更多
2022-04-25
134 瀏覽
今日竟然見到晚飯都冇人排隊，仲有卡位，就即刻衝咗入去。今次叫咗兩款期間限定：麵豉豆腐同埋白汁三文魚。麵豉豆腐我覺得冇乜特別，兩件豆腐嘅口感有啲似臭豆腐嘅餡咁樣，係眼瞓嘅但個人覺得唔夠熱，所以減咗好多分。不過個三文魚就好好食，唔會有魚腥味，又唔會太硬，個白汁先係重點，勁想打包返屋企點麵包。另外試咗個柚子雞肉沙律，個人覺得沙律唔夠味，唔會再見。個秋葵我就覺得好好食，個醋夠酸，同埋秋葵唔會食到外身好多毛個牛舌都冇我上次午餐黎咁厚切，嗰邊仲有少少燒竉燶咗，不過上面嘅蔥蒜都仲係好夠味今次試埋佢個雪糕，超級好食！米味好濃，口感有少少煙韌，有啲似食緊土耳其雪糕，分量仲要好大！今餐食完真係超級飽最後想補充，呢度有幾個服務員嘅態度都唔係咁好，再加上其實只係食咗一個鐘，佢就已經不停想收我哋嘅嘢，但係好明顯地我哋都未食晒，佢就已經問可唔可以收，仲要問咗三次！我哋亦都有望吓出邊係咪大排長龍，但係其實係冇人等緊位
今次叫咗兩款期間限定：麵豉豆腐同埋白汁三文魚。麵豉豆腐我覺得冇乜特別，兩件豆腐嘅口感有啲似臭豆腐嘅餡咁樣，係眼瞓嘅但個人覺得唔夠熱，所以減咗好多分。不過個三文魚就好好食，唔會有魚腥味，又唔會太硬，個白汁先係重點，勁想打包返屋企點麵包。
另外試咗個柚子雞肉沙律，個人覺得沙律唔夠味，唔會再見。個秋葵我就覺得好好食，個醋夠酸，同埋秋葵唔會食到外身好多毛個牛舌都冇我上次午餐黎咁厚切，嗰邊仲有少少燒竉燶咗，不過上面嘅蔥蒜都仲係好夠味
今次試埋佢個雪糕，超級好食！米味好濃，口感有少少煙韌，有啲似食緊土耳其雪糕，分量仲要好大！今餐食完真係超級飽
最後想補充，呢度有幾個服務員嘅態度都唔係咁好，再加上其實只係食咗一個鐘，佢就已經不停想收我哋嘅嘢，但係好明顯地我哋都未食晒，佢就已經問可唔可以收，仲要問咗三次！我哋亦都有望吓出邊係咪大排長龍，但係其實係冇人等緊位
張貼
