篤篤船麵 (V Walk)

營業中

休息中

#篤篤船麵 很懷念泰國的船麵，馬上行動😋牛辣湯肥牛薯粉: 很辣，比冬陰公更辣，惹味，薯粉係幼身嘅冬陰公炸魚片金邊粉: 椰味重，如果酸辣味再強些少會更喜歡鴨血配芽菜: 鴨血是滷水的，爽口，好味，要encore 炸春捲: 皮薄酥脆，唔點醬都好食===========📍 深水埗深旺道28號V Walk 2樓147號

岩岩喺泰國旅行完番黎，但個心就一直掛住泰國嘅粉麵同小食🤤。喺OpenRice search到呢間位於南昌V Walk嘅”篤篤船麵”，仲見到有我最愛嘅船麵呀，畢竟香港賣船麵嘅地方唔多，所以點都要黎試下！一坐底就見到船麵menu，跟order車仔麵嘅方法一樣，自由選擇個人喜歡嘅湯底、麵底和餸。老闆好貼心呀，可揀一set3碗/ 一set4碗/ 一set一大碗，大家可按當日嘅肚餓程度作出選擇。而今次為左試多幾款唔同湯底，揀左1set4碗。牛骨辣湯同冬蔭公湯最為香濃，而麵底方面，我就最鍾意彈牙嘅全蛋麵。除左船麵之外，餐牌上仲有多種泰式小食。 炸蝦餅魚食，彈牙可口，配泰式辣醬一流！而青木瓜沙津就偏辣，店員上菜時都有提醒個沙津汁有點辣，建議逐少加落沙津上面。如果真係太辣配埋泰國椰青水，好解辣ga!

第一次行呢個新開嘅南昌商場， 睇過D 餐廳最想食就係呢間篤篤船麵、因為之前未試過同類型嘅餐廳對我呢啲貪心又有選擇困難症嘅人，最啱就係揀四款迷你船面！試咗嘅餸有鴨血、豬腩肉、肥牛同扎肉； 麵款試左全蛋麵薯粉同金邊粉；湯底就試咗牛湯、豬湯、豬辣湯同冬陰公湯店員建議食咗全蛋麵先！ 感覺真係好得意！總括而言，本人較喜歡牛湯（較濃味）鴨血、扎肉、全蛋麵及薯粉媽媽叫左一碗三餸薯粉（唔記得影相）比一般我哋食開嘅車仔麵嘅餸較少！咁似乎四碗船麵較抵吃另外叫咗個邪惡小吃炸豬皮，$8 好抵吃同埋一個樽裝椰子水，無特別

近月，南昌站開了新商場，當然要去逛逛，順便睇吓有冇好嘢食。商場位於地鐵站上蓋，有專屬出口，就算雨天前來都不需雨傘。場內有廿多間餐廳、食店、飲品店，各有特色，選擇蠻多。雖然曾到泰國旅行，但未曾嚐過船麵😅，商場正好有一間專賣泰國船麵的餐廳「篤篤船麵」，當然要試吓，順便一嚐心願。餐廳面積不大，枱子雖然比較密，但不算焗促，牆上掛有泰國的相片及靚靚圓碟，配上七彩的木板凳，蠻有特色。船麵分大碗及細碗，均可自選配料、麵底及湯底，如果有選擇困難症，那大碗特式船麵 - 「泰式牛魔王」及「泰式豬八戒」就幫到你，前者是全牛配料，後者則是全豬配料。除了船麵，還有泰式小食及飲品。🔶 青檸梳打來自泰國的蘇打水，超多氣泡，水杯內冰塊夠多且凍，但青檸只得薄薄一片（約0.2cm厚），有點吝嗇。🔶 魚餅泰式魚餅，味道不錯，有少少辣味。🔶 細碗船麵豬肉丸全蛋麵（上）、札肉金邊粉（左下）及炸魚片米線（右下），三碗都是配豬湯底，朋友覺得札肉比較好味，只是無論麵及粉，都比較硬身。🔶 泰式牛魔王話明是牛魔王，當然係🐮🐮🐮，配料除了有肥牛、牛丸及牛栢葉，還有豆卜、蘿蔔、炸豬皮、通菜及炸蒜（其實還有莞茜，只是剔走了），材料豐富，配上金

見食評唔錯就趁著平日午飯試一試。老實說，食評偏向正面令兔小姐有很大期望，結果就更失望了。點餐有2種選擇，第一種是細碗船麵，每碗可選一款餸+一款麵+一個湯底。第二種是大碗船麵，選一款麵+一個湯底+3款餸。香港地有細碗船麵的餐廳不多，就試試細碗麵！一碗$13，4碗$48。兔小姐點了4碗。款式選擇都算多樣化，有選擇困難症的可能要傷腦筋。4碗分別是豬腩片+薯粉+冬陰湯鴨血+金邊粉+豬辣湯魚片頭+米線+豬辣湯豬潤+河粉+豬湯每一款餸都只有2件，麵的份量對女孩子來說是足夠的，男孩子的話可能要吃5碗。份量偏少不是最大問題，重點是食材欠質量，每款餸都沒有味道，各種麵食也不出色，麵不夠滑，米線薯粉都是便宜貨，湯底方面，冬陰公不提介，完全沒有冬陰公味，只知道好辣，辣豬湯又是好辣，只有豬湯是正常，有船麵湯底的濃厚感覺。另外明明在紙上寫了4碗船麵，竟然有漏單情況，店員只下單2碗，同一張紙同一頁都可以看不到犯錯，可能午餐時間太多客人吧。總結來說，$48在商場吃個午飯不算貴，但質數有待提升。如果有一班朋友來可以試試放到一枱都是麵，吃完後把碗疊得高高的來過過癮。

朋友知我鍾意食泰國野，有日佢黎V walk見到呢間篤篤麵排哂長龍就即刻通知我。 我特別選平日下午去食，因為唔想排咁耐隊丫嘛餐廳的裝潢設計風格好正，連坐的椅子都配上不同顏色，未食食物，見到個環境都會開胃D呀細碗船麵的點餐紙芒果泰妹蘭香籽 微酸少少甜配上蘭香籽的咬口，好飲泰國椰子水相信唔少人都飲過，不用介紹啦⋯⋯豬腩片薯粉配牛辣湯薯份十分爽口，腩片肥廋適中豬潤乾河粉配豬湯豬潤一般般啦鴨血米粉配牛湯肥牛金邊粉配豬辣湯肥牛一點都唔肥，但食落又唔會’鞋’大合照木瓜沙津配泰式脆皮燒腩脆卜卜！脆卜卜！脆卜卜！重要的野真係要講三次好耐無食過每一件都脆卜卜的腩仔，響聲清脆過食薯片囉木瓜沙律正常，不過不失見到都覺得脆卜卜，我又流緊口水囉唔該總結： 湯底係辣湯好飲D ，清湯對於口味重的我略為清淡左少少。整體黎講係值得一試

琴晚7:30同男朋友去V Walk，見呢間門口都幾多人排隊，就過嚟睇吓Menu，原來係比較罕見嘅泰北菜。。男朋友叫咗呢碗牛魔王，份量比想像少，特別湯明顯唔夠；雖然佢話味道OK，但係份量實在太少，佢食完都話剩係得半成飽，最後要加多幾碟小食先夠。。而我就叫左四碗唔同嘅船麵，整體黎講呢到蛋麵、米粉同金邊粉都ok，但薯粉口感同平時有d唔同，相對比較一般。。呢度裝修比較似大排檔，不過整體服務質素唔錯，只係去到嗰時原來冬陰功湯已經賣晒，有啲失望，希望下次可以試

今日放工又去V walk 商場搵野食，呢個新商場實在太多美食了，真係要花啲時間先食得晒所有食肆，行過見門口大電視嘅食物相已經相當吸引，內裏裝修顏色豐富、就去試一試點餐紙上一面是大碗麵，一面是四小碗麵，店員介紹四小碗麵、可以一次過試晒唔同嘅選擇，最啱我呢啲三心二意又為食嘅人麵底有乾河粉，金邊粉，米粉，薯粉，全蛋麵任君選擇，至於湯底有牛湯，豬湯，牛辣湯，豬辣湯，冬陰公湯肥牛米粉牛湯豬肉丸金邊粉豬湯牛柏葉薯粉牛辣湯炸魚片乾河粉冬陰公湯雖然份量小小，但每款湯底有驚喜，尤其是牛辣湯同冬陰公湯，小辣帶微酸，令人胃口大開，配料新鮮，麵同樣做得出色另外點左個炸蝦餅，外表炸得金黃薄薄的蝦餅，食落酥脆可口店員推介只限晚市才有木瓜沙律配泰式脆皮燒腩，只睇賣相已經感受到燒腩皮嘅脆，急不及待夾一塊點上醬汁送入口，果然腩皮鬆脆無比，連坐係旁邊的友人聽到脆卜卜的聲音都立即試試，木瓜沙律味道清新，可減少腩肉油膩感，店員真是好推介食物有驚喜，船麵嘅水凖跟我係清邁嘅時候食嘅果種又地道又便宜嘅船麵不相伯仲，值得一試

今日又去V Walk 搵食～～～試下在Openrice 排第三位的V Walk 食店「篤篤船麵」～～～果然受歡迎，雖然今天係平日的星期二，但都坐無虛席，要排隊等入座⋯⋯看到這兒的Menu, 主要食泰式「船麵」為主有大碗$48 、亦有細細碗$13； 小食都是十幾廿元，認真抵食枱面上有很多不同泰式醬料先試一個大碗「牛魔王船麵」HK$48餸有肥牛、牛丸、牛栢葉；湯底係牛湯船麵；粉麵就選了金邊粉～～～味道不過不失，係牛丸幾好味不過金邊粉口感麻麻，不夠「滑」我最其待的「小船麵套餐」HK$48 來了可以一次過試四自由組合的細船麵，夠過癮四碗組合分別係:1. 魚蛋+米粉+牛湯- 魚蛋味道不錯、但米粉粗佐D、沒彈性、口感麻麻、牛湯味道較濃2. 豬膶+ 薯粉 + 豬湯- 豬膶不過不失，豬湯最好味、鮮甜；但薯粉沒有彈性、口感不好3. 栢葉+金邊粉+牛湯- 栢葉OK，但金邊粉不夠滑4. 鴨血+ 金邊粉+ 冬陰功- 鴨血味道OK，不過冬陰功湯太辣，辣得蓋過香矛、南薑的香味小食點了「蝦餅」HK$16這個味道不錯，炸得香口有彈性「鴨血拼芽菜」HK$19味道OK 啦，但此終不及台式鴨血野味。「青檸梳打」$16 杯都

上星期同朋友去開深水埗，仲想食個譚仔小辣，但已經食過好多次，所以就揾下附近有咩麵，然後就發現深水埗有船麵！ Lee個船麵竟然48紋有4碗細船麵，所以1次過叫左4個口味! 肥牛金邊粉平時食開pad thai係乾身，今次就係濕ge，有濃ge湯底而粉有咬口，細碗小食多滋味（4/5） 豬腩片金邊粉雖然係豬腩肉，但肥瘦適中，我鍾意豬腩肉多過肥牛，因爲多肥肉：） （4.5/5） 牛丸蛋麵肉丸彈牙，肉質鮮嫩，如果多幾粒就好la，好好咬 （4.5/5） 牛百葉薯粉牛百葉爽口，薯粉較金邊粉彈牙齒 （4/5） 青檸梳打梳打Singha Soda我自己去泰國都飲過，配埋新鮮青檸，好清新 我覺得如果鍾意船麵又想試多d geh人可以黎試下!

旅行返左香港有排，但都仲好想泰國野特別係是泰國旅行成日都可以食到嘅傳統泰國船麵，傳統泰國船麵真係一樣食極都唔好會厭嘅野食，跟住咁岩見到新商場入邊有一間專門食傳統泰國船麵嘅舖頭, 呢傳統泰國船麵麵賣相都算接近泰國風味，細細碗咁，雖然係細細碗但無令人失望，牛湯嘅底夠晒濃厚牛肉味道夠晒重,牛肉質素都ok，唔會太差麵底方面我自己揀左金邊粉，金邊粉是一種泰國經常係泰國食到嘅粉，夠晒吸湯入口有口感總括而言味道賣相都令人滿意，牛肉湯再濃啲就更好，同埋個價錢都唔算貴 

新商場日日都經常行過呢間泰國野，外邊睇落同一般餐廳個風格都幾唔同，我都未食過一間以船麵做主題嘅泰國餐廳, 今日自己終於得閒啲路過可以食下lu。為左配合番餐廳主題我就叫左4小碗，因為係泰國都係咁食的而唔係一大碗咁食。呢度個麵底選擇都真係有好多款揀下,我揀左金邊粉,全蛋麵，薯粉河粉。仲另外加左個小食。呢度既金邊粉,全蛋麵，薯粉，河粉同泰國一樣都係即叫即煮,師傅唔會煮得太淋。湯底都好香濃，味道正宗。而且配料選擇都多，個人推薦鴨血，肥牛，因為呢啲配料都好配合到個湯底小食方面我地叫左蔗蝦都好有驚喜。真係入口都好惹味下，中間支蔗又甘甜。下次黎一定要再試其他小食! 

Lunch平時同同事都係西九食算，但今日好想食麵，同事就帶左我黎食船麵，加上糧尾，48蚊四碗，勁抵食同同事share，一人食兩小碗，就已經好飽肚。一碗扎肉，一碗鴨血，一碗豬肉丸，一碗牛柏葉，牛柏葉配薯粉，配埋辣湯，酸酸辣辣咁，係夏天好開胃，牛柏葉加上薯粉又爽口。鴨血一D都唔腥，平時少食內臟既同事都接受到。扎肉同豬肉丸都好彈牙，扎肉既河粉都好香口，好滑嫩，每人share其實都好夠飽，同埋又可以試到唔同既野。

泰國篤篤船麵今日同媽媽放假行街，之後坐地鐵去咗V walk到行下新商場，行完之後就開始去附近搵嘢食媽媽講起之前Facebook有介紹到銅鑼灣有一間船麵，今次見到又係大熱船麵所以就過嚟試吓餐廳環境雖然唔算太寬躺😌但係香港地租昂貴，其實迫少少都已經算係好合理是泰國的勞動階層普遍嘅食物，之前喺泰國食都係細細碗，每碗都是幾啖食完但呢度同泰國一樣都係有分大碗同埋細碗腩肉金邊粉 滿滿泰國風味，湯底味道濃郁，可以自行選取金邊粉、米粉、河粉、油面燒腩仔做到肥瘦相間，咬落啖啖罪惡咁，但又停吾到口🤣

早幾日同朋友去行南昌嘅新商場v walk，畢竟係新商場人流唔算多，而且都幾好行，我同朋友都差唔多逛足一日。經過見到呢間食泰式船麵嘅都幾吸引，細碗仲要只係$13，所以就入去食個lunch。呢碟肥牛金邊粉湯底牛肉味濃郁，但又唔會太油膩，金邊粉吸收晒湯底嘅精華，味道不錯。鴨血全蛋麵 冬陰公湯底豬紅就食得多，鴨血就真係相對少見，朋友叫了個鴨血全蛋麵，再揀左冬陰公湯底，湯底酸酸辣辣咁越食越開胃！小食方面分別叫了蔗蝦同蝦餅，每樣都只係$16，兩樣小食送上來嘅時候都夠熱辣辣，蝦肉爽口彈牙，蔗亦清甜，另外蝦餅亦炸得香脆可口，今餐簡直係物超所值！