影片
相關文章
144 瀏覽
舅父仔已多年冇喺香港慶生，家庭飯局中明顯XO仔最有心，一早就喺公司附近間「簡品堂」訂定生日蛋糕為佢暖壽！餅舖面積唔算好大，但勝在地方整齊，空間感足。除咗麵包之外，透明玻璃雪櫃陳列出不少原個蛋糕。小肥早於網上鎖定目標蛋糕，加上友善嘅收銀姐姐效率高，五分鐘內即成功訂購。取貨當日落大雨，姐姐仔仲加多個膠袋保護，當真細心體貼得很！夜醉金迷蛋糕（$618/七寸）：舅甥年紀相若，從小便一齊飲酒，見到個蛋糕人人都話好啱feel，姨姨姨丈們都勁爆笑，最令人疑惑嘅就係究竟蛋糕面樽酒飲唔飲得呢？！其實樽酒真係液體黎嘅，無奈在場冇人扭得開個蓋，結果就引證唔到。當晚家人暢飲狂歡，細佬都係之後先發現冇影到個薄荷朱古力餡，只係記得個蛋糕輕盈鬆巧，一層淺綠色嘅薄荷層隔住一層朱古力，傳出嘅薄荷香好清新，整體微甜不膩滯。連鎖西餅店「簡品堂」光鮮企理，服務優良，蛋糕款式相當精美，誠意推介清新可口嘅薄荷朱古力餡。
繼續閱讀
2025年2月5日 星期三呢日喺灣仔附近收工，準備搭巴士返屋企嘅時候，竟然見到灣仔道開咗簡品堂既分店之前淨係食過旺角東既分店，一直對佢嘅麻糬包念念不忘，咁啱俾我撞到就梗係入去幫襯啦，未入門口之前已經見到門口側邊擺咗放滿曲奇餅嘅櫃同放滿甜品嘅凍櫃曲奇餅嘅櫃真係放咗好多唔同款式嘅曲奇餅，除咗手唧曲奇之外，仲有好多特別款式嘅曲奇，例如竹炭芝士曲奇、斑斕曲奇、烏龍茶腰果曲奇等等，都真係花多眼亂入面嘅情況就更加誇張，有好多種唔同款式嘅麵包同食物，有近期大熱嘅開心果脆脆朱古力包，亦有最新推出嘅法蘭克福腸鹼水結，全部都好吸引，最後決定每樣都要少少嚟試吓，返屋企同屋企人一齊分享一返到屋企打開包裝拎食物出嚟，屋企人都嚇咗一跳，因為賣相真係好靚，同埋冇諗過我買咗咁多，但真係好想試勻晒全部食物首先有唔同味道嘅糯米糍，無論係榛子脆脆或者大甲芋泥脆脆，一咬落去都充滿餡料，真真正正做到皮薄餡靚，芋泥味唔算太甜，芋頭味幾出，食完都唔覺得好膩跟住有麻糬QQ球，最驚喜係近期大熱嘅開心果味，因為外層已經有好多開心果碎，咬落去裏面仲有好大嚿麻糬添，口感十分豐富呢個係杜拜開心果脆脆朱古力包，又係另一款有開心果既產品，同麻糬QQ球好唔同，呢個開心果同朱古力包好夾，個包咬落好鬆軟然後有芝麻麻糬波波，每一粒都好大個，咬落去充滿芝麻香之餘，仲食到麻糬好煙靭最後有芋泥麻糬Tiramisu盒子蛋糕，十分足料，從外面睇落去已經見到裏面有勁多芋泥同麻糬，充滿層次感，味道唔算太甜，食埋已經覺得好滿足！！
繼續閱讀
最近香港人氣品牌「簡品堂」推出各款精美高質的賀年禮盒，為佳節更添氣氛～經過時已急不及待揀選數盒，紅色禮盒包裝十分吸睛，送人或自用都得體❣️新年帝王原味／咖啡蛋捲新年必買手作蛋捲，店家選用進口鮮牛油及新鮮雞蛋製作，條條鬆脆可口，甜而不膩，食用時可以食出啖啖牛油香和濃郁的蛋香，口感酥脆實在； 除了以上兩款口味外，亦有阿華田、伯爵茶和抹茶口味，梗有一款啱大家😍❣️新年曲奇禮盒人氣產品之一，紅色包裝適合過年，曲奇有十幾款口味，今次揀選咗其中九款，蔓越莓抹茶朱古力每一款都鬆脆可口，擁有傳統曲奇既鬆化口感與牛油濃香，重拾兒時美好回憶❣️鳳梨酥店家使用新鮮100%鳳梨，確保每一啖鳳梨酥都散發住自然的果香，讓人感受到鳳梨的原汁原味；每一盒有五個鳳梨酥，以獨立包裝好貼心，食完一個好有滿足感❣️開心果脆糖開心果控絕對不能錯過，花生脆糖我就食得多，第一次食開心果口味🤪香酥脆口不黏牙～一粒脆糖包含數十粒開心果肉，超香濃堅果力量，一口齒頰留香值得推薦❣️合桃牛油薄脆片一啖一個的薄脆片，風味酥脆香濃，嚐一口已感受到牛油和果仁蔓延到口腔每個角落；外層嘅合桃增加薄脆的口感，讓你細味薄脆的豐富層次
繼續閱讀
原本打算買麵包做早餐，居然見到開心果毛公仔出了兩個新款式，分別是小小的微笑開心果bb，及同傷心版同款的微笑樣，開心果也終於開心啦！超可愛！見到這麼可愛的開心果毛公仔寶寶，忍不住又買了開心果脆脆糯米糍，內有大份的粒粒開心果餡，綠茶味及朱古力味也不錯着，口感十足。然後買了香蔥芝士麻薯波波球，試用了微波爐叮包，真是又香又軟，內裏的芝士和麻薯都煙韌得令人感動，加上包的大小分量剛好，配上熱茶一流。最後是新出的旋風薄荷朱古力脆脆包，巨型朱古力卷，上面的朱古力波脆脆涼涼的又有口感，而內裏的濃郁朱古力醬和薄荷醬忌廉混着食，飽足感十足。
繼續閱讀
灣仔行完電腦城，無意發現一間新穎麵包店，我被佢玻璃櫃的蛋糕及西餅吸引我眼球。我就入左去行，西餅曲奇類五花八門，款式新穎，又有三文治選擇，奶茶等等，蛋糕造型美觀。焦糖夏威夷果仁糖食唔停口開心果糯米糍餡有適中碎粒開心果，甜度恰當！抹茶脆脆糯米糍，內餡有很多粒朱古力脆脆！口感唔錯！脆卡卡可頌帶有點葱香味，脆口😍香葱芝士麻薯波波，每粒波波有軟硬適中的麻薯，芝士味濃！食左一粒已感到好飽薄荷朱古力忌廉脆脆包，薄荷味重！
繼續閱讀