築間幸福鍋物

一直想試下依間台灣野火鍋今天休息終於過黎試左，D侍應都服務幾好，帶位，同我介紹數code落單，最平88蚊吃半自助火鍋（未計加1）,個鍋底我被果個石頭鍋吸引，因為佢下面話已經賣左500萬份，系所有鍋底最多份的，主食叫了烏冬，主菜叫了羊肉同鱸魚，飲野沒有得選甜度净系可以選冰多少冰，落完order就去自助區攞醬料，有沙茶，蒜，蔥，醬油等等，等鍋底黎左就攞自助區的菜，有平菇，海鮮菇，生菜，油麥菜，大白菜，墨魚滑和蝦滑，丸子類等等，果兩個滑都幾好吃，環境都唔錯，座位都舒適，唯一不足的是客人多的時候自助吧可能就逼滿人攞野食要等，同埋侍應加湯唔夠主動。

在台灣大受歡迎，一年銷售 900 萬鍋的國民火鍋品牌「築間幸福鍋物」海外首店設於香港，選址交通便利的旺角區；裝潢以淺木系為主調，雅緻舒適富空間感-除「鎮店招牌石頭鍋」及「鮮菇奶香湯」外，提供十款可供飲用的鍋底選擇；套餐 $165 起附湯底、主食、飲品、甜品及任食 33 款蔬食自助吧，用餐時間 100 分鐘；午市主餐及自助吧任食更低至 $88 起-自助吧除蔬食外，更有牛滑、蝦滑、蛋餃、多款丸類、鵪鶉蛋、豆腐、木耳及芋絲等，食材新鮮；當中個人推介有牛香出眾又爽彈的牛滑及粉糯而芋香濃郁的芋頭-🔹海陸總匯鍋 (大) $420配板腱牛 200g、鎮店招牌石頭湯 (+$22)、粉絲、冬瓜檸檬及芒果奶酪石頭湯加入洋蔥、蒜頭、魷魚乾及乾香菇炒製，再加入築間原湯及自行研製的昆布高湯，味道鮮甜富層次海鮮包括三款活魚、蠔肉、蜆肉及大蝦；活魚鮮味而油脂豐腴，蠔肉飽滿細滑，蜆肉鮮甜富海水味道，大蝦厚肉鮮甜又爽彈板腱牛緊實有嚼勁帶不俗的肉香，脂肪比例低；冬瓜檸檬味道平衡又解渴，甜度不高；芒果奶酪加入不少新鮮水果，奶酪輕酸細滑美味指數：9/10-🔹霜降牛肉鍋 (小) $240霜降牛肉 120g、鮮菇奶香湯、奶茶 (

超正今日同事帶食新野，雖然係炎炎夏日，但都無阻我地想打邊鍋既熱情，仲要係佢係台灣一年銷售900萬鍋既火鍋品牌，仲要係海外首間係香港既分店，仲要套餐超抵食，咁吸引點會唔黎試下呀。一黎到就見到場地好雅緻，一啲都唔亂同邊爐既一大陣味。 蔬菜區好多新鮮蔬菜，台式特色既丸類同小食，最緊要係個雪櫃夠凍。我地坐底就叫左連湯底既套餐，分別係冷藏手切溫體牛肉鍋同日本A5和牛鍋。 套餐竟然只比單叫貴幾十蚊，咁梗係套餐抵啦。 套餐仲包飯，麵，蛋，茶飲1杯，同菜丸任食。 黎到一人一鍋，衛生又好味。 我地都簡左鎮店招牌石頭湯，原來係魷魚乾同好多乾菌類既湯，好清甜解膩。 牛肉黎到好新鮮，冷藏溫體牛夠厚身，而且又唔會硬，夠鮮味。 而A5和牛就出奇地大塊同多，每塊都有成個鍋面咁大，真係好抵。 茶飲簡左鳳梨冰茶，冬瓜檸檬，真係好消暑，透心涼。 最後仲有甜品，係黑糖白玉奶酪同焦糖布蕾，又係好味到要食晒，真係飽到返唔到工。 呢間真係好值得食既平民台鍋。

老公成日睇到網上宣傳好似好正咁，所以係咁話想試呢間火鍋店，終於安排到今日去啦~ 我都上網搵吓到底佢有咩咁巴閉，原來佢響台灣一年賣咗900萬鍋，除咗台灣本土之外淨係開咗過嚟香港，講到咁西利搞到我都對佢有啲期望，好彩結果都冇令我失望首先湯底已經有好多選擇，好彩係一人一鍋有得試兩種味，花多眼亂之下我地揀咗招牌石頭同埋麻辣奶香湯底，同啲食材都好夾，尤其是石頭湯飲得出係用蒜頭同洋蔥煲，所以好清甜同百搭~ 食材方面都好特別，有白玉苦瓜同埋紫色嘅娃娃菜，我咁大個人都係第一次見到後者，雖然食落同平時綠色嘅娃娃菜分別唔大，不過視覺效果真係一流另外肉同海鮮用料上乘，食落新鮮，不得不提蒜片豬油飯都係必叫之選，好邪惡不過真係好香口~ 最後因為我哋係假期嘅午市黎食，埋單每個人差唔多$400有少少貴，不過真心高質嘅~ 重點係店員同我哋講原來平日過嚟午市任食100分鐘最低$88起咋~ 所以下次我諗我都會平日嚟食

這裏的裝修環境很舒服很乾淨～店員都是台灣人，台式的口音～服務超親切，聽著真的好像置身台灣一樣！而且午市套餐由$88起～餐廳採用一人前鍋，湯底共有10多款，再食材有幾十種，包括牛肉、海鮮、豬肉、家禽及羊肉，自助吧大約有30多種食材無限任食，跟餐更附送白飯、飲料及甜品，還有些單點的選項～食物推介超嫩牛板腱肉質較硬，油花比較少，筋絡分布較多，口感比較扎實，牛味超濃。冷藏手切松阪豬肉口感特別脆又富有油脂的口感，質地細膩，超推介這個！任吃‼️手工蝦滑颗粒饱满的蝦肉，保留了虾肉的原汁原味，口感爽脆。不會有過多的調味，而且在自助區可以任吃的！必試！

近期香港開咗幾間新式台灣餐廳，都無咩時間食。加上家母成日都話想食台灣菜，藉呢個機會就放假同佢去食😛呢間台式火鍋係台灣都好出名，一年銷售900萬鍋。餐廳有日本A5和牛、伊比利黑豬、走地雞、羊肉、海鮮等多款套餐 啱晒一班口味不同嘅人 套餐附有湯底+主食+任食自助吧+飲品+甜品🍮 用餐時間100分鐘 餐廳呈日本木系風格，好似係森林🌳開餐🤣湯底有13款可選，有好多特色湯底。我哋今次揀極上無骨牛小排鍋 （120g)$360台式麻辣湯+$38主食配粉絲+阿里山烏龍冷泡茶牛小排半肥半瘦，雪花紋均勻佈滿，肉質較嫩。麻辣湯十分香濃，辣度應該係小辣。入面附有鴨血+豆腐，浸住湯十分夠味，鴨血質感滑捋捋。呢個湯底最啱淥肉類，夠晒味愛辣人士要encore👆🏻冷藏手切溫體牛肉鍋（200g）$360鎮店招牌石頭湯+$22烏冬麵+蜂蜜檸檬水石頭湯係加入魷魚、乾貝、洋蔥、乾蔥、乾冬菇同芝麻油一齊爆炒，後再加入鰹魚清湯煲熬湯底十分香，濃郁海鮮味，最啱烚蔬菜🥬溫體牛肉色澤紅潤，感覺好新鮮。肉質軟滑，牛味香濃，肉味對比牛小排較重口味。呢款較有驚喜🤭🤭 自助吧有33款選擇你揀，有唔同類的蔬菜🥬丸子、海鮮滑…第一見有苦瓜選擇，白

📍旺角台灣過江龍，今日終於有時間過嚟試吓。同朋友一人揀咗一鍋再share。都食到好飽。呢度其實主打一人一個鍋，配埋肉類。之後再有自助區，俾大家揀。澳洲黑毛和牛霜降鍋$430 澳洲黑毛和牛霜降鍋+$30爆炒龍蝦湯 粉絲阿里山烏龍冷泡茶焦糖布蕾龍蝦湯好鮮甜，聞到勁香，有好多配料增加香味，如果普通一個湯都要加20幾蚊，咁佢$30就唔算貴。粉絲係用咗傳統粉絲，黑毛和牛比較貴，但係真係好食好多，肉質比較柔軟。最出乎意料係焦糖布蕾竟然勁好食，係近期食到個最好食嘅焦糖布蕾！$360.0霜降牛肉鍋 大+$25 鮮菇奶香湯+$35雪蟹膏鮭魚卵拌飯蜂蜜檸檬水冰淇淋🍦霜降牛肉比較肉味濃郁，有口感。鮮菇奶香湯出色，好香嘅奶味。另外加錢要咗個蟹膏拌飯，都係好出色，一定要加。蜂蜜檸檬水甜筒啱啱好，好似去咗夜市飲緊咁。雪糕都好香滑，最欣賞佢面頭嘅脆棒，真係脆嘅，唔會係放咗好耐。

來自台灣的過江龍「築間幸福鍋物」，全台灣超過130間分店，裝修木系簡約，一人一鍋，湯底正😍和牛、海鮮都高質！店員都係台灣人，好有禮貌，會主動加湯，坐得舒服，想打邊爐嘅話真係要試吓😎呢度嘅套餐包咗鍋物、主食(例如烏冬、粉絲、米飯)、飲品(例如冬瓜檸檬🍋蜂蜜涷檸水🍯) 和甜品(可選擇焦糖布丁🍮或雪糕🍧)，同埋任食自助區好新鮮嘅蔬菜🥬和丸類🦑🐟，選擇都幾多元化。🔸️日本A5和牛鍋🐄A5和牛真係好嫰滑，雪花好靚❄️入口即融。我地揀左奶白色嘅鮮菇奶香湯🤍湯底太正，可以先飲幾啖先再滾牛肉，和牛肉真係好夾，好滋補。🔸️蛤蜊草蝦鍋🦐蛤蜊好新鮮，草蝦都幾大隻，爽口彈牙！揀左日式柴魚乾貝清湯，入面真係有幾多乾貝！幾清甜，可以帶出蛤蜊和蝦嘅鮮味😌甜品揀咗焦糖布丁、雪糕各一自助區環境舒適，多人約會都可以📍 #築間幸福鍋物 (#旺角美食)#旺角 砵蘭街240-244號文華商場1樓C號舖

築間幸福鍋物⭐️正宗嘉義砂鍋魚湯⭐️鮮菇奶香湯⭐️冷藏手切溫體牛肉⭐️松阪豬肉⭐️雪蟹膏鮭魚卵拌飯⭐️士多啤梨奶酪⭐️芒果奶酪⭐️阿里山烏龍冷泡茶⭐️蜂蜜檸檬水有新嘅台式火鍋店黎左香港，聽講係第一間海外分店。餐廳嘅裝修係行木系風格，個人覺得定價比起一般火鍋店貴少少，不過佢嘅湯底同食物選擇都幾多。我哋叫咗兩個套餐，分別係手切溫體牛肉同埋松阪豬肉，兩款肉都係超厚切，用嚟打邊爐口感十足。湯底方面選擇嘉義砂鍋魚湯同鮮菇奶香湯，砂鍋魚湯嘅味道幾特別，有少少似小炒再加咗湯落去，味道會偏濃郁一d。蔬菜丸類喺自助吧度可以任拎，選擇都幾有台灣特色，例如有甜不辣、米血糕等等。而且好有趣嘅係我發現店員都係台灣人，如果有人掛住台灣都可以嚟呢度感受一下啊！

朋友約食飯，見啲食評幾好就試下啦，點知係伏黎嘅🥴book位冇提醒係限時得100分鐘，去到先知😵‍💫餐具洗唔乾淨，明顯有一層上手用過嘅痕跡乾左喺度🫠飲品正常嘅，叫左兩牛一豬，價錢同肉質感受唔到係值呢個價，人均400幾蚊😒最神奇嘅體驗係食100分鐘總共跳左4次掣🥺即係停左4次電，我地已經唔想食落去，嗱嗱林食埋個甜品，喺第5次跳掣前離開😵‍💫甜品揀左雪糕唔好食，但又未到難食黎形容，服務係唔錯嘅，但完全彌補唔到成個用餐體驗，佢令我去台灣都唔會想食呢間野😮‍💨

今日同朋友去「築間幸福鍋物」打邊爐，呢間台式火鍋店我想食好耐，但之前係台灣一直無機會食到😭今日得償所願😍 佢位置好方便，地鐵站一出就係，就喺朗豪坊對面！佢整體裝潢係採用日式木系風格，俾人嘅感覺好舒服，而且佢坐位好寬敞。而店內的店員係台灣人，佢哋好努力用廣東話同我哋溝通，亦都好sweet同有禮貌❤️時不時會問我哋使唔使幫手加湯？我想講，佢哋加湯時會幫你加返同一款湯底，唔係加水，超好😍介紹下先，佢哋用餐限時100分鐘，不過如果店舖唔繁忙，都可以繼續坐！佢哋套餐係自己揀湯底＋不同肉類/海鮮＋主食＋飲料＋甜點，價錢由$165起！另外，佢仲有平日午市套餐，價錢由$88起！另外仲有大約33款嘅蔬食自助吧，有好多台式嘅食物，例如：蛋餃、甜不辣、米血糕等等。全部都好正❤️而菜既種類都好多好特別，而且佢擺得好整齊，感覺好治癒🥰醬料嘅種類都好多，而且有啲係自家調配嘅醬汁👍🏻湯底我哋叫咗⬇️♦️鎮店招牌石頭湯：使用乾貝柱、魷魚乾、洋蔥🧅、冬菇、蒜頭等食材爆炒之後再加柴魚高湯而成的♦️台式麻辣奶香湯：如果好似我咁，想食辣又怕太辣，就可以叫台式麻辣奶香湯，佢入面會有豆腐同鴨血，好足料👍🏻而跟餐肉/海鮮我哋就叫咗⬇️♦️霜降牛

知道這間在台灣很有人氣的火鍋店在旺角開了第一間分店，所以今天約朋友一起來試一試。築間幸福鍋物在台灣非常有名，一年銷售900萬鍋火鍋，這是他們第一間海外分店。今次點選了兩個套餐，每個套餐都附有有湯底＋主食＋任食33款蔬食自助吧100分鐘＋飲料＋甜點。▶️ 海陸總匯鍋 200g $420這個套餐包括了一個海鮮拼盤，和一盤雪花豬，海鮮拼盤內有兩款魚塊、鮮蝦、生蠔以及大蜆，全部都非常新鮮。雪花豬肉質爽口彈牙，很不錯。這款套餐我們選擇了爆炒龍蝦湯做湯底，湯底龍蝦味非常突出，內裏還有鮮蝦作配料。▶️澳洲黑毛和牛霜降鍋 200g $480這個套餐包括了一盤黑毛和牛，牛肉的雪花10分均勻，肉質很嫩滑。這款套餐選擇了麻辣奶香鍋，鍋內附有鴨血和豆腐，鴨血非常嫩滑而豆腐吸收了麻辣湯後非常好吃。套餐還包括了主食，飲品和甜品。主食方面，選擇了王子麵以及加$35雪蟹膏鮭魚卵拌飯，王子麵放進龍蝦湯內煮非常吸湯，很好吃，而蟹膏貴魚卵拌飯亦非常值得加錢吃，蟹膏非常濃郁。飲品方便選擇了冬瓜檸檬和阿里山冷泡烏龍茶。甜品方面選擇了黑糖白玉奶酪和焦糖布蕾，個人很喜歡黑糖白肉玉酪，味道很特別。以上之外，在外面還有醬料包和超過33款蔬

以前係台灣讀書已經有聽過 不過以前係窮學生 永遠都係自己煮飯食 出左社會見佢開到出旺角 近近地 咁岩同男朋友路過附近 價錢相宜 當然唔好錯過佢😎真係無令人失望 小弟才疏學淺 淨係想表達啲食材好新鮮好正 好少係放題食到咁爽口咁甜既菜 仲有蝦滑墨魚滑任拎 好足料好好食 甜品好精緻 味道唔差 本身唔太好甜 佢唔係好甜😎絕對推薦各位趁佢人少少既時候快啲去試左先 見佢有個閒日午市套餐 已經盤算緊下次就閒日過黎隊佢兩鑊 同埋佢會員一新開就可以送多盤肉 都大推

來自台灣過江龍的火鍋店，在台灣是知名的火鍋連鎖品牌，提供蔬菜自助吧100分鐘任食，本身會配固定份量的肉類，自己再選擇主食、甜品及飲品！而且是一人一鍋，可以揀選自己喜歡的湯底😍⤫ ⤫ ⤫ ⤫ ⤫ ⤫ ⤫ ⤫ ⤫ ⤫<日本A5和牛鍋> $450 /120g<板腱牛肉鍋> $180 /120g肉類有齊牛、豬、雞及羊肉，設有不同價位及質素的選擇，不吃肉的話可以揀海鮮火鍋！湯底方面有十多款口味，最主打是鎮店招牌石頭鍋，在台灣年售500萬鍋，味道偏重肉湯！而老佛爺雞白湯會帶點藥材味，湯底本身有雞腿肉！日本A5和牛價錢雖然較貴，但物有所值！和牛入口軟嫩，而且牛味濃！而板腱牛肉性價比高，質素也不錯的🤤最後甜品選了黑糖白玉奶酪及蜜瓜雪糕，兩款味道都很好！

來自台灣嘅築間幸福鍋物，一入到去餐廳就聽到好標準嘅國語，好似瞬間飛到台灣一樣，店員服務都好好。分別叫左極上無骨牛小排鍋同海鮮總匯鍋。另外配上鮮菇奶香湯同鎮店招牌石頭湯。鮮菇奶香湯奶白色嘅湯底，聞落奶香味超重，入面嘅鮮菇加埋湯底一齊煮，食落好香甜甜的。牛小排色澤好靚，食落肉味香濃，加落鮮菇奶香湯到煮後特別香甜，但又唔會蓋住肉嘅味道。推介加埋粉絲落去鮮菇奶香湯到煮，粉絲索哂個湯嘅奶香味，好有味道超正。鎮店招牌石頭湯聞落有蒜香味，湯入面有魷魚乾同埋菇，煮滾左之後味道更香。海鮮超級豐富，有魷魚 蝦 蜆 蠔同魚。食落所有海鮮都好新鮮，蝦咬落好彈牙，蠔嘅鮮味都好重。加落石頭湯到煮就保留到海鮮嘅鮮味。跟餐嘅蒜片豬油飯蒜片好香脆，加埋邪惡嘅豬油，簡直係無敵。自助區選擇都唔少特別推薦芋頭丸，蝦滑同魷魚滑都相當足料入口彈牙。飲品就叫左阿里山烏龍冷泡茶同冬瓜檸檬。焦糖布蕾嘅焦糖面燒到好香脆，布丁既滑又香甜。