築卷 (已結業)

以前去旺中都不外乎買平衫，食撈面乜乜乜，最近嚟個小變革，引入咗幾間小食店，令大家食嘢多咗啲選擇，其中呢間手卷店引起咗我注意，因為佢賣半板海膽手卷我上星期響其他地方食咗個半板馬糞手卷，所以響呢度都買個半板手卷試試先～就咁睇都好大份，好多海膽，好似雪糕而且粒粒海膽都好分明，咬落去，紫菜係脆嘅，值得嘉許！至於海膽，口感尚算滑身，不過我嫌佢食耐咗味道會略澀，另外海膽份量真係唔少，食到尾都仲有少少海膽，不過我個人嫌飯嘅比例多咗啲，減少啲飯會開心少少～呢個半板海膽手卷45蚊，份量唔少，都算值呢個價嘅～但同之前響另一啲地方食嘅馬糞手卷嘅價錢同味道相比，就無好大意欲食多轉啦～不過想過吓海膽口癮嘅你，呢間都可以一試㗎最後送上價目表做參考～