篤篤船麵 (V Walk)

營業中

休息中

平日放假有樣嘢最好，就係條街同啲商場少啲人。哩日好似大鄉里出城咁第一次去南昌站 V Walk。商場裡邊除左啲大牌子同啲連鎮式 / 集團式餐廳外，店仔同個別餐廳都唔少，作為一個屋苑嘅中級商場都算可以。本身去到商場都四點幾，因為成日一餐都無食過，行左一陣，等唔切食晚飯就肚到要即刻搵嘢食。成個商算係行左一個圈，最後都係決定食篤篤船麵。(原來荃灣都有分店，唔上Openrice 都唔知)，佢啲裝飾都幾搶眼，不過有啲相熟口熟面啦，應該係上網買圖嘅!睇佢餐牌啲嘢食都好街坊價，40幾至60幾都不等，仲有個迷你組合可以揀兩款細碗粉，不過太餓，聽落就知唔夠食...最後叫左個泰式牛魔王，仲有個泰式墨魚仔小食，朋友就咁左個豬扒撈檬。(仲有某牌子啤酒買一送一，所以叫左，味道無咩特別，咁就唔放相，免得似賣廣告)個船麵黎到，唔...有啲細碗 (我係叫正價$48，唔係下午茶價$42) ，材料...普通，啲粉...有啲碎。不過個牛湯底唔錯，幾好飲，而家飲哂都唔頸渴嘅，個粉同啲材料味道就一般啦可以接受。朋友個撈檬睇落都OK，不過都好似好細碗。我食完就唔係好夠飽，我估佢一定仲餓。另外佢跟粉都會送杯檸檬茶，味道...幾特別。

叫左四碗細船麵，每碗都要揀湯底、麵、餸，太多選擇好頭痛。朋友叫左碗牛魔王加麵，佢係麵怪，就算食泰國野都要揀彈牙嘅麵。我地叫左兩個小食，一個豬手，一個蝦餅。豬手一般，因為係細個鐘豬手，基本都係食皮，我鍾意大隻個種多肉少少，而且個豬手唔入味，可惜。至於蝦餅我就好鍾意，覺得都幾彈牙，而且個炸粉都酥脆。但朋友就覺得個蝦餅一般，因為係機唔係手打，全部都係蝦蓉無粒粒，當然呢個價錢唔可以要求太多啦。總結：麵嘅話都係揀返河粉/金邊粉之類索汁嘅，麵嘅話唔係太夾。啲牛腩/牛丸之類，總之就係牛做嘅野，都非常香牛味，好推薦！

第一次黎呢個商場，😞就食左間咁難食既野，😌😫我叫左個自選大碗麵（牛肚、肥牛、扎肉）冬陰功湯底，個冬陰功湯底一嚟嘅時候個色已經好唔一樣，同面時既冬陰功既好唔同，之後我問職員呢個係咪冬陰功湯啦 佢話係 個賣相已經唔掂 食第一啖 就更加覺得佢係車仔麵feel 錯 係仲難食過車仔麵 ，仲叫左四色炸野拼盤，泰式鳳爪同個泰式牛魔王，揀左彩虹湯🌈，連我男朋友都係話好難食🤮🤮🤮，可能特別既湯底都要有中伏既心啦完全唔係想像中既味道真心食完勁嬲😡😡😡

呢間泰國船麵已經食過几次，細細碗又可以揀唔同口味，食完一個一個碗撘上去，好高好過癮😚餐廳設計風格都几繽紛，座位都寬敞舒適。船麵價錢：$13/碗，$48/4碗，$58/5碗，另外都有大碗麵同飯食（$48起）今次叫左4碗小+ 1碗大（小）牛𦟌 金邊粉 豬湯 (小）豬大腸 全蛋麵 冬蔭功湯（小） 扎肉 檬粉 彩虹湯（+1）（小) 鴨血 薯粉 牛清湯 （大）泰式牛摩皇 金邊粉 冬蔭功湯 湯底： 我覺得牛清湯，冬蔭功湯較好，湯都入味記得要落少許滴魚露，醋浸辣椒，辣椒粉 在湯底咁樣味道會更好。*今次第一次試彩虹湯（另加$1）失望，無特別只吃到酸味......餸：牛丸，牛𦟌好食，牛丸有牛鮮昧又彈牙，牛𦟌蚊得好林。另外，鴨血都唔錯。 另外，叫左個薄脆炸豬皮$8 浸下湯食係一流👍🏻

室內乾淨版船麵🧏🏻‍♀️·🍜細碗船麵（四碗$48）每碗自選配料、麵條、湯底～眼花撩亂.諗左大概15分鐘先搞掂🤣黎到真係好壯觀.每碗得一啖就算4碗都唔會超飽🧏🏻‍♀️湯底較淡.款款味道都差唔多咁⋯辣湯一d都唔辣·🐷木瓜沙律配泰式脆皮燒腩（$48）燒腩皮好脆😋但咸左d😖配埋爽口木瓜沙律解解膩～·🦑玻璃魷魚（$19）唔好魷魚既我覺得麻麻地·🍜泰式豬八戒（$48）大碗版船麵·🥢炸春卷（$16）脆卜卜😋點埋泰式辣醬更惹味！·🍹青檸梳打（$16）較推薦😋🧉泰國椰子水（$16）有點甜·📍篤篤船麵深水埗深旺道28號V Walk 2樓147號鋪

自己未去過泰國，呢排又去唔到泰國，但係聽人講泰國嘅船麵好好食。之前喺香港食過一次，印象中係好濃味同埋好潔身本身都知道船麵係好細碗嘅，咁佢有啲set我哋就叫咗$48 4碗 ！有個好處係可以試唔同味嘅湯，但係對於湯底有少少失望，尤其是冬陰功湯底，得好少酸味，好淡色其他湯底都好普通。食完四碗都唔係好飽，可能再食嘅話要叫五碗 不過有少少失望，未必再黎

今日去咗買餸買咗好多餸🙈應該夠食幾日😝順手食咗V walk 既篤篤船麵泰國嘢黎 第一次食佢都幾特別😬$48可以食四碗面 每碗都係細細碗兩三啖就食完🤣四碗麵大概等於一碗正常麵嘅size每款麵都可以揀面底一個餸同埋一個湯料面有米粉金邊粉河粉薯粉湯有牛湯豬湯彩虹湯 🌈 彩虹湯即係粉紅色嗰個泰國香料湯酸酸甜甜少少辣 餸嘅選擇唔算好多都係嗰啲正常嘅魚蛋啊牛柏葉啊牛丸啊豬肉丸啊等等小食都幾抵十幾蚊有兩塊蝦餅味道都唔錯👍🏻買單$65不過我一個女仔食呢其實都唔係話好飽 🙈🙈 如果男仔食我諗應該起碼要叫五碗船麵先至可能夠飽啦

而家越黎越多泰國餐廳有牛肉船麵， 今次試下依間裝修極有懷舊泰式既船麵係點先雞翼分開兩邊其實就好方便女仔食， 但係個碟咁大得個兩條骨， 又唔係大隻，會唔會肉酸左D呢?店員極力推介既牛魔王， 我哋叫左三碗， 可以有唔同既配搭， 但係肥牛，牛丸，牛柏葉就固定有， 然後可以揀牛湯或者牛辣湯， 不過湯底牛味一般， 味道亦一般車仔麵差唔多點講好呢？ 一隻生蝦理應有一片蒜片+ 一粒辣椒粒（ 大細都唔在乎， 但一定要有） 感覺唔太新鮮，味道同喺759買既刺身生蝦差唔多

南昌上蓋開嘅新商場V Walk裏面都有唔少食肆，價格方面大部分都唔算好貴，依一間篤篤船麵就係食泰國嘅傳統船麵，午餐時段都唔算多人，可能附近office唔多，所以好快都揾到位食飯😆**********<細碗船麵(四碗)> $48每一碗都可以自行選擇一款配料、麵底同埋湯底，配料方面都有成十幾款比你揀，麵底就有河粉、金邊粉、米粉、薯粉同埋全蛋麵，湯底有牛湯、豬湯、牛辣湯、豬辣湯同埋冬蔭公湯🧐因為每一碗嘅份量都係幾啖比你過下口癮，所以午餐黎食叫四碗就啱啱好！味道方面其實就唔係特別出色，但可以一次過試曬咁多款配搭真係幾好，啱曬啲有選擇困難症嘅人🤪

我們各選了4碗船麵，每碗船麵選了不同湯底、粉麵和配料。一枱擺滿8碗麵再加3款小食，非常豐富，看似大胃王呢！我們牛湯、冬陰功、辣牛湯、豬湯和彩虹湯都選了，配料就選了牛腩、牛肚、牛丸、豬大腸、扎肉、豬膶和魚蛋。每款湯底都很濃郁，配上河粉、金邊粉、薯粉和米粉，有不同的口感。小碗可以試到不同的口味，很滿足呢！木瓜沙律配泰式脆皮燒腩燒腩皮果然脆卜卜，肉質鬆而有咬口，沾上醬汁，咸咸辣辣的很惹味，配上爽口木瓜沙律，去油膩感。泰式墨魚墨魚仔爽滑，配上辣味蒜蓉，很好吃。泰式酸辣無骨鳳爪鳳爪爽脆，酸酸辣辣很醒胃。飲品方面，我們選了青靈梳打和椰子水，吃辣東西來一點點冰涼的飲料確實爽。

第一次來南昌站上蓋非常新的V Walk商場各國菜式都有 很多是到處都是的連鎖店「篤篤船麵」是泰國代表😊看到裡面滿有特式的裝潢 就決定試一下小編未到過泰國 也未嚐過泰國特色食物之一而且是此店主打的「船麵」十分期待☺️店舖有牌子給客人打卡用椅子色彩繽紛 又播著泰文歌曲 甚有特色客人可自由選擇掃QR Code電子下單 或直接在提供的紙上點餐桌上提供的醬料也很齊全 😋辣椒粉、醋浸辣椒、魚露、泰式辣醬全店不收加一 非常公道😊船麵可以按自己喜好選 走通菜、走炸蒜、走芽菜、走芫茜 讚！👍🏻自選大碗三味 ($52)肥牛、扎肉、牛腩 牛湯金邊粉很大一份金邊粉🤣加魚露吃別有一番風味！有豆卜做配料 吸了湯汁味道一個流札肉重黑椒味肥牛重牛味牛腩煮得夠軟綿嫩滑😍牛湯也香👍🏻五碗 細碗船麵($58)牛丸牛湯全蛋麵豬大腸豬湯薯粉牛腩牛湯河粉牛𦟌牛湯金邊粉扎肉豬湯米粉很過癮！🤪五碗細麵眼看已經夠滿足😍湯底分別不大 牛湯較濃 略勝一點點😄薯粉很Q 有點像韓國粉絲🙂各配料不過不失 比較推扎肉牛腩四式拼盤($60)有春卷、庶蝦、魚餅、蝦餅小編建議加點泰式辣醬更滋味呢！每款小食有兩件 上桌時熱度足夠蝦餅庶蝦非常彈牙魚餅帶辣 帶

啱啱去完泰國stay咗一個月，但係都無乜食到一碗好好食嘅船麵🧐所以翻到嚟香港都一直想揾一間食泰國菜嘅餐廳再試試佢🤨終於俾我揾到呢間篤篤船麵，發現又唔錯喎🤭個環境幾有氣氛，有好多特別嘅泰國圖畫，有少少似真係喺泰國嘅嗰啲餐廳🇹🇭座位亦都好寬敞，唔會話同人迫住咁食😇夠晒位俾大家叫十碗細船麵都唔會同隔離嗰個爭枱用🍜今次同朋友嚟食，兩個人食咗一碗大船麵加2個小食🤤我哋叫咗超級牛魔王米粉🐂好足料，牛腸、牛丸、牛腩....真係應有盡有🤯除此之外佢亦都好大碗，兩個人都好夠🙌🏻名副其實魔王級真係魔王級😈之後我哋再叫咗兩款小食炸豬皮配薄脆同埋四式炸物拼盤🍤炸豬皮好脆，炸到好似食緊薯片🥔但係反而我覺得佢個side dish薄脆更加正🤣係我鍾意嘅又脆但係又仲有少少咬口嘅口感🤩另外四式拼盤都非常滿意👍🏻炸春卷、蔗蝦、魚餅、蝦餅全部都幾特別👅如果自己一個食會略嫌有少少油膩🤏🏻但係我哋兩個人share食就完全啱啱好👌🏻不過美中不足嘅地方就係我自己覺得加幾碟醬汁俾客人點會無咁dry🧐仲有一個幾方便嘅地方就係可以直接用QR code去落單👍🏻唔洗成日叫侍應落單或者等好耐都無人幫手🙈整體而言我覺得都係一間好值得去試嘅餐廳

今日黎到南昌新商場，果然好多野食選擇選了最多人光顧的餐廳小食價格十分親民有競食龍虎榜，氣氛設置不錯喔桌面有齊泰國常見的調味料，乾淨企理青檸梳打：店員很貼心話如果不過甜可以通知他們加甜/加酸，態度加分！自選三送金邊粉 $52：選了冬陰功湯底，但辣度不夠，愛辣的朋友要自行添加辣椒了五碗細細船麵 $58最適合選擇困難證既人士，每碗都可以選不同配料、不同湯底、不同麵底可以試齊咁多款，下次來就知道揀咩食啦木瓜沙律 $19大推！非常惹味，同泰國街頭的味道是一樣的，性價比非常高呢！木瓜很爽口，夠辣，夠鮮！鹵水鴨血配芽菜 $19鴨血滷得入味，入口即化，不錯玻璃魷魚 $19份量配合價錢，醬汁酸甜開胃，好夾個魷魚蔗蝦 $16蝦膠不算多，但新鮮即炸，熱辣辣有誠意

南昌站開咗個新嘅大商場，區內區外嘅人士要搵食真係堅方便。女朋友話想食泰式船麵，今晚一於黎到 V Walk 內的「篤篤船麵」開餐。鍾意去泰國旅行的香港人，一定唔會對船麵陌生，偏偏香港好少泰國餐廳可以食到船麵。呢間餐廳嘅裝修真係好有泰國風味，餐具亦然。令人有置身於泰國旅行的感覺。餐廳可以揀三碗、四碗、五碗嘅細船麵，或者一大碗嘅船麵。我地決定二人各點五碗細嘅船麵，再額外點小食。我點了：牛丸、牛湯、金邊粉豬潤、豬湯、米粉肥牛、冬蔭功湯、薯粉豬肉肉丸、豬辣湯、金邊粉牛展、牛辣湯、金邊粉女朋友點了：炸魚旦、豬湯、河粉扎肉、冬陰功湯、薯粉肥牛、牛湯、金邊粉豬腩肉、冬陰功湯、米粉牛腩、牛湯、薯粉眼闊肚窄，食到第四碗開始就有啲飽肚嘅感覺，絕對唔需要擔心細細碗嘅船麵唔夠飽。而船麵嘅精髓，就係以優惠嘅價錢，可以一次過食到好多唔同款式嘅湯底、食材同埋麵條。價錢都只係$58，好抵食！芒果味泰妹蘭香籽飲品 $19SingHa 泰啤 $16泰式脆皮燒腩 $48燒肉皮都烤得幾脆，配搭泰式酸辣醬真係一流！咁豐盛嘅一餐，埋單唔洗兩百蚊，好抵食！

今天到南昌站的V Walk逛街，第一次來這裡。商場很大，很多店可以逛。也決定在這裡解決晚餐的需要。中式、西式、日式、馬泰及台式料理都有我們卻被一家叫篤篤船麵的泰式餐廳所吸引原因是我們想試試看小碗的泰式船麵泰式船麵（五小碗$58）可以自選五小碗麵，一餸一麵及一湯底，非常適合貪心的朋友，可以一次過輕嚐每款湯底及麵食。十分有趣，一碗大概兩口吃完，但其實吃完五碗也挺飽足的自選船麵（三餸$52）這是一款大碗的船麵，這次選了牛丸、炸魚蛋、扎肉、金邊粉，牛湯。餸菜很隊，每款丸均有三顆，扎肉也好吃夠大片，份量挺大。金邊粉質地夠彈口，唯一失色是牛湯不夠濃郁，不算很出色。