築間幸福鍋物

築間幸福鍋物⭐️正宗嘉義砂鍋魚湯⭐️鮮菇奶香湯⭐️冷藏手切溫體牛肉⭐️松阪豬肉⭐️雪蟹膏鮭魚卵拌飯⭐️士多啤梨奶酪⭐️芒果奶酪⭐️阿里山烏龍冷泡茶⭐️蜂蜜檸檬水有新嘅台式火鍋店黎左香港，聽講係第一間海外分店。餐廳嘅裝修係行木系風格，個人覺得定價比起一般火鍋店貴少少，不過佢嘅湯底同食物選擇都幾多。我哋叫咗兩個套餐，分別係手切溫體牛肉同埋松阪豬肉，兩款肉都係超厚切，用嚟打邊爐口感十足。湯底方面選擇嘉義砂鍋魚湯同鮮菇奶香湯，砂鍋魚湯嘅味道幾特別，有少少似小炒再加咗湯落去，味道會偏濃郁一d。蔬菜丸類喺自助吧度可以任拎，選擇都幾有台灣特色，例如有甜不辣、米血糕等等。而且好有趣嘅係我發現店員都係台灣人，如果有人掛住台灣都可以嚟呢度感受一下啊！