筷子記

營業中

休息中

今次假期專程走到去中環朝聖,試下傳説中嘅嗱喳麵之霸~筷子記..嗰名都幾得意,位置又唔錯,喺上山電梯嘅橋底。去到雖然唔駛等位,但真係人來人往,客源不絶!之後就叫左個三餸撈米粉配沙茶醬小辣三個餸分別係,豬大腸(唔夠肥,但入味)五花腩(好似鹵肉咁,唔太肥,味道可以)及包心片(呢個幾特別,魚味及豬肉味味道均衡,爽口)沙茶醬配米粉略嫌失色,可能配粗麵會好啲!

特色撈面見到咁多讚，而且又有我中意食既面，當然mark低佢要試啦呢度啲職員講野都幾大聲，嚇親朋友仔不過，我就中意佢地大大聲講野，聽佢地既談話內容又係另一番風味我叫左呢個撈面，分量對我黎講岩岩好，食完好飽魚肉-都算彈牙，有魚味炸春卷-呢個幾特別，三款餸中佢最好食腐皮-好爛，唔好食個汁甜甜地，初初食都OK，但越食越溜…建議加小辣，加左辣好食好多，但唔食得辣既人就唔好加啦，因為越食越辣朋友叫既撈米粉，唐生菜都算多。但魚蛋唔彈牙肥牛無特別呢度下午茶去到8:30，而且三餸只係$33，加$3仲有凍飲!! 抵 下次要再試其他餸先

尋日lunch約咗朋友食晏，佢帶咗我去食筷子記，話以中環來講都幾平靚正～十二點三左右，店內仲有大把位，坐低之後就開始苦惱揀咩餸。多數食車仔麵我都一定會試冬菇同雞翼/翼尖嘅，今次我就叫咗冬菇、瑞士雞翼同咖哩魚蛋，沙嗲汁撈米線小辣。（呢到有得揀湯麵/撈麵)跟住到飲品，諗住都係檸茶檸水/咖啡奶茶果d，點知佢仲有一堆特飲，跟餐只係加3蚊！所以我就叫咗個凍嘅薄荷朱古力。呢到嘅冬菇好淋好入味，咖哩魚蛋好夠辣，而瑞士雞翼味道就ok不過不失。沙嗲汁撈米線好香好惹味，米線比較軟身易入口。我仲試堆埋朋友d餸，魚蛋角同包心魚片頭同好好食。3餸麵加埋特飲都係$39，以中環嚟講都幾抵，不過一到1點就好快要走，因為開始多人等位lu。

叫左瑞士雞翼 沙爹魷魚 香菇魚扒 全部都聽講話係呢到既招牌！瑞士雞翼的確係幾入味 肉都已經煮到唔痴骨；香菇魚扒就比較有特色 平時都難見d 味道亦不錯 真係有陣陣既菇味 質感有d似潮州魚餅；而沙爹魷魚就一般咁 冇乜味比起車仔麵 呢個包反而係我既大愛！佢地既麵包好軟熟 上枱既時候仲係熱辣辣 入面夾左兩大條既沙甸魚 醬汁帶點微微香辣 冇左平時我地食既茄汁沙甸魚罐頭既單調 係每次必嗌~整體黎講 佢既價錢同質素都屬一般 不過呢間舖可以屹立得住咁多年當然有佢既特色啦 係香港你仲有邊到可以食到舊澳門既車仔麵呀？

下午茶時段去到晚上，三餸車仔面連飲品$33，特飲加$3。食過湯面同撈面，比較喜歡鼓油撈粗。餸方面推介麻辣豬頸肉、沙茶醬魷魚、咖哩魚蛋。豬扒飽$18，唔錯。性價比高！但員工態度足以令我唔會再光顧！一入舖坐高枱要小心，阿姐好鍾意喺客人耳邊大嗌。好啦，今次唔坐高枱。有位著住濕嘅透明圍裙嘅阿姐行過hi濕我隻腳，同佢講話佢整濕我，阿姐竟然答：哦！好喇，我抺腳時另一阿姐想收我碗面！我未食完架！整濕客人唔道歉仲要趕客走。當時仲有好多位，我又未食完，杯嘢飲仲有2/3！兩星期前在該店有名洋妞同竹昇妹坐我對面，尐阿姐不斷催促兩位少女落單。見兩位小姐聽唔明，阿姐就講國語... 我嘗試幫吓佢哋，竹昇妹成功圈好自己張柯打紙，咁洋妞就跟佢照圈，點知阿姐收起人哋張柯打紙... 大佬，人哋唔識中文... 事後，兩位少女話：So stressful! 阿姐簡直趕客！幾好食都唔想再幫襯，食完一肚氣！該店要好好檢討員工態度，態度惡劣足以令到客人唔想再光顧。

每次經過中環工作，如果只得自己一個，大多會在筷子記午餐，原因好簡單：一來平，二來有效率。筷子記並非普通車仔麵，它獨有澳門小食配料，例如：馬交魚羹、包心卷、路環香腐角、香菇魚片扒...另外亦有特色澳門特飲。今次點了路環香腐角, 豬大腸, 及麻辣豬頸肉，中辣湯米，都幾多蒜粒，香口惹味。主角路環香腐角是首次嘗試，有點像乾身的豆卜；豬大腸很滑；麻辣豬頸肉雖有少少乾，但不影響美味道，麻辣重，連帶湯底也帶有麻辣味，且見到有粒粒花椒每次也會點凍羅漢果茶下下火，清涼又美味。中午時段人多，一張枱可坐8人，其實頗迫。建議慕名而來的食客可等午市過後，或假日到來會坐得比較舒服。

我認～中環～除左老蘭同IFC，（不是蒲精喔～）同埋長洲碼頭and 新海濱，我識嘅地方真係唔多，今次出黎中環，都係因為較早前參加左某品牌奶類飲品嘅抽獎，話中左三奬要去領獎wor，奬品其實係＂餅卡一張＂～算啦～雖然過海車錢都蝕埋，但運氣黎嘅，領囉～順便睇下呢頭有乜好西～今次黎到嘅呢條街，次數5隻手指數得曬～全因美食指南針open rice嘅導航，眼見評價唔錯，就一於去試下！！店鋪門口舊舊地，門面細細，望入去人好多都坐得幾迫，至乾唔乾淨…就見人見智啦～本身想影張室內環鏡相，但人多你眼望我望眼，唔係甘好意思嘅⋯右邊嘅東東係我點嘅，野飲係無花果蜜，我只係見果呢度有～味道清清甜甜，飲落去喉嚨好舒服，有清熱美顏嘅感覺！洋蔥汁瑞士冀+青春魚肉腐皮卷粗麪瑞士冀燘得好入味好林，甜甜地～粗面林度適中，配合杰杰地嘅洋蔥汁好食！戲肉黎啦！Story宜家先開始！主角就係青春魚肉腐皮卷！本身見到個餸名甘Kawaii就隨便點下，一咬落去外脆內軟，仲竟然㪚發住失散多年嘅味道！記得細個果陣，我好鍾意食呢隻魚卷，媽咪會煮公仔麵放二條落去～有一次媽咪見我差唔多食哂d麪，仲浄番條魚卷未食，一句話：＂睇你都係食唔晒架喇！＂跟住一

傳說話呢度嘅車仔麵真係好好食，來親嘅人都會話食過返尋味，我就真係好想知道呢個傳說係咪真係咁勁啊。我叫左呢一個車仔撈麵，醬汁係幾濃嘅不過個右面就真係太過淋囉。淋padpad嘅面有點會好食呢？車仔麵最重要嘅就當然係面啦，如果連都唔好食嘅話，我就真係好失望囉。佢啲餸都係只不過不過不失，以呢個水準來講我係絕對唔會返轉頭再食第二次。

一如以往...希望愈大失望愈大!!!Order 既有咖哩魚蛋、澳門包心丸&麻辣豬頸肉...咖哩魚蛋好細粒，份量黎講都有五至六粒既，算係OK!味道都唔錯，魚蛋十分入味，但唔係好彈牙!另一款餸麻辣豬頸肉真係夠哂辣，但麻味缺乏。豬頸肉入口質感唔錯，十分爽口!!澳門包心丸就令人大所望，同食緊普通既白魚蛋無咩分別，只係中間包有魚肉!餐廳店名筷子記是用澳門「筷子基」的諧音，主打澳門美食，白底紅字既招牌寫上「澳門平民麵食」。的而且確，係中環區幾十蚊一頓飯是十分廉價，夠哂平民!但試過就會發現餐廳無咩特別，吃不出什麼澳門特色!!

大肚婆坐正門口風閘超大風要求換位，不被理會。食物真係超普通，無特別好食。埋單見同餐牌價錢唔同，所以問一聲點解，點知個女人pat張點餸紙比我仲好勞氣咁話36蚊碗麵坐成個鐘好抵，而家係午餐唔係下午茶，一輪嘴咁話我，我都係坐左15分鐘食咗碗麵就走。我只係好禮貌咁問咗佢一句點解姐佢答我咪得囉。真係今時今日咁嘅服務態度點得架仲要係中環餐牌上好多野都話係澳門嘅食物我自己本身係澳門人一啲都唔澳門味囉

收工去久違既中環諗住平平地去筷子記回憶下叫左個魷魚、肥牛、墨魚丸洋蔥汁撈粗仲叫多杯凍檸茶無耐回家路上覺得唔妥回到家嘔出來嘔足八次都仲未嘔清個麵媽呀，我以後唔敢喇

三餸撈油面 之前食過中環筷子記撈面，覺得味道幾好，三十幾蚊一碟都唔錯，所以今次行開中環就翻桌。點知！大伏！好難食，好難食... 首先個面好濕好立，完全章住個嘴，口感非常差！個汁有幾款，例如沙茶，沙嗲，蠔油，咖哩，我就揀左沙嗲。另外三款餸，尤魚，大腸，雞翼，質素都ma ma day...好失望，點解會同之前個味差甘遠！係咪油麵既錯？可選其他麵的... 店內仲貼滿哂media訪問介紹，講到幾好食甘，點知！如果第一次食既時候係甘既質素，我一定唔會翻桌..豬扒包一樣好唔掂，塊豬扒乾到不得了...

三餸車仔麵我真係好喜歡吃車仔撈麵架今次我叫了油麵，一份已經好多！而且油麵彈牙。醬汁叫了招牌豉油，甜甜地不會太咸，略嫌淡左小小。三餸我選擇豬大腸丶咖哩豬皮蘿白和墨魚丸。豬大腸好多，又無怪味，好爽口，勁正！咖哩豬皮蘿白小辣，好入味！墨魚丸內好多墨魚，足料！提未⭐️他們的自家制飲料係好麻麻，所以都係叫罐裝汽水穩陣翻焯🍜🍜🍜🍜價錢HK36(下午茶連飲料）

做完野，朋友話帶我食車仔麵 好啦，跟住去 睇下有咩特別！入到去 見到個個都係碟上覺得好得意!原來呢到既車仔麵有得簡撈麵或湯上咁我第一次食緊係簡撈麵啦加豉油同辣油！味道ok!!!係幾特別既~

和朋友在中環參加完workshop,想揾野醫醫肚，但又唔想去連鎖，即刻openrice一下，找到筷子記。之前都幾次經過，但lunch坐無虛席，所以都過門不入。今日終於有機會去下。店子細細，清一色阿姐店員，但十分有效率，雖然星期日，但人都唔少。唔使等位，坐低即刻點左個車仔面。揀左招牌的香菇魚片扒，澳門包心卷同沙茶醬魷魚。三餸先33蚊仲配熱飲。朋友點左聖保羅豬扒包配熱飲先26蚊。車仔面正常水準，湯底幾清，但啲餸無想像中咁特別，魚扒仲有啲硬。朋友就話個豬扒包有熱狗醬係入面，幾鬆脆。不過埋單59蚊，中環黎講，超值，無咩不滿了。