酸甜甜，醒胃。豐富滿足的午餐，必定會再來🤩

前幾日假期又去開紅磡個邊諗住encore呢間，不過諗諗下都係想試下其他餐廳，所以最終都係冇二訪到😳第一次同朋友去食係幾有驚喜，因為之前都有食過其他日式家庭料理餐廳，但以cp值來說都真係覺得呢間係最好🥰而裡面既裝潢都係偏日系一點🇯🇵比人一種好舒服既感覺～-我最鍾意就係佢個menu可以自由組合，可以隨心係「米」、「主」、「冷」、「溫」到去拼湊出屬於自己既定食🍱-🎈「米」醬油蛋 $22生雞蛋同醬油撈飯成個組合冇得輸，係望到都忍唔住超想食😋如果要挑剔可以加多少少醬油，因為食到最後其實都冇咩味🙈-🎈「主」紅酒汁煮牛肋條 $48好食❤️牛肋條炆到好淋好入味，不過仔細品嘗時略嫌紅酒味唔夠濃～-🎈「主」南蠻炸雞 $42份量幾多，味道就正常發揮，而佢個千島醬再加上少少洋蔥粒係成碟既加分位😌-🎈「主」月見博多地雞團子 $46幾鍾意佢既口感係裡面除左有雞肉外仲食到雞軟骨～而且仲加埋生雞蛋係中間🥳-🎈「冷」醬煮糖漬紅薯🍠 $24其實味道來說幾好的，但真係每食一舊就覺得好乾，乾的程度係有少少黏住喉嚨既感覺！-🎈「冷」松葉蟹薯仔沙律 $24朋友大推好食喔，是好清新既感覺～-🎈「溫」炸蓮藕脆片 $18炸得超香脆同埋勁

最近試咗一間日式家庭料理餐廳🍴食物同價錢方面真係取勝。 裝潢同樣以木系簡約主題卡位都坐得舒服佢哋主打 「一汁多菜」可以自由組合米、主菜、冷盤、溫菜有好多選擇醬油蛋：日本國產米撈埋生雞蛋同醬油，好香蛋香味❤️紅酒汁煮牛肋條：牛肋條炆到好淋又入味，汁都非常正蟹膏蟹肉飯連埋wasabi一齊拌飯，有小小辣，蟹膏香味都好食松葉蟹沙律薯仔好好食雖然食唔到啲蟹肉不過我覺得勁香嘅薯仔沙律安格斯牛肉牛肉有啲韌太多筋蓮藕豚肉餅好香脆嘅蓮藕，入邊再食埋啲豚肉好爽口又有口感

不錯的和食店，食完總是覺得少了什麼，原來系個湯😂😂。中意佢可以完全自選中意食嘅野，從飯底到主食、冷食、溫食、甜食和飲品，均可以自選，細細碟好的色，雖然得一個胃，但系又樣樣都想試下，哩度就岩曬喇！▶️醬油蛋日本米白飯🍚($22)，話說我覺得個醬油真系太鹹，唔知系未我錯覺🤔。▶️紅酒汁煮牛肋條🥩($48)，甜甜地唔錯，啖啖肉之餘又配搭有蘿蔔，撈飯都可以👍🏻！▶️牛肉壽喜燒🥘($48)，老公話哩個系所有食物裡面最好食，但系其實我覺得只系正常發揮😂。▶️帆立貝裙邊海藻沙律($26)▶️忌廉蟹肉餅($26)▶️杏仁豆腐($28)總結，超好食又唔係，不過細細碟都幾特別，一試無妨~😆題外話我覺得個服務好似一般般

#紅磡 #米気 健康餐點，好味，又好夠飽#定食 叫咗#醬油蛋飯 #芝麻味噌涼瓜拌炸豆皮 #黑醋骨 每一樣都好好味，無味精，好住家菜feel😍😍😍另外仲叫咗#海苔醬飯 #汁煮鯖魚 #八爪魚沙律 再加多個#關東煮 蘿蔔好腍，又夠甜，夠入味🤤餐飲我同朋友都揀咗#米氣黑糖米水 清清地，甜甜地😋👣米気紅磡黃埔天地百寶坊(第3期)地下G32號舖味道: 8/10味精: 4/10價錢: 5/10環境: 8/10服務: 8/10#vinainhunghom #vinafood #maihei #japanesestylefood #soyedeggrice #blackvinegarsweetandsourpork #sesamemisobuttermelonwithtofusheet #sesamepasterice #braisedsaba #octopussalad #kokutoricewater #foodporn #foodie #hkfoodie #f4follow #f4f #likesforlike #l4l #l4likes

貴坊間雙餸飯幾倍嘅日式三餸飯 米気推薦： 🍉🍉🍉 (3/5)                 味道： 🍉🍉🍉(3/5)  價錢： 🍉🍉 (2/5)                       打卡： 🍉🍉🍉 (3/5)  位置： 🍉🍉🍉🍉 (4/5)            回訪： 🍉🍉 (2/5)R2 醬油蛋飯 $22 + M2 紅酒汁煮牛肋條 $48 + C7 醬煮糖漬紅薯 $24 + W4 照燒肉燥蒟蒻絲 $22(連加一 $128)啲飯好濕，好似電飯煲整好啲飯唔焗一陣，一秒就打開拎出嚟食咁，再加埋醬油同蛋液，濕到食落好似會漿住個口個種質地，我&同行朋友都比較鐘意食乾少少嘅飯，所以碗飯食咗一半就無再食落去 (我個碗飯隻蛋嚟到爆咗，有啲傷心😥) 個牛肋條一開頭食係似咖哩牛腩，因為無乜酒味，連啲蘿蔔都唔太入味，食食吓見到我個盤有隻匙羹，求其用嚟攪幾吓試下，點知攪完再食就發覺啲紅酒味出哂嚟😂同攪之前食嘅味道係完全唔同😂酒香超突出，食入口嘅酒味亦都濃郁咗好多醬煮糖漬紅薯其實即係拔絲地瓜(無拔絲效果版)，都算正常，蕃薯淋度適中，外層糖漿都唔會多到漿住個咀，唯一缺點就係芝麻太多，一食落口芝麻味

今日竟然見到晚飯都冇人排隊，仲有卡位，就即刻衝咗入去。今次叫咗兩款期間限定：麵豉豆腐同埋白汁三文魚。麵豉豆腐我覺得冇乜特別，兩件豆腐嘅口感有啲似臭豆腐嘅餡咁樣，係眼瞓嘅但個人覺得唔夠熱，所以減咗好多分。不過個三文魚就好好食，唔會有魚腥味，又唔會太硬，個白汁先係重點，勁想打包返屋企點麵包。另外試咗個柚子雞肉沙律，個人覺得沙律唔夠味，唔會再見。個秋葵我就覺得好好食，個醋夠酸，同埋秋葵唔會食到外身好多毛個牛舌都冇我上次午餐黎咁厚切，嗰邊仲有少少燒竉燶咗，不過上面嘅蔥蒜都仲係好夠味今次試埋佢個雪糕，超級好食！米味好濃，口感有少少煙韌，有啲似食緊土耳其雪糕，分量仲要好大！今餐食完真係超級飽最後想補充，呢度有幾個服務員嘅態度都唔係咁好，再加上其實只係食咗一個鐘，佢就已經不停想收我哋嘅嘢，但係好明顯地我哋都未食晒，佢就已經問可唔可以收，仲要問咗三次！我哋亦都有望吓出邊係咪大排長龍，但係其實係冇人等緊位