篤篤船麵 (V Walk)

營業中

休息中

黎緊就快去旅行，要去深水埗買電話卡順便係深水埗行下街，食下野⋯⋯話晒深水埗出名多野食，點都要食埋先走🤤本身想試其他出名既鋪頭，但因為太多人冇食到，而且經過V Walk個陣見到呢間平民泰國野，覺得可以簡簡單單食完就算。入到去我同朋友分別叫左玻璃魷魚、扎肉乾河、牛柏葉薯粉、肥牛金邊粉（牛湯）、豬腩片乾河粉（豬湯）🤤本身對篤篤船麵冇咩期望，但偏偏佢比我預期更好味，同埋份量都算大。但環境方面還好，有少少逼，如果唔中意空間太細既食客，可能會唔舒服。

第一次聽船麵呢個term😂聽落好似好正咁，所以嚟咗深水埗呢間餐廳食野。同朋友一齊黎，自選咗豬腩片乾河粉同埋牛柏葉薯粉，個牛柏葉堅係爽口，而且薯粉吸左湯底，好正。最好食嘅係香茅雞翼，唔會太油，加埋泰式辣醬真係perfect，小食好香口。最後再加叫咗一個玻璃魷魚，夠彈牙。整體來講幾滿意呢間餐廳，湯底同配料都可以自選，可以自由配搭自己鍾意嘅面，而且價錢唔貴，性價比都幾高。下次會再嚟試其他款嘅麵同湯底。

上次黎食飯見到呢間餐廳好多人排隊，今次我哋醒目啦，避開排隊嘅人潮食個early dinner!-佢用車仔麵嘅形式去揀麵既餸，麵質，同埋湯底。黎食船面梗係要嗌牛湯啦， 個湯底好濃郁！特別推介薯粉，可以吸收晒湯底嘅精華。肥牛金邊粉牛栢葉薯粉-再叫咗幾個小食，蔗蝦，蝦餅，香茅雞中翼，每樣都係10幾蚊，好抵呀！兩個人食嘅份量啱啱好！-見到隔離枱食四個細碗嘅船麵，咁就可以一次過試晒唔同嘅湯底，好想試吓佢個冬陰公湯底！

I love boat noodles because they are small bowls of noodles which are not filling.At Tuk Tuk Boat Noodles, you can choose 4 bowls of noodles for HKD48 which is reasonable as most boat noodles in Hong Kong are around that price.You get to choose 5 broths and 5 noodles which gives you 25 different choices already!I love beef broths so chose beef broth as a base and for the noodles they had the usual like egg, Cambodian, Dried Flat Noodles etc but the potato noodles were different so tried that.My

前排去完泰國好掛住泰式料理，今日見v walk開左無耐入去行下，估唔到咁啱有間泰國菜，重要食落好地道木瓜沙律 $16撈埋袐製醬汁，咬落唔單止好爽口，辣得來又好有泰式既香。鴨血配芽菜$19每塊鴨血既質地都好似啫喱咁，淋到可以用筷子夾斷但同時都保留到應有既口感，亦食唔出有任何血腥味，只係有淡淡既鴨香。肥牛牛湯乾河粉豬腩片豬湯米粉豆卜冬蔭湯金邊粉牛丸牛辣湯全蛋麵每款細碗船麵$13，但叫4碗就只需$48，好似我咁大食就要4碗，計落慳左，重可以試多幾款添！每款細麵都各有特色，我就比較鐘意牛丸牛辣湯全蛋麵同埋肥牛牛湯乾河粉。後者既肥口好入味，絕對為成碗麵畫龍點睛，河粉既口感亦做得唔錯。前者既既蛋麵口感有啲似蝦子麵，麵同牛丸都非常彈牙，食落好滿足！泰國椰子水$16泰妹蘭香籽飲品 荔枝味$19

係網上見到南昌有個大型商場剛開幕，今日放假一於過去行下先，行左個幾鐘巳經行到攰攰地又餓餓地，於是搵下哩度有咩餐廳醫下肚先，見到哩間餐廳裡面佈置色彩繽紛，望落去有種愉快既感覺，一於入去坐低睇下有咩岩食先，餐廳主打泰式風味，食粉麵為主，落單紙上見到可自選唔同配搭食法，仲有大細碗揀，唔洗被局限，幾新穎。我最後決定食四小碗，貪佢可以配搭唔同食法品嚐，第一碗我揀左扎肉牛湯全蛋麵: 扎肉食到鮮味，蛋麵爽身，牛湯的色好深，味道濃厚。檯面上有4兜唔同調味料(魚露、糖、辣椒粉、醋浸辣椒)，我加了兩滴魚露和辣椒粉再食，竟意想不到味道更加提升。第二碗配搭係豬腩片牛湯薯粉: 薯粉滑，豬腩片薄薄地完全唔肥膩，第三碗配搭係豬肉丸豬湯河粉: 豬肉丸彈牙鮮味，最後一碗我揀牛丸冬陰功湯金邊粉: 冬陰功湯小小辣，牛丸彈牙。食完有啲唔夠飽，於是叫多個脆皮燒腩仔配木瓜沙律食，聽店員講哩款小食係每日限量供應，因為製作工序都比較煩複，而我落order時巳是最後一份了，期待地等左十幾分鐘時間，燒腩仔出爐上檯了，燒腩仔脂肪及瘦肉比例層層相間，望落可分為五層，咬落第一層外皮脆卜卜，第二層外皮下的脂肪，唔算多，帶點油香味，第三、四層肥瘦

一直好想試泰國船麵，見倒起南昌v walk 新開將, 就排隊試，都排幾耐，如果有得拎飛會好D。餐牌有一大碗或4小碗揀，因為想試多d湯底，我們3個人每人哎左4碗船麵，來哂有12碗好壯觀！不過食完發現原來唔夠飽，每碗得一小啖麵，我唸男士/肚餓的，要食6-8碗才夠！牛辣湯太辣，蓋過牛味，豬湯唔錯，冬陰公湯啖又好辣，一般。小食平但份量小。細食的女生e度係一個唔錯的選擇！但我覺得如果每碗大碗d, 價錢貴一點也無所謂！

今今次黎食個勁差囉另外帶先啦佢都話最最後都係我哋諗咪先話咩都冇晒又唔早講喎明明佢同格離啲枱冇蛋面⋯離成五至十分鐘先講⋯仲要佢講完要我地改單先入機⋯你話嬲唔嬲⋯味道一般⋯

繼上次在隔離鋪吃過一個不俗的午餐之後,今次到這一間專吃泰國（船麵）的特色小店、裝修感覺貫徹泰國風格之餘亦不失《潮》, 面積有限枱與枱距離真是親密、由於入座時間正正是中午潮，幸好等候不算太長而且單人入左所以時候上不算太耐。。。店內熱賣當然是泰國上面分別設有小碗大碗之分,價錢亦有所分別、餸料分别有:肥牛/ 牛丸/ 鴨血/ 豬肉片/ 炸魚蛋/ 牛柏葉/ 豬潤/ 扎肉等等~麵分別有金邊粉/ 米粉/ 薯粉和河粉可以選擇~湯底分別有牛湯/豬湯 /冬陰功/ 豬辣湯~當日自己就叫上一個大碗船麵，豬肉丸/鴨血/扎肉配金邊粉HK$52.湯底㷛得呈現白色狀, 辣度夠碗內除了自己揀選的餸還有兩樣最索味的材料(蘿白與豆腐泡)、鸭血薄比《雞紅》略韌性點，扎肉亦切得較為薄身、反而自己就覺得(豬肉丸)甚有驚喜,細細粒富彈口而有豬肉味道、雖則是大號裝之(船麵)，「但份量其實亦屬偏細」、金邊粉三爬兩撥已不知所終,~個人就覺得如果只係食（船麵）應該不夠飽肚，可能要附加一至兩樣(小食)才能滿足。

在vwalk經常行過呢間外面睇落似一般餐廳咁既泰國餐廳都無試過。今日放工路過終於可以試一試。一坐低我地點左個船麵。麵底有幾款選擇,我點左河粉。另外加了一個泰式鳳爪。呢度既金邊粉同泰國一樣係闊身的,煮得唔會太淋。湯底好有泰國feel,甜+辣+花生碎。泰式鳳爪好有驚喜。$36一份以為好細碟。黎到一睇份量都唔少啊！呢個份量出面起碼要貴唔小。船麵味道非常正宗。配料好新鮮,生洋蔥好鮮甜,個汁唔會太酸,鳳爪亦唔會太淡味!!!!!見到好多人點其他野食,可惜我已經好飽了。下次黎一定要再試!

沒有吃午飯在南昌轉車時發現新的商場，上去找找嘢食便被這間的開揚設計和鮮艷裝潢吸引到進去了。船面的話在旺角也吃過，當時覺得沒有什麼特別而且一碗譚X咁上下大碗都要6、70蚊。這裡相對便宜不少，不過質素和份量還是要親口嘗過才能評價。這家店的特色點菜方式，是把一碗大的麵分成多碗（一次4碗還有折扣），可以吃到更多配搭。同事叫了一碗大的，我就叫了四碗小的，一次過試曬不同的配搭。這是大小的比較。還叫了一份燒肉+木瓜沙律及青檸梳打。小食先上枱。這個沙律配搭相當豐富，有櫻花蝦乾、花生等增加味道及口感的材料，還有很特別的，綠色那些是——————竟然是豆角。而且是生的，不會有熟的豆角那種吃下去唧唧聲的感覺，筆者很欣賞。酸甜香辣兼具的沙律汁，點皮脆肉嫩的燒肉吃都不錯。大碗船面配料很多，有蘿蔔和豆卜這些配湯麵吃最正的索湯食材。兩樣都很入味。細碗則專注一款配料，但可以嘗到不同湯底和麵底的配搭。說到配料，牛柏葉爽口煙韌，肉丸都鮮嫩彈牙，但最正的始終是鴨血。口感類似豬紅，但更結實，可以看到用筷子夾起也不散，散發著香濃的鴨味，一試難忘。特別一提這家店的米粉比一般茶餐廳的米粉粗身，掛湯之餘又不會很快索乾和散碎。本身的湯底

今日再同2位朋友幫襯，人多左試多好多野，朋友仔都讚口不絕。今日星期六超多人都仍然服務一流。試左好多小食都一樣非常滿意，特別係炸豬皮同個菜。。菜嗰個豉油同出面既完全唔同，好香又唔咸。我地要求走芫茜，確實有做到，咁多客幫襯樓面入單都無錯，抵讚

今日到V Walk 試新開泰式船麵 "篤篤船麵". 鴨血配牛辣湯。。鴨血鮮，湯底夠濃夠辣。豬潤配冬陰公湯。。湯底夠香。玻璃魷魚。。個汁好有青檸味。確實有意外驚喜，可再返黎。

係啱啱新開張既商場，人流唔算多，無乜太大裝修氣味，想同小朋友食下野，就見到間泰式船麵，裝修幾特別，價錢又唔算貴，就排隊等入坐，可能新開張幾日，店員係安排座位方面比較慢，4人枱又入二個，又無强迫人搭枱，到我地食飽既時候已經排左好長龍。係枱上有餐紙自己落單，野食種類唔算多，主要都係泰式船麵同泰式小食，飲品咁。點左一個大碗船麵，二個小船麵套餐（即4碗細船麵），香茅雞亦，4隻$25 ，唔夠熱。如果想試唔同湯底，建議可以食細船麵套餐，試晒4款湯底，本人推介正宗船麵湯底同冬陰公湯底，味道最好，飲品，勁酸，見到隔離枱食燒肉勁脆，好可惜賣晒留意此店吖收八達通同現金

講到進步空間相信冇人夠呢間嘢大，我甚至乎懷疑個廚師有冇去過泰國，你可能驚香港人怕辣不過，我想講畀你聽食得泰國菜嘅人又點會 怕辣 呀。 你成碗嘢淡到不得了！！！！你係啱啱加咗水唔記得落調味呀吓? 我只係試咗一碗冬蔭功底嘅船麵 食第二啖已經唔想再食落去。 影相都費事！我知你啱啱新開張 ，本來都唔想咁樣寫， 不過希望你快啲改善 ，要知道周圍都係泰國菜 ，本來競爭非常激烈， 你仲喺度亂嚟嘅話我怕你唔捱得耐…………