第一郡 (已搬遷) 新店位置

昨天光顧過，1）地方細，張枱明明只可以坐兩個人，係都要座四個人。2）食物質數差，撈檬粉同米粉無分別，檬粉為何不是透明色是白色的？3）肉丸河粉河粉更是酸的。4）芒果沙冰同芒果汁無分別，一d沙冰也沒有，點解要叫做沙冰？總之差得不知所謂。

一向食評唔錯的第一郡，特意避開午市人潮，中午12時前就到了，果然不用等位可直入。名物牛油果沙冰，可能太受歡迎，店內是預先準備好少量以供客人，一落單便有了，不知是否整定所以冇沙冰既感覺，似牛油果奶色多啲，而且唔夠凍，不過我本身唔太好牛油果既都覺得都幾好味，香濃、好滑、質地較杰身的，都幾飽肚。蟹膏蕃茄湯檬，好正，平時其他餐廳既蟹膏蛋花係好易溶哂落啲湯到，但呢到就係結實一舊，確保可以完全食哂唔會浪費左落湯到，唔錯！而且蟹膏味都算濃！不過我最驚喜的是豬紅，好好味，有以前細個食豬紅既感覺，唔似依家啲假豬紅！扎肉有兩款，各一片，左邊個片好食，爽爽地好似有啲軟骨咁。而香葉都生色不少，整體都很滿意！會再幫襯！

幾時都話真係要食好野 要去舊區 無他舖租低d 小本生意可以負擔得起 舖租太高就會得番d大型連鎖食肆負擔得起ga lar今次去食越南野 之前都試過幾次 好鍾意蟹膏番茄湯濛 望落細細碗 實情係多料 豬紅 豆卜 生菜 扎肉 蟹膏 番茄 不過對於蟹膏唔好有太高期望 唔係唔好味 而係溝左d 蛋 不是純蟹膏啊湯底少少酸 好開胃就算係湯麵都好arm 夏天食ga

夏日炎炎，為了尋找越式清爽滋味，先是推薦隱身於深水埗鬧市的一家小店 並非故弄玄虛，Q1的確是「小」店，店面只見四五枱，坐逼些少應該都容納不了廿位 本無餐牌提供，全都寫在白板牆上，但人多易阻礙視線，拖慢點餐進度，還是印餐牌方便 鹹食雖非我的目標，但叫做一場黎到，食哂全套，懶得考慮就點了越式麵包 $40 店方早已對半切分並包卷好法包，便於拿起來食用而不會狼狽漏餡，可算是貼心之舉 法包表層硬脆乾爽，包心厚身而略綿，不過有點乾口，得以飲品相伴 用料豐富，扎肉及肉鬆本來脂膩不重，更得醃菜酸甜醒胃，無疑是清爽之選 馬不停蹄來到甜品環節，班蘭綠豆糕 $13分為三層，班蘭糕翠綠，咬落香口，煙韌軟糯 中間是略綿帶粉的綠豆蓉層，有別於班蘭糕的質感，不怕單調，而且甜得香順不濃膩 只是作為甜點飽肚易滯，要量力而為，加上比較濕潤黏牙，食前先分好小件方便一點 牛油果沙冰 $28在香港屬罕有，牛油果常為冷壓果汁用料之一，但明顯地並非主角 呈淡綠的牛油果沙冰成色自然且易為人接受，稠滑細順，沒有沙冰碎粒所致的粗糙 牛油果潤感盡現而青味不重，甜度恰到好處，何以不愛？

同愛人去完工聯會學跳社交舞，表現相當出色，當然要去食啲好嘢犒賞自己補充體力啦。愛人話想食越南嘢，上開飯網睇到附近有呢間好評如潮的小店，當然要來試試。6點左右到人不算多毋須等位，聽店員講原來剛剛「打完仗」，來到後不久人已經開始多喇。叫左頗多人推薦的蟹膏蕃茄湯檬，香茅豬扒湯檬，湯底不同但各有風彩再叫埋越式法包，睇吓幾多料仲試埋再相當具特色嘅牛油果沙冰，好杰好足料呀！再食埋芒果糕及紫米糕，清甜好味，宣告禮成！食飽飽就上路去睇戲，到夜晚12點幾返屋企都唔肚餓，後來愛人問佢細佬有無食過一間越南小店佢一野就答得出邊間，原來黎過幾次兼且一食難忘。

曾經聽朋友講呢到幾好食今晚黎到深水埗唔知食咩好就諗起不如黎呢到試下黎到點知要等位，前面都有5-6人加上今晚都有30度，真係好熱，一邊流汗一邊已經諗好一陣要飲沙冰終於有位啦，不過係門口位，入到黎但好似無冷氣咁，好彩自己有帶風扇仔餐牌寫哂係牆到，就叫左芒果沙冰，蟹膏蕃茄湯檬，同埋越式麵包落單阿姐話無哂檬粉，叫我地轉河粉，我地都ok既芒果沙冰首先黎到，我充滿住期侍，點知一飲，根本唔可以話係沙冰黎，完全無冰打出黎既沙，而且完全唔凍既，芒果味唔真實，應該話佢係唔凍既芒果奶昔，就最貼切不過啦跟住蟹膏蕃茄湯河，賣相幾豐富，但唔覺得有蟹膏味，只飲到少少蕃茄味呢刻開始留意到點解遲過我地入黎既人都仲有得食撈檬既？即係明明有檬粉，但同我地講無！講埋個麵包，個包唔脆，反而硬硬地，d涵就ok幾fresh，不過太多莞茜(個人唔鍾意)，同我食過好正既越式麵包真係差好遠跟住我已經抱住個中左伏既心情想埋單走人算啦，我朋友行入去俾錢，我見朋友未出黎，我就企係個位隔離等埋佢，等佢行出黎我先郁嘛。但我人都未走，阿姐就急急腳即刻叫出面排隊個兩位入黎，阿姐仲反問我係咪叫外賣呀？我真係呆一呆我都明既，走既人既價值係低d

永遠都要等位''第一郡'',小店坐位不多, 餐廳門口很樸素..要不是看到門口人龍都留意唔到這餐廳''香茅豬肉撈濛'' (上)''蟹膏蕃茄湯濛'' (下)兩碗都大份好食,蟹膏蕃茄湯濛是此店有名招牌菜,如果不知吃什麼好可以點這個... 有好多蟹膏很美味,蕃茄湯亦夠開胃每枱必點的牛油果沙冰, 非常香滑好渴,難怪如此受歡迎... 本身也很喜歡牛油果的味道, 製成沙冰很有創意 ,第一次飲.. 不過飲品很creamy 濃稠,飲左一半好飽肚,可以二人share喝一杯剛好

有日睇某電視台介紹呢間小店嘅店主，睇見佢對食物嘅堅持同埋喺本地生活嘅歷程，覺得有少少感動～於事塔塔子就黎尋找佢嘅味道！晚上黎，時間尚早所以唔洗點等，不過都差唔多full哂，所以坐得有d逼，不過小店就係咁架啦，塔塔子明白的佢嘅豬肉其實係豬腩肉，但食落去一d都唔覺油膩，因為豬肉片好薄，肥瘦比例剛好，而且加埋青瓜甘荀等等嘅配料，食落去非常清新，而又有少少腩肉嘅油香，好適合而家咁悶熱嘅天氣呀賣相掂味道都掂一個top shot先影到佢咁豐富嘅配料呢！湯底濃郁有蟹膏嘅鮮味，加上蕃茄味，超級開胃！仲有越式紮肉，豬肉呢d配料，真係好滿足本身仲想試埋佢嘅糕點，可以到晚市已經好多都賣哂啦！塔塔子唯有下回請早啦！

上次第一次去呢間小店朝聖, 原本好想試佢既斑蘭綠豆糕, 點知已經賣晒, 有D失望....唯有試左蟹膏蕃茄湯檬先.  碗粉單叫$45, 好大碗呀, 望落去D顏色都好靚, 又紅又黃又綠咁, 色彩繽紛湯底比想像中清D, 但係味道幾鮮甜, 又有D香葉味, 特別得黎又幾好味. 同埋原來有好多蟹膏 (未食之前仲以為係炒蛋), 仲有成半個蕃茄, 生菜, 札肉, 豬紅, 豆卜, 配料好豐富呀! 好耐冇食過豬紅啦, 估唔到入面有豬紅, 味道仲同個湯底好夾呀!! 食完好飽肚! 不過檬粉口感麻麻, 我覺得似係米粉多D喇! 下次想試下佢既麵包同埋斑蘭綠豆糕!

今日星期日梗係要試下新野啦，之前係纲上留意到個美食blogger ，感觉佢講得都幾好，甘同個fd黎试呢间第一郡！我地点左大熱既，蟹膏番茄湯檬，扎肉捞檬，米纸虾卷，牛油果沙冰，冰滴咖啡。首先上菜超快，先来係米纸卷，佢配既汁的確好野味，而米纸卷好扎实，如果唔配汁本身無乜咩，但入面可能有薄荷葉食到甘上下会有淡淡清新既香，好食！之后我既蟹膏湯檬来了，超大碗！可能食完米卷啦，見到太大碗已冇乜食慾，湯係正常既但唔会想特登去飲多幾啖，带点番茄味，但唔覺蟹膏味，個蟹膏炒蛋都食唔到蟹膏，只係一件抄老左既抄蛋，番茄就正常街市大番茄，豆卜係ok既，札肉我唔鐘意佢太厚，太扎实，食唔到有味，好平淡，全碗最正係粒猪红，我能我太耐冇食！真係好有豬红味，係以前大排擋個D，而个所谓檬粉，我稱佢做米粉，好碎，好普通，多到食唔晒！朋友个檬都冇乜好講，D札肉同米粉都係甘，唔好食，個檬汁唔夠野味，叫服务员加汁，都好好服务好樂意地加左，发现同坊间既檬汁係唔一樣，佢個汁真係好淡下！成碗野又大碗，又冇乜味食到一半我地都停哂手了！飲品方面都好出色，同食評講既差唔多，我就唔講拉，建議二個人去试叫一碗就夠啦，叫D小食，就夠，因为個牛油果D

見到這麼多食評推介，又說每天都要排長龍，抱著希望去食，結果都是失望而回！我們4人叫了『越式麵包』←口感味道配搭很好『香茅豬肉撈檬』『扎肉撈檬』←香茅豬肉好味，扎肉不過不失，但撈檬竟然是暖，難道我之前在其他店吃的是凍不是正宗？『米紙春卷』←冇驚喜，一般貨色，不過沾醬可以加分，有濃濃花生香味『牛腩燉蔬菜』←味道普通，不過不失『牛油果沙冰』←都幾好飲，不過唔凍囉只能夠講呢間嘢去一次後無回頭，唔係其他食評講到咁驚喜！

超好吃的一家店，大赞！所有东西随便点，都好吃！性价比高！人均80#蟹膏番茄汤檬 超级好吃！看不出汤是红色的 但是汤很有番茄的味道#牛油果沙冰 一点都不凉 一直担心是冷饮 其实算是偏常温的 好喝疯了！有浓浓的果香和奶香味#越式面包 我的最爱！面包烤的很脆 里边的料也超好吃 说不出是什么 好像有肉松 香菜 总之必须尝试！#斑斓糕 好吃！我原本不爱吃甜点 但是这款绿豆味的真的好吃 里边有奶一样白色的 奶味很浓！大爱的一家店

經朋友介紹特登放工嚟到深水埗食越南野！一去到就見到條小龍，好彩等左15分鐘左右就入得！入面得5,6張枱，位置有限，大家去到要預一定要等位。野食分為法包同檬粉，我就目標為左食扎肉法包所以一去到就點左個包，再加杯牛油果沙冰 扎肉法包有蘿蔔絲，青瓜，葱等等做配料，法包烤得好脆，唔會硬，食落酸酸地，好fresh!! 價錢只係38蚊，好大個，一個女仔未必食得唒 另外，牛油果沙冰勁正！好creamy 又有d椰奶味，非常好飲！而且只係28蚊，真係好抵買

叫左蟹糕湯檬 + 沙甸魚軟包蟹糕湯檬: 好大舊蟹糕!初頭諗, 點解會俾咁多架, 食落發現,佢係蟹糕+ 蛋煮過, 所以質感實D, 唔會一PAT PAT, 係一舊舊, 都幾香, 連我呢D 唔太食蟹糕GE人都覺得OK。入面仲有好多材料, 有大量菜,。札肉有兩大片, 厚切! 好食! 另有類似豬紅GE野, 但沒有試。檬粉似米線多D, 個湯都OK, 幾甜。可以話係足料!沙甸魚軟包: 個包是熱的, 正! 夾住好多酸羅白, 好醒胃, 仲有芫萋, 夾埋一齊好香, 沙甸魚應該是罐頭貨色, 但都好足料。其實想叫米紙蝦卷, 但8點去到已經賣哂...班蘭糕都賣哂...後尾聽到連檬粉都無了, 佢地入GE材料未免太少吧, 餐牌GE 選擇亦唔多, 要改善.... 不過STAFF 幾NICE

早兩星期在深水埗午膳後，特意走到Q1第一群，打算外帶幾個綠豆斑蘭糕打為飯後甜品~怎料它們又是已經售罄我已是第二次來到Q1買綠豆斑蘭糕，上次是晚上所以也售罄，想不到這回天還未黑也已賣光光所以今次我亦同樣只能失望而回