第一郡 (已搬遷) 新店位置

在太太推介下，我倆來到這間越南小店，星期六的中午都要排長龍，等了半小時才有位。叫了蕃茄蟹膏湯檬、牛腩燉蔬菜、牛油果沙冰、越式粉卷，後加兩件班蘭糕，既清新又不肥膩。其中牛腩燉蔬菜，牛腩夠入味，用醬汁蘸附上的法式麵包，最適合不過，又好吃。不過要記住，這道菜只在星期六及日才有得食！若果平日前去，就唔好意思喇！簡簡單單的味道，就是最吸引的地方。美食，從來不需要太多花臣，只要用心製作，必有很大的吸引力，讓我倆有機會再次光臨。

蟹膏蕃茄湯檬，芒果沙冰，班蘭糕幾十蚊有大大舊蟹膏食都真係幾開心的，不過最鍾意都係班蘭糕，好煙韌，椰子味同班蘭美都好出但又唔甜但最唔開心係，俾錢個刻先見到芒果糕同榴槤糕，好吸引呀😂

之前行街見過幾次呢間新開既越南食品店都好多人排隊, 而且夜晚見佢都好早收(9:00PM),  心諗應該都係好野; 今晚終於同埋兩個舊同事一齊來試下三個人簡簡單單叫三樣食物+三杯飲品, 分別係招牌既蕃茄蟹膏湯檬, 扎肉湯河, 越式麵包 再加兩杯牛油果沙冰同越南咖啡估唔到佢既扎肉湯河咁好味, 湯底望落唔濃, 但入口好有味, 加上金不換既氣味令成個檬都好香, 扎肉亦夠厚同實淨, 夠咬口,  反而個招牌蕃茄蟹膏湯檬, 可能俾蕃茄味蓋過, 冇左越南湯檬一般既香濃湯味, 只有酸味主導, 好在蟹膏落手夠多, 食落口成個檬都味道豐富; 而個越式麵包都好正, 入面既酸蘿蔔好鮮, 同D肉好夾, 而且夠大份, 三個人SHARE就啱啱好唔會太頂肚呢度飲品都好正, 越南咖啡地道不在話下, 兩杯牛油果沙冰非常清新, 估唔到平日淡淡地唔太突出既牛油果, 做起飲品會咁好味. 今晚七點半來到等位到八點先入座, 但已經有幾樣招牌菜賣哂(米紙蝦卷, 牛腩燉蔬菜) 如果想試既朋友就要預早小小時間了.

之前係facebook 見到有介紹呢間小店，所以就帶埋朋友去試下，睇下係咪咁好食！我地星期四去，唔係等左好耐位，但店內真係比想像中細，只齊合二三個人去食。又熱又餓，坐底即刻叫左兩杯凍飲，我朋友等唔切我影相就飲左半杯😂😂即整既奶昔，奶味濃，牛油果飲落幾健康咁😂😂食越南菜一定要叫法包！！ 食落好豐富，啲菜酸酸地好開胃！而聽聞呢到既番茄蟹膏檬粉好好食，我見到朋友試食一啖之後露出左一個好幸福既表情個陣，我就知一定好好食🤤🤤 啲湯勁濃同鮮甜，好想成碗飲曬啊！！！同埋個豬紅好好食，成碗得兩舊唔夠喉⋯⋯我地本身仲想食呢間店既綠豆糕同蝦卷，但估唔到賣曬⋯⋯星期四都咁好賣，咁六日黎咪咩都賣曬🤔🤔總括而言，呢間店既食物質素係令人有驚喜，雖然離地鐵站有啲近，但都會再試

鋪頭細細正宗越南野的味道👅除左蟹膏湯檬外，誠意推介大家試札肉湯河!同連鎖鋪頭唔同 佢啲札肉係有厚度既同埋有超多herbs係面😍另外仲叫左米紙蝦卷同越式法包米紙蝦卷個醬先係重點，有濃濃的花生醬味！又係一定要叫既，小編覺得叫一條share都得因為米紙卷入面都係檬粉所以都好飽肚越式法包有札肉同酸蘿蔔絲食落都幾開胃！重點係個包有脆既感覺！野飲方面越式咖啡同牛油果沙冰🥑都可以一試！個人偏愛越式咖啡因為真係越南的味道🌝偶然都會因為杯咖啡想再去食 至於牛油果沙冰係真材實料好有牛油果味 不過個人認為佢應該叫牛油果奶式因為佢真係好稠同埋好飽肚

今日諗緊同豬頭晏奏去邊度食既時候，豬頭就突然話要去深水埗間第一郡食越南野…我未聽過依間野，但既然唔駛我諗就當然點都話好啦～去到間野門口…見到好長條龍…心諗咩事咁猛料成3點都咁多人排🤔🤔🙄…排左半個鐘終於有得食！本身見佢係越南野打算叫個pho啦～點知無wor...咁就叫左個佢地出名既番茄蟹膏湯濛同越南麵包，再另外叫左個滴溜咖啡～個湯濛真係好好味！個蟹膏好惹味，同D瘦肉好夾！相對上其實蕃茄味就唔係話特別好重同濃，反而都有陣海鮮味！另外個越南麵包同我之前係美國同越南食過既味差唔多，即係夠曬正宗！價錢亦唔算貴…係值得一試既佢其實有軟包同麵包，麵包即係平時既法包，脆口、硬身，入面料都足夠！杯滴溜咖啡…上既時候已經成杯咖啡係度…我懷疑個滴溜裝置只係裝飾～～當然亦唔排除佢係一早滴定既，味道還算可以既～大家經開深水埗又想試d唔同d既野，可以黎試試！

8:00左右來這裡吃 還要排長龍 等了25分鐘 終於可以進去用餐了 這裡關9:00(應該是截龍) 所以最好早點來 遲來的話 很多東西都售罄了 旁邊也有越式餐廳 但很少人 看來這一家是不錯的我點了一杯牛油果沙冰($28)和番茄番茄撈檬($45)沙冰挺好喝 就是牛油果加乳酪 不會太甜檬粉裡的所有菜都很新鮮 有半個蕃茄 札肉(好彈牙) 豆腐粕 生菜 豬紅(不會軟軟的 有咬口) 芽菜 還有泰國香菜 非常清新 不膩 總之有點酸辣湯的味道 但沒有辣 haha我不知道自己說什麼了🙈

某日做野經過荔枝角道發現有間門口外表平平，但內裡都幾多人既食店，上openrice search完發現係一間食越南野既餐廳。入到去環境都算闊絡，等左一陣就有位啦，不過係門口位所以成日開門關門出入都會有少少熱。佢地既menu係手寫列哂係牆上，同埋都有啲圖片，唔多選擇，但都幾吸引，其中第一眼吸引到就係牛油果沙冰啦$28@ ！好少餐廳會有牛油果沙冰飲架，咁就即刻叫返杯先，一飲落去覺得好透心涼！佢加左奶落去打，所以飲落好滑好舒服，對我黎講有少甜但正常人絕對係可接受，沙冰打得夠細唔係求其咁打兩野，至於牛油果味都好出，不過貪心既我覺得可以再多啲牛油果咁就濃啲再fresh啲！跟住我再叫左個蟹膏蕃茄湯檬$45@，好大碗呀！而且有手掌咁大既蟹膏同成個蕃茄，湯底亦都好夠味，絕對值得一試。食完成碗粉都飽哂，加埋一杯牛油果沙冰真係炎夏之中既一點快樂！仲有一點可以講下：佢個位係正康瑞甜品格離，十分易搵！

其實呢間越南野都食過好多次，因為係屋企附近，有時放工行過會食、有時會外賣返屋企食添，今次終於的起心肝寫返個正評比呢間食店啦！個人比較推薦越南包 同 米紙蝦卷，除左好食之外，食起上黎都幾方便！越南包有分軟包同硬包，軟包故名思義就係個包比較軟，細個硬包，同平硬包啲啲咁，內容大致上一樣，有青瓜，蘿蔔，芫茜，札肉，肉鬆等，青脆蔬菜加上甜甜味的肉配，加埋一齊好清新的感覺！硬包個包就脆啲硬啲，無咩牙力既朋友可能要注意下喇！軟同硬包就會切開兩份，方便食之餘，又可以同朋友開心share丫嘛😉而米紙蝦卷就更加方便食用啦，用芭蕉葉包住蝦卷，等你可以食既時候拎住葉既部分，逐啲撕走食既部分的葉，唔使掂到個米紙黏黏咁，又衛生！米紙入面包住米粉，蝦，芫茜，札肉等等，重點係要點佢個醬食，甜甜既醬加上啲花生碎蘿蔔酸菜咁幾好食架！個味亦好夾！係一個清新開胃既食品！最重要係我會必飲佢既咸檸七喜，咸檸岩岩好中和左超甜既七喜，好消暑，又消氣😂雖然價錢係深水埗黎講唔算親民，但味道係唔錯架！

I love to eat Viet food so much and I would say this one is the best in HK and the price is so cheap compared with others. The original bread only sells at $28 and full of fresh veggies and some ham. The taste is just like what I tried in Viet! The another thing that you must try would be the iced avocado milkshake, very creamy and have some coconut flavor.The pho here also yummy as well!   

六點幾去到，好好彩有位座，之後就越黎越多人，排晒長龍，好誇張。牛油果沙冰🥑😋好味，我鐘意，不過漏D , 飲唔晒。越南滴壺咖啡☕️😋好飲呀!!!叫左凍飲，多杯冰，加3蚊😁😁蟹膏蕃茄湯檬🦀🍅🍜😋我唔食豬紅，叫佢走豬紅，好大碗，個湯幾香😆😆越式麵包🥖😋，好開胃，酸酸地甘😋想食米卷同班蘭糕，好可惜買晒了。😂😂😂😂😂😂

兩年前去過一次越南，短短的幾天停留就使我深深地愛上了越南的味道，回港後一直想要找一家好吃的越南餐廳，前兩天看到一篇關於第一郡的報導， 急不及待要來一探究竟。不知道是篇報導的影響還是本來就是很有名，我中午一點鐘到達的時候門口已經有十來個人在排隊，看到這景象令我更期待出品食物，最後我們大概排隊排了30分鐘。蟹糕蕃茄湯檬看上去有點像港式車仔麵，可能是因為豆卜豬紅吧！第一次試有蟹糕的湯粉，感覺很新奇味道也沒有想像中的會有腥臭味，口感有點像炒蛋放進湯裡，雖然湯沒有蕃茄的顏色卻有淡淡的蕃茄味，配搭恰到好處。有點美中不足的是店內沒有像在越南一樣，提供香葉、青檸和辣椒給客人自由添加。賣相很吸引的一道菜式，米卷基本上沒有放任何調味料需要配醬料佐食， 米卷的蝦不是我想像中的爽口彈牙（習慣了鮮蝦腸粉中的蝦爽口彈牙），米卷中的材料還有米粉和薄荷，因此味道很清新。用芭蕉葉包裹是有原因的，如圖所示是老闆娘親自教授的食法，把芭蕉葉撕開一半再點醬汁，又長知識了。越南法包是本人最愛的越式食物，去台灣環島單車環島時每每見到都必食，在香港還是第一次試。味道也很好很足料，有酸蘿蔔在裡面很開胃，可以中和肉鬆和牛油的肥「利」感，

鋪頭細細，點知原來有好野食之前已經知道尼間係好野，但都要等好耐，難得平日有假放就去食，2點左右去到，好彩吾駛排隊，就叫左個撈檬同斑蘭綠豆糕食，真係一食愛上撈檬，非常清新，面同配料，1:1斑蘭綠豆糕，prefect match，買哂就無架有時間一定會再去食

星期六中午，肚子餓得不行又想不到要吃什麽，便找了一家感覺口碑不錯的越南菜一試。店鋪在荔枝角道，也不算難找，快要靠近的時候便看到一條長長的人龍，真的忍不住大叫了一聲：不是要排隊吧？（注：我是非常討厭排隊的）奈何事前沒有仔細閲讀食評，況且已到達餐廳，只好乖乖站好，心理暗地祈求餐廳裏面的人再吃快一點吧。幸好當天不算炎熱，玩玩手機、聊聊天，半個小時很快就過去了。我們被安排在離門口比較近的座位，也算坐得舒服。由於我們是第一次到來，在店裏看到餐牌和其他客人吃的菜，本想要討論一下要點什麽。豈料，店員很快就站在我們旁邊問我們要什麽，我們說還在決定，她卻沒有離開。有點壓力的感覺之下，只好趕緊下單，看來我還真不適合來要排隊的小店。米紙蝦卷（2卷）$32這米紙蝦卷用一片葉子包著，視覺上還挺不錯的。吃下去，味道不過不失，跟外面連鎖店或其他小店也沒什麽差別。醬汁是米紙蝦卷的精髓，基本上每咬一口要多放一次醬汁，很快就把醬汁用完，難怪額外的醬汁要另外收費呢！越式麵包 $40這個説實話真的蠻好吃的！法包比想象中好，外層香脆，裏面鬆軟，不會太硬或太軟。麵包裏面的用料豐富，扎肉、肉片、肉鬆和酸菜等等在加上醬料，口感豐富之

炎熱的夏天，適合吃越南菜。男朋友帶我去這間越南小店，地方有點難找。狹窄的小店，環境簡陋，乾淨企理。可惜選擇小，小食種類不多。最後選了，蟹膏蕃茄湯檬、雞絲撈檬和法包。蟹膏蕃茄湯檬湯底靚，蟹膏新鮮，不會臭醒，加上蕃茄，非常開胃。越式法包價錢不貴，法包加上青瓜、蘿蔔絲、扎肉等等，口感配料配搭得不錯👍好足料！雞絲撈檬夏天吃這道菜，非常開胃。雞絲、酸蘿蔔、青瓜等等，味道好清新，越汁味道剛好，不會太酸，整體上不錯。