笑笑居樂屋 (已結業)

兩個人晚飯叫左五碟野:芝麻醬豆腐煲-個醬汁好好味,個鍋入面有滑滑豆腐,豬肉同埋少少免治肉,如果有白飯撈埋仲fit野菜吞拿魚腩春卷-味道清淡,口感一流,唔錯,略嫌魚味不夠紫菜吞拿魚腩蓉飯-一般,米飯好痴,帶點硬性,吞拿魚份量亦少炸芝士魚蛋-好好味,芝士+魚蛋非常好食半熟蛋凱撒沙律-唔錯,但係半熟蛋無日本果d蛋味咁香濃,好明顯都係美國蛋碟頭好細,多人去的話,要叫多幾碟,分分鐘叫到窮服務一般,大部份侍應笑容欠奉,個別侍應說話亦不清晰星期一晚去,係Ladies Night,食完仲有五十蚊現金卷送返,好抵!!

其實同和民相比應該會發覺佢既野食size係比較多些，而且我比較喜歡笑笑既裝設呀！日本味道較重，三五知己去就最好啦！不過最嫌1book定位啦！咁就方便啦！佢lee 間既service 一定就好過銅鑼灣果間啦！唔舍點解會咁呢，希望佢果間d 服務態度改下啦！

終於來了！本人一向都不想再到類似和民的居酒屋吃飯，因為一定吃不飽，但是次友人提議兼佢請客，沒理由反對。看罷Menu，由友人發辦，叫了十多樣，但樣樣都得少少，我們五人吃完等於冇吃，味道雖是比和民優勝，可是叫多多都唔飽，於是我們齋坐，叫了三支sake，卻再沒有落單，搞到我番屋佢要煮個烏冬填肚，唉~~~

我同班fd一個月都會上去1,2次其實有d book房ge問題因為我同另一個fd打去問,重有個係即場問:1)最少幾多個人先可以要佢間房?有時5個人,有時6個人2)min. charge?130-150都有(視乎邊個聽電話而定)service...我同朋友們都非常鍾意一位pt waitress, helen小姐. 因為無論態度,禮貌同笑容都係100分!佢會主動問我地有冇特別需要就算夠鐘收工都唔會黑口黑面趕客走真係超級好!>w<b我明白居樂屋主要去玩而唔係食飯...但分量可以再加多d...因為要叫好多野先會食得飽同埋...呢簡係食日本野ge舖,但係成日播英文歌ge...?重有, 我唔清楚香港ge笑笑點解12點就close呢?因為我地大部份人都係o係日本笑笑食過(白木屋,魚民等) 太早close啦>_< 我地去開都係5.00pm-5.00am...重有d歌, 可唔可以up快d? d歌目唔夠update尤其是日文歌, 雖然日本笑笑都ok少歌但白木屋up得好快, 請更進!

我今次個兜.... 土左豆腐真係...差到無野講... 我未試過係咁硬... 又咁膿....而且上菜很耐.... 廚房好慢... D 茶... 勁淡... 希望有改善...

昨晚, 本答應個friend 的邀請, 去瓊華中心他有點股份那間\"富記飯店\" 試下菜, 順便去囉底糕試下味, 但放工時間最後都超過9:00 ...幾個友人話下次近年尾先再去\"富記\"吃團年飯....上到11樓, 原來都有d 人等下... 我3人... 估唔到.. 都有個僻靜既角位...呢個區位... 係要脫鞋先可入坐的... 傾計的確好地方... 台上有個鈴, 按制有侍應黎招呼...食物其實就同\"和民\" 差不多, 我自己覺得味道就\"和民\" 好似岩口味d , 可能食慣了, 叫了...3色刺身- 甜蝦3隻, 三文魚3件, xx魚又3件, 一般囉不過不失笑笑沙律- 呢個好好味.. 最愛呢味...三文魚子卷物- 口感幾好, 中間卷著d生菜... 唔太膩..炸雞軟骨- 呢個炸得好好, 爽脆... 唔會顫底好多油..杯子蒸蛋- 麻麻... 蒸得老左d..正宗日式燒餅- 呢個幾得意, 有食厚批感覺芝士年糕- 呢個做法同\"和民\" 好唔同, 中間竟然有堆菜, 年糕面仲有隻生蛋... 但都好吸引土左豆腐- 非常差... 以為係非洲運過黎... 黑到呢... 無野講, 連d 木魚碎都黑晒.

食物一般, 好似好有idea, 但係食落真係麻麻, 所謂ge創意反而顯得有D多餘, 唔太欣賞. 假如做得好味, 做傳統野都唔係問題, 整得唔好味, 再古靈精怪都係多餘服務真係好差, 舉親手都冇人睇到, D碟放到一抬都係都冇人收, 到底係service問題, 定係燈光問題呢?? 最失望都算係呢樣. 話晒都係集團, 如果D staff真係咁弱ge, 請個人返唻train下啦, 唔該!

記得有一次下午去過這裡, 但好似好靜無人食所以無入去試, 今次終於同男友去食了。待應安排了L形的情侶座給我們^@^, 環境清靜好舒服叫了以下四款食物:鍋燒烏冬: 有個gas爐熱住上, 烏冬好滑,有靈芝菇及日式魚蛋, 上面仲有一隻生蛋, 但鰻魚天婦羅有好多骨,唔係咁好味日式薄餅: 好軟熟好香, 個燒汁好濃味, 木魚絲又夠多, 內層有麵及豬肉片, 好味呀炸雞軟骨: 一d都唔油, 好脆好味, 不過最好唔好用生菜墊底芝士焗年糕: 日式年糕上蓋上芝士及一隻蛋, 幾香芝士味, d年糕都好軟, 好得意埋單時待應說係女仕日, 所以有贈卷送, 真有趣^@^

昨晚同個朋友黎左呢到食,朋友個妹推介,門口望一望menu,個勢似和民,都係幾十蚊,咁咪試下,我地坐係一個卡位,其實個到有一半位都係卡坐,感覺唔錯,傾計唔怕比人聽到.我地叫左北海道雜錦壽司$68(8件),ok啦,普通新鮮,日式燒餅($3x),有d硬,味道唔錯,鍋燒烏冬($6x),烏冬好滑,但炸鰻魚有好多骨,唔係咁好味,牛油鐵板帶子($3x),好味,有鮮味.埋單一人$100,都ok,唔係好貴.中途我朋友發現有隻昆蟲係碗烏冬到,staff即係換過鍋新既比我地,幾好.我地坐左成3個鐘都冇趕我地走,仲幫我地加茶.食物水準ok,服務唔錯,坐得舒服個到上菜好快,如果食得唔快,最好分2次叫,唔係會凍晒架~

Last night, I went there for dinner. Waiting time is reasonable. It's around 15 mins. It's better Watamai! They got free magazine for those people who are waiting. But most of them are fashion magazines. we, two, placed four orders (beef hot pot, scallop with butter, salad, baked "Lin Go" with cheese and Icecream with coffee jelly). Total $220 for two. I like beef hot pot. The beef soak with sauce and dip into raw egg. The beef is fresh. scallop with better is more or less same as other Japanese

尋日同朋友去食lunch, 第一次去呢間野,我地先o係門口睇睇有乜好食,叫門口個侍應姐姐介紹下有乜好食,佢都好似講到冇乜特別咁,都係普通日本野,幾好笑!後來我地叫左個石頭鍋飯,豬骨湯麵同鐵板牛肉粒(黑椒汁),幾樣野o既味道都係一般啦! 真係好似個侍應姐姐所講,冇乜特別! 但我覺得個牛肉最唔抵,因為有d"un"呀!

今晚同友人食夜晚果餐,佢推介呢間我又未試個咪試下囉~太家都唔係太肚餓咪叫d唔係太Heavy o既o野食.5款刺生+三文魚卷+石頭炒飯3樣o野咋~刺生講真唔新鮮.尤其係D蝦都OK難食.整體D刺生都好腥.反而三文魚卷係最可取果隻但都係麻麻.至於個石頭炒飯個賣相OK但唔係太好食.總括黎講我覺得D o野唔係咁得.但環境同Service就好OK.

之前已經想去試o下...o尋日下晝去o左吃午餐。大概12:30去到...因為剛開門，店內沒有多少人...和朋友共3個人，坐在近後門的一張卡位...服務生都很殷勤和有禮貌！午飯套餐有12款選擇，配沙律、三文魚刺身、前菜和飲品(7款選擇)。風格和"和民"很像，價格也差不多，不過上菜就快多了。我自己點了和風炒烏冬定食，今天的前菜是凍肉碎薯蓉，沙律是凍豆腐，配了凍咖啡。朋友則分別點了燒牛肉定食和日式三文魚碎炒飯定食，賣相都不錯，燒牛肉定食是有個爐自己燒的...不過呢個定食個盤真係好大...D枱已經比好多食店大張...但都擺o左四份一張四人枱...再加埋前菜、飲品，張枱都好似唔係好夠用...另外仲加o左個香蔥吞拿魚腩壽司(6件)。整體上味道唔錯，份量亦足，不過炒烏冬冇咩特別，下次會試其他款式o既o野...

昨晚去左食, 7點幾去到唔算多人等左一陣就有位, 呢間野係旺角o黎講算係好好坐, 服務亦都好好, 一定好過樓下壽司亭好多, 兩個人食下, 飲下就3個鐘, 飲飽食醉埋單都係$360, 跟住唔知慶祝咩仲有50% coupon 送番, 我覺得算抵, 下次一定會再去

我地星期日晚8點黎到…竟然唔使排隊…看來都不是太多人吃呢…我們點了煎蛋卷、雞肉薄餅、日式煎餃子、蛋包飯、日式炸豆腐、滷水雞翼等。我覺得頭五樣也不錯，尤其是煎蛋卷，不是每間日式餐廳都有，但我常常在漫畫上看到主角吃，所以很想一試，果然相當不錯。蛋包飯用石頭鍋盛著，很香~~雞肉薄餅很特別也很好看~~~有機會會同男朋友來試試~~他是隻為食豬…唔知岩唔岩佢胃口！我自己就覺得唔錯，雖然都係鍾意和民多d！我們還點了日本beer來喝呢~~而且餐廳d位好寬闊!!!坐得很舒適~