第一郡 (已搬遷) 新店位置

同愛人去完工聯會學跳社交舞，表現相當出色，當然要去食啲好嘢犒賞自己補充體力啦。愛人話想食越南嘢，上開飯網睇到附近有呢間好評如潮的小店，當然要來試試。6點左右到人不算多毋須等位，聽店員講原來剛剛「打完仗」，來到後不久人已經開始多喇。叫左頗多人推薦的蟹膏蕃茄湯檬，香茅豬扒湯檬，湯底不同但各有風彩再叫埋越式法包，睇吓幾多料仲試埋再相當具特色嘅牛油果沙冰，好杰好足料呀！再食埋芒果糕及紫米糕，清甜好味，宣告禮成！食飽飽就上路去睇戲，到夜晚12點幾返屋企都唔肚餓，後來愛人問佢細佬有無食過一間越南小店佢一野就答得出邊間，原來黎過幾次兼且一食難忘。